تيانشان تورابى   ›   جاڭالىقتار   ›   ماڭىزدى حابارلار

شي جينپيڭ ۋاڭ جيساي جولداستىڭ ىزگى ىستەرى جونىندە ماڭىزدى نۇسقاۋ بەرىپ وتاندى ءسۇيۋ، ۇلەس قوسۋ رۋحىن كۇش سالا دارىپتەپ، جاڭا داۋىردەگى كۇرەسكەرلەردىڭ قۇن تالپىنىسىنا اينالدىرۋ كەرەكتىگىن باسا دارىپتەدى

  شينحۋا اگەنتتىگىنىڭ 8 - ايدىڭ 6 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ۋاڭ جيساي جولداستىڭ ىزگى ىستەرى جونىندە ماڭىزدى نۇسقاۋ بەرىپ، مىنالاردى باسا دارىپتەدى: ۋاڭ جيساي جولداس 32 جىل بويى ارالدى كۇزەتىپ، وتاندى قورعاپ، قالتقىسىز تاباندىلىق كورسەتىپ جانە ەڭبەك ەتىپ، قاراپايىم جۇمىس ورنىندا كەرەمەت ءومىر داستانىن جازدى. ءبىز وسىنداي وتاندى ءسۇيۋ، ۇلەس قوسۋ رۋحىن كۇش سالا دارىپتەپ، جاڭا داۋىردەگى كۇرەسكەرلەردىڭ قۇن تالپىنىسىنا اينالدىرۋىمىز كەرەك.

  شي جينپيڭ مىنانى اتاپ كورسەتتى: قاتىستى جاقتار ۋاڭ جيساي جولداستىڭ وتباسىنداعىلارعا كوڭىل ءبولۋى، قامقورلىق جاساۋى كەرەك، ءار دارەجەلى ۇيىمدار ۋاڭ جيساي جولداس سياقتى ۇزاق ۋاقىت بويى جاپالى جۇمىس ورنىندا قالتقىسىز ۇلەس قوسىپ جاتقان جولداستاردىڭ ءىس جۇزىندىك قيىنشىلىقتارىن بەلسەنە، ىرىقتىلىقپەن شەشىپ، يدەيادا، قىزمەتتە جانە تۇرمىستا ولارعا كوبىرەك كوڭىل ءبولۋ، ولاردى ايالاۋ كەرەك.

  ۋاڭ جيساي كوزىنىڭ تىرىسىندە جياڭسۋ ولكەسى گۋانيۇن اۋدانى كايشان ارالى حالىق جاساعى قاراۋىل ورنىنىڭ باستىعى بولاتىن. كايشان ارالى ەلىمىزدىڭ حۋاڭحاي تەڭىزىندەگى الدىڭعى قاراۋىل، اۋدانى نەبارى ەكى فۋتبول الاڭىنداي عانا بولعانىمەن ستراتەگيالىق ورنى ەرەكشە ماڭىزدى. 1985 - جىلى اسكەري قۇرىلىم قىسقارتىلىپ، حالىق جاساعى قاراۋىل ورنى قۇرىلدى، ايتسە دە شارت - جاعدايى جاپالى بولعاندىقتان، بۇل ارالعا ىلگەرىندى - كەيىندى كەلگەن ون نەشە حالىق جاساعى ۇزاق ۋاقىت كۇزەتتە تۇرۋدى قالامادى. 1986 - جىلى 26 جاستاعى ۋاڭ جيساي ارالدى كۇزەتۋ مىندەتىن تاپسىرىپ الدى، سودان كەيىن جۇبايى ەكەۋى ارالدى ءوز ۇيلەرىندەي كورىپ، ەل - جۇرتتان اۋاشا ءومىر وتكىزدى، سۋ دا، توك تە جوق، وسىمدىكتىڭ ءوسۋى دە قيىن وقشاۋ ارالدى ءۇن - ءتۇنسىز تاباندىلىقپەن كۇزەتىپ، جاستىق كوكتەمىن تۇگەلدەي وتانىمىزدىڭ تەڭىز قورعانىسى ىستەرىنە ارنادى. 2014 - جىلى ۋاڭ جيساي مەن جۇبايى مەملەكەت بويىنشا «ءداۋىر ۇلگىسى» بولىپ باعالاندى. بيىل 7 - ايدىڭ 27 - كۇنى ۋاڭ جيساي مىندەت وتەپ جاتقان شاقتا تۇتقيىل سىرقاتتانىپ، قۇتقارۋ ءونىم بەرمەي، 58 جاسىندا قايتىس بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى