− اۆتونوميالى رايوندىق ەگىن شارۋاشىلىعى مەڭگەرمەسى 42 تۋىستى ۇرىمجىگە كەلىپ ەكسكۋرسيالاۋعا، ۇيرەنۋگە ۇسىنىس ەتتى
ءتىلشى ليۋ ي، ەرىكتى ءتىلشى جاڭ جيڭ
8 - ايدىڭ 2 - كۇنى اۆتونوميالى رايوندىق ەگىن شارۋاشىلىعى مەڭگەرمەسى ءبىر توپ ەرەكشە قوناقتارىن كۇتىپ الدى. قاشقار كونەءشار اۋدانى سايباق اۋىلى جوعارعى كاپا قىستاعى مەن اچال قىستاعىنداعى 42 اۋىلداس ۇسىنىس بويىنشا ءۇرىمجى قالاسىنا كەلىپ، ەگىن شارۋاشىلىعى مەڭگەرمەسىندەگى تۋىستارىمەن باس قوستى.
شىلدەنىڭ شىلىڭگىر ىستىعىنداعى ءۇرىمجىنىڭ كەز كەلگەن جەرىنەن دۋماندى بەينەنى بايقاۋعا بولادى. تاڭعى ساعات 8دە ەگىن شارۋاشىلىعى مەڭگەرمەسىنىڭ كادرلارى مەن جۇمىسشى - قىزمەتكەرلەرى ءۇرىمجى پويەز ۆوكزالىنا كەلىپ الدى، ولار قولدارىنا «قاشقارلىق تۋىستارىمىزدى قىزۋ قارسى الامىز» دەپ جازىلعان كەرمە تۋدى ۇستاپ، الىستان كەلگەن تۋىستارىن قارسى الدى.
ەندى ءبىر جاقتا تۇنيساقىز مامۇت سومكەسىن اسىنىپ بەكەتتەن باياۋ شىقتى، ونىڭ كوز جانارىنان ۇلكەن قالاعا دەگەن بەيتانىستىق اڭعارىلادى. كەنەتتەن ونىڭ كوزى تانىس ادامعا تىگىلىپ، جۇزىنە كۇلكى ۇيىرىلە قالدى. ءدال وسى كەزدە، ەگىن شارۋاشىلىعى مەڭگەرمەسىنىڭ كادرى ليۋ جوۋشيان تۇنيساقىزدىڭ قاسىنا جۇگىرىپ كەلىپ، ونىڭ جۇكتەرىن الىپ، ءبىر قولىمەن ونىڭ قولىن قىسىپ تۇرىپ: قارسى الامىز، - دەدى شىن ىقىلاسىمەن تەبىرەنە.
تۋىستارىنا ەستەن كەتپەس ءساتتى ساپار ورايىن جاراتۋ ءۇشىن، اۆتونوميالى رايوندىق ەگىن شارۋاشىلىعى مەڭگەرمەسى 2 اي بۇرىن جان - جاقتى دايىندىق كوردى. الۋان فورماداعى بىرلەسكەن دوستىق قيمىلىن ورىستەتىپ قانا قالماستان، تۋىستار مەن كادرلار اراسىنداعى اۋىس - كۇيىستى كۇشەيتىپ، وسى زامانعى ەگىن شارۋاشىلىعى ءوندىرىسى ءتاسىلى سياقتىلاردى تاماشالاۋ ارقىلى تۋىستاردى جاڭا دامۋ ۇستانىمىن ۇيرەنۋگە، وي جەلىسىن كەڭەيتۋگە باستاپ، تۋىستاردىڭ كەدەيلىكتەن قۇتىلىپ بايۋ جولىنا ءتۇسۋ سەنىمى مەن بەكىمىن كۇشەيتىپ، «شارۋاشىلىعى شالقىعان، ەكولوگيالىق ورتاسى جايلى، اۋىل سالتى وركەنيەتتى، وڭاۋى ۇتىمدى، تۇرمىسى باي بولۋ» سىندى تاماشا تۇرمىسقا ەرتەرەك جەتۋگە مۇمكىندىك تۋدىردى.
سول كۇنى، ەگىن شارۋاشىلىعى مەڭگەرمەسىندەگى تۋىستاسقان كادرلاردىڭ سەرىك بولۋىندا، 42 تۋىس ءۇرىمجى قالاسى اۋىل شارۋاشىلىق تەحنيكالارىن جالپىلاستىرۋ ورتالىعى سولتۇستىك قالا ماڭى جالپىلىق سىناق اتىزىنا كەلىپ، كوكونىس، قاۋىن - قاربىز ءوندىرىس ءتاسىلىن تاماشالاپ، جاڭاشا ەگىن شارۋاشىلىق ءوندىرىس تەحنيكالارىن ۇيرەندى.
بۇل رەتكى تاماشالاۋ قيمىلىنىڭ بۇرىنعىدان وزگەشەلىگى ۇيرەنۋ ماتەريالدارىنىڭ جوقتىعى بولدى. تۋىستار سىناق اتىزىندا اۋىل شارۋاشىلىق داقىلدارىنىڭ ءوسۋ جاعدايىن وزدەرى تاماشالادى، جاڭاشا ەگىن شارۋاشىلىق ءوندىرىس تاسىلدەرىن كورىپ، وسى زامانعى ەگىن شارۋاشىلىعىنىڭ حيكىمەتىن شىنايى سەزىندى.
«كۇن ىستىق، قىزىل بۇرىش تا مول، قالايشا سەمىپ قالمايدى»؟ تۇردى اشىم تۇسىندىرمەنى وسى ويدىڭ جەتەگىندە زەر سالا تىڭدادى، ول بۇل قىزىل بۇرىشتارعا سۋ مەن تىڭايتقىش ءبىر تۇلعالانعان تامشىلاتىپ سۋارۋ تەحنيكاسى قولدانىلعانىن بىلگەننەن كەيىن، قايران قالدى. «عىلىم - تەحنيكا قانداي كەرەمەت، وسى جولى قايتىپ بارعاننان كەيىن ۇيىمدە وسىنداي جاڭا تەحنيكانى سىناق ەتەمىن، ءبىز دە قىزىل بۇرىشتى جاقسى وسىرەتىن بولامىز»، - دەدى تۇردى اسەرلەنە.
2 كۇندە تۋىستار جالپىلىق سىناق اتىزىن، شارۋالاردىڭ كاسىپتىك سەلبەستىك كووپەراتيۆتەرىن جانە مال شارۋاشىلىق ءوندىرىس - مانەرلەۋ كاسىپورىندارىن ىلگەرىندى - كەيىندى ارالاپ، جاڭاشا ەگىن شارۋاشىلىق ءوندىرىس ءتاسىلى مەن تەحنيكاسىن ۇيرەندى، قولى بوس ۋاقىتتارىندا جۇپ قۇراعان كادرلارمەن بىرگە اۆتونوميالى رايوندىق مۇراجاي، شينجياڭ حالىقارالىق ۇلكەن بازارى سياقتى ورىنداردى ەكسكۋرتسيالاپ، ەكونوميكانىڭ، قوعامنىڭ دامۋ جەتىستىكتەرىن سەزىندى. ۋاقىت قىسقا بولعانىمەن، تابىس مول بولدى، الىستان كەلگەن تۋىستار ءۇرىمجىنىڭ ۇشقان قۇستاي دامۋىن، وزگەرىسىن سەزىندى، جۇپ قۇراپ تۋىس بولعان كادرلاردىڭ ىقىلاسىن سەزىندى، وسى زامانعى ەگىن شارۋاشىلىعىنىڭ باۋرامدىلىعىن سەزىندى...
«سايباق اۋىلى ۇرىمجىدەن نەشە مىڭ كيلومەتر شالعايدا بولعانىمەن، ءبىزدىڭ تىلەگىمىز تىعىز توعىستى»، - دەدى اۆتونوميالى رايوندىق ەگىن شارۋاشىلىق مەڭگەرمەسىنىڭ ورىنباسار باستىعى فاڭ شيا، - جۋىق جىلداردان بەرى، اۆتونوميالى رايوندىق ەگىن شارۋاشىلىق مەڭگەرمەسى «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن باستان - اياق باس نىسانانى دايەكتىلەندىرۋدىڭ، تياناقتاندىرۋدىڭ ماڭىزدى شاراسى ەتىپ، تۇتاس مەڭگەرمەدەگى كادرلار مەن جۇمىسشى - قىزمەتكەرلەر تانىمدى بىرلىككە كەلتىرىپ، باتىلدىقپەن ارەكەتكە كەلىپ، جۇپ قۇراعان تۋىستارى ءۇشىن قىزۋ ىنتامەن جاقسى ىستەر ىستەپ، ناقتى ىستەر تىندىرىپ، جۇپ قۇراعان وتباستارىنىڭ ءىس جۇزىندىك قيىنشىلىقتارىن شەشىپ، اۋىل - قىستاقتاردى كوركەيتۋ ستراتەگياسىن اتقارۋعا جانە كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە باتىلدىقپەن قول جەتكىزۋگە نەگىز قالادى.
تۋىستار بارىس - كەلىس جاساعان سايىن جاقىندايدى، دوستار ارالاسقان سايىن دوستىعى قويۋلايدى. كەلەسى قادامدا اۆتونوميالى رايوندىق ەگىن شارۋاشىلىعى مەڭگەرمەسى جۇپ قۇراپ تۋىس بولعان كادرلار مەن تۋىستار اراسىنداعى ارالاسۋدى، ىشتەسۋدى ىشكەرىلەي كۇشەيتىپ، بولماشى ىستەن باستاپ كىرىسىپ، كىشكەنە ىستەن باستاپ ىستەپ، ءىس جۇزىندىك ارەكەتتەرى ارقىلى پارتيانىڭ مەيىرىن، قامقورلىعىن تۋىستارىنىڭ وتباسىنا جەتكىزىپ، ۇلتتار ىنتىماعىنىڭ تۇقىمىن ءار ادامنىڭ جۇرەگىندە تامىر تارتتىرىپ، شينجياڭنىڭ ءتىپتى دە تاماشا كەلەشەگىن بىرگە جاسايدى.
