ءتىلشىمىز چاۋ جين، ەرىكتى ءتىلشى گو جىلۇڭ
7 - ايدىڭ 15 - كۇنى كەش، گۇما اۋدانى كوكتەرەك اۋىلى اراءمالى قىستاعىنداعى «تىڭ ءۇمىت» قولونەر بۇيىمدارى شەكتى سەرىكتەستىگىنىڭ شەبەر تىگىنشى قىزدارى توتەنشە قاربالاس. سەرىكتەستىك 500 پار كيىم تىگەتىن ۇلكەن ءبىر تاپسىرىس قابىلداپ العاندىقتان، كوپشىلىك ءوز ەرىكتەرىمەن ۇستەمە جۇمىس ىستەۋدە. وسى سەرىكتەستىكتىڭ ديرەكتورى ابىلەكىم سەيتاحىمەتكە كەزىندە «كەدەيلىك قالپاعى» تاعىلعانىن ەشكىم ويلامايتىن ەدى. «بىلتىر اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ <ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇراتىن قىزمەت اترەتى قولونەر بۇيىمدارىن جاساۋ شەبەرلىگىمنەن پايدالانىپ شارۋاشىلىق قۇرىپ اۋقاتتانۋ جولىنا تۇسۋگە شابىتتاندىردى، ولاردىڭ كومەگىمەن سەرىكتەستىك قۇرىلعان جارتى جىلدان بەرى تيجارات كىرىسىمىز 700 مىڭ يۋاننان استى»، - دەدى ابىلەكىم تەبىرەنە.
ابىلەكىمنىڭ سەرىكتەستىگىنە «تىڭ ءۇمىت» دەپ ات قويۋىنداعى سەبەبى قىستاقتاعى كەدەي وتباسىلارىن كەدەيلىك قالپاعىن لاقتىرىپ تاستاپ، اۋقاتتانۋ جولىنا ءتۇسىرۋ ەدى. «ونەرىمدى قىستاقتىڭ كەدەي وتباسىلارىنداعى ايەلدەرگە ۇيرەتتىم، ولار وسى ونەرمەن وتباسىلارىنىڭ كىرىسىن ارتتىرا الادى»، - دەيدى ابىلەكىم.
قىستاق تۇرعىنى ءبۇزوحىرا مامەت وتباسىنىڭ ەكونوميكالىق جاعدايى ناشار ەدى، جۋىقتا ونىڭ كۇيەۋى قىستاقتاعى ناۋبايشىلىق سەلبەستىك كووپەراتيۆىندە جۇمىس ىستەي باستايدى، ايلىق كىرىسى 3000 -- 4000 يۋانعا جەتتى، ال ءوزى دە «تىڭ ءۇمىت» قولونەر بۇيىمدارى شەكتى سەرىكتەستىگىنە قابىلداندى، جاقىن ماڭنان كاسىپتەنگەن ول ايىنا 1500 يۋان كىرىس كىرگىزدى. قازىرگى تۇرمىسىن اۋىزعا العان ءبۇزوحىرا اسقان سەنىممەن: ءوسىمى ۇكىمەتتەن كوتەرىلەتىن شاعىن سومالى قارىزدى قايتارىپ بولدىم، قالعان اقشامەن اۋلا شارۋاشىلىعىن دامىتۋعا بولادى، سەرىكتەستىكتەگى اپەكە - سىڭلىلەرىمە قاراڭىز، بارلىعىنىڭ جۇمىس بەلسەندىلىگى توتەنشە كۇشتى، - دەدى.
«تىڭ ءۇمىت» قولونەر بۇيىمدارى شەكتى سەرىكتەستىگى بيىل 1 - ايدا قۇرىلعان، جارتى جىلدان استام ۋاقىت قۇلشىنۋدىڭ ارقاسىندا، ۇزاق ۋاقىت تۇراقتى جۇمىس ىستەيتىن 53 جۇمىسشىعا، 50 تىگىن ماشيناسىنا يە بولدى، جىلدىق جان باسىندىق كىرىس 20 مىڭ يۋانعا جەتەدى دەپ مەجەلەنۋدە. بۇل سەرىكتەستىك قازىر اراءمالى قىستاعىنداعى كوشباسشى كاسىپورىنعا اينالدى، وندىرگەن كەستە بۇيىمدارى ساپالى، وزىندىك ەرەكشەلىككە يە بولعاندىقتان، شينجياڭنىڭ ءىشى - سىرتىنا ساتىلا باستادى.
6 - ايدىڭ 27 - كۇنى اراءمالى قىستاعى باستاۋىش مەكتەبى «1 - شىلدەنى» قارسى الۋ بايلانىسىمەن ەرەكشە جىلۋ اتاۋ قيمىلىن وتكىزدى. ابىلەكىم تارتۋ ەتكەن قۇنى 20 مىڭ يۋاننان اساتىن 300 پار كيىمدى «تىڭ ءۇمىتتىڭ» كەستەشى قىزدارى مەكتەپتەگى بالالارعا تارتۋ ەتتى.
«مەن كوپشىلىكتى اۋقاتتى تۇرمىس كەشىرۋگە باستايمىن، مۇنان سىرت، بالالارعا تىڭ ءۇمىت سيلاپ، ولارعا قارشادايىنان باستاپ باقىتتى تۇرمىستى قاستەرلەۋدى ۇيرەتەمىن»، - دەدى ابىلەكىم.
قولىنا جاڭا كيىمىن العان اراءمالى قىستاعى باستاۋىش مەكتەبىنىڭ 5 - كلاس وقۋشىسى رىزۋانگۇل احىمەت قۋانا: ءبىز ابىلەكىم اعايدان ۇيرەنىپ، بولاشاقتا قوعامعا جارامدى ادام بولامىز، - دەدى.
تەك بالالار عانا شاتتانىپ قالماستان، اتا - انالاردىڭ دا سەزىمى تاسقىندادى. قىستاق تۇرعىنى ءبۇزوحىرا ابىلەز: مەن كەدەيلىكتەن قۇتىلىپ، كىرىسىمدى ارتتىرىپ، ابىلەكىم سياقتى باقىتتى تۇرمىس كەشىرۋگە قۇلشىنامىن، - دەدى.
ابىلەكىم پارتيا مۇشەسى ءارى اراءمالى قىستاعى پارتيا ياچەيكاسىنىڭ ۇگىت مۇشەسى، ول پارتيانىڭ ابزال ساياساتىن بەلسەنە ۇگىتتەۋدەن سىرت، پارتياعا مۇشە قابىلداۋعا دا كومەكتەستى. ابىلەكىم تاعى ءپىشان اۋداندىق بەس جۇلدىزدى پارتيا ۇيىمىن قۇرۋ جانە بەس جۇلدىزدى پارتيا مۇشەسى بولۋ قىزمەتىندەگى «وزات جەكە» داڭقتى اتاعىنا يە بولادى.
ابىلەكىمنىڭ باستاماشىلدىعىندا، ورتا تەحنيكۋمنان وقۋ تامامداعان ءبۇاجەر يمىن اعالاپ العا شىعىپ، قىستاق ايەلدەر كوميتەتىنىڭ مەڭگەرۋشىسى بولادى. پارتياعا كىرۋگە تانىستىرۋشى ابىلەكىمنىڭ كومەگىندە، قازىر ول كانديدات پارتيا مۇشەسى بولدى.
«پارتيا مەن ۇكىمەتتىڭ كومەگى بولماسا، مەنىڭ بۇگىنگى باياشاتتى تۇرمىسىم بولمايتىن ەدى، مەن كوپشىلىكتى كەدەيلىكتەن قۇتىلىپ، بايۋ جولىنا تۇسۋگە باستايمىن»، - دەدى ابىلەكىم.
