ءتىلشىمىز لي چۇنشيا 8 - ايدىڭ 1 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، اۆتونوميالى رايوننىڭ تيانشان ۇستا جوسپارىن ويداعىداي ۇيىمداستىرىپ، اتقارىپ، اۆتونوميالى رايونىمىزدىڭ تەحنيكالىق قابىلەتى جوعارى دارىندىلار قوسىنى قۇرىلىسىن جەدەلدەتۋ ءۇشىن، جۋىقتا اۆتونوميالى رايونىمىز «اۆتونوميالى رايوننىڭ تيانشان ۇستا جوسپارىن اتقارۋ ەرەجەسىن» (تومەندە قىسقارتىلىپ «ەرەجە» دەلىنەدى) جاساپ، جاريالاپ، 8 - ايدىڭ 1 - كۇنىنەن باستاپ اتقارعان.
«ەرەجە» جالپى 9 ءبولىم، 28 تارماقتان قۇرالدى، باستىسى، تيانشان ۇستا جوسپارىن ۇيىمداستىرۋ، اتقارۋ ارقاۋ ەتىلىپ، تيانشان ۇستا جوسپارىنىڭ قۇرىلىس مازمۇنى، اتقارۋ كولەمى مەن نىساناسى، اتقارۋ شارتتارى، اتقارۋ ءتارتىبى، قولداۋ ساياساتتارى، قىزمەت مىندەتى ءبولىسى، قاراجات باسقارۋى، باعالاۋ - ساراپتاۋ ءادىسى ايقىن بەلگىلەندى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك قابىلەتى قۇرىلىسى باسقارماسىنىڭ قاتىستى جاۋاپتىسىنىڭ تانىستىرۋىنشا، تيانشان ۇستا جوسپارىنا تەحنيكالىق قابىلەتى جوعارى دارىندىلار تاربيەلەۋ جوسپارى، تەحنيكالىق قابىلەتى جوعارى دارىندىلار تاربيەلەۋ بازاسى قۇرىلىسى، تەحنيكالىق ەگەيلەر شەبەرحاناسى قۇرىلىسى جانە تەحنيك مەكتەپتەردىڭ پراكتيكالىق بازا قۇرىلىسى سىندى 4 كىشى نىسان قامتىلعان. نىساندى اتقارۋشى ورىندار اۆتونوميالى رايوننىڭ دامۋىنا ءتۇيىندى قولداۋ كورسەتىلەتىن كاسىپ سالالارىنداعى كاسىپورىندار مەن قاتىستى ماماندىقتار اشقان كاسىپتىك مەكتەپتەر بولادى. «ەرەجەدە» 4 كىشى نىسانعا بەلگىلى قاراجات بەرىپ، نىسانداردىڭ ءساتتى اتقارىلۋىنا كەپىلدىك ەتۋ ايقىندالعان. «ەرەجەدە» تيانشان ۇستا جوسپارىنىڭ نىساناسى ايقىندالعان: 2020 - جىلى مەملەكەت پەن اۆتونوميالى رايوننىڭ تەحنيكالىق قابىلەتى جوعارى دارىندىلار تاربيەلەۋ بازاسىنا، تەحنيكالىق ەگەيلەر شەبەرحانالارىنا جانە اۆتونوميالى رايوننىڭ ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تانىعان كاسىپورىنداردىڭ تەحنيكالىق قابىلەتى جوعارى دارىندىلار تاربيەلەۋ بازالارىنا سۇيەنىپ، ءار جىلى اۆتونوميالى رايون ءتۇيىندى قولداۋ كورسەتەتىن كاسىپ سالالارىنداعى ءزارۋ، كەمشىل تەحنيكالىق قابىلەتى جوعارى دارىندىلاردان 10 مىڭ ادام تاربيەلەۋ؛ اۆتونوميالى رايون دامۋىنا قولداۋ كورسەتەتىن كاسىپتەردەگى ءىرى، ورتا كاسىپورىندار مەن اشقان ماماندىقتارى كاسىپ سالاسىنىڭ دامۋ باعىتىنا ۇيلەسەتىن كاسىپتىك مەكتەپتەرگە سۇيەنىپ، تەحنيكالىق قابىلەتى جوعارى دارىندىلار تاربيەلەيتىن 10 بازا، 30 تەحنيكالىق ەگەي شەبەرحاناسىن، تەحنيكالىق مەكتەپتەردە 10 پراكتيكالىق بازا قۇرۋ.
ۇعىسۋىمىزشا، اۆتونوميالى رايوننىڭ تيانشان ۇستا جوسپارى اتقارىلعاننان بەرى، كاسىپورىندار مەن مەكتەپتەردىڭ تەحنيكالىق قابىلەتى جوعارى دارىندىلار تاربيەلەۋىنە پارمەندى قولداۋ كورسەتىپ، تەحنيكالىق دارىندىلاردى تاربيەلەۋ قابىلەتىن جوعارىلاتۋدا، تەحنيكالىق دارىندىلار قوسىنىن ۇلعايتۋدا، اۆتونوميالى رايونىمىزدىڭ قوعامدىق، ەكونوميكالىق دامۋىنا قولداۋ كورسەتۋدە ماڭىزدى رول اتقارعان. «ەرەجەنىڭ» جاسالۋى جانە جاريالانۋى نىساننىڭ ۇيىمداستىرىلۋىن، اتقارىلۋىن جانە ناتيجەسىن باعالاۋدى ونان ارى ارناعا ءتۇسىرىپ، نىساننىڭ تەحنيكالىق قابىلەتى جوعارى دارىندىلار تاربيەلەۋدەگى تىرەكتىك جانە جەتەكشىلىك رولىن ونان ارى ساۋلەلەندىرەدى ەكەن.
ساناققا نەگىزدەلگەندە، بيىل 6 - ايعا دەيىن، بۇكىل رايونىمىزدا تەحنيكالىق قابىلەتى جوعارى دارىندىلار تاربيەلەيتىن 37 بازا، 82 تەحنيكالىق ەگەي شەبەرحاناسى قۇرىلىپ، بۇكىل رايونداعى تەحنيكالىق قابىلەتى جوعارى دارىندىلاردىڭ جالپى مولشەرى 545 مىڭ ادامعا جەتكەن.
