تيانشان تورابى   ›   جاڭالىقتار   ›   ساياحات

ماركالى جارىس ىستەرى اۆتونوميالى رايوننىڭ دەنە تاربيە ساياحاتىن جەبەدى

ءتىلشىمىز دۇڭ لياڭ

  7 - ايدىڭ 16 - كۇنى جۇڭگو شينجياڭ 12 - كەزەكتى سايرام كولىن اينالۋ تاس جول ۆەلوسيپەد جارىسىنىڭ جابىلۋ سالتىندا سىندي كىشين يۋانحۇڭ كومانداسىنىڭ اعا جۇلدەگەر بولۋىنا كومەكتەسكەن تايۋاندىق شاباندوز شۇي شۋانپيڭ تىلشىگە: سايرام كولىنىڭ كورىنىسى كوركەم، اياسى كەڭ، كەيىن ۇيىمدەگىلەردى وسىندا ساياحاتقا ەرتىپ كەلەمىن، - دەدى.

  «شينجياڭنىڭ كورىنىسى كوز سۇرىندىرەدى، ونىمدەرى مول، حالىقتىق سالت - ساناسى قاراپايىم». تاكلاماكاندى اينالۋ دالالىق راللي جارىسىنا ەرىكتى بولعان لي لي شينجياڭعا ىلگەرىندى - كەيىندى 2 رەت كەلدى. بيىلعى تاكلاماكاندى اينالۋ دالالىق راللي جارىسىنان سوڭ، لي لي ىلە قازاق اۆتونوميالى وبلىسىندا جارتى ايدان استام ۋاقىت ساياحاتتاپ، شاندۇڭنىڭ چيڭداۋ قالاسىنا قيماستىقپەن اتتاندى.

  «سوڭعى جىلداردان بەرى، شينجياڭدا دەنە تاربيە ماركالى جارىس ىستەرى ۇزدىكسىز دامىپ، كەڭەيىپ، شينجياڭنىڭ دەنە تاربيە سپورتىنىڭ، دەنە تاربيە كاسىبىنىڭ، دەنە تاربيە جابدىقتارىن جاساۋ كاسىبىنىڭ دامۋىنا تۇرتكى بولىپ، شينجياڭنىڭ تاريحىن، مادەنيەتىن جانە جاراتىلىستىق كورىنىسىن، شينجياڭ قوعامىنىڭ ورنىقتىلىعى مەن باياندى دامۋىنىڭ، العا باسۋىنىڭ قازىرگى جاعدايىن بار كۇشپەن ۇگىتتەپ، ساياحات كاسىبىنىڭ دامۋىن العا ىلگەرىلەتتى. دەنە تاربيە ماركالى جارىس ىستەرى شينجياڭ دەنە تاربيە ساياحاتىنىڭ ءبىر ايگىلى تانىسقىسىنا اينالدى»، - دەدى اۆتونوميالى رايوندىق ساياحاتتى دامىتۋ كوميتەتى پارتيا باسشىلىق گرۋپپاسىنىڭ شۋجيى حوۋ حانمين.

 بايلىق ابزالدىلىعىنان پايدالانىپ، ماركالى جارىس ىستەرىن تۇلعالادى

  «شينجياڭنىڭ جەر اۋماعى كەڭ، جەر ءتۇزىلىسى ءار الۋان، ءوڭىر ارا پارقى زور، ەجەلدەن بەرى دالالىق سپورتقا اتاپ سوققان جەر». اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى نيە چۇننىڭ تانىستىرۋىنشا، سوڭعى جىلداردان بەرى، اۆتونوميالى رايونىمىز دارا جاراتىلىستىق بايلىق ابزالدىلىعىنان تولىق پايدالانىپ، ۇكىمەت جەتەكشى بولاتىن، كاسىپورىندار قاتىناساتىن، بازار ارقىلى اينالىس جاسايتىن دەنە تاربيە جارىس ىستەرىن وركەندەتۋ ۇلگىسىن بەلسەنە ورناتىپ، كوپ ساتىلى، كوپ ءتۇرلى دەنە تاربيە جارىس ىستەرى مەن قيمىلدارىن بار كۇشپەن ورىستەتتى. جۇڭگو تاكلاماكاندى اينالۋ (حالىقارالىق) دالالىق راللي جارىسى، جۇڭگو حالىقارالىق لاگەر جينالىسى، جۇڭگو شينجياڭ حالىقارالىق ءشول - جازيرا سەيىل - سەرۋەن سپورت جارىسى سياقتى حالىقارالىق ىقپال كۇشىنە يە ماركالى دەنە تاربيە جارىستارىن تۇلعالاۋعا كۇش سالىپ، مەملەكەتتىك سيپاتتى، حالىقارالىق سيپاتتى جوعارى ورەدەگى دەنە تاربيە جارىستارىن بەلسەنە ەنگىزىپ جانە ونى ويداعىداي وتكىزىپ، قوعامدىق دەنە تاربيە ۇيىمدارىن دەنە تاربيە جارىس ىستەرى قيمىلدارىن كوتەرىپ الىپ جۇرگىزۋگە شابىتتاندىرىپ جانە ونى قولداپ، وسى ارقىلى بۇقارالىق سيپاتتاعى قاتىناسىپ باستان كەشىرۋدىڭ جانە تاماشالاۋدىڭ قاجەتىن قاناعاتتاندىردى.

  ماركالى جارىس ىستەرىنىڭ جۇرگىزىلۋىنە ىلەسە، ەل ءىشى - سىرتىنان كوپتەگەن تانىمال سپورتشىلار ىلگەرىندى - كەيىندى شينجياڭعا كەلىپ جارىسقا قاتىناسىپ، شينجياڭنىڭ كوركەم كورىنىسى مەن جەرگىلىكتى سالت - ساناسىنان ءلاززات الدى. 2016 - جىلى 7 - ايدا جۇڭگو مەن رەسەي بىرلەسىپ وتكىزگەن جىبەك جولى حالىقارالىق اۆتوموبيل راللي جارىسى شينجياڭدا ءوتتى. داكار اعا جۇلدەگەر كومانداسى − فرانسيا پەۋگەوت كومانداسىنىڭ حالىقارالىق ماڭداي الدى ساڭلاعى پەترحانسەل، سەباستيەن لوەب، دەسپۇرەس تۇڭعىش رەت جۇڭگوعا كەلىپ جارىسقا قاتىناستى. دۇنيە جۇزىلىك راللي جارىستارىنىڭ كوپ رەت اعا جۇلدەگەرلىگىنە يە بولعان سەباستيەن لوەب: جۇڭگونىڭ شينجياڭىندا اسقار تاۋ، جايلاۋ، كول، ءشول - جازيرا سياقتى الۋان ءتۇرلى جەر ءتۇزىلىسىنىڭ ءبارى بار ەكەن، داكاردىڭ جارىستارىندا كوپتەگەن مەملەكەتكە بارعاندا عانا بارلىق جەر ءتۇزىلىسىن دەرلىكتەي تابا الاسىڭ. مەن، شىنىندا، مۇنى ويلاماعان ەكەم، - دەدى تاڭىرقاي.

 دەنە تاربيە ساياحاتىنىڭ بىرەگەي كوزدەۋلى جەرىنە اينالدى

  تاكلاماكاندى اينالۋ دالالىق راللي جارىسى تاكلاماكان ءشولىنىڭ قويناۋىنداعى «شولدەگى جاسىل القاپ» كەريا اۋدانى داريابويى اۋىلىنا، «ماي بوياۋلى سۋرەت قالاسى» شاۋەشەك قالاسىنا دەيىن جەتتى؛ سايرام كولىن اينالۋ ۆەلوسيپەد جارىسى «الاقات مەكەنى» جىڭ اۋدانىن، «ازيا - ەۆروپا ۇلى قۇرلىق كوپىرى» الاتاۋ قالاسىن، «جۇڭگو اراسان مەكەنى» اراسان اۋدانىن باسىپ ءوتتى؛ مۇزتاۋ شىڭىنا شىعۋدا ءسوزسىز باسىپ وتەتىن اقتاۋ اۋدانى مەن تاشقورعان تاجىك اۆتونوميالى اۋدانى سياقتى جەر اتتارىنا كوپتىڭ قۇلاعى ابدەن قانىق. ءپىشان اۋدانىنداعى قۇمتاۋ ءشولى قويناۋىنداعى «باتىر قازان»، قۇمىل قالاسىنداعى «قۇم تەڭىزىندەگى ەجەلگى قالا قورعاندارى» اتالعان يارداڭ جەر ءتۇزىلىسى، التاي ايماعى قاناس كورىنىستىك اۋماعى تۇرعان جەر − التاي تاۋى ەجەلگى قار - مۇز سپورتىنىڭ باستاۋ العان جەرى... سياقتى سىرلى كورىنىستىك اۋماقتاردىڭ ەلىمىز ءىشى - سىرتىنداعى دالا ساياحاتى اۋەسكەرلەرىن بارعان سايىن باۋراۋدا. ماركالى جارىس ىستەرى ىقپالىنىڭ بارعان سايىن كۇشەيۋىنە بايلانىستى، جارىستى وتكىزگەن جەرلەر دە كوپ ادامداردىڭ نازارىنا ءىلىنىپ، سول جەردىڭ ساياحاتىن، ەكونوميكاسىن ارتتىرۋمەن بىرگە، جەرلەردىڭ، كورىنىستىك اۋماقتاردىڭ ساياحات نەگىزدىك قۇرىلعىلار قۇرىلىسىن سالۋ مەن جاڭالاۋدىڭ دەڭگەيىن كوتەرۋدى ىلگەرىلەتىپ، دەنە تاربيە ساياحاتىنىڭ ءبىر توپ بىرەگەي كوزدەۋلى جەرىن تۇلعالادى.

  2017 - جىلعى جۇڭگو دەنە تاربيە مادەنيەت - دەنە تاربيە ساياحات كورمەسىندە شينجياڭ جىبەك جولى حالىقارالىق سەيىل - سەرۋەن رايونى 2017 - جىلعى جۇڭگو دەنە تاربيە ساياحاتىنىڭ بىرەگەي كورىنىستىك اۋماعىنداعى 10 تاڭداۋلىنىڭ ءبىرى بولىپ باعالاندى؛ شينجياڭ . شونجى جانبۇلاق تاۋلى دالالىق لەنياسى 2017 - جىلعى جۇڭگو دەنە تاربيە ساياحاتىنىڭ بىرەگەي كورىنىستىك اۋماعىنداعى 10 تاڭداۋلى جەلىنىڭ ءبىرى بولىپ باعالاندى؛ التاي ايماعى 2017 - جىلعى جۇڭگو دەنە تاربيە ساياحاتى 10 بىرەگەي كوزدەۋلى جەرىنىڭ ءبىرى بولىپ باعالاندى.

 دەنە تاربيە + ساياحاتتىڭ بولاشاعى جارقىن

  «قازىرگى ساياحات كاسىبى الدەقاشان تاماشالاۋدان ءوز باسىنان كەشىرۋگە، قاتىناسۋعا قاراي بۇرىلىس جاسادى، ماركالى جارىس ىستەرىن وتكىزۋ كوپتەگەن تاماشالاۋشىلاردى، قاتىناسۋشىلاردى جارىس ىستەرى قيىملدارىنا قاتىناسۋعا جەتەكتەپ، كوپتەگەن ادامداردى شينجياڭعا كەلۋگە باستاپ، رايونىمىزدىڭ ساياحات كاسىبىنىڭ دامۋىن جەبەدى». حۋ حانمين «شينجياڭ ەرەكشە وڭىرلىك ابزالدىلىققا يە، دەنە تاربيە ساياحاتىن زور كۇشپەن دامىتۋدىڭ بولاشاعى ەرەكشە جارقىن» دەپ ەسەپتەدى.

  «دەنە تاربيە ساياحاتى دەنە تاربيە كاسىبىنىڭ ماڭىزدى مازمۇنى. سوندىقتان، مەيلى دەنە تاربيە تۇرعىسىنان، الدە ساياحات تۇرعىسىنان كوز جىبەرسەك تە، دەنە تاربيە كاسىبى مەن ساياحات كاسىبىندە نازار تۇگەلدەي دەنە تاربيە ساياحاتىنا شوعىرلاناتىنى ءسوزسىز. قامداۋ جاعىنداعى قۇرىلىمدىق رەفورمادان قاراعاندا، تۇتىنۋ قۇرىلىمىندا تيبىنە بۇرىلىس جاساپ، دەڭگەيدى جوعارىلاتۋ، جاڭا دامۋ ءتاسىلىن قاراستىرۋ قاجەت، رايونىمىزدا دەنە تاربيە + ساياحاتتى زور كۇشپەن دامىتۋ مۇنان كەيىنگى قامال الاتىن باعىت، بولاشاعى نۇرلى سالا بولماق»، - دەدى نيە چۇن.

     «قازىر، اۆتونوميالى رايوندىق پارتكوم مەن ۇكىمەت ساياحات ىستەرىن دامىتۋدى ءۇش ءتۇرلى ءتۇيىندى قىزمەتتىڭ ءبىرى ەتىپ بەلگىلەدى. ءبىز دەنە تاربيە + ساياحات ارقىلى شينجياڭنىڭ وڭىرلىك ابزالدىلىعىن، جاراتىلىستىق بايلىق ابزالدىلىعىن جانە گۋمانيتارلىق ابزالدىلىعىن اناعۇرلىم جاقسى ساۋلەلەندىرىپ، دەنە تاربيە ساياحاتىن شىن مانىندە كولەمدەندىرۋىمىز، كۇشەيتۋىمىز كەرەك»، - دەيدى نيە چۇن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى