تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

كوممۋنيستىك جاستار وداعى قالاشىعىنداعى سۇيىسپەنشىلىككە تولى ىنتىماق

ەرىكتى تىلشىلەر جاڭ جيڭ، گا لۇڭ

  ءار ۇلت قىستاق تۇرعىندارى ءوندىرىس، تۇرمىس بارىسىندا ۇنەمى بارىس - كەلىس جاساپ، سۇيىسپەنشىلىكتەرى بارعان سايىن قويۋلادى؛ نەشە ون جىلدان بەرى ءار قىستاقتىڭ بارىندە ۇلتتار ىنتىماعىنىڭ اڭگىمەلەرى تولاسسىز تۋىلدى؛ 2100دەن ارتىق وتباسى تۋىس بولىپ، كوپشىلىك ءبىر - بىرىنەن ەگىنشىلىك، باعىمشىلىق تەحنيكالارىن ۇيرەندى، وتباسىلار ارا ۇنەمى حال - جاعداي ۇعىستى، ارالاسۋدىڭ جيىلەۋىنە بايلانىستى تۋىستىق سەزىمدەرى ارتا ءتۇستى... اقسۋ ايماعى ونسۋ اۋدانىنداعى كوممۋنيستىك جاستار وداعى قالاشىعىندا، ۇلتتار ىنتىماعى بەينە اۋا مەن سۋ سياقتى كوپشىلىكتىڭ كۇندەلىكتى ءوندىرىس، تۇرمىس بارىسىمەن توعىسىپ كەتتى.

  8 - ايدىڭ 1 - كۇنى ونسۋ اۋداندىق كوممۋنيستىك جاستار وداعى قالاشىعىنىڭ جوعارعى ءمالى قىستاعى تۇرعىندار كوميتەتىنىڭ ۇلكەن زالىندا شارۋا بارات كەرىم مەن ۋاڭ جيانشىڭ جەلدىرمە ايتىپ، پارتيا 19 - قۇرىلتايىنىڭ رۋحىن ورتاق تىلمەن قىستاق تۇرعىندارىنا ۇگىتتەدى، كوپشىلىك وعان دۇركىن - دۇركىن دۋ قول شاپالاق سوقتى. بارات وتباسى مەن ۋاڭ جيانشىڭ وتباسىنىڭ تۋىستىق سۇيىسپەنشىلىگى ءۇش ۇرپاققا جالعاسقان. ۋاڭ جيانشىڭ بىلاي دەدى: ءبىز ءبىر اتا - انانىڭ قۇشاعىندا ەسەيدىك، قارشادايىنان باستاپ باراتتىڭ كيگەن ماقتالى شاقايىن ۋاڭ جيانشىڭنىڭ شەشەسى تىگىپ بەرەتىن. بۇگىنگى كۇندەرى قارت انا 70جاستان استى، ءبىراق ول ۇنەمى تاياعىن تايانىپ الىپ، ءوز كوكونىس باقشاسىنان ءوسىپ شىققان كوكونىستەردى باراتتىڭ ۇيىنە ارنايى جەتكىزىپ بەرىپ تۇرادى.

  ۋاڭ جيانشىڭنىڭ ماحمۇت تۇنياز ەسىمدى كورشىسى بار. ماحمۇت 2009 - جىلعى قاقاعان ايازدا مۇز جارىعىنا سەكىرىپ تۇسىپ، ماقتا تەرەتىن 3 حانزۋ جولداستى قۇتقارعان ەرلىگىمەن ەل - جۇرتقا تانىلعان ەدى. «ءار ۇلت حالقى ءبىر ءۇيدىڭ ادامى، وتباسىڭدا قيىنشىلىق تۋىلعاندا، قاراپ تۇرا الاسىڭ با؟ ارينە، قاراپ تۇرا المايسىڭ»، - دەيدى ماحمۇت.

  سايكوپ قىستاعىنىڭ ءار جىلعى ماقتا تەرەتىن ماۋسىمىندا قىستاققا اتى ايگىلى ماقتا تەرۋ شەبەرى، يزۋ قىستاق تۇرعىنى جيپيبۇحامۇ قىستاقتاعى جاڭ گوجۇننىڭ ماقتا تەرۋىنە كومەكتەسەتىن. «8 جىلدىڭ الدىندا وتباسىمىز ەندى عانا وسى اراعا كوشىپ كەلگەندە جاڭ گوجۇن بىزگە زور كومەك كورسەتكەن ەدى، مۇنى ماڭگى ۇمىتا المايمىز. قازىر ماقتا تەرۋ باستالسا بولعانى ونىڭ ماقتا اتىزىنا ءبىرىنشى بولىپ جەتىپ بارامىن»، - دەيدى جيپيبۇحامۇ. ۇعىسۋعا قاراعاندا، كوممۋنيستىك جاستار وداعى قالاشىعىندا 8 ۇلتتىڭ تۇرعىنى بار. كوپ ساندى ۇيعۇر تۇرعىندار ورتاق ءتىلدى حىنان اكسەنتىندە، سىچۋان اكسەنتىندە سويلەيدى ەكەن، تۋجيا ۇلتى تۇرعىندارىنىڭ قوناق بولمەسىنە نەگىزىنەن شينجياڭنىڭ ۇلتتىق ەرەكشەلىگىنە يە كىلەمدەر توسەلگەن، مەرەكە - مەيرام كەزدەرىندە ءار ۇلت تۇرعىندارى ۇستەلدەرىنە سۋ ونىمدەرىن، تەڭىز ونىمدەرىن ءتىزىپ قويادى...

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى