شىجىعان جاز كۇندەرى، كەيبىر ادامدار سالقىنداۋ ءۇشىن، اۋا باپتاعىشتى مۇمكىندىكتىڭ بارىنشا تومەن تەمپەراتۋراعا تەڭشەپ سالقىنداعاندى نەمەسە تەرلەپ كەلىپ، سۋىق سۋعا ءتۇسىپ سالقىنداعاندى جاقسى كورەدى. ءىس جۇزىندە بۇلاي ىستەۋگە بولمايدى. چۇڭچيڭ قالالىق دەنساۋلىق ساقتاۋ جوسپارلى تۋىت ماماندارى قۇراستىرعان سالقىنداۋ ەسكەرتپەسىندە، سالقىنداۋ جاعىنداعى اعاتتىقتاردى جويۋ دەنساۋلىققا پايدالى ەكەندىگىن ەسكەرتتى.
تاياۋدا، چۇڭچيىڭ قالاسىندا ءۇرتىس بىرنەشە كۇن كۇن اشىق بولىپ، كوپ ءبولىم جەرلەردىڭ ەڭ جوعارى اۋا تەمپەراتۋراسى 40 سەلتسي گرادۋستان استى، بۇنداي كەزدە وڭاي ىستىق وتەدى. شىجىعان ىستىقتا، كوپتەگەن ادامدار اۋا باپتاعىشتى بارىنشا تومەن تەمپەراتۋراعا تەڭشەپ قويادى، ءىس جۇزىندە، بولمەنىڭ ءىشى-سىرتىنداعى اۋا تەمپەراتۋرا پارقى وتە زور بولىپ، ادامداردىڭ دەنەسىندە جايسىزدانۋ احۋالى بولادى. چۇڭچيڭ قالالىق دەنساۋلىق ساقتاۋ جوسپارلى تۋىت كوميتەتى سالقىنداۋ ەسكەرتپەسىندە، جاز كۇندەرى بولمە تەمپەراتۋراسى 25 تە 28 سەلتسي گرادۋس شاماسىندا ۇستاعاندا، ادامدار سالقىنداي الادى ءارى ينفەكسيالانعان اۋرۋدىڭ قاتەرىن تومەندەتۋگە بولاتىندىعىن ايتتى.
جانە ءبىر بولىم ادامدار تەرلەپ كەلىپ سۋىق سۋعا ءتۇسىپ، سالقىنداعاندى جاقسى كورەدى، بۇلاي ىستەۋگە بولمايدى، سالقىنداۋ ەسكەرتپەسىندە، سالقىنداۋدىڭ دۇرىس ءادىسى سۋدىڭ تەمپەراتۋراسى دەنە تەمپەراتۋراسىنان جوعارىلاۋ بولعان سۋعا شومىلعاندا دەنە راحاتتانىپ قالاتىندىعىن ەسكەرتكەن.
سونىمەن بىرگە، جانە ءبىر ءبولىم ادامدار كۇن قاتتى ىسىعاندا، قانشالىقتى جالاڭ كيىنسە سونشا جاقسى دەپ ويلايدى، ءىس جۇزىندە، شىجىعان ىستىقتا اۋا تەمپەراتۋرا 37 سەلتسي گرادۋستان اسقاننان كەيىن ادامدار تەرىسى ىستىقتى تاراتا المايدى، كەرىسىنشە، سىرتقى ورتاداعى ىستىقتى سىمىرەدى، سوندىقتان، جاز كۇندەرى جالاڭ كيىنگەنمەن دە ىستىقتايدى. سالقىنداۋ ەسكەرتپەسىندە، ىستىق بولعان سايىن، تەر سىمىرەتىن كيىمدەردى كيگەن ءجون دەيدى.
