دۇرىس ساياسي بەتالىسقا تاباندى بولىپ، «ءتورت تانىمدى» بەرىك ورناتىپ، باس شۋجيدىڭ ماڭىزدى نۇسقاۋىنىڭ رۋحىن قاز - قالپىندا دايەكتىلەندىرەيىك، تياناقتاندىرايىق
چىن چۋانگو ءماجىلىستى باسقاردى
تىلشىلەرىمىز ياۋ تۇڭ، دۇڭ شاۋحۋا 7 - ايدىڭ 25 - كۇنى ۇرىمجىدەن حابارلايدى. اۆتونوميالى رايوندىق پارتكوم 7 - ايدىڭ 25 - كۇنى تۇستەن بۇرىن تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جيلين چاڭچۇن چاڭشىڭ بيولوگيالىق ۆاكسينا دەلوسى، بيجيە سىناق رايونى، جىجياڭ ولكەسى انجي اۋدانى حۋاڭدۋ قىستاعىنداعى شارۋا پارتيا مۇشەلەرىنىڭ كەدەي وڭىرلەرگە اق شۋلان شاي مايساسىن جىلۋ رەتىندە اتاۋى، ورتالىق پەن مەملەكەت ورگاندارىندا پارتيانىڭ ساياسي قۇرىلىسىن ىلگەرىلەتۋ، تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتى جونىندەگى ماڭىزدى نۇسقاۋلارىنىڭ رۋحىن جانە ەكولوگيالىق وركەنيەت جونىندەگى گۇيياڭ حالىقارالىق تالقى مىنبەرىنىڭ 2018 - جىلعى جىلدىق ماجىلىسىنە جولداعان قۇتتىقتاۋ حاتىن جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ جيلين چاڭچۇن چاڭشىڭ بيولوگيالىق ۆاكسينا دەلوسى جونىندەگى ماڭىزدى نۇسقاۋى حالىقتى وزەك ەتۋ يدەياسىن تولىق ايگىلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىق بۇقاراسىنىڭ باس اماندىعىنا، دەنساۋلىعىنا، حاۋىپسىزدىگىنە وسكەلەڭ ءمان بەرگەندىگىن جانە حالىق بۇقاراسىنىڭ مۇددەسىن قورعاۋداعى باتىل بەكىمىن ايگىلەدى. تۇتاس رايونىمىزداعى ءار دارەجەلى ورىندار، تاراۋلار ساياسي دەڭگەيدى جوعارىلاتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنە تاباندى، باتىل تۇردە قاتار تۇزەپ، ءار ۇلت بۇقاراسىنىڭ دەنساۋلىعىن باستان - اياق ماڭداي الدى ورىنعا قويۋ كەرەك. دەلودان ساباق الىپ، قاتىستى كاسىپورىنداردى باقىلاۋ - باسقارۋدى كۇشەيتىپ، كومەسكى حاۋىپتەردى جاپپاي ءبىر - بىرلەپ تەكسەرىپ، ساڭلاۋلاردى تۇبەگەيلى بىتەپ، ءدارى - دارمەك حاۋىپسىزدىگىنە كەپىلدىك ەتىپ، ءار ۇلت بۇقاراسىنىڭ ءتول مۇددەسىن كۇش سالا قامتاماسىزداندىرۋ كەرەك.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ەكولوگيالىق وركەنيەت جونىندەگى گۇيياڭ حالىقارالىق تالقى مىنبەرىنىڭ 2018 - جىلعى جىلدىق ماجىلىسىنە جولداعان قۇتتىقتاۋ حاتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكولوگيالىق وركەنيەتكە وسكەلەڭ ءمان بەرگەندىگىن تولىق بەينەلەدى، ەلىمىزدىڭ جاۋاپكەرلىك ارقالايتىن ءىرى ەل وبرازىن تولىق ايگىلەدى. تۇنىق سۋ مەن جاسىل تاۋ − باعالى بايلىق، قار - مۇز دا باعالى بايلىق دەگەن ماڭىزدى دامۋ ۇستانىمىن بەرىك ورناتىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن باتىل ويداعىداي جۇرگىزىپ، «ۇشتە جوعارى» نىسانداردىڭ شينجياڭعا كىرۋىن قاتاڭ تەجەپ، ەنەرگيا، كەن بايلىعىن اشۋدى اۆتونوميالى رايوندىق ۇكىمەت «ءبىر قالاممەن» تەكسەرىپ بەكىتۋ ءتۇزىمىن اتقارىپ، قورشاعان ورتانى قورعاۋدى «ءبىر داۋىسپەن تەرىستەۋ» ءتۇزىمىن اتقارىپ، جاسىل دامۋ ءتاسىلىنىڭ، جاسىل تۇرمىس ءتاسىلىنىڭ قالىپتاسۋىن ىلگەرىلەتىپ، اسپانى اشىق، جەرى جاسىل، سۋى تۇنىق كورىكتى شينجياڭدى قۇلشىنا قۇرۋ كەرەك.
ءماجىلىس مىنالاردى باسا دارىپتەدى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن قۇتىلدىرۋدان قامال الۋدى ەل باسقارۋدىڭ كورنەكتى ورنىنا قويىپ، كەدەيلىكتەن قۇتىلدىرۋدان قامال الۋ شايقاسىن جاپپاي جۇرگىزىپ، كەدەيلىكتەن قۇتىلدىرۋدان قامال الۋدا شەشۋشى ىلگەرىلەۋشىلىككە قول جەتكىزىپ، ادامزاتتىڭ كەدەيلىككە قارسى تۇرۋ تاريحىنداعى شۇعىلالى پاراعىن جازدى. يدەيانى بىرلىككە كەلتىرىپ، جاۋاپكەرشىلىكتى تياناقتاندىرىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، پارتيا مەن ۇكىمەتتىڭ ءبىرىنشى باسشىسى تىكە يگەرۋگە، كەدەي اۋدانداردىڭ پارتكومى مەن ۇكىمەتتەرى نەگىزگى تۇلعالىق جاۋاپكەرشىلىكتى ارقالاۋعا تاباندى بولىپ، قامال الىپ، قيىنشىلىقتاردى جەڭىپ، ۇزدىكسىز كۇرەس جاساپ، كەدەيلىكتەن قۇتىلدىرۋدان قامال الۋ شايقاسىن تىڭعىلىقتى العا ىلگەرىلەتۋ كەرەك. كۇشتەردى ءبىر تۇتاس ورنالاستىرىپ، بىرىككەن كۇش قالىپتاستىرىپ، كەدەيلەردى ارناۋلى نىسانمەن سۇيەمەلدەۋ، كەدەيلەردى كاسىپ سالاسىمەن سۇيەمەلدەۋ، كەدەيلەردى قوعامدىق سۇيەمەلدەۋ، كەدەيلەردى شينجياڭعا كومەكتەسۋمەن سۇيەمەلدەۋ سياقتى كوپ جاقتى كۇشتەردىڭ، كوپ ءتۇرلى شارالاردىڭ ورگانيكالى ۇشتاسۋىن جانە ءوزارا تىرەك بولاتىن «ءتورتتى ءبىر تۇلعالاندىرۋداي» كەدەيلەردى سۇيەمەلدەۋدىڭ جالپىلىق جاعدايىن جاقسارتىپ، شىعىس، باتىس بولىكتەردىڭ كەدەيلەردى سۇيەمەلدەۋ سەلبەستىگىن جانە پارتيا، ۇكىمەت ورگاندارىنىڭ تۇيىندە كەدەيلەردى سۇيەمەلدەۋىن تەرەڭدەتىپ، قوعامدىق كۇشتەردى كەدەيلىكتەن قۇتىلدىرۋدان قامال الۋعا كەڭ كولەمدە ات سالىسۋعا بەلسەنە جەتەكتەپ، كەدەيلىكتەن قۇتىلدىرۋدان قامال الۋدى بىرگە ىلگەرىلەتەتىن قۇدىرەتتى بىرىككەن كۇش قالىپتاستىرۋ كەرەك. نىسانانى ءدال كوزدەپ، ءتۇيىندى كورنەكتىلەندىرىپ، قازىر اتقارىلىپ وتىرعان كەدەيلەردى سۇيەمەلدەۋ ولشەمىنە تاباندى بولىپ، كەدەيلەردى دالمە - ءدال سۇيەمەلدەۋدىڭ، كەدەيلىكتەن دالمە - ءدال قۇتىلدىرۋدىڭ نەگىزگى جالپى جوباسىن دايەكتىلەندىرىپ، وڭتۇستىك شينجياڭداعى 3 ايماق، ءبىر وبلىستا اۋىر كەدەيلىك قامالىنىڭ ىشىندەگى قامالدى الۋعا كۇشتى شوعىرلاندىرىپ، 2020 - جىلى تۇتاس رايونىمىزداعى كەدەيلەردىڭ بۇكىل ەلمەن بىرگە دوڭگەلەك داۋلەتتى قوعامعا وتۋىنە كەپىلدىك ەتۋ كەرەك.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ ورتالىق پەن مەملەكەت ورگاندارىندا پارتيانىڭ ساياسي قۇرىلىسىن ىلگەرىلەتۋ جونىندەگى ماڭىزدى نۇسقاۋى ورتالىق پەن مەملەكەت ورگاندارىنىڭ ساياسي قۇرىلىسى جونىندەگى ايقىن تالابى ءارى بۇكىل پارتيانىڭ ساياسي قۇرىلىسىنىڭ ماڭىزدى ولشەمى. مۇقيات ۇيرەنىپ، تەرەڭ ءتۇسىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن شىنايى بىرلىككە كەلتىرىپ، ساياسي قۇرىلىستاعى جاۋاپكەرشىلىك سەزىمدى، بورىشتىلىق سەزىمدى ۇزدىكسىز كۇشەيتۋ كەرەك. «ءتورت تانىمدى» بەرىك ورناتىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. دۇرىس ساياسي بەتالىستى يگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاباندى بولىپ، ساياسي ءتارتىپ پەن ساياسي قاعيداعا قاتاڭ بۇيسۇنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، بارلىق ارەكەتتە پارتيا ورتالىق كوميتەتىنىڭ قولباسشىلىعىنا جانە جارلىعىنا قۇلاق اسۋ كەرەك. ساياسي قۇرىلىستى شىنايى كۇشەيتىپ، پارتيانىڭ ساياسي لۋشيانىن باتىل اتقارىپ، جاڭا جاعدايداعى پارتيانىڭ ىشكى ساياسي ومىرىندەگى ءبىرقانشا ولشەمدى قاتاڭ اتقارىپ، پارتيانىڭ ىشكى ساياسي ءومىرىنىڭ ساياسي سيپاتىن، داۋىرلىك سيپاتىن، پرينسيپتىك سيپاتىن، جاۋىنگەرلىك سيپاتىن كۇشەيتىپ، دەموكراتيالىق ورتالىقتاندىرۋ ءتۇزىمىنىڭ ءتۇرلى تۇزىمدەرىن كەمەلدەندىرىپ جانە تياناقتاندىرىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋ كەرەك. ۇلگىلى ورگان قۇرۋعا قۇلشىنىپ، ساياسيدى باسشىلىققا الۋدى ايگىلەپ، ماسەلەنى نىشان ەتۋدەن جازباي، ءتۇزىم مەحانيزمىن كەمەلدەندىرىپ، نەگىزگى تۇلعالىق جاۋاپكەرلىكتى تياناقتاندىرىپ، پارتيانى جالپى بەتتىك قاتاڭ جونگە سالۋدى ىلگەرىلەتىپ، «بىردە باستاماشى» بولۋدى، «ۇشتە ۇلگى بولۋدى» باتىل ورىنداۋ كەرەك.
ءماجىلىس مىنالاردى اتاپ كورسەتتى: 7 - ايدىڭ اياق شەنىنەن 8 - ايدىڭ باس شەنىنە دەيىنگى مەزگىل تۇتاس رايونىمىزدىڭ نەگىزگى تاسقىن مەزگىلىنىڭ ءتۇيىندى ۋاقىت كەزەڭى، باس شۋجي شي جينپيڭنىڭ تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، حالىقتى وزەك ەتۋ يدەياسىن بەرىك ورناتىپ، پارتيا مەن حالىققا وسكەلەڭ جاۋاپتى بولۋ رۋحىمەن تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتىن تىڭعىلىقتى، دەن قويا ىستەپ، تاسقىننان حاۋىپسىز وتۋگە كەپىلدىك ەتىپ، حالىق بۇقاراسىنىڭ باس اماندىعىن، مال - مۇلىك حاۋىپسىزدىگىن شىنايى قورعاۋ كەرەك. قىزمەت جوباسىن كەمەلدەندىرىپ، اپاتتان قۇتقارۋ زاتتىق قۇرال - جابدىقتارىن تولىق دايىنداپ، قاتەردەن اراشالاۋ، اپاتتان قۇتقارۋ قوسىنىن ۇيىمداستىرىپ، اتتانىسقا كەلتىرىپ، كوشىرۋ ارقىلى قاتەردەن ساقتانۋ، قاتەردەن اراشالاۋ، قۇتقارۋ - كومەكتەسۋ بويىنشا شۇعىل جاعدايعا توتەپ بەرۋ جاتتىعۋىن جۇرگىزۋ كەرەك. عىلمي باقىلاپ - ولشەپ، ساقتاندىرىپ، جاۋىن - شاشىن جاعدايى، سۋ جاعدايى وزگەرىسىن ءجىتى قاداعالاپ، دەر كەزىندە اقىلداسىپ، تۇجىرىم جاساپ، ءىشىنارا قالىڭ جاڭبىر، قوسالقى گەولوگيالىق اپات سياقتىلار جونىندەگى باقىلاۋ - ولشەۋدى، الدىن الا مالىمەت بەرۋدى كۇشەيتىپ، سۇركەيلى اۋا رايىنان تۋىندايتىن ءىشىنارا جەرلەردەگى نوسەر، تاسقىن جانە تاۋ كوشكىنى اپاتىنان ايرىقشا قىراعى بولۋ كەرەك. ءتۇيىندى وڭىرلەردى كورنەكتىلەندىرىپ، سۋ قويماسى، جول، كوپىر سياقتى ءتۇيىندى ورىندار مەن گەولوگيالىق اپات كوپ تۋىلاتىن وڭىرلەردى ءجىتى قاداعالاپ، اۋ جايۋ ۇلگىسىندە ءبىر - بىرلەپ تەكسەرۋ جۇرگىزىپ، ساقتانۋ شاراسىن باعىتتامالى تۇردە تياناقتاندىرىپ، بۇكىلدەي حاۋىپسىزدىككە كەپىلدىك ەتۋ كەرەك. قىزمەت جاۋاپكەرلىگىن تياناقتاندىرۋ كەرەك، ءار دارەجەلى پارتكومدار مەن ۇكىمەتتەر تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتىنە وسكەلەڭ ءمان بەرىپ، شۇعىل جاعدايعا توتەپ بەرۋ كەزەكشىلىگىن كۇشەيتۋ كەرەك، تاسقىننان ساقتانۋ، قۋاڭشىلىققا قارسى اتتانۋ قولباسشىلىق شتابى الدىن الا قولباسشىلىق ەتۋ، عىلمي شەشىم جاساۋ كەرەك، ءارقايسى تاراۋلار جۇمىس ءبولىسى بويىنشا جاۋاپتى بولىپ، تىعىز سەلبەسىپ، تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتىنىڭ تۇلعالىق بىرىككەن كۇشىن قالىپتاستىرۋ كەرەك.
شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، شۇي حايرۇڭ، ەركىن تۇنياز، تيان ۋىن، سارقىت اقان ۇلى، جاڭ چۇنلين، پىڭ جيارۇي ماجىلىسكە قاتىناستى.
