تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەن كامبودجا پاتشاسى شيحاموني جۇڭگو مەن كامبودجانىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى جونىندە ءوزارا قۇتتىقتاۋ تەلەگرامماسىن جولدادى

لي كىچياڭ مەن كامبودجانىڭ باس ءۋازىرى حۇڭسىن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 7 - ايدىڭ 19 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ مەن كامبودجانىڭ پاتشاسى شيحاموني 7 - ايدىڭ 19 - كۇنى ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا مىنالاردى اتاپ كورسەتتى: 60 جىلدان بەرى، ەكى ەل حالقى بوران - شاشىندا بىرگە بولىپ، ءوزارا قارايلاسىپ، ءبىر - بىرىنە كومەكتەسىپ، قارسى تاراپتىڭ وزەكتى مۇددەسىنە ساياتىن ماسەلەلەردە ءوزارا قولداۋ كورسەتىپ، ءبىر - بىرىنە كومەكتەسىپ، تەرەڭ دوستىق ورناتتى. بەيبىت قاتار تۇرۋدىڭ 5 پرينسيبى نەگىزىندە ورناعان جۇڭگو - كامبودجا دوستىق قارىم - قاتىناسى ۋاقىت سىندارىن جانە حالىقارالىق جاعداي وزگەرىسىنىڭ سىناعىن باستان كەشىرىپ، بارعان سايىن تەرەڭدەپ، قاۋلاي ءتۇستى. ءبىز مىنانى قۋانىشپەن كورىپ وتىرمىز: جاڭا ءداۋىر شارت - جاعدايىندا، ەكى ەل قارىم - قاتىناسى تاعى دا تىڭ، ارشىندى دامۋعا قول جەتكىزدى، ءسىز ەكەۋىمىزدىڭ ءوزارا ساپارىمىز ەكى جاقتىڭ ساياسيداعى ءوزارا سەنىمدىلىگىن ۇزدىكىسىز كۇشەيتتى، «ءبىر بەلدەۋ، ءبىر جول» سەلبەستىگى كورنەكتى ناتيجە كورسەتىپ، جۇڭگو مەن كامبودجانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ ءمانى ۇزدىكسىز بايىپ، ەكى ەل حالقىنا ناقتى پايدا جەتكىزدى، سونداي - اق ءوڭىردىڭ، ءتىپتى، بۇكىل دۇنيە ءجۇزىنىڭ بەيبىت دامۋى ءۇشىن بەلسەندى ۇلەس قوستى. مەن جۇڭگو - كامبودجا قارىم - قاتىناسىنىڭ دامۋىنا ايرىقشا ءمان بەرەمىن، تاراپتاردىڭ ۇزدىكسىز قول ۇستاسا قۇلشىنىپ، ءداستۇرلى دوستىقتى اسقاقتاتىپ، ءوزارا ءتيىمدى سەلبەستىكتى تەرەڭدەتىپ، جۇڭگو مەن كامبودجانىڭ ستراتەگيالىق مانگە يە تاعدىرلاس ورتاق تۇلعاسىن بىرگە قالىپتاستىرىپ، بىرگە دامۋدى جانە گۇلدەنۋدى جۇزەگە اسىرۋىن ءۇمىت ەتەمىن.

  شيحاموني قۇتتىقتاۋ تەلەگرامماسىندا مىنالاردى ءبىلدىردى: كامبودجا - جۇڭگو دوستىعى ۋاقىت سىناعىنان ءوتىپ، جان - جاقتى ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرىلدى. كامبودجا ءبىر جۇڭگو ساياساتىن تاباندىلىقپەن اتقارادى، جۇڭگو كامبودجانىڭ ءوز مەملەكەت جاعدايىنا ۇيلەسەتىن دامۋ جولىن تاڭداۋىن بار كۇشپەن قولدادى. تاراپتار تىزە قوسا سەلبەسىپ، ەكى مەملەكەتتىڭ ورتاق مۇددەسىن قورعادى ءارى ءوڭىردىڭ، ءتىپتى، دۇنيە ءجۇزىنىڭ بەيبىتشىلىگى، ورنىقتىلىعى جانە گۇلدەنۋى ءۇشىن ءتيىستى ۇلەس قوستى. دۇنيە جۇزىندەگى 2 - ءىرى ەكونوميكالىق تۇلعا رەتىندە، جۇڭگو دۇنيە جۇزىندە بارعان سايىن ماڭىزدى رول اتقارىپ، كامبودجانى قامتىعان دۇنيە جۇزىندەگى ەلدەرگە ناقتى پايدا جەتكىزدى.

  سول كۇنى، مەملەكەتتىك كەڭەستىڭ زۇڭليى لي كىچياڭ مەن كامبودجانىڭ باس ءۋازىرى حۇڭسىن دە ءوزارا قۇتتىقتاۋ تەلەگرامماسىن جولدادى. لي كىچياڭ قۇتتىقتاۋ تەلەگرامماسىندا بىلاي دەدى: بيىل 1 - ايدا مەن ءسىزدىڭ شاقىرۋىڭىزبەن كامبودجادا ءساتتى مەملەكەتتىك ساپاردا بولدىم، ءبىز ەكى ەل قارىم - قاتىناسى مەن سەلبەستىگىن دامىتۋ جونىندە جاڭا ورتاق تانىمعا كەلدىك. جۇڭگو جاق كامبودجانىڭ ءوز مەملەكەت جاعدايىنا ۇيلەسەتىن دامۋ جولىمەن جۇرۋىنە ۇزدىكسىز تاباندىلىقپەن قولداۋ كورسەتەدى. مەن سىزبەن بىرگە قۇلشىنىپ، جۇڭگو مەن كامبودجانىڭ ءداستۇرلى دوستىعىن ونان ارى بەكەمدەپ، ناقتى سەلبەستىكتى ونان ارى تەرەڭدەتىپ، ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن تىڭ ساتىعا كوتەرۋدى قالايمىن. حۇڭسىن قۇتتىقتاۋ تەلەگرامماسىندا بىلاي دەدى: مەن ەكى ەلدىڭ ناقتى سەلبەستىگىنىڭ ۇزدىكسىز كەڭەيگەندىگىن، جۇڭگونىڭ كامبودجاعا ەڭ كوپ قارجى سالعان ەلگە جانە كامبودجاعا ساياحاتشىسى ەڭ كوپ كەلگەن ەلگە اينالعاندىعىن قۋانىشپەن كورىپ وتىرمىن. كامبودجا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن ەسكە ءتۇسىرۋ قيمىلدارىنىڭ ەكى ەلدىڭ اعا - باۋىرداي دوستىعىن كۇشەيتىپ، ەكى ەلدىڭ جان - جاقتى ستراتەگيالىق سەلبەستىگىن تەرەڭدەتەتىندىگىنە سەنەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.