تيانشان تورابى   ›   ۇيرەنۋ   ›   شولۋ

حالىق تۇرمىسى قىزمەتىن شىنايى، تىڭعىلىقتى ىستەيىك

شينحۋا اگەنتتىگىنىڭ شولۋشىسى

  حالىقتىڭ قۇت - ىرىسىن مولايتۋ − دامۋدىڭ ءتۇبىرلى ماقساتى، حالىق تۇرمىسىن يگەرۋدىڭ ءوزى دامۋدى يگەرگەندىك. تاياۋدا اشىلعان ورتالىق كوميتەت ساياسي بيۋروسىنىڭ ءماجىلىسى حالىقتى وزەك ەتكەن دامۋ يدەياسىنا تاباندى بولىپ، جۇمىسقا ورنالاستىرۋدى ورنىقتىرۋ، قورا - جاي بازارىن ورنىقتى، اقاۋسىز دامىتۋ سياقتى حالىق تۇرمىسىن قامتاماسىز ەتۋ جانە قوعام ورنىقتىلىعى قىزمەتى جونىندە ورنالاستىرۋ جاساپ، سەنىمدى بەكەمدەۋگە، كوزەۋلى مەرزىمدە ورنىقتىرۋعا اناعۇرلىم بەرىك قوعامدىق نەگىز قالادى.

  حالىق تىلەگى − ەڭ ۇلكەن ساياسي، حالىق تۇرمىسى ورنىقتى بولسا، قوعام ورنىقتى بولادى، حالىق تۇرمىسى ورنىقتى بولسا، كوزەۋلى مەرزىمدە ورنىقتىرۋعا بولادى. بيىل جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ىشكى - سىرتقى كۇردەلى جاعدايدا حالىق تۇرمىسى قىزمەتىن كورنەكتى ورىنعا قويۋدان جازباي، ۇسىنىلىم تەبىنىن ۇزبەي ارتتىرىپ، حالىق تۇرمىسىن قامتاماسىز ەتۋ دەڭگەيىن كۇش سالا جوعارىلاتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتتى. الدىڭعى جارتى جىلدا تۇرعىنداردىڭ كىرىسى ەكونوميكانىڭ ارتۋىمەن نەگىزىنەن بىردەي بولىپ، مەملەكەت بويىنشا قالا - قالاشىقتاردا 7 ميلليون 520 مىڭ ادام جاڭادان جۇمىسقا ورنالاستى. بيىل جىل باسىنان بەرى، بۇكىل ەل بويىنشا كەدەيلەردى سۇيەمەلدەۋ ارناۋلى شىعىنى سايكەس مەزگىلدەگىدەن %39.7 ارتتى، ەنەرگيا ۇنەمدەپ، قورشاعان ورتانى قورعاۋعا 262 ميلليارد 700 ميلليون يۋان جۇمسالىپ، سايكەس مەزگىلدەگىدەن %16.3ارتتى.

  حالىق تۇرمىسىن قامتاماسىزداندىرۋ مەن جاقسارتۋدىڭ شەگى جوق، جاڭا باستاما ۇزبەي شىعا بەرەدى. قازىر حالىق تۇرمىسى سالاسىندا كوپتەگەن ولقىلىقتار بار، كەدەيلىكتەن قۇتىلدىرۋدان قامال الۋدىڭ مىندەتى جاپالى دا اۋىر، بۇقارانىڭ جۇمىسقا ورنالاسۋ، وقۋ - اعارتۋ، ەمدەلۋ، تۇرار جاي، زەينەتكەرلىك سياقتى سالالاردا باس قاتىراتىن، ۋايىمدايتىن ىستەرى ءالى دە كوپ. ءار دارەجەلى كادرلار جونىنەن ايتقاندا، حالىقتى وزەك ەتۋگە تاباندى بولۋدىڭ ءوزى − بۇقارانىڭ ويلاعانىن ويلاۋ، بۇقارا اسىققانعا اسىعۋ، بۇقارانىڭ قيىنشىلىعىن شەشۋ، دامۋ بارىسىندا حالىق تۇرمىسىن قامتاماسىزداندىرۋ جانە جاقسارتۋ.

  جۇمىسقا ورنالاسۋ − ەڭ ۇلكەن حالىق تۇرمىسى. ورتالىق كوميتەت ساياسي بيۋروسىنىڭ ماجىلىسىندە العا قويىلعان «التىنى ورنىقتىرۋ» تالابىندا جۇمىسقا ورنالاستىرۋدى ورنىقتىرۋ الدىڭعى ورىندا تۇرادى. جۇمىسقا ورنالاستىرۋدى ورنىقتىرۋدى اناعۇرلىم كورنەكتى ورىنعا قويىپ، جۇمىسقا ورنالاستىرۋ اياسىن كەڭەيتىپ، جۇمىسقا ورنالاستىرۋدى قامتاماسىزداندىرۋدى كۇشەيتىپ، ءتىپتى كوپ كۇشتى ءتۇيىندى وڭىرلەرگە جانە ءتۇيىندى ادامدارعا جۇمساپ، جۇمىسقا ورنالاستىرۋ نەگىزىن مىقتاپ يگەرىپ، جۇمىسقا ورنالاستىرۋ جاعدايىنىڭ ورنىقتى بولۋىنا كەپىلدىك ەتۋ كەرەك. سونىمەن قاتار، ەڭبەكاقى، وقۋ - اعارتۋ، قوعامدىق قامسىزداندىرۋ سياقتى نەگىزگى حالىق تۇرمىسى شىعىستارىنا كەپىلدىك ەتىپ، نەگىزدى قامتاماسىزداندىرۋ، تومەنگى شەكتەن تۇسىرمەۋ سىندى حالىق تۇرمىسىن قامتاماسىز ەتۋ تورىن اناعۇرلىم بەكەمدەپ، بۇقارانى رازى ەتۋ كەرەك.

  حالىق تۇرمىسى قىزمەتىن ويداعىداي ىستەۋدە قيىن تۇيىندەرگە، قولامتالى تۇيىندەرگە تۋرا قاراپ، ولقىلىقتاردى ۇزبەي تولىقتاۋ كەرەك. كەدەيلىكتەن قۇتىلدىرۋدان قامال الۋدى ىلگەرىلەتۋدە اۋىر كەدەي وڭىرلەرگە دالمە - ءدال كۇش شىعارۋعا نازاردى شوعىرلاندىرىپ، كەدەيلىكتىڭ ىشىندەگى كەدەيلىكتى، قيىنشىلىقتىڭ ىشىندەگى قيىنشىلىقتى ءونىمدى جەڭۋ كەرەك؛ لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزىپ، كوك اسپاندى قورعاۋ شايقاسى سىندى وسى ءبىر ەڭ ماڭىزدى ءتۇيىندى يگەرىپ، ەكولوگيالىق ورتا ساپاسىن ۇزبەي جاقسارتۋ كەرەك؛ «ءۇي ساۋدالاۋعا ەمەس، تۇرۋعا ارنالعان» دەگەن انىقتامادان جازباي، قورا - جاي بازارى ماسەلەسىن بەلدى بەكەم بۋا وتىرىپ ويداعىداي شەشىپ، قالا جاعدايىنا قاراي شارا قولدانۋعا تاباندى بولىپ، مەجەگە لايىقتى جەتەكشىلىك ەتىپ، بازار ءتارتىبىن رەتتەپ، جونگە سالىپ، ءۇي باعاسىنىڭ ءوسۋىن باتىل اۋىزدىقتاپ، قورا - جاي بازارىنىڭ ورنىقتى، اقاۋسىز دامۋىن جەبەيتىن باياندى مەحانيزم ورناتۋدى جەدەلدەتىپ، «باسپاناسى بولۋدى» ىسكە اسىرۋعا اناعۇرلىم پارمەندى كەپىلدىك ازىرلەۋ كەرەك.

  حالىق تۇرمىسى قىزمەتى 100 ميلليونداعان حالىقتىڭ باقىتىنا سايادى، جاۋاپكەرلىكپەن، سۇيىسپەنشىلىكپەن شىنايى يگەرىپ، ناقتى ىستەۋ ستيلىن ساۋلەلەندىرگەندە عانا، شىنايى، تىڭعىلىقتى ىستەۋگە بولادى. تەكسەرۋ - زەرتتەۋدى كۇشەيتىپ، حالىقتىڭ قاجەتىن ءبىلىپ، حالىق ءۇشىن جوسپار جاساپ، حالىق تۇرمىسى قىزمەتىن حالىقپەن اناعۇرلىم جاناستىرۋعا، حالىق تىلەگىنەن اناعۇرلىم شىعۋعا مۇمكىندىك جاساپ، جۇرت جۇرەگىن جىلىتاتىن، جۇرت تىلەگىنە قول جەتكىزەتىن ناقتى ىستەردى كوبىرەك ىستەۋ كەرەك؛ شاماسىنا قاراي ىستەۋدەن، بار كۇشتى سارقا جۇمساۋدان جازباۋ، قۇرعاق ۋادە بەرمەي، ىستەردى تىندىرا، بىرىنەن سوڭ ءبىرىن ىستەۋ كەرەك؛ قىزمەتتىڭ ءادىسى مەن تاسىلىنە ءمان بەرىپ، قوعامنىڭ سەزىنۋى مەن ناقتى ونىمدىلىككە نازار اۋدارىپ، «ءبىر شىبىقپەن ايداۋ»، «ناۋقانشىلدىق» سياقتى قاراپايىم، تۇرپايى ادىستەردەن ساقتانىپ، جاقسى ءىستى شىن مانىندە جاقسى ىستەپ، ەڭ ۇلكەن سەنترلەس شەڭبەر قالىپتاستىرىپ، قوعامنىڭ جاراسىمدىلىعى مەن ورنىقتىلىعىنا مىعىم نەگىز قالاۋ كەرەك.

 (شينحۋا اگەنتتىگىنىڭ 8 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى