تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قيىنشىلىقتاردى شەشىپ، ناقتى ىستەر ىستەپ، نەگىزگى ساتىدا ونەرلەرىن كورسەتتى

− حوتان ايماقتىق تۇرعىن ءۇي جانە قالا، اۋىل قۇرىلىسى مەكەمەسىنىڭ حوتان قالاسى يۇرۇڭقاش قالاشىعىنىڭ ىگەرشى قىستاعىنداعى «ۇعىسۋ، تيىمدىلىك جاساۋ، توعىستىرۋ» قىزمەت اترەتى تۋرالى

ءتىلشى ميھىرگۇل عوپۇر

  7 - ايدىڭ 29 - كۇنى كەشكە قاراي حوتان قالاسى يۇرۇڭقاش اۋىلىنىڭ ىگەرشى قىستاعىنا باردىم. تازا ءارى تەپ - تەگىس قىستاق جولىنىڭ ەكى بويى جاسىل جەلەك جامىلعان. ادەمى كيىنگەن قىز - جىگىتتەر اڭگىمەلەسىپ، قالجىڭداسا قىستاق كوميتەتىنە كەتىپ بارادى. قىستاق كوميتەتىنەن ءان اۋەنى كوتەرىلىپ، كۇلكى ءۇنى ەستىلەدى. قىستاق كوميتەتى اۋلاسىنداعى ەگىنشى - مالشىلار ساحناسىندا قىستاق تۇرعىندارى وزدەرى دايىنداعان كونسەرت نومىرلەرىن قويىپ جاتىپتى. شاتتىققا تولى ويناقى مۋزيكا ءۇنى كوتەرىلىپ، جۇرتشىلىق شاتتانا بيگە باستى.

  حوتان ايماقتىق تۇرعىن ءۇي جانە قالا، اۋىل قۇرىلىسى مەكەمەسىنىڭ حوتان قالاسى يۇرۇڭقاش قالاشىعىنىڭ ىگەرشى قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى ءار ۇلت بۇقاراسىن جان اشىر تۋىستارىنا بالاپ، بۇقارالىق قىزمەتتى بەتپە - بەت، ەتەنە تۇردە، شىنايى ورىستەتىپ، بۇقارا ەڭ كوڭىل ءبولىپ وتىرعان ەڭ تىكە، ەڭ رەال ماسەلەلەردى تىڭعىلىقتى شەشتى، قىستاقتىڭ ءتۇرلى قىزمەتتەرىندە جاڭا بەينە جارىققا شىعىپ، بۇقارانىڭ تابىس سەزىمى ۇزدىكسىز كۇشەيدى.

قىستاق كوميتەتى شۋاقتى «مەكەنگە» اينالدى

  «اپتا سايىن وسى ارادا كونسەرت قويىلادى، قىستاقتا ءان ايتىپ، ءبي بيلەي الاتىن ادامنىڭ مۇنشا كوپ بولارىن ويلاماپپىن. بۇرىن دۋماندى وتىرىس جاسايىق دەسەك تە مۇنداي جاقسى شارت - جاعداي جوق ەدى». ىگەرشى قىستاعىندا تۋىپ - وسكەن 48 جاستاعى تۇرسىنتوحتى بەردى بۇرىندارى قىستاق تۇرعىندار كوميتەتىنىڭ جۇمىس ورنىنىڭ ابدەن توزىعى جەتىپ، قيمىل ورىندارىنىڭ جوقتىعىن، قىستاق تۇرعىندارىنىڭ جۇمىستارىنىڭ بىتپەيتىنىن، قىستاق كادرلارىنىڭ بەدەلىنىڭ تومەن بولعانىن ايتتى.

  «قىستاق تۇرعىندار كوميتەتى بۇقارا ءۇشىن جۇمىس ىستەيتىن جەر، قىستاق تۇرعىندارىنىڭ ەكىنشى ءۇيى، توزىعى جەتكەن جەرگە ەشكىمنىڭ كەلگىسى كەلمەيدى»، - دەدى حوتان ايماقتىق تۇرعىن ءۇي جانە قالا، اۋىل قۇرىلىسى مەكەمەسىنىڭ حوتان قالاسى يۇرۇڭقاش قالاشىعىنىڭ ىگەرشى قىستاعىنداعى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجيى تۇردىمامەت روزى بۇكپەسىز تۇردە.

  قىستاق تۇرعىندار كوميتەتىن قىستاق تۇرعىندارىنىڭ شۋاقتى «مەكەنىنە» اينالدىرۋ ءۇشىن، قىزمەت اترەتى مەن قىستاق «ەكى كوميتەتىنىڭ» مۇشەلەرى قىستاق تۇرعىندار كوميتەتىنىڭ بەت - بەينەسىن وزگەرتۋدەن باستاپ، عىلمي جوبا جاساپ، ۇيلەسىمدى ورنالاستىرىپ، 500 نەشە مىڭ يۋان قارجى جيناپ، جەردى اسفالتتاندىردى، كونە كەڭسەنى بۇزدى، قىستاق تۇرعىندار كوميتەتى اۋلاسىنىڭ قورعانىنىڭ ءىشى - سىرتىن سىرلادى... «ۇلكەن قيمىل» قىستاق تۇرعىندارىنىڭ نازارىن اۋداردى، باستابىندا تاڭ قالىسپەن قاراسا، كەيىن ىقىلاستى قىستاق تۇرعىندارى كەلىپ كومەكتەستى.

  كوپ وتپەي، قىستاق تۇرعىندار كوميتەتىنىڭ بەينەسى شت جاڭا تۇسكە ەندى، كەڭسەلەرى تازارىپ جارىقتاندى، تۋ شىعارۋ الاڭى كەڭ دە ادەمى بولدى، ەگىنشى - مالشىلار ساحناسى دا سالىندى، كۇن ەنەرگياسىمەن جارىق شىعاراتىن كوشە شامدارى ىگەرشى قىستاعىن جارىقتاندىردى.

  تۋ شىعارۋ الاڭىنىڭ ءبىر شەتىندە 1200 نەشە شارشى مەترلىك مادەنيەت ورتالىعى كوپ وتپەي قىستاق تۇرعىندارىنا اشىلادى. «سوڭعى 2 كۇندە ۇستەل، ورىندىق، دىبىس قۇرىلعىلارى، ءتۇستى شىراقتار ورناتىلىپ بولدى، كەيىن ءتىپتى كوپ قيمىل وتكىزۋگە بولادى»، - دەدى تۇردىمامەت.

بۇقارالىق قىزمەت پۋنكتى حالىقتىڭ مۇڭ - مۇقتاجىن شەشتى

  قىستاق تۇرعىندارىندا شۋاقتى «ءۇي» عانا ەمەس، «مۇڭ - مۇقتاجدى شەشۋ پۋنكتى» دە بار.

  «2 كۇن كەشتە ۇيىمىزدە كەنەتتەن توك توقتاپ قالدى، جۇبايىمىز ەكەۋىمىزدىڭ دە جاسىمىز كەلىپ قالعان ادامدارمىز، كوزىمىز دە جاقسى كورمەيدى، نەگە توقتاپ قالعانىن بىلمەيمىز، قىزمەت پۋنكتىنە كەلىپ كومەك سۇرادىق، اسىلىندە تيەك بەكىتىلىپ قالىپتى، كەزەكشىلىكتە وتىرعان كادر ماسەلەنى شەشىپ بەرۋمەن بىرگە ەكىنشى كۇنى تاعى كەلىپ توك جولىن تەكسەرىپ، بىزگە توكتەن حاۋىپسىز پايدالانۋدى، جۇمىس بولسا قىزمەت پۋنكتىن ىزدەۋىمىزدى تاپسىرىپ كەتتى». قىستاق تۇرعىنى ءبايىما تالىپ جايشىلىقتا ءۇي جۇمىستارىن ىڭعايلاپ بولعان سوڭ، قىستاق تۇرعىندارىمەن بىرگە بۇقارالىق قىزمەت پۋنكتىنىڭ الدىنداعى ورىندىقتا وتىرىپ اڭگىمە دۇكەنىن قۇرۋدى جاقسى كورەدى. ول ۇلكەن - كىشى ىستەردىڭ تۇگەلدەي وسى جەردە شەشىلەتىنىن ايتتى.

  قىستاقتا تۇراتىن قىزمەت اترەتى مەن قىستاق «ەكى كوميتەتىنىڭ» ءبىر تۇتاس باسشىلىعىندا، قىستاق بۇقارالىق قىزمەت پۋنكتىن قۇردى، بۇقاراعا قىزمەت كورسەتۋدى كۇش سالۋ ءتۇيىنى ەتىپ، «ءبىر قوسىن ارنايى يگەرۋ، ءبىر پۋنكتتىك، ءبىر جەلىلى قىزمەت كورسەتۋ» جانە «3 ءبىر» قىزمەت مەحانيزمىن قولدانىپ، «بۇقاراعا ىلەسە قىزمەت كورسەتۋ» پرينسيبىنە تاباندى بولىپ، بۇقارانىڭ جۇمىس بىتىرۋدە ءبىر - اق ەسىكتەن كىرۋىن، كوپ بولعاندا ءبىر - اق رەت ءجۇرۋىن قۇلشىنا ىسكە اسىردى. سونىمەن قاتار قىزمەت كورسەتۋدىڭ ەگجەي - تەگجەيلى جۇمىس ءتارتىبىن جاساپ، قىزمەت پۋنكتىنىڭ بورىشىن، سونداي - اق باسقارۋ ءتۇزىمىن دەر كەزىندە قىستاق تۇرعىندارىنا اشىق كورسەتىپ، قىزمەت پۋنكتىنىڭ ىركىلىسسىز جۇمىس جۇرگىزۋىنە، تياناقتى قىزمەت ەتۋىنە شىنايى كەپىلدىك ەتتى.

  ءتىلشى بۇقارالىق قىزمەت پۋنكتىندە كەدەي وتباسىلارعا، قارتتارعا جانە قيىنشىلىعى بار وتباسىلارعا سۇيىسپەنشىلىك باعىشتاۋ ماقساتىنداعى زات سورەسى مەن كيىم سورەسىنىڭ دايىندالعانىن كوردى، بۇل جەردەن ولار قاجەت كەزىندە كۇرىش، ۇن، ماي جانە كيىمدەردى الا الادى ەكەن.

نەگىزگى ساتى ۇيىمىنا ومىرشەڭدىك كۇش قوستى

  قىزمەت اترەتى مەن قىستاق «ەكى كوميتەتىنىڭ» القاسى تىلەكتى ءبىر جەرگە شوعىرلاندىرىپ، كۇشتى ءبىر جەرگە سالىپ، مۇمكىندىكتىڭ بارىنشا ءادىس - امال قاراستىرىپ، بۇقارانى قام - قايعىدان ارىلتىپ، قيىنشىلىعىن شەشتى. بۇل ەندى عانا قىزمەتكە قاتىناسقان روزى ومار روزىتوحتىعا ۇلكەن دەمەۋ بولدى، باستابىندا نەنى ىستەۋدى، قالاي ىستەۋدى بىلمەۋدەن قازىرگى كەزدە ىستەي الۋعا، ىستەگىسى كەلىپ تۇرۋعا دەيىن، ول ەسەيىپ ءوسىپ كەلەدى.

  «مەن بىلتىر جىل باسىندا قىزمەتكە قاتىناسقانمىن، العاشىندا ەشتەمەنى بىلمەيمىن، قالاي ىستەرىمدى بىلمەي جۇرەكسىندىم، قىستاق تۇرعىندارىنا قالاي سويلەرىمدى دە بىلمەدىم، العاش كەلگەندە قىستاق تۇرعىندارى مەنى جوعارى مەكتەپتەن پراكتيكاعا كەلگەن وقۋشى ەكەن دەپ ءجۇرىپتى»، - دەدى روزى ومار تىلشىگە.

  روزى وماردىڭ قىزمەتكە قانىعىپ، تەز ارالاسىپ كەتۋىنە مۇمكىندىك جاساۋ ءۇشىن، ءبىر جىلدان بەرى قىزمەت اترەتىنىڭ مۇشەلەرى وعان وزدەرىنىڭ جاقسى تاجىريبەلەرىن ايتىپ، ونىڭ سەنىمىن كۇشەيتۋىنە كومەكتەستى، روزى ومار بىرتىندەپ ەسەيىپ تولىسا باستادى.

  پارتيا مۇشەلەرى، قىستاق كادرلارى سياقتى تىرەكتى قوسىندى تاربيەلەۋدى كۇشەيتۋ ءۇشىن، قىزمەت اترەتى قىستاق كادرلارىنا وي جەلىسىن، تاجىريبە، ادىستەردى بەتپە - بەت ۇيرەتىپ، قىستاق كادرلارىنىڭ ساپاسىن جانە بۇقارالىق قىزمەتتى جاقسى ىستەۋ قابىلەتىن ۇزدىكسىز ءوسىردى. سانعا دا، ساپاعا دا بىردەي ءمان بەرۋگە تاباندى بولىپ، تاڭداۋلى قىستاق گرۋپپا كادرلارى، بايۋ شەبەرلەرى، ۇلتتار ىنتىماعىنىڭ وزاتتارى اراسىنان پارتياعا كىرۋ بەلسەندىلەرىن الدىمەن تاربيەلەدى. قازىرگە دەيىن پارتياعا كىرۋ بەلسەندىلەرىنەن 17سىن تاربيەلەپ، پارتياعا جاڭادان 5 مۇشە قابىلدادى.

  «قازىر جولدا كەزىككەن قىستاق تۇرعىندارىنىڭ بارلىعى تانىپ، وزدەرى كەلىپ سالەمدەسىپ، اماندىق سۇرايدى، مۇنىڭ ءوزى مەن ءۇشىن ۇلكەن تابىس». روزى ومار جىل باسىندا پارتياعا كىرۋ ءوتىنىشىن تاپسىردى. ول قابىلەتىن قۇلشىنا ءوسىرىپ، قىستاق تۇرعىندارى ءۇشىن ءتىپتى ماعىنالى ىستەر ىستەۋگە قۇلشىناتىندىعىن ايتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى