ءتىلشىمىز چىن چياڭۋي 8 - ايدىڭ 4 - كۇنى ۇرىمجىدەن حابارلايدى. 8 - ايدىڭ 4 - كۇنى 6 - كەزەكتى جۇڭگو − ازيا - ەۆروپا كورمەسىنە اتتانىسقا كەلتىرۋ ءماجىلىسى اشىلدى، ءماجىلىس ۇيىمداستىرۋشى ورىنداردان قىزمەتكە كۇشتى بارىنشا شوعىرلاندىرىپ، وسى كەزەكتى كورمەنى «حاۋىپسىز، ءتارتىپتى، مەرەيلى، دوستىق» جينالىس ەتىپ وتكىزۋدى تالاپ ەتتى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى جانە ءسوز سويلەدى.
6 - كەزەكتى جۇڭگو − ازيا - ەۆروپا كورمەسى «ءبىر بەلدەۋ، ءبىر جول، بىرگە اقىلداسۋ، بىرگە قۇرۋ، بىرگە يگىلىكتەنۋ» نەگىزگى تاقىرىبىمەن 8 - ايدىڭ 30 - كۇنىنەن 9 - ايدىڭ 1 - كۇنىنە دەيىن وتكىزىلەدى.
ءماجىلىس مىنانى باسا دارىپتەدى: ۇيىمداستىرۋشى ورىندار اۆتونوميالى رايوندىق پارتكومنىڭ ورنالاستىرۋىن مۇقيات تياناقتاندىرىپ، ءوز مىندەت بولىستەرى بويىنشا جاۋاپكەرشىلىك سۋبيەكتى مەن ورىندالۋ ۋاقىتىن ءبىر - بىردەن ايقىنداپ، قىزمەتتەردى تياناقتاندىرۋدى مىقتى يگەرىپ، دايىندىق قىزمەتتەردى رەتتى، مۇلتىكسىز تىندىرۋعا كۇش سالۋ كەرەك.
ءماجىلىس مىنانى تالاپ ەتتى: ساياسي دەڭگەيدى جوعارىلاتىپ، 6 - كەزەكتى جۇڭگو − ازيا - ەۆروپا كورمەسىن ۇيىمداستىرۋ مىندەتىن بۇلجىتپاي تىندىرىمدى ورىنداپ، اۆتونوميالى رايون بويىنشا كورمەنىڭ تولىق تابىستى وتكىزىلۋىنە كۇش سالۋ كەرەك. قىزمەت كورسەتۋ جاعىنان قامتاماسىزداندىرۋ ساپاسىن جوعارىلاتۋدى ناقتاپ تياناقتاندىرىپ، حالىقارالىق ورەدە تاماشا حالىقارالىق وبرازدى ايگىلەپ، شينجياڭداعى ءار ۇلت حالقىنىڭ ىستىق ىقىلاستى، قوناعۋار دوستىق پەيىلى مەن قۇنتتى، جان - جاقتى قىزمەت كورسەتۋ ورەسىن كورسەتۋ كەرەك. جاۋاپكەرشىلىك ارقالاۋ تانىمىن كۇشەيتىپ، جاۋاپكەرشىلىكتى ناقتاپ تياناقتاندىرۋ كەرەك. 6 - كەزەكتى جۇڭگو − ازيا - ەۆروپا كورمەسى اتقارۋ كوميسسياسىنىڭ قىزمەت تاراۋلارىنان، باعىتتامالى كۇتىپ الۋ ورىندارىنان، ەرىكتىلەر ۋاكىلدەرىنەن 500 نەشە ادام اتتانىسقا كەلتىرۋ ماجىلىسىنە قاتىناستى.
