تيانشان تورى   ›   جاڭالىقتار   ›   وقۋ-اعارتۋ

2018 - جىلعى ستۋدەنتتەر باتىس بولىك جوسپارىنىڭ ەرىكتىلەرى نەگىزگى ساتىعا اتتانادى

  ءتىلشىمىز ميھىرگۇل ناسىر 7 - ايدىڭ 27 - كۇنى ۇرىمجىدەن حابارلايدى. 7 - ايدىڭ 27 - كۇنى تۇستەن بۇرىن 2018 - جىلعى ستۋدەنتتەردىڭ باتىس بولىككە ەرىكتى قىزمەت كورسەتۋ جوسپارىنىڭ شينجياڭعا ارنايى قىزمەت كورسەتۋ ەرىكتىلەرىن اتتاندىرۋ سالتى شينجياڭ اۋىل شارۋاشىلىق داشۋەسىندە باستالدى، باتىس بولىك جوسپارىنىڭ 2600دەن استام ەرىكتىسى ءارقايسى ايماق، وبلىس، اۋدان، قالالارعا بارىپ، ەرىكتى قىزمەت كورسەتەدى.

  اتتاندىرۋ سالتىنان كەيىن، باتىس بولىك جوسپارى ەرىكتىلەرى ۋاكىلدەرىنىڭ اڭگىمە ءماجىلىسى وتكىزىلدى، ماجىلىسكە قاتىناسقان ەرىكتىلەر جاستىق ارمانى جونىندە كوسىلە اڭگىمە شەرتىپ، ەرىكتى قىزمەت كورسەتۋ سۇيىسپەنشىلىكتەرىن تىلگە تيەك ەتتى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ماجىلىسكە قاتىناستى ءارى ءسوز سويلەدى.

  ءماجىلىس مىنانى اتاپ كورسەتتى: ستۋدەنت ەرىكتىلەر باس شۋجي شي جينپيڭنىڭ جاستار قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، مۇرات - سەنىمدى بەكەمدەپ، قابىلەتتى جەتىلدىرىپ، باتىلدىقپەن جاۋاپكەرشىلىك ارقالاپ، نەگىزگى ساتىعا تەرەڭ تامىر تارتىپ، شينجياڭ توپىراعىندا جاستىعىن، اقىل - پاراساتىن جانە كۇش - قۋاتىن مۇمكىندىگىنشە كادەگە جاراتۋ كەرەك.

  ءماجىلىس مىنانى باسا دارىپتەدى: بۇكىل اۆتونوميالى رايونىمىزداعى ءار دارەجەلى كوممۋنيستىك جاستار وداعى ۇيىمدارى جوعارى مەكتەپتەردەن وقۋ تاۋىسقان وقۋشىلاردى شينجياڭنىڭ نەگىزگى ساتىلارىنا بارىپ قىزمەت ىستەۋگە جەتەكتەۋدىڭ ماڭىزىن جەتە تانىپ، باتىس بولىك جوسپارىنىڭ شينجياڭ ارناۋلى قىزمەتىن شىن مانىندە مىقتاپ يگەرىپ، مىقتاپ ۇستاپ، ناقتى ونىمدىلىككە قول جەتكىزۋ كەرەك. ەرىكتىلەردى ەرىكتى رۋحىن ساۋلەلەندىرۋگە، سوتسياليستىك وزەكتى قۇن كوزقاراسىن امالياتتا ايگىلەۋگە، نەگىزگى ساتىدا جەتىلىپ، دامۋعا، ەڭبەك ءسىڭىرىپ، ۇلەس قوسۋعا جەتەكتەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ۇلەس قوسۋ كەرەك.

  اڭگىمە ماجىلىستە ەرىكتىلەردىڭ 5 ۋاكىلى پىكىر اۋىستىرىپ، ءسوز سويلەدى، ولاردىڭ سويلەگەن سوزىندە وتاننىڭ ءۇمىتىن اقتايتىن ماقتانىش سەزىم، شينجياڭداعى ءار ۇلت حالقىنا دەگەن تەرەڭ سۇيىسپەنشىلىك، تاسقىنداعان جاستىق جانە ۇلەس قوسۋ اسقاق سەزىمدەرى بەينەلەندى.

  ساناققا قاراعاندا، 2003 - جىلدان بەرى، بۇكىل ەلىمىزدەگى ءارقايسى ولكە، اۆتونوميالى رايون، قالالاردان جيىنى 18 مىڭنان استام ستۋدەنت ەرىكتى شينجياڭعا كەلىپ، ەرىكتى قىزمەت كورسەتكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى