![](http://kazakh.ts.cn/pic/003/504/092/00350409245_64cea6b0.jpg)
حۋاسىڭ (جەر جاڭعاعى) — قورەكتىگى مول، ءدامى ءتىل ۇيىرەتىن ازىقتىق. ءبىراق، كوپتەگەن ادامدار حۋاسىڭدى جەگەندە ونىڭ دامىنە ءۇيىر بولعانىمەن، قالاي جەۋدىڭ دۇرىس ەكەنىن بىلمەيدى، ونىڭ ازىقتىق قۇرامى مەن پايداسىن دا ءتۇسىنىپ جەتە المايدى. قازىر ءبىز كوپشىلىككە حۋاسىڭنىڭ ازىقتىق قۇرامى مەن پايداسىن تۇسىندىرە كەتەيىك.
حۋاسىڭنىڭ ازىقتىق قۇرامى ەرەكشە جوعارى بولادى. «عىلىم-تەحنيكا گازەتىنىڭ» حابارلاۋىنشا، وسىزامانعى فارماكولوگيالىق زەرتتەۋگە قاراعاندا، حۋاسىڭنىڭ ماي قۇرامى مول بولىپ، %45—%50 گە جەتەدى ەكەن. بۇنىڭ ىشىندەگى قانىقپاعان ماي قىشقىلى %80 توڭىرەگىندە بولادى؛ حۋاسىڭنىڭ بەلوك قۇرامى دا اسا جوعارى بولىپ، %25-%30 كە جەتەدى ەكەن؛ بۇدان تىس، حۋاسىڭنىڭ قۇرامىندا ۆيتامين B2، كالتسي، فوسفور، سەلەن، فوسفانيت حولين، ۆيتامين E، ۆيتامين K، ۆيتامين B توبىنداعىلار بار.
بۇدان تىس، حۋاسىڭنىڭ پايداسى دا كوپ. «ياڭزى كەشكى گازەتنىڭ» تانىستىرۋىنشا، حۋاسىڭنىڭ «ەتىسز تاعامدار ىشىندەگى ەت» دەگەن اتى بار ەكەن. جۇڭگوشا شيپاگەرلىكتە حۋاسىڭنىڭ سيپاتى تەگىس، ءدامى ءتاتتى، كوك باۋىر مەن وكپەگە پايدالى بولىپ، كوك باۋىر مەن اسقازاننىڭ قىزمەتىن جانداندىرادى، وكپەنى مايدالاپ، قاقىرىق تۇسىرەدى، ىشكى قۇرىلىمدى تەڭشەپ، جوتەلدى باسادى، ازىقتىق جەتىسپەۋ، تابەتسىزدىك، دەنە قۋاتى ءالسىز بولۋ، قۇرعاق جوتەل، قان تۇكىرۋ، تەرىگە كۇلگىن تەڭبىل ءتۇسۋ، بوسانعان ايەلدەردە ءسۇت از بولۋ، ۇلكەن دارەتى قۇرعاقتاسۋ قاتارلى اۋرۋ بەلگىلەرىنە پايداسىن كورسەتەدى دەپ قارايدى.
حۋاسىڭ تويعانداي سەزىم بەرىپ، تاڭەرتەڭگى استا حۋاسىڭ نەمەسە حۋاسىڭ قويمالجىڭىن جەسەڭىز، ءبىر كۇنگى تاماعىڭىز ازايىپ، ارىقتاۋىڭىزعا سەپتىگىن تيگىزەدى؛ حۋاسىڭدى جەۋ قانداعى قانت قۇرامىن ورنىقتى ەتىپ، جۇرەك اقاۋسىزدىعىنا كومەگىن تيگىزەدى.