اۆتونوميالى رايونىمىز قىزمەت مىندەتتەرىن ورنالاستىردى
ءتىلشىمىز حي حۇڭۋي 7 - ايدىڭ 19 - كۇنى ۇرىمجىدەن حابارلايدى. 7 - ايدىڭ 19 - كۇنى مەملەكەتتىك كەڭەس ەكونوميكانى مەملەكەت بويىنشا 4 - رەت جاپپاي تەكسەرۋ جونىندەگى تەلەۆيزور - تەلەفون ءماجىلىسىن اشقاننان كەيىن اۆتونوميالى رايون تەلەۆيزور - تەلەفون ءماجىلىسىن اشىپ، مەملەكەتتىك ءماجىلىستىڭ رۋحىن دايەكتىلەندىرىپ، تياناقتاندىرىپ، تۇتاس رايون ەكونوميكاسىن جاپپاي تەكسەرۋ قىزمەتىنە جۇمىلدىردى، ورنالاستىرۋ جاسادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ەكونوميكانى مەملەكەت بويىنشا 4 - رەتكى جاپپاي تەكسەرۋ پارتيا 19 - قۇرىلتايى ءساتتى اشىلعاننان، جۇڭگوشا سوتسياليزم جاڭا داۋىرگە وتكەننەن كەيىن مەملەكەت جاعدايىنا، مەملەكەت قۋاتىنا جۇرىلەتىن تۇڭعىش رەتكى ماڭىزدى تەكسەرۋ، بۇل ەلىمىزدىڭ ناقتى جاعدايى مەن مەملەكەت قۋاتىن قانىق بىلۋگە، رايونىمىزدىڭ ەكونوميكالىق، قوعامدىق دامۋ جاعدايىن جاپپاي قانىق بىلۋگە ءتيىمدى. ەكونوميكانى جاپپاي تەكسەرۋ ساندى مالىمەتى ناتيجەسىنەن ويداعىداي پايدالانۋ اۆتونوميالى رايونىمىزدىڭ جاڭا دامۋ ۇستانىمىن دايەكتىلەندىرۋى، تياناقتاندىرۋى، ەكونوميكانىڭ، قوعامنىڭ جوعارى ساپالى دامۋىنا عىلمي جەتەكشىلىك ەتۋى جانە ونى ىلگەرىلەتۋى جونىنەن ماڭىزدى ءارى تەرەڭ مانگە يە.
ءماجىلىس مىنالاردى تالاپ ەتتى: جەر - جەر، تاراۋلار جالپى جاعداي تانىمىن، جالپى اۋقىم كوزقاراسىن ورناتىپ، مىندەت جاۋاپكەرلىگى ءبولىسىن ايقىنداپ، سەلبەسۋدى، سايكەسۋدى كۇشەيتىپ، قىزمەتتى تياناقتاندىرۋدى مىقتى يگەرىپ، باقىلاۋ - تەكسەرۋ سەرپىنىن ارتتىرىپ، جاۋاپكەرلىكتى قۋزاستىرۋ ءتۇزىمىن ورناتىپ، بۇل جولعى ەكونوميكانى جاپپاي تەكسەرۋ قىزمەتىن جوعارى ساپالى ورىنداۋى كەرەك؛ جەرگىلىكتى ورىننىڭ جاپپاي تەكسەرۋ جوباسىن عىلمي جاساپ، جاپپاي تەكسەرۋ قىزمەت اياق الىسىن قاتاڭ اتقارىپ، ورىنداردى تەكسەرۋدى تىڭعىلىقتى ورىستەتىپ، ساندى مالىمەت ساپا وتكەلىن قاتاڭ يگەرىپ، ساناققا الۋداعى زاڭعا قايشى ارەكەتتەردى تەكسەرىپ ءبىر جاقتى ەتۋ سەرپىنىن ارتتىرىپ، ساناققا الۋ قىزمەتىنىڭ دەڭگەيىن اناعۇرلىم ءوسىرىپ، ەكونوميكانى مەملەكەت بويىنشا 4 - رەتكى جاپپاي تەكسەرۋ قىزمەتى مىندەتىنىڭ تابىسپەن ورىندالۋىنا كەپىلدىك ەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ۇلەس قوسۋى كەرەك.
ۇعىسۋعا قاراعاندا، بۇل جولعى ەكونوميكانى جاپپاي تەكسەرۋدىڭ باستالۋ ۋاقىتى 2018 - جىلى 12 - ايدىڭ 31 - كۇنى، جاپپاي تەكسەرۋ جۇرىلەتىن وبيەكتى رايونىمىزداعى ەكىنشى، ءۇشىنشى كاسىپپەن شۇعىلداناتىن بارلىق زاڭدىق يە ورىندار، كاسىپ قيمىل ورىندارى جانە جەكە ساۋداگەرلەر ەكەن.
