ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

8000 شاقىرىمدىق تۋىسقاندىق سۇيىسپەنشىلىك

«باقىتقا جول الۋ − بەيجيڭ - حوتان وتباسىلارىنىڭ بەرەكەلى شاڭىراعى» قيمىلى باستالدى

  ءتىلشىمىز حي حۇڭۋي 8 - ايدىڭ 4 - كۇنى بەيجيڭنەن حابارلايدى. «بەس جۇلدىزدى قىزىل تۋ جەلبىرەپ، شارىقتاعان جەڭىستى اسقاق ءان. عازيز انا وتاندى جىرلايمىز، كوركەيۋگە قادام تاستاعان...» 8 - ايدىڭ 3 - كۇنى بەيجيڭ قالالىق ايەلدەر مەن بالالار قوعامدىق قىزمەت وتەۋ ورتالىعىنىڭ كوپ يقۋاتتى زالىن شاتتىق ءۇنى كەرنەدى، حوتان ايماعىنان كەلگەن وزات ايەلدەردىڭ، ۇزدىك وسپىرىمدەردىڭ جانە ەڭ سۇيىكتى وتباسىنىڭ ۋاكىلدەرى بەيجيڭ قالاسىنداعى وتباسىلارىنىڭ، وسپىرىمدەردىڭ 150 نەشە ۋاكىلىمەن ءبىر اراعا باس قوسىپ، «باقىتقا جول الۋ − بەيجيڭ - حوتان وتباسىلارىنىڭ بەرەكەلى شاڭىراعى» اۋىس - كۇيىس قيمىلىنا قاتىناستى.

  قيمىلدا بەيجيڭدىك 25 ءوسپىرىم حوتاندىق 25 وسپىرىممەن قول ۇستاسىپ جۇپ قۇرادى، ولار قول ۇستاسۋ تىلەكتەرىن انىق جازىپ، سالەمدەمەلەرى مەن جۇپ قۇراۋ كارتچكالارىن ءوزارا ۇسىنىسىپ، تەز ارادا تانىسىپ كەتتى. بەيجيڭ قالالىق ايەلدەر بىرلەستىگى مەيىربان انالار توقىعان پوپايكانى حوتان ايماعىنداعى جاس وسپىرىمدەرگە ۇسىندى.

  بەيجيڭدىك، حوتاندىق انالار مەن بالالار ءان ايتۋ، ءبي بيلەۋ، مۋزيكا ورىنداۋ، ولەڭ وقۋ سياقتى تارتىمدى ويىن نومىرلەرىن قويىپ، «بەيجيڭ - حوتان وتباسىلارىنىڭ بەرەكەلى شاڭىراعىنىڭ» ىقىلاستى دوستىق سۇيىسپەنشىلىگىن ايگىلەدى.

  10 جاستاعى بەيجيڭدىك ءبۇلدىرشىن ياۋ ۋىنجيا حوتان ايماعىنىڭ لوپ اۋدانىنان كەلگەن 10 جاستاعى ءبۇلدىرشىن نۇرگۇزال ابدۇۋايىتپەن تانىسىپ، ەكى ءبۇلدىرشىن تەز ارادا سىرلاس دوستارعا اينالدى. «بۇگىن مەن الىستان كەلگەن دوسىممەن كەزدەستىم، توتەنشە قۋانىشتامىن، ءوزىم ەڭ ءسۇيىپ كورەتىن <باتىسقا ساپار> شىعارماسىن وعان ۇسىندىم ءارى ونىڭ اۋىلىنا بارىپ كورۋدى ءۇمىت ەتەمىن»، - دەدى ياۋ ۋىنجيا. نۇرگۇزال ياۋ ۋىنجيانىڭ باسىنا ادەمى دوپپا كيگىزدى.

  بەيجيڭدىك بالا يان ميڭدا حوتان اۋدانىنان كەلگەن ابدىرەيىم ابدۇحابىرمەن تانىسىپ، ەكەۋى «ءبي ونەرى» تۋرالى اڭگىمەلەستى.

  وسى رەت حوتاننان 51 ادامدىق اۋىس - كۇيىس ۇيىرمەسى كەلدى، ولاردىڭ ىشىندە وزات ايەلدەردىڭ، ۇزدىك وسىپىرىمدەردىڭ جانە ەڭ سۇيىكتى وتباسىنىڭ ۋاكىلدەرى بار. اۋىس - كۇيىس قيمىلى 8 كۇنگە جالعاسادى. الداعى كۇندەردە، بەيجيڭدىك، حوتاندىق ايەلدەر مەن بالالار بىرگە كىتاپ وقۋ سياقتى مازمۇنداردا اۋىس - كۇيىس جاساپ، تيان - انمىنگە، ۇلى قورعانعا بارىپ وتانشىلدىق تاربيە قابىلدايدى، چيانمىن جاياۋلار كوشەسىندە كونە بەيجيڭ مادەنيەتىن ۇيرەنىپ، جۇڭگو عىلىم - تەحنيكا سارايىندا وسى زامانعى عىلىم - تەحنيكادان حابار تاۋىپ، جۇڭگو اعاش قۋىرشاق تەاترحاناسىندا قىزىقتى كوركەمونەرلەردى تاماشالايدى.

  ۇعىسۋعا قاراعاندا، «باقىتقا جول الۋ − بەيجيڭ - حوتان وتباسىلارىنىڭ بەرەكەلى شاڭىراعى» نىسانى − بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابىنىڭ شينجياڭعا بەرگەن كومەك قاراجاتىنىڭ قولداۋىمەن اتقارىلعان، بەيجيڭ مەن حوتاننىڭ ارالاسۋىن، ىشتەسۋىن، توعىسۋىن تەرەڭدەتۋ اتىنداعى نىسان ەكەن. قازىرگە دەيىن، حوتانداعى ۇزدىك وتباسىلارىنىڭ، ۇزدىك انالاردىڭ، سونداي - اق ۇزدىك وسپىرىمدەردىڭ ۋاكىلدەرىنەن 300دەن استامى بەيجيڭگە كەلىپ جۇپ قۇراپ، تۋىستاسقان، ەل ىشىندەگى ماماندار مەن بەيجيڭدەگى «شەبەر انالاردان» 10 نەشەۋى حوتانعا بارىپ، سول جەردەگى ايەلدەردى شارۋاشىلىق قۇرۋ شەبەرلىگى جاعىنان باۋلىپ جانە جۇمىس ۇستىندە جەتەكشىلىك ەتىپ، ولاردىڭ ونەر ۇيرەنۋىنە كومەكتەسىپ، ارحيۆ تۇرعىزىلىپ، كارتچكا بەرىلگەن وتباسىلارىنىڭ كەدەيلىكتەن قۇتىلىپ، اۋقاتتانۋىنا دەم بەردى.

  بەيجيڭ قالالىق ايەلدەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، ورىنباسار ءتورايىمى حۇڭ يان بىلاي دەپ تانىستىردى: بەيجيڭ مەن حوتان ەكى جەردىڭ ايەلدەر بىرلەستىگى ۇيىمى وتباسى قىزمەتى باسىمدىعىنا سۇيەنىپ، وتباسىلارىن، وسپىرىمدەردى قول ۇستاسىپ جۇپ قۇراۋ، كىتاپ وقۋ، ەكسكۋرسيالاۋ، بىرلەسكەن دوستىق قيمىلىن وتكىزۋ سياقتى قيمىلدار ورىستەتۋ ارقىلى ەكى جەردەگى ايەلدەر مەن وسپىرىمدەردىڭ اۋىس - كۇيىس جاساۋىنا دانەكەر بولدى. الداعى جەردە بەيجيڭ قالالىق ايەلدەر بىرلەستىگى ءار جاقتاعى كۇشتەرمەن سەلبەسىپ، استانانىڭ مول بايلىق باسىمدىعىنا سۇيەنىپ، ۇلتتار ىنتىماعىن جەبەۋدى ارقاۋ ەتىپ، ءار الۋان فورمادا، باي مازمۇندى اۋىس - كۇيىس جاساۋ قيمىلدارىن وتكىزىپ، «ۇلتتار ىنتىماعىنىڭ بەرەكەلى شاڭىراعى» قيمىلىنىڭ سۇيىسپەنشىلىك نەگىزىن بەكەمدەپ، ەكى جەردىڭ مۇنان دا كوركەم بولاشاعىن سەلبەسىپ بىرگە قۇرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى