باس شۋجي شي جينپيڭنىڭ ماڭىزدى نۇسقاۋىن جەتەكشى ەتىپ، تۇتاس اۆتونوميالى رايونىمىزدىڭ تاسقىننان ساقتانۋ، حاۋىپتەن اراشالاۋ، اپاتتان قۇتقارۋ قىزمەتىن كۇش سالا جاقسى ىستەيىك
تىلشىلەرىمىز ياۋ تۇڭ، دۇڭ شاۋحۋا 7 - ايدىڭ 21 - كۇنى ۇرىمجىدەن حابارلايدى. 7 - ايدىڭ 20 - كۇنى اۆتونوميالى رايوندىق پارتكومنىڭ شۋجيى چىن چۋانگو باس شۋجي شي جينپيڭنىڭ تاسقىننان ساقتانۋ، حاۋىپتەن اراشالاۋ، اپاتتان قۇتقارۋ قىزمەتى تۋرالى ماڭىزدى نۇسقاۋىن مۇقيات ۇيرەنۋ، دايەكتىلەندىرۋ جونىندە بەكىتۋ جازىپ، تۇتاس اۆتونوميالى رايونىمىزداعى ءار دارەجەلى ورىنداردان، تاراۋلاردان باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، جاۋاپكەرلىكتى تياناقتاندىرىپ، شارالاردى كۇشەيتىپ، ەرتە باستان دايىندالىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە كۇش سالا شىنايى كەپىلدىك ەتۋدى تالاپ ەتتى.
چىن چۋانگو بەكىتۋىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تاسقىننان ساقتانۋ، حاۋىپتەن اراشالاۋ، اپاتتان قۇتقارۋ قىزمەتىنە وسكەلەڭ ءمان بەرگەندىگى، حالىق بۇقاراسىنا دەگەن شىنايى قامقورلىعى تولىق ايگىلەنگەن، تاسقىننان ساقتانۋ، حاۋىپتەن اراشالاۋ، اپاتتان قۇتقارۋ قىزمەتىن جاقسى ىستەۋدە توتەنشە كەلەلى جەتەكشى ماڭىزعا يە. 7 - ايدىڭ اياق شەنىنەن 8 - ايدىڭ باس شەنىنە دەيىنگى ۋاقىت − تۇتاس اۆتونوميالى رايونىمىزدىڭ نەگىزگى تاسقىن مەزگىلىنىڭ شەشۋشى ۋاقىت كەزەڭى. تۇتاس اۆتونوميالى رايونىمىزداعى ءار دارەجەلى ورىندار، تاراۋلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن جەتەكشى ەتۋگە تاباندى بولىپ، ءىس جۇزىندىك جاعدايمەن تىعىز ۇشتاستىرىپ، ءتۇرلى شارالاردى كۇشەيتىپ، تۇتاس اۆتونوميالى رايونىمىزدىڭ تاسقىن مەزگىلىنەن امان - ەسەن وتۋىنە شىنايى كەپىلدىك ەتۋى كەرەك. ءبىرىنشى، ساياسي دەڭگەيدى جوعارىلاتۋ كەرەك. «ءتورت تانىمدى» كۇشەيتىپ، يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن بىرلىككە كەلتىرىپ، حالىقتى وزەك ەتۋ يدەياسىن مىقتاپ ورناتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك. ەكىنشى، باسشىلىق جاۋاپكەرشىلىكتى تياناقتاندىرۋ كەرەك. ءار دارەجەلى پارتكومدار مەن ۇكىمەتتەردىڭ نەگىزگى جاۋاپتى جولداستارى ءبىرىنشى جاۋاپتى ادامنىڭ جاۋاپكەرشىلىگىن تياناقتاندىرىپ، وزدەرى يگەرىپ، باستى جاۋاپكەرشىلىكتى ارقالاۋى، سالالارعا جاۋاپتى جولداستار زەيىن - زەردەنى شوعىرلاندىرا يگەرۋى، ءار دارەجەلى باسشى كادرلار شەپ الدىندا تۇرىپ قولباسشىلىق ەتىپ، جوعارى مەن تومەندى تۇتاستىرىپ، ەندىكتە شەتىنە، بويلىقتا تۇبىنە دەيىن جەتكەن جاۋاپكەرشىلىك جۇيەسىن قالىپتاستىرۋى كەرەك. ءۇشىنشى، باقىلاۋ - تەكسەرۋدى، ساقتاندىرۋدى كۇشەيتۋ كەرەك. اۋا رايىنىڭ وزگەرىسىن جانە وزەن - داريالاردىڭ سۋ جاعدايىن ءجىتى باقىلاپ - تەكسەرىپ، الدىن الا ساقتاندىرىپ، ەرتە باستان الدىن الا مالىمەت بەرۋ؛ گەولوگيالىق اپاتتار جونىندەگى باقىلاۋ - تەكسەرۋدى، ساقتاندىرۋدى شىن مانىندە كۇشەيتىپ، سۇركەي اۋا رايىنان تۋىندايتىن ءىشىنارا جەرلەردەگى نوسەر، تاسقىن جانە سەل اپاتتارىنان بارىنشا قىراعى بولۋ كەرەك. ءتورتىنشى، كومەسكى قاتەرلەردى جاپپاي تەكسەرۋ كەرەك. تۋىلۋى مۇمكىن بولعان اپات كومەسكى قاتەرلەرىن اۋ جايۋ ۇلگىسىندە تەكسەرىپ، قاتەرلەردى كۇش سالا الاستاپ، قالىپ قالماۋىنا، قالتارىس بولماۋىنا، كومەسكى كىنارات قالماۋىنا شىنايى كەپىلدىك ەتۋ كەرەك. بەسىنشى، شۇعىل جاعدايعا توتەپ بەرۋ دايىندىعىن جاقسى ىستەۋ كەرەك. شۇعىل جاعدايعا توتەپ بەرۋ بويىنشا كەزەكشىلىكتى كۇشەيتىپ، جوبانى ناقتىلاپ، كەمەلدەندىرىپ، تاسقىننان ساقتانۋ، حاۋىپتەن اراشالاۋ، اپاتتان قۇتقارۋ ماتەريالدارىن جان - جاقتى، تولىق دايىنداپ، ءار ءتۇرلى حاۋىپتەن اراشالاۋ قوسىندارىن تاربيەلەۋ مەن جاتتىقتىرۋدى كۇشەيتىپ، جالپى حالىقتىڭ اپاتتان ساقتانۋ، اپات زيانىن ازايتۋ تانىمىن جوعارىلاتۋ كەرەك. التىنشى، قىزمەت بىرىككەن كۇشىن قالىپتاستىرۋ كەرەك. ءار جاقتىڭ كۇشىن كەڭ كولەمدە جۇمىلدىرىپ، باقىلاۋ - تەكسەرۋ، الدىن الا مالىمەت بەرۋ، ساقتاندىرۋ، قالالاردا تاسقىننان ساقتانۋ، ىركىلگەن سۋدى سارقۋ، قاتەر جاعدايىن شارلاپ تەكسەرۋ، قۇتقارۋ، حاۋىپتى جەر، حاۋىپتى بولىكتەردى بەكەمدەۋ، سەل اپاتىنان ساقتانۋ، تاسقىنعا قارسى اتتانۋ، حاۋىپتەن اراشالاۋ، اپاتتان قۇتقارۋ، حاۋىپتەن تاسالانىپ شەگىندىرۋ، كوشىرۋ سياقتى قىزمەتتەردى كۇش سالا جاقسى ىستەۋ كەرەك. جەتىنشى، باقىلاۋ - تەكسەرۋدىڭ تياناقتانۋىن كۇشەيتۋ كەرەك. نەگىزگى ساتى قىزمەت ورنى جاۋاپكەرلىگىن تياناقتاندىرىپ، قۋزاۋ - جەتەكشىلىك ەتۋ، تەكسەرۋدى كۇشەيتىپ، ءالسىز بۋىنداردى تابۋ، حاۋىپسىزدىك كومەسكى قاتەرلەرىن ارىلتۋ، جاۋاپكەرشىلىكتىڭ تياناقتانۋىن ىلگەرىلەتۋ كەرەك. سەگىزىنشى، ءبىر تۇتاس جوسپارلاپ، تەگىس ءمان بەرۋ كەرەك. ءبىر جاعىنان، تاسقىننان ساقتانۋدى، حاۋىپتەن اراشالاۋدى، اپاتتان قۇتقارۋدى يگەرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋگە؛ ءبىر جاعىنان، ورنىقتىلىقتى قورعاۋ شارالارىنىڭ تياناقتانۋىن يگەرىپ، تۇتاس اۆتونوميالى رايونىمىزدىڭ قوعامدىق جالپى جاعدايىنىڭ باياندى جاراسىمدىلىعى مەن ورنىقتىلىعىنا شىنايى كەپىلدىك ەتۋگە تاباندى بولۋ كەرەك.
