تيانشان تورابى   ›   جاڭالىقتار   ›   شينجياڭ حابارلارى

ءماريام يمىت: ەرلى - زايىپتى ەكەۋىمىز باقىتتى تۇرمىسىمىزدى قول ۇستاسا جاراتتىق

  7 - ايدىڭ 20 - كۇنى كورلا ەكونوميكالىق - تەحنيكالىق اشۋ رايونىنداعى شينجياڭ ليتاي سىلۋ قارجى قوسۋ شەكتى سەرىكتەستىگىنىڭ توقىماشىلىق فابريكاسىندا ساپا تەكسەرۋشى ءماريام يمىت توقىما ونىمدەرىنىڭ ساپاسىن مۇقياتتىلىقپەن تەكسەرىپ جاتتى، «تالاي جىلدىق قۇلشىنىس ارقىلى مەن بۇگىنگى جۇمىس ورنىنا يە بولدىم، مەن بۇل جۇمىسىمدى ەرەكشە قادىرلەيمىن، اناعۇرلىم مۇقيات جاۋاپكەرشىلىكتە بولامىن». ءماريام تىلشىگە اسىعىس وسىلاي دەپ بىرنەشە اۋىز ءسوز قاتتى دا قاربالاس جۇمىسىن جالعاستىرا بەردى.

  كەشتە اشۋ رايونىنىڭ كىدا الەۋمەتتىك اۋماعىندا اشىلعان مەملەكەتتە ءبىر تۇتاس قولدانىلاتىن ءتىل - جازۋ كۋرسىندا، ءماريام ساباقتى وتە مۇقيات ءارى وتە جاندى ۇيرەندى. ساباقتان تۇسكەننەن كەيىن تىلشىمەن اڭگىمەلەستى.

  ءماريام بىلاي دەدى: كۇيەۋىم ەكەۋىمىز بۇرىن يانجي حۇيزۋ اۆتونوميالى اۋدانىندا ديقان بولاتىنبىز، 2008 - جىلى ورتالاۋ مەكتەپ ماعلۇماتىمىز عانا بار ءبىز بايىنعولين وبلىسىنداعى ءبىر توقىماشىلىق فابريكاسىندا جۇمىس ىستەپ، ءۇپى - ءتاپى تۇرمىس كەشىردىك. 2015 - جىلى توقىماشىلىق فابريكاسى وندىرىستەن توقتاپ، ەكەۋىمىز دە جۇمىسسىز قالدىق. لايىقتى جۇمىس تابا الماعاندىقتان، وتباسىمىزدى اسىراي المادىق. سونىمەن امالسىز كۇندىك جۇمىس ىستەپ، تۇرمىس قاراجاتىمىزدى ايىرىپ جۇردىك. سول كەزدە كىشى ۇلىمىز جاڭادان تۋعان، ۇلكەن ۇلىمىز مەكتەپتە وقيتىن، ءۇيدىڭ جالاقىسى تاعى بار، تۇرمىستا ەرەكشە قيىنشىلىق تارتتىق. ءسويتىپ جۇرگەندە شينجياڭ ليتاي سىلۋ قارجى قوسۋ شەكتى سەرىكتەستىگىنىڭ قىزمەتكەر قابىلدايتىندىعىنان حابارلى بولىپ، قىزمەتكەر قابىلداۋدا ەڭ تومەن بولعاندا ورتا تەحنيكۋمنان جوعارى ماعلۇماتقا يە بولۋ كەرەك دەگەن شارت قويىلعانىن كورگەنىمدە اڭتارىلىپ قالدىم، الايدا بۇل قىزمەت ىستەۋگە دەگەن كۇشتى ىنتامنىڭ وتىن سوندىرە المادى.

  وسىدان بۇرىن توقىماشى بولعاندىقتان، بەتپە - بەت ەمتيحان بەرگەندە، ءماريام كاسىپتىك سۇراۋلارعا ىركىلمەي جاۋاپ بەرەدى، ونىڭ ۇستىنە ونىڭ بۇل قىزمەتكە بولعان شىنايى قىزعىندىلىعى بەتپە - بەت ەمتيحان الۋشىلار مەن كاسىپورىن جاۋاپتىلارىن اسەرلەندىرەدى، وقۋ ماعلۇماتى شارتقا ۇيلەسپەگەنىمەن، ءبىراق سەرىكتەستىك ەڭ سوڭىندا ولشەمدى بۇزا وتىرىپ ونى جۇمىسقا قابىلدادى. «مەن ەرەكشە قۋاندىم، سول كەزدە، مەن سەرىكتەستىك قابىلداعان تۇڭعىش از ۇلت جۇمىسشىسى بولدىم، العىس سەزىم كوكىرەگىمدى كەرنەپ، ءسوز جوق، ناتيجە جاراتامىن دەپ ىشتەي بەلدى بەكەم بايلادىم». كوش سوڭىندا قالۋدى قالاماعان ءماريام كاسىپتىك بىلىمدەردى باسقالاردان سۇراپ، قۇلشىنا ۇيرەندى، 4 ايدان كەيىن ءماريام ساتىمەن رەسمي قىزمەتكەرگە اينالدى ءارى سەرىكتەستىك ونى شىحىزىعا 2 ايلىق كاسىپتىك كۋرسقا جىبەردى.

  سەرىكتەستىكتىڭ ءوز وتباسىنىڭ ءىس جۇزىندىك جاعدايىن ويلاستىرىپ، كۇيەۋىنىڭ بۇرىن توقىماشىلىق فابريكاسىندا ىستەگەنىن بىلگەن سوڭ، كۇيەۋى روزىمامەت نادىردى ولشەمدى بۇزا وتىرىپ جۇمىسقا قابىلدايتىنىن ءماريام ويلاماعان ەدى. «كۇيەۋىم ەكەۋىمىز وڭاي قولعا كەلمەيتىن وسى قىزمەت ورايىن ەرەكشە قاستەرلەپ، قىزمەتتى قۇلشىنا ىستەدىك. قازىر ايلىق ەڭبەكاقىمىزدى قوسساق، 8000 − 9000 يۋانعا جەتەدى، 2016 - جىلى بانكەدەن قارىز الىپ، اشۋ رايونىنان 80 شارشى مەترلىك ءۇي ساتىپ الدىق»، - دەدى ءماريام. قازىرگى كەزدە ونىڭ ۇلكەن ۇلى باستاۋىش مەكتەپتە وقىسا، كىشى ۇلى اشۋ رايونىنداعى بالاباقشاعا كىردى. ەرلى - زايىپتى ەكەۋى تاعى ەلەكتروسيكل ساتىپ الىپ، ءبىر ءۇيلى جان شات - شادىمان تۇرمىس كەشىرۋدە.

  قازىرگى تۇرمىسىن اۋىزعا العاندا، ءماريام ريزالىعىن بىلدىرۋمەن بىرگە، كىشكەنتاي وكىنىشىن دە ايتا كەتتى. ول: بالا كەزىمدە وتباسىمىز كەدەي بولعاندىقتان، ويداعىداي وقي المادىم، ورتاق تىلدە جاقسى سويلەي المايمىن. بيىل 4 - ايدا «ۇعىسۋ، تيىمدىلىك جاساۋ، توعىستىرۋ» قىزمەت اترەتى الەۋمەتتىك اۋماقتا تاربيەلەۋ كۋرسىن اشتى، كۇيەۋىم ەكەۋىمىز وعان بەلسەنە تىزىمدەلدىك، قازىر ەكەۋىمىز ورتاق ءتىلدى نەداۋىر جاقسى سويلەي الاتىن بولدىق، - دەدى.

  ءماريام يمىت بىلاي دەدى: «پارتيانىڭ ابزال ساياساتىنىڭ ارقاسىندا، كۇيەۋىم ەكەۋىمىز وقۋ قاراجاتىن تاپسىرمايمىز، بالالارىمىز دا وقۋعا قاراجات تاپسىرمايدى. قىزمەت اترەتى مەن الەۋمەتتىك اۋماق كادرلارى بەينە جان اشىرلارىمىزداي بولىپ كەتتى، كاسىپورىندا از ۇلت قىزمەتكەرلەرى بارعان سايىن مولايدى، ءار ۇلت ءبىر ءۇيلى جانداي تاتۋ - ءتاتتى وتەدى. <بارىمىزگە تەڭ - ورتاق، جۇڭگو اتتى شاڭىراق، ءبارىمىز تۋىس - باۋىرلاس، كورىنىسى دە تاماشا - اق...». مەن ءان شىرقاۋدى ۇناتامىن، ءار رەت وسى ءاندى شىرقاعاندا، جۇرەگىم جىلىپ، ەرەكشە ماقتانىش سەزىنەمىن، ءوزىمنىڭ ۇلتتار ىنتىماعىنىڭ ۇلى شاڭىراعىندا تۇرمىس كەشىرىپ جاتقانىمدى ماقتانىش ەتەمىن».

  قازىر ءماريام كومپيۋتەردە جۇمىس جۇرگىزۋدى قۇلشىنا ۇيرەنىپ جاتىر، ارەدىكتە كۇيەۋى ەكەۋى بولاشاقتا كومپيۋتەر ساتىپ الىپ، سىرتقى دۇنيەنى تانۋدى، اۆتوكولىك ساتىپ الىپ، بالالارىمەن بىرگە ساياحاتتاۋدى ارمانداپ قويادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى