تيانشان تورى
تيانشان تورى   ›   جاڭالىقتار   ›   سۋرەتتى حابار

حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، شينجياڭعا كومەكتەسۋ قىزمەتىن تەكسەردى، ۇشتاستىردى

  چىن چۋانگو، جاڭ چيڭۋي، شوكىرات زاكىر، سۇن جينلۇڭ، لي پىڭشين قيمىلعا قاتىناستى

  تىلشىلەرىمىز ياۋ تۇڭ، دۇڭ شاۋحۋا، يۋان لەي 8 - ايدىڭ 6 - كۇنى ۇرىمجىدەن حابارلايدى. 8 - ايدىڭ 3 - كۇنىنەن 6 - كۇنىنە دەيىن حيلۇڭجياڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى جاڭ چيڭۋي باستاعان حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، شينجياڭعا كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلعا قاتىناستى.

  8 - ايدىڭ 3 - كۇنى تۇستەن كەيىن اۆتونوميالى رايونىمىز بەن حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى قىزمەتتىك كەڭەس وتكىزدى. چىن چۋانگو اۆتونوميالى رايوندىق پارتكوم مەن ۇكىمەت، سونداي - اق بۇكىل رايونىمىزداعى ءار ۇلت حالقى اتىنان حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا تەكسەرۋ - زەرتتەۋ جۇرگىزە كەلگەندىگىن قىزۋ قارسى الاتىندىعىن ءبىلدىردى، حيلۇڭجياڭ ولكەسىنىڭ ۇزاق ۋاقىتتان بەرى شينجياڭ قىزمەتىن كۇش سالا قولداپ كەلگەندىگىنە جانە قالتقىسىز كومەك كورسەتكەندىگىنە شىن جۇرەكتەن العىس ايتتى، حيلۇڭجياڭنىڭ باس شۋجي شي جينپيڭنىڭ شىعىس سولتۇستىكتەگى بايىرعى ونەركاسىپ بازاسىن گۇلدەندىرۋ جونىندەگى ماڭىزدى نۇسقاۋى مەن حيلۇڭجياڭدى كوزدەن كەشىرگەندە سويلەگەن ماڭىزدى ءسوزىنىڭ رۋحىن جاپپاي دايەكتىلەندىرىپ، تياناقتاندىرىپ، كورنەكتى ناتيجەگە قول جەتكىزگەندىگىن شىنايى قۇتتىقتادى. چىن چۋانگو بىلاي دەپ اتاپ كورسەتتى: حيلۇڭجياڭ ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋ قىزمەتىنە ەرەكشە ءمان بەرىپ، شينجياڭعا كومەكتەسۋ قىزمەتىن باستان - اياق ماڭىزدى ساياسي جاۋاپكەرشىلىك ساناپ، حالىق تۇرمىسى قۇرىلىسىن كورنەكتىلەندىرىپ، ەرەكشە كاسىپ سالاسىن اشىپ، «ۇيىرمە فورماسىندا» شينجياڭعا كومەكتەسۋدى ىلگەرىلەتىپ، دارىندىلاردى باۋلۋدى كۇشەيتىپ، ىقپالداستىق تۇعىر ورناتىپ، التاي ايماعى مەن بيڭتۋان 10 - شىسىنىڭ ورنىقتىلىق، دامۋ قىزمەتتەرىن پارمەندى جەبەپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى ۇلەس قوستى. شينجياڭداعى ءار ۇلت حالقى مۇنى ماڭگى ەسىندە ساقتايدى.

  چىن چۋانگو بىلاي دەدى: بۇكىل شينجياڭدا جوعارىدان تومەنگە دەيىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، ورنىقتىلىق، دامۋ قىزمەتتەرىن ىلگەرىلەتىپ، شينجياڭدا جالپى جاعداي ورنىققان، اۋقىم مەڭگەرىلگەن، بەتالىس جاقسارعان كۇيدى جارىققا شىعاردى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شينجياڭعا كومەك بەرۋ باسىمدىعىن تولىق ساۋلەلەندىرىپ، حيلۇڭجياڭ ولكەسىنىڭ وزىق تاجىريبەلەرىنەن ۇيرەنىپ، ۇلگى الىپ، نازاردى باس نىساناعا شوعىرلاندىرىپ، كەشەندى شارانى ويداعىداي قولدانىپ، شينجياڭ قوعامىنىڭ جاراسىمدىلىعىن، ورنىقتىلىعىن كۇش سالا قورعاپ، جاڭا دامۋ ۇستانىمىن دايەكتىلەندىرىپ، ءۇش ۇلكەن قامال الۋ شايقاسىن باتىل تۇردە ويداعىداي جۇرگىزىپ، ەكونوميكانىڭ جوعارى ساپامەن دامۋىن ىلگەرىلەتىپ، حالىق تۇرمىسىن بارىنشا قامتاماسىز ەتىپ جانە جاقسارتىپ، ۇلتتار ىنتىماعىن بەكەمدەپ، دامىتىپ، ءدىننىڭ تاتۋلىعىن، جاراسىمدىلىعىن جەبەپ، يدەولوگيا سالاسىنىڭ حاۋىپسىزدىگىن قورعاپ، بيڭتۋاننىڭ رەفورمانى تەرەڭدەتۋىن قولداپ، پارتيانى جاپپاي قاتاڭ جونگە سالۋدى ىلگەرىلەتىپ، جۇڭگوشا سوتسياليستىك شينجياڭ قۇرۋعا قۇلشىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەرەكشە قامقورلىعىنا ءىس جۇزىندىك ارەكەتىمىزبەن العىس ايتىپ، حيلۇڭجياڭ حالقىنىڭ قالتقىسىز كومەگىنىڭ قارىمجىسىن قايتارامىز.

  جاڭ چيڭۋي الدىمەن شينجياڭنىڭ ۇزاق ۋاقىتتان بەرى حيلۇڭجياڭدى قولداپ، وعان كومەكتەسىپ كەلگەندىگىنە جانە شينجياڭعا كومەكتەسۋگە كەلگەن كادرلارعا كوڭىل ءبولىپ، قامقورلىق جاساعاندىعىنا العىس ايتىپ، شينجياڭنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋدە، تياناقتاندىرۋدا ەلەۋلى ناتيجەگە قول جەتكىزگەندىگىن قۇتتىقتادى. ول بىلاي دەدى: حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ وسى رەت شينجياڭعا كەلۋدەگى ماقساتى، بىرىنشىدەن، كوزدەن كەشىرىپ، ۇيرەنۋ، ۇلگى الۋ. شينجياڭنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، «ءتورت تانىمدى» كۇشەيتىپ، «ەكىنى قورعاۋدان» مىزعىماي، ءار ۇلت حالقىن ىنتىماقتاسا العا باسۋعا، كوركەم شينجياڭ قۇرۋعا باستاعان جاقسى تاجىريبەلەرىن، جاقسى شارالارىن، جاقسى ناتيجەلەرىن مۇقيات ۇيرەنىپ، ىشكەرىلەي سالىستىرىپ، پارىقتاردى تاۋىپ، حيلۇڭجياڭ ولكەسىنىڭ ءىس جۇزىندىگىمەن تىعىز بايلانىستىرىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن جانە باس شۋجي شي جينپيڭنىڭ حيلۇڭجياڭ ولكەسى جونىندە سويلەگەن ماڭىزدى ءسوزىنىڭ رۋحىن شىنايى، ەگجەي - تەگجەيلى تياناقتاندىرامىز. ەكىنشىدەن، اۋىس - كۇيىستى، قارىم - قاتىناستى جيىلەتۋ. حيلۇڭجياڭ ولكەسى مەن شينجياڭ ۇيعۇر اۆتونوميالى رايونى تۇگەلدەي شەكارا وڭىرگە ورنالاسقان، ەكى جاقتىڭ سەلبەستىگىنىڭ ءبىر - ءبىرىن تولىقتاۋ سيپاتى كۇشتى، پارتيا ورتالىق كوميتەتى حيلۇڭجياڭ ولكەسىنە شينجياڭعا باعىتتامالى كومەكتەسۋ سىندى وسى ءبىر كەلەلى ساياسي مىندەتتى تاپسىردى، سونداي - اق ەكى جاقتىڭ اۋىس - كۇيىس، سەلبەستىك جاساۋىنا وراي جاراتىپ بەردى. حيلۇڭجياڭ ولكەسى مەن شينجياڭ ۇيعۇر اۆتونوميالى رايونىنىڭ وقۋ - اعارتۋ، عىلىم - تەحنيكا سياقتى گۋمانيتارلىق سالادا اۋىس - كۇيىستى بەلسەنە ورىستەتىپ، ءجيى بارىس - كەلىس جاساپ، سۇيىسپەنشىلىكتى تەرەڭدەتىپ، ۇزاق ۋاقىت سەلبەستىك جاساۋعا نەگىز قالاۋىن ءۇمىت ەتەمىن. بيداحۋاڭ توبى مەن شينجياڭ ءوندىرىس - قۇرىلىس بيڭتۋانىنىڭ رەفورمانى تەرەڭدەتۋ، وسى زامانعى اۋىل شارۋاشىلىعىن دامىتۋ سياقتى جاقتارداعى اۋىس - كۇيىسىن كۇشەيتىپ، ءوزارا ۇيرەنۋىن، ءبىر - بىرىنەن ۇلگى الۋىن ىلگەرىلەتۋىمىز كەرەك. ءۇشىنشى، ەكى جەردىڭ سەلبەستىگىن تەرەڭدەتۋ. ەكى جاقتىڭ شينجياڭعا باعىتتامالى كومەكتەسۋدى وراي ەتىپ، قار - مۇز ساياحاتى، وسى زامانعى اۋىل شارۋاشىلىعى، سىرتقا ەسىك اشۋ، ەكولوگيانى قورعاۋ سياقتى سالالارداعى تەرەڭ سەلبەستىكتى اناعۇرلىم كۇشەيتىپ، ءوزارا پايدا جەتكىزىپ، تەڭ يگىلىككە كەنەلەتىن دامۋدى ىسكە اسىرۋىن ءۇمىت ەتەمىن. جاڭ چيڭۋي شينجياڭنىڭ ىستەرىنىڭ كۇننەن - كۇنگە كوركەيىپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن قۇلشىنا جازۋىنا تىلەۋلەستىك ءبىلدىردى.

  شينجياڭداعى كەزىندە حيلۇڭجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى اۆتونوميالى رايوندىق مۇراجايدى ەكسكۋرسيالادى، التاي قالاسىنا، بۋرىلتوعاي اۋدانىنا جانە بيڭتۋان 10 - شىسى بەيتۇن قالاسىنا، 183 - تۋانعا، 187 - تۋانعا بارىپ، شينجياڭعا كومەكتەسۋ نىساندارىنىڭ ىلگەرىلەۋ احۋالىن تەكسەردى، كەدەي وتباسىلارىن ارالاپ، ولاردان حال سۇراپ، شينجياڭعا كومەكتەسۋ قىزمەتى جونىندە اڭگىمە ءماجىلىس اشتى ءارى شينجياڭعا كومەكتەسۋگە كەلگەن كادرلارعا امانداسا بارىپ، ولاردان حال سۇرادى.

  حيلۇڭجياڭنىڭ جانە اۆتونوميالى رايوننىڭ باسشىلارىنان لي حايتاۋ، گان رۇڭكۇن، جاڭ يۇيپۋ، دۋ حىپيڭ، سۇن شىن، سارقىت اقان ۇلى، جاڭ چۇنلين، ۋاڭ يۇڭميڭ، ماعاۋ سەيىتقامزا ۇلى، كۇڭ شيڭلۇڭ قاتارلىلار قيمىلعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.