ءتاڭىرتاۋ تورابى   ›   جاڭالىقتار   ›   شينجياڭ حابارلارى

اۆتونوميالى رايوننىڭ «1 - تامىز» حال سۇراۋ حاتى

  جۇڭگو حالىق ازاتتىق ارمياسىنىڭ جانە قارۋلى ساقشى بولىمدەرىنىڭ شينجياڭدا تۇراتىن بارلىق كوماندير - جاۋىنگەرلەرىنە، قىزىل ارميانىڭ قارت جاۋىنگەرلەرىنە، ارميادان دەمالىسقا، زەينەتكە شىققان كادرلارعا، قۇربانداردىڭ، اسكەريلەردىڭ تۋىس - تۋعاندارىنا، مۇگەدەك اسكەريلەرگە، كاسىپ اۋىستىرعان، اسكەري قوسىننان بوساعان، قايتقان اسكەريلەرگە:

  جۇڭگو حالىق ازاتتىق ارمياسى قۇرىلعاندىعىنىڭ 91 جىلدىعى بايلانىسىمەن ءبىز بۇكىل رايونداعى ءار ۇلت حالقى اتىنان سىزدەرگە مەرەكەلىك قۇتتىقتاۋ جانە شىنايى سالەم جولدايمىز!

  جۇڭگو حالىق ازاتتىق ارمياسى − جۇڭگو كوممۋنيستىك پارتياسى نەگىزىن قالاعان جانە باسشىلىق ەتەتىن حالىق ارمياسى. 91 جىل بوگەت - كەدەرگىلەردى الاستاپ، بوران - شاشىنمەن ەسەيدى، 91 جىل وتىن وشىرمەي، مۇراتىنان قايتپاي كۇرەس جۇرگىزدى! 91 جىلدان بەرى، حالىق ازاتتىق ارمياسى پارتيانىڭ ارمياعا ابسوليۋتتى باسشىلىعىنا مىزعىماستان تاباندى بولىپ، بار ىنتا - پەيىلمەن حالىق ءۇشىن قىزمەت ەتۋ ماقساتىن ءارقاشان ەستە بەرىك ساقتاپ، داڭقتى ءداستۇر مەن تاماشا ستيلدى كۇش سالا اسقاقتاتىپ، پارتيا مەن حالىق جۇكتەگەن قاسيەتتى بورىشتى ادال اتقارىپ، پارتيانىڭ باسشىلىعىندا تالاي - تالاي قيىن وتكەلدەر مەن قاتەرلى اسۋلاردى جەڭىپ، تالاي - تالاي شۇعىلالى جەڭىستەرگە جەتىپ، تالاي - تالاي كەرەمەتتەر جاراتىپ، ۇلتتىڭ تاۋەلسىزدىگى مەن حالىقتىڭ ازاتتىعىنا قول جەتكىزۋ، مەملەكەتتىڭ يەلىك ۇقىعىن، حاۋىپسىزدىگىن جانە تەرريتوريا تۇتاستىعىن قورعاۋ، رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسى ىستەرىن قورعاۋ، ءوڭىردىڭ جانە الەمنىڭ بەيبىتشىلىگىن ساقتاۋ ءۇشىن ۇلى، تاريحي ەڭبەك كورسەتتى. 91 جىلدىق تولقىندى، ايبىندى كۇرەس بارىسى مىنانى تولىق دالەلدەدى: حالىق ازاتتىق ارمياسى پارتياعا ادال، سوتسياليزمگە ادال، وتانعا ادال، حالىققا ادال قاھارمان ارميا، ايبارلى قوسىن، وركەنيەتتى قوسىن، بەيبىتشىلىك قوسىنى، جۇڭگوشا سوتسياليزم قۇرۋدىڭ ماڭىزدى كۇشى.

  شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرى جانە قارۋلى ساقشى كوماندير - جاۋىنگەرلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن مىقتاپ ارقاۋ ەتىپ، ساياسيدى باسشىلىققا الىپ ارميا قۇرۋدى، رەفورما ارقىلى ارميانى قۇدىرەتتەندىرۋدى، عىلىم - تەحنيكا ارقىلى ارميانى كوركەيتۋدى، زاڭ بويىنشا ارميانى جونگە سالۋدى جاپپاي ىلگەرىلەتىپ، «پارتيانىڭ قولباسشىلىعىنا قۇلاق اسۋ، جەڭىستى شايقاس جۇرگىزە الۋ، ستيلى تاماشا بولۋ» سىندى شىنايى تاپسىرمانى ءارقاشان ەستە بەرىك ساقتاپ، ابسوليۋتتى ادال، ابسوليۋتتى كىرشىكسىز، ابسوليۋتتى سەنىمدى بولۋ سىندى ايبىندى سەرتتەن ءارقاشان تايماي، مايداندا اسكەر جاتتىقتىرىپ، جەڭىسكە جەتۋدى مۇرات ەتىپ، شەكارا كۇزەتىپ، ورنىقتىلىقتى قورعاپ، تىنىشتىقتى ساقتاپ، جەدەل سايلاناتىن، سايلانسا سوعىسا الاتىن، سوعىسسا، ءسوز جوق، جەڭەتىن سايلاۋىت قوسىن جاساقتاۋعا قۇلشىندى. قالىڭ كوماندير - جاۋىنگەرلەر تۇرعان جەرىن اتا مەكەن، حالىقتى جان اشىر - جاقىنى ەتىپ، ۇكىمەتتى قولداۋ، حالىقتى ءسۇيۋ داڭىقتى ءداستۇرىن كۇش سالا اسقاقتاتىپ، شينجياڭنىڭ ەكونوميكالىق، قوعامدىق دامۋىنا كوڭىل ءبولىپ، قولداۋ كورسەتىپ، كەدەيلەردى سۇيەمەلدەپ، قيىنشىلىعى بارلارعا كومەكتەسۋ، وقۋعا كومەكتەسىپ، وقۋ - اعارتۋدى كوركەيتۋ، ارميا مەن حالىق سوتسياليستىك رۋحاني وركەنيەتتى بىرگە قۇرۋ سياقتى قيمىلداردى ۇزدىكسىز ورىستەتتى، اسىرەسە، ورنىقتىلىقتى قورعاپ، توسىن وقيعالاردى ءبىر جاقتى ەتۋ، اپاتتان اراشالاۋ، اپاتتان قۇتقارۋ، شۇعىل جاعدايعا توتەپ بەرىپ، قۇتقارۋ - كومەكتەسۋ سياقتى شۇعىل، قيىن، قاتەرلى، اۋىر مىندەتتەر الدىندا، اتويلاپ الدا ءجۇرىپ، اۋىر جۇكتى جۇرەكتىلىكپەن ارقالاپ، ورنىن باسقا باسا المايتىن ماڭىزدى رول اتقارىپ، حالىق ازاتتىق ارمياسىنىڭ حالىقتى سۇيەتىن شىت جاڭا بەينەسىن كورسەتىپ، بۇكىل رايونداعى ءار ۇلت حالقىنىڭ جاپپاي القاۋىنا بولەندى. قىزىل ارميا قارت جاۋىنگەرلەرى، ارميادان دەمالىسقا، زەينەتكە شىققان كادرلار، قۇربان اسكەريلەردىڭ تۋىس - تۋعاندارى، مۇگەدەك اسكەريلەر، كاسىپ اۋىستىرعان، اسكەري قوسىننان بوساعان، قايتقان اسكەريلەر اۋەلگى ماقساتتى ۇمىتپاي، قاسيەتىن ساقتاپ، تالىقپاي تالپىنىپ، جىگەرلەنە ءىس تىندىرىپ، تۇرلىشە سالادا، تۇرلىشە شايقاس شەبىندە قالتقىسىز ۇلەس قوسىپ، تالاي - تالاي تىڭ ەڭبەك كورسەتتى. وسى ارادا اۆتونوميالى رايوندىق پارتكوم مەن ۇكىمەت، بۇكىل رايونداعى ءار ۇلت حالقى سىزدەرگە شىن جۇرەكتەن العىس ايتادى جانە اسقاق قۇرمەت بىلدىرەدى!

  ارميا، حالىق بىرىكسە ءبىر ادامداي، تەڭ كەلەر دۇنيەدە جاۋ بار قانداي. شينجياڭدا تۇراتىن حالىق ارمياسى مەن قارۋلى ساقشى بولىمدەرى − شينجياڭنىڭ قوعام ورنىقتىلىعى مەن باياندى تىنىشتىعىنىڭ بەرىك تاعان تاسى، بۇكىل اۆتونوميالى رايونداعى ءار ۇلت حالقىنىڭ ءبىر تۋعانداي ەتەنە جاقىن باۋىرى. قازىر، بۇكىل اۆتونوميالى رايون شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ شۇعىلالى جەتەكشىلىگىندە پارتيا، ۇكىمەت، ارميا، ساقشى، بيڭتۋان، حالىق ءبىر نيەتپەن ىنتىماقتاسىپ، جۇدىرىقتاي جۇمىلىپ، باس نىسانانى نازارعا الىپ، «كەشەندى شارانى» ويداعىداي اتقارىپ، «ءۇش قيان - كەسكى شايقاس، ءبىر حالىقتىق سوعىستا» باتىل جەڭىسكە جەتىپ، شينجياڭنىڭ قوعام ورنىقتىلىعى مەن باياندى تىنىشتىعىن بار كۇشپەن قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانۋى مەن تامىر تارتۋىن ىلگەرىلەتىپ وتىر، شينجياڭدا جالپى جاعداي ورنىققان، احۋال مەڭگەرۋگە بولاتىن، بەتالىس جاقسارعان اۋقىم جارىققا شىقتى. ءبىز مەملەكەت قورعانىسى مەن ارميانىڭ وسىزاماندانۋ قۇرىلىسىن اۋەلگىدەي قولداپ، ارميا مەن حالىقتىڭ توعىسپالى تەرەڭدەي دامۋىن كۇش سالا ىلگەرىلەتىپ، ارميانى قولداپ، اسكەريلەر وتباسىنا قامقورلىق جاساۋ سياقتى ءتۇرلى قامقورلىق جاساۋ، سۇيەمەلدەۋ قىزمەتتەرىن بەلسەندى تۇردە جاقسى ىستەپ، شينجياڭدا تۇراتىن اسكەري بولىمدەگى كوماندير - جاۋىنگەرلەردىڭ ناقتى قيىنشىلىقتارىن كوكىرەك كەرنەگەن ىستىق ىقىلاسپەن شەشىپ، حالىق پەن ارميانىڭ بالىق پەن سۋداي ەتەنە ىنتىماعىنىڭ جاڭا جاعدايىن ۇزدىكسىز اشامىز.

  جاڭا ءداۋىر جاڭا جاۋاپكەرشىلىك ارقالاپ، جاڭا ىسكەرلىك كورسەتۋگە مۇقتاج. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، اۋەلگى ماقساتتى ۇمىتپاي، بورىشتى ەسكە بەرىك ساقتاپ، سەنىمدى بەكەمدەپ، تىڭعىلىقتى قىزمەت ىستەپ، ماڭگى بوساڭسىمايتىن رۋحاني كۇيمەن جانە ىركىلمەي العا باساتىن كۇرەسكەرلىك بەينەمەن بالداي باتىپ، سۋداي سىڭگەن، تاستاي بەرىك ارميا - ۇكىمەت، ارميا - حالىق بايلانىسىن بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن قۇلشىنا اشىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن قۇلشىنا جازايىق!

  جولداستاردىڭ مەرەكەلەرىنىڭ قۇتتى، دەنساۋلىقتارىنىڭ مىقتى، قىزمەتتەرىنىڭ تابىستى، وتباسىلارىنىڭ باقىتتى بولۋىن تىلەيمىز!

  ج ك پ شينجياڭ ۇيعۇر اۆتونوميالى رايوندىق كوميتەتى

  شينجياڭ ۇيعۇر اۆتونوميالى رايوندىق حالىق ۇكىمەتى

  2018-جىلى 7-ايدىڭ 31-كۇنى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى