تيانشان تورابى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «مەملەكەتتىك سالىقتى، جەرگىلىكتى سالىقتى جيۋ - باسقارۋ ءتۇزىلىسى رەفورماسى جوباسىن» باسىپ تاراتتى

  شينحۋا اگەنتتىگىنىڭ 7 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «مەملەكەتتىك سالىقتى، جەرگىلىكتى سالىقتى جيۋ - باسقارۋ ءتۇزىلىسى رەفورماسى جوباسىن» (تومەندە قىسقاشا «رەفورما جوباسى» دەلىنەدى) باسىپ تاراتتى. مەملەكەتتىك سالىقتى، جەرگىلىكتى سالىقتى جيۋ - باسقارۋ ءتۇزىلىسى رەفورماسى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جالپى جاعدايدى كوزدە ۇستاپ شىعارعان كەلەلى شەشىمى. «رەفورما جوباسى» پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىردى، تياناقتاندىردى، ول مەملەكەتتىك سالىقتى، جەرگىلىكتى سالىقتى جيۋ - باسقارۋ رەفورماسىن ورنىقتى، ءتارتىپتى ىلگەرىلەتۋدەگى جەتەكشى حۇجات.

  «رەفورما جوباسى» مەملەكەتتىك سالىقتى، جەرگىلىكتى سالىقتى جيۋ - باسقارۋ ءتۇزىلىسى رەفورماسىنىڭ جەتەكشى يدەياسىن، نەگىزگى پرينسيبىن جانە باستى نىساناسىن ايقىندادى، رەفورمانىڭ باستى مىندەتىن جانە اتقارۋ قادامىن، قامتاماسىز ەتۋ شاراسىن ورتاعا قويدى، سونداي - اق ۇيىمداستىرىپ اتقارۋدى مىقتى يگەرۋ جونىندە قىزمەت تالاپتارىن العا قويدى.

  «رەفورما جوباسى» پارتيا 19 - قۇرىلتايى مەن پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ جالپى بەتتىك باسشىلىعىن كۇشەيتۋدى باسشىلىققا الىپ، مەملەكەتتىك سالىقتى، جەرگىلىكتى سالىقتى جيۋ - باسقارۋ تۇزىلىسىنە رەفورما جاساپ، ولكە دارەجەلى جانە ولكە دارەجەلىدەن تومەنگى مەملەكەتتىك سالىق، جەرگىلىكتى سالىق قۇرىلىمدارىن بىرىكتىرىپ، قوعامدىق قامسىزداندىرۋ قاراجاتىن جانە سالىققا جاتپايتىن كىرىستەردى جيۋ - باسقارۋ فۋنكتسياسىن وتكەرىپ بەرۋ، سالىقتى ساپالى، جوعارى ءونىمدى، ءبىر تۇتاس جيۋ - باسقارۋ جۇيەسىن ورناتىپ، جاڭا داۋىردەگى سالىقتىڭ وسىزاماندانۋىن جوعارى ساپالى ىلگەرىلەتۋدى تۇزىممەن پارمەندى قامتاماسىز ەتىپ، سالىقتىڭ مەملەكەتتىڭ جونگە سالۋ جۇيەسىندەگى نەگىزدىك، تىرەكتىلىك، قامتاماسىزدىق رولىن اناعۇرلىم ويداعىداي ساۋلەلەندىرۋدى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم جاقسى قىزمەت كورسەتۋدى باسا دارىپتەدى.

  «رەفورما جوباسىندا» مەملەكەتتىك سالىقتى، جەرگىلىكتى سالىقتى جيۋ - باسقارۋ ءتۇزىلىسى رەفورماسىنىڭ 4 ءتۇرلى پرينسيبى العا قويىلدى، اتاپ ايتقاندا: پارتيانىڭ جالپى بەتتىك باسشىلىعىنا تاباندى بولۋ. باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن جانە ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ جالپى بەتتىك باسشىلىعىن كۇشەيتۋدى مەملەكەتتىك سالىقتى، جەرگىلىكتى سالىقتى جيۋ - باسقارۋ ءتۇزىلىسى رەفورماسىنىڭ بارلىق جاعىنا جانە جالپى بارىسىنا توعىستىرىپ، رەفورمانىڭ قاشاندا دۇرىس بەتالىسپەن ىلگەرىلەۋىنە كەپىلدىك ەتۋ كەرەك. حالىق ءۇشىن ىستەۋگە، حالىققا قولايلىلىق جاساۋعا، حالىققا تيىمدىلىك جەتكىزۋگە تاباندى بولۋ. سالىق تاپسىرۋشىلار مەن اقى تولەۋشىلەردى وزەك ەتىپ، سالىق ءبىتىرۋدى جانە اقى تولەۋدى قولايلىلاندىرۋ رەفورماسىن ىلگەرىلەتىپ، «ەكى جاققا سابىلۋ»، «ەكى جاقتا تەكسەرۋ» سياقتى ماسەلەلەردى تۇبىرىنەن شەشىپ، سالىق تاپسىرۋشىلار مەن اقى تولەۋشىلەردىڭ زاڭدى ۇقىق - مۇددەسىن شىنايى قورعاپ، تاپسىراتىن سالىق پەن تولەنەتىن اقىنىڭ وزىندىك قۇنىن تومەندەتىپ، تيجارات - ساۋدا ورتاسىنىڭ ساپالىلانۋىن جەبەپ، حالىق ريزا بولاتىن قىزمەت ەتۋ ۇلگىسىندەگى سالىق ورگانىن قۇرىپ، حالىقتى اناعۇرلىم كوپ تابىس سەزىمىنە كەنەلدىرۋ كەرەك. ساپالىلىققا، جوعارى ونىمدىلىككە، ءبىر تۇتاستىققا تاباندى بولۋ. سالىق قۇرىلىمى فۋنكتسياسىن جانە بايلىقتىڭ جايعاسۋىن رەتتەپ، ساپالىلاندىرىپ، ساياساتتىڭ جاريالىلىعىن جانە زاڭ اتقارۋدىڭ ءبىر تۇتاستىعىن كۇشەيتىپ، سالىق جيۋ، قوعامدىق قامسىزداندىرۋ اقىسى، سالىققا جاتپايتىن كىرىستى جيۋ - باسقارۋداعى قىزمەت وتەۋ ولشەمىن بىرلىككە كەلتىرىپ، وسى زامانعى ەكونوميكالىق جۇيە قۇرىلىسىن جانە ەكونوميكانىڭ جوعارى ساپالى دامۋىن جەبەۋ كەرەك. زاڭ بويىنشا سايكەستىرۋگە، ورنىقتىرۋعا تاباندى بولۋ. مەملەكەتتى جاپپاي زاڭ بويىنشا جونگە سالۋ تالابىن ىشكەرىلەي دايەكتىلەندىرىپ، رەفورما مەن زاڭ ارقىلى جونگە سالۋدىڭ بىرلىگىنە، ءبىر - ءبىرىن جەبەۋىنە تاباندى بولىپ، ورتالىق پەن جەرگىلىكتى ورىنداردىڭ بەلسەندىلىگىن اناعۇرلىم ساۋلەلەندىرىپ، مەملەكەتتىك سالىق، جەرگىلىكتى سالىق قۇرىلىمىندا جۇمىستىڭ، ادامنىڭ، كۇشتىڭ، تىلەكتەردىڭ توعىسۋىن جۇزەگە اسىرىپ، كادرلار قوسىنىن ورنىقتىرۋدى، مىندەت جاۋاپكەرشىلىگىن ورنىقتى اۋىستىرۋدى، قىزمەتتى ورنىقتى ىلگەرىلەتۋدى، قوعامدىق اسەردىڭ تاماشا بولۋىن ىسكە اسىرۋ كەرەك.

  «رەفورما جوباسىندا»: رەفورما ارقىلى سالىقتى ساپالى، جوعارى ءونىمدى، ءبىر تۇتاس جيۋ - باسقارۋ جۇيەسىن بىرتىندەپ ورناتىپ، سالىق تاپسىرۋشىلار مەن اقى تولەۋشىلەرگە اناعۇرلىم ساپالى، جوعارى ءونىمدى، قولايلى قىزمەت ەتىپ، سالىق زاڭىنا باعىنۋ دەڭگەيىن جانە قوعامدىق ريزا بولۋ دەڭگەيىن كوتەرىپ، جيۋ - باسقارۋ ونىمدىلىگىن جوعارىلاتىپ، جيۋ - تاپسىرۋدىڭ وزىندىك قۇنىن تومەندەتىپ، سالىق قاراجاتىن جونگە سالۋ قابىلەتىن كۇشەيتىپ، سالىقتىڭ فۋنكتسيالىق رولىنىڭ تولىق ساۋلەلەنۋىنە كەپىلدىك ەتىپ، مەملەكەتتى جونگە سالۋدىڭ ماڭىزدى نەگىزىن بەكەمدەۋ باسا دارىپتەلدى.

  «رەفورما جوباسىندا» مىنالار العا قويلدى: الدىمەن قۇرىپ، سوڭىنان كۇشىنەن قالدىرۋ، كونەنى كۇشىنەن قالدىرمايىنشا جاڭانى ورناتپاۋ تالابى بويىنشا ءبىر تۇتاس باسشىلىق ەتۋگە، دارەجە بويىنشا باسقارۋعا، ءبىر تۇتاس جوبالاۋعا، ساتىعا ءبولىپ اتقارۋعا تاباندى بولىپ، الدىمەن قۇرىپ، ونان كەيىن «ءۇشتى تۇراقتاندىرۋ» بەلگىلەمەسىن تياناقتاندىرۋدى قولدانۋ، الدىمەن مەملەكەتتىك سالىق، جەرگىلىكتى سالىق قۇرىلىمىن بىرىكتىرىپ، ونان كەيىن قوعامدىق قامسىزداندىرۋ قاراجاتىن جانە سالىققا جاتپايتىن كىرىستى جيۋ - باسقارۋ قىزمەت مىندەتىن قابىلداۋ، الدىمەن ولكەلىك (اۆتونوميالى رايون، قالا جانە جوسپارى بولەك جاسالاتىن قالا، تومەندە ءبىر تۇتاس ولكە دەلىنەدى) سالىق مەكەمەسى رەفورماسىن ورنىقتى جۇرگىزىپ، ونان كەيىن قالالىق (ايماق، وبلىس، امىك، تومەندە ءبىر تۇتاس قالا دەلىنەدى) سالىق مەكەمەسىن، اۋداندىق (قالا، رايون، حۇشۇن، تومەندە ءبىر تۇتاس اۋدان دەلىنەدى) سالىق مەكەمەسىن رەفورمالاۋ قادامىن تىڭعىلىقتى ىلگەرىلەتۋ كەرەك، ءتۇيىندى قىزمەتتەر، ۋاقىت تۇيىندەرى بويىنشا تياناقتاندىرۋدى مىقتى يگەرىپ، ءتۇرلى رەفورما مىندەتتەرىن 2018 - جىلدىڭ سوڭىنا دەيىن ورىنداۋعا كەپىلدىك ەتۋ كەرەك.

  «رەفورما جوباسىندا» مىنالار تالاپ ەتىلدى: سالىق جۇيەسىنە پارتيانىڭ باسشىلىعىن كۇشەيتىپ، پارتيانىڭ سالىق قىزمەتىنە جالپى بەتتىك باسشىلىعىن كۇشەيتۋ جونىندەگى تۇزىمدىك ورنالاستىرۋدى جاقسارتىپ، سالىق جۇيەسىندە پارتيا باسشىلىعىنىڭ اناعۇرلىم بەرىك، پارمەندى بولۋىنا كەپىلدىك ەتۋ كەرەك. سالىق جۇيەسىندە پارتيا باسشىلىعىنىڭ ۇيىمدىق جۇلگەسىن ساپالىلاندىرىپ، سالىق جۇيەسىندە ءتارتىپ تەكسەرۋ، باقىلاۋ - تەكسەرۋ ءتۇزىلىسىن كەمەلدەندىرىپ، ءتارتىپ تەكسەرۋ، باقىلاۋ - تەكسەرۋ قىزمەتىن اناعۇرلىم كۇشەيتۋ كەرەك. پارتيا قۇرىلىسى قىزمەت مەحانيزمىن اقاۋسىزداندىرۋ، سالىق باس مەكەمەسى سالىق جۇيەسىنىڭ پارتيا قۇرىلىسىندا، پارتيانى جاپپاي قاتاڭ جونگە سالۋىندا نەگىزگى تۇلعالىق جاۋاپكەرشىلىك ارقالاپ، جەرگىلىكتى پارتكومدار جەر - جەردەگى سالىق تاراۋلارىندا پارتيانىڭ نەگىزگى ساتى ۇيىمدىق قۇرىلىسىن جانە پارتيا مۇشەلەرىن تاربيەلەۋ، باسقارۋ، باقىلاۋ، بۇقارالىق ۇيىمداردىڭ ۇيىمدىق قۇرىلىسى، رۋحاني وركەنيەتتە ۇلگىلى ورىن قۇرۋ سياقتى قىزمەتتەردى كۇشەيتۋگە جەتەكشىلىك ەتۋگە جاۋاپتى بولىپ، ءار دارەجەلى سالىق مەكەمەلەرى پارتكومدارى جەرگىلىكتى پارتكومدارمەن جانە باسقا دا قىزمەت تاراۋلارىمەن پارتيا قۇرىلىسىن بىرگە يگەرۋدىڭ بىرىككەن كۇشىن قالىپتاستىرۋ كەرەك.

  «رەفورما جوباسى» سالىق تاراۋلارىنىڭ باسشىلىق ەتۋ، باسقارۋ ءتۇزىلىسى جونىندە بەلگىلەمە جاساپ، مەملەكەتتىك سالىق، جەرگىلىكتى سالىق قۇرىلىمدارى بىرىكتىرىلگەننەن كەيىن سالىق باس مەكەمەسىن نەگىز ەتكەن، ولكەلىك، اۆتونوميالى رايوندىق، قالالىق پارتكومدار مەن ۇكىمەتتەردىڭ قوس باسشىلىعىنداعى باسقارۋ ءتۇزىلىسىن اتقارۋدى ايقىندادى ءارى مىندەت جاۋاپكەرشىلىگى ايقىن، اينالىمى ىركىلىسسىز، قامتاماسىزدىعى پارمەندى ءتۇزىم مەحانيزمىن ورناتۋدى، كەمەلدەندىرۋدى كوزدە ۇستاپ، كادرلاردى باسقارۋ، قۇرىلىم شتاتىن باسقارۋ، جۇمىستى جانە كىرىستى باسقارۋ، سالىق جيۋدى بىرگە جونگە سالۋ ارناسىن قالىپتاستىرۋ، ەكونوميكانىڭ، قوعامنىڭ دامۋىنا قىزمەت كورسەتۋ سياقتى جاقتاردان ناقتى تالاپتاردى العا قويدى، سالىق باس مەكەمەسىنىڭ جانە ءار دارەجەلى سالىق تاراۋلارىنىڭ جەرگىلىكتى پارتكومدارمەن جانە ۇكىمەتتەرمەن سالىق قىزمەتىندەگى مىندەت جاۋاپكەرشىلىگى جۇمىس ءبولىسىن ايقىندادى، بۇل سالىق قىزمەتىن ءبىر تۇتاس باسقارۋدى ىشكەرىلەي كۇشەيتىپ، ءبىر تۇتاس سالىق ءتۇزىمى مەن دارەجەگە بولىنگەن قازىنانىڭ قاتىناسىن ءساتتى جونگە سالىپ، ورتالىق پەن جەرگىلىكتى ورىننىڭ بەلسەندىلىگىن تولىق جۇمىلدىرۋعا ءتيىمدى.

  «رەفورما جوباسى» تاعى جاڭا سالىق قۇرىلىمدارىن قۇرۋ، جاڭا سالىق قۇرىلىمدارىنا «ءۇشتى تۇراقتاندىرۋ» بەلگىلەمەسىن جاساۋ، قوعامدىق قامسىزداندىرۋ اقىسى مەن سالىققا جاتپايتىن كىرىستەردى جيۋ - باسقارۋ مىندەت جاۋاپكەرشىلىگىن وتكەرۋ، سالىق قاراجاتى جۇمىسىن جانە ينفورماتسيا جۇيەسىن بىرىكتىرىپ ساپالىلاندىرۋدى ىلگەرىلەتۋ، قاراجاتپەن قامتاماسىز ەتۋدى جانە مال - مۇلىك باسقارۋدى كۇشەيتۋ، قاتىستى زاڭداردى، زاڭ - ەرەجەلەردى اداقتاۋ، ولارعا وزگەرىس ەنگىزۋ سياقتى ءتۇيىندى رەفورما مىندەتتەرى جونىندە ناقتى ورنالاستىرۋ جاسادى ءارى قاتىستى قامتاماسىز ەتۋ شارالارىن ايقىندادى. ولكەلىك، قالالىق، اۋداندىق سالىق مەكەمەلەرىنەن قىزمەتتى شوعىرلى جۇرگىزۋدى، جاڭا قۇرىلىمداردى قۇرۋدى مەرزىمگە قاراي، دارەجە بويىنشا، ساتى سايىن، قادامعا ءبولىپ ورىنداۋدى ءارى قىزمەتتەردى جاڭا قۇرىلىم اتىندا ورىستەتۋدى تالاپ ەتتى. قۇرىلىم سانىن قاتاڭ، مىقتاپ تىزگىندەپ، ءار ساتىلى سالىقتاردىڭ ۇيىمدىق جۇيەسى مەن جيۋ - باسقارۋ مىندەت جاۋاپكەرشىلىگىن ىشكەرىلەي ساپالىلاندىرىپ، قۇرىلىمنىڭ ورنالاسۋى مەن كۇشتىڭ سەپتەلۋىن كەمەلدەندىرىپ، قۇرىلىمنىڭ ورنالاسۋى عىلمي، فۋنكتسياسى، قىزمەت مىندەتى ايقىن، بايلىق ورنالاستىرۋى ۇيلەسىمدى بولۋدى جۇزەگە اسىردى. سونىمەن بىرگە، 2019 - جىلى 1 - ايدىڭ 1 - كۇنىنەن باستاپ نەگىزگى زەينەتكەرلىك قامسىزداندىرۋ قاراجاتى، نەگىزگى ەمدەلۋ قامسىزداندىرۋ قاراجاتى، جۇمىسسىزدىق قامسىزداندىرۋ قاراجاتى، جۇمىس ۇستىندە جارالانۋدى قامسىزداندىرۋ قاراجاتى، تۋىت قامسىزداندىرۋ قاراجاتى سياقتى قوعامدىق قامسىزداندىرۋ قاراجاتتارىن سالىق تاراۋلارىنىڭ ءبىر تۇتاس جيناۋىنا تاپسىرۋدى ايقىندادى. حالىققا قولايلى بولۋ، جوعارى ونىمدىلىكتى بولۋ پرينسيبى بويىنشا، سالىققا جاتپايتىن كىرىستەردى جيۋ - باسقارۋ مىندەت جاۋاپكەرشىلىگىن سالىق تاراۋلارىنىڭ جيناۋىن وتكىزىپ بەرۋ كولەمىن لايىقتى تۇراقتاندىرىپ، زاڭ بويىنشا ساقتالىپ قالىناتىن، وتكىزىپ بەرۋگە ۇيلەسەتىن سالىققا جاتپايتىن كىرىس تۇرلەرىنەن ءبىر توبى شارت - جاعدايى تولىسقاندا وتكىزىپ بەرىلىپ، بىرتىندەپ ىلگەرىلەتىلەدى. سالىق تاپسىرۋعا قىزمەت كورسەتۋ جانە سالىقتى جيۋ - باسقارۋ سياقتى جاقتارداعى كاسىپتىك جۇمىستاردى رەتتەپ بىرىكتىرىپ، سالىق جيۋ مەن اقى تولەۋدى باسقارۋ ينفورماتسيا جۇيەسىن جاقسارتىپ، كەمەلدەندىرىپ، سالىق تاپسىرۋشىلار مەن اقى تولەۋشىلەرگە اناعۇرلىم قولايلىلىق تۋدىرۋ تالاپ ەتىلدى.

  «رەفورما جوباسىندا»: سالىق مەكەمەسى ءبىر تۇتاس جوسپارلاۋدى جاقسى يگەرۋ، ولكەلىك، اۆتونوميالى رايوندىق، قالالىق پارتكومدار مەن ۇكىمەتتەر بار كۇشپەن قولداۋ كورسەتۋ، قاتىستى تاراۋلار بەلسەندىلىكپەن سايكەسۋ، ولكەلىك سالىق مەكەمەلەرى دەن قويا ۇيىمداستىرىپ، اتقارۋ ءارى ساياسي دەڭگەيدى جوعارىلاتۋ، ءتارتىپ تالاپتارىن قاتايتۋ، قۋزاۋ - تەكسەرۋ ورىستەتۋ، ۇگىتتەۋدى، جەتەكتەۋدى كۇشەيتۋ سياقتى 4 جاقتان قىزمەت تالاپتارىن العا قويىپ، مىندەتتەردىڭ ورنىقتى تياناقتانۋىنا كەپىلدىك ەتۋ كەرەكتىگى باسا دارىپتەلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى