باقىلاۋ - تەكسەرۋ «وتكىر قارۋىنان» ۇتىمدى پايدالانىپ، قىزمەتتى تياناقتاندىرۋدى ىلگەرىلەتەيىك
ءتىلشى يۋان لەي 8 - ايدىڭ 6 - كۇنى ۇرىمجىدەن حابارلايدى. 8 - ايدىڭ 6 - كۇنى اۆتونوميالى رايون اتتانىسقا كەلتىرۋ ءماجىلىسىن اشىپ، اۆتونوميالى رايوننىڭ مەملەكەتتىك كەڭەستىڭ 2018 - جىلعى زور كولەمدى باقىلاۋ - تەكسەرۋ قىزمەتىنىڭ جۇمىس ۇستىندە باقىلاۋ - تەكسەرۋىن قارسى الۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى ءارى ءسوز سويلەدى.
ءماجىلىس مىنانى اتاپ كورسەتتى: مەملەكەتتىك كەڭەستىڭ 2018 - جىلعى زور كولەمدى باقىلاۋ - تەكسەرۋى مەملەكەتتىك كەڭەس ورنالاستىرعان ءبىر رەتكى جوعارى دەڭگەيدەگى، زور كولەمدەگى باقىلاۋ - تەكسەرۋ ارەكەتى، الدىمەن ءوزى تەكسەرۋ، ونان كەيىن جۇمىس ۇستىندە باقىلاۋ - تەكسەرۋ سىندى ەكى ساتىعا ءبولىپ جۇرگىزىلەدى، مۇنىڭ ماقساتى − ايماق، وبلىس، قالالاردىڭ، سونداي - اق تاراۋلاردىڭ قىزمەتىن جاپپاي ىشكەرىلەي تەكسەرۋىن شوعىرلى ورىستەتۋ ارقىلى پارتيا ورتالىق كوميتەتىنىڭ، مەملەكەتتىك كەڭەستىڭ كەلەلى شەشىمدەرىنىڭ، ورنالاستىرۋلارىنىڭ جانە ساياساتتارىنىڭ، شارالارىنىڭ دايەكتىلەندىرىلۋىن، تياناقتاندىرىلۋىن ىشكەرىلەي ىلگەرىلەتىپ، تۇتاس جىلدىق ەكونوميكالىق، قوعامدىق دامۋدىڭ باستى نىسانالارىن، مىندەتتەرىن ورىنداۋعا كەپىلدىك ەتۋ. اۆتونوميالى رايون جاپپاي ءوزىن تەكسەرۋ قىزمەتىن ورىنداپ بولدى، قازىر رەتتەپ، تۇزەتىپ، تياناقتاندىرۋدا. جەر - جەر، تاراۋلار ساياسي دەڭگەيدى جوعارىلاتىپ، وسى رەتكى زور كولەمدى باقىلاۋ - تەكسەرۋدى ورىستەتۋدىڭ كەلەلى ءمانىن جەتە تانىپ، اۆتونوميالى رايوندىق پارتكومنىڭ قىزمەت تالابى بويىنشا، باقىلاۋ - تەكسەرۋدى قابىلداۋدى قىزمەتتى جاقسارتۋدىڭ، ساپانى جوعارىلاتۋدىڭ، ونىمدىلىكتى ءوسىرۋدىڭ ماڭىزدى ورايى ەتىپ، قىزمەت جاۋاپكەرشىلىگىن كۇشەيتىپ، قىزمەت تەبىنىن ارتتىرىپ، اۆتونوميالى رايوننىڭ ءتۇرلى ءتۇيىندى قىزمەتتەرىنىڭ ناقتاپ تياناقتاندىرىلۋىن بار كۇشپەن ىلگەرىلەتۋ كەرەك.
ءماجىلىس مىنانى باسا دارىپتەدى: باقىلاۋ - تەكسەرۋ سىندى «وتكىر قارۋدان» ۇتىمدى پايدالانىپ، ماسەلەنى باعدار ەتۋدەن جازباي، نازاردى ورتالىقتىڭ ەكونوميكالىق قىزمەت ءماجىلىسى مەن «ۇكىمەت قىزمەتىنەن بايانداماداعى» ءتۇيىندى مىندەتتەردى تياناقتاندىرۋعا، بۇقارا كوڭىل ءبولىپ وتىرعان جانە قوعامدىق اڭىس كۇشتى بولعان ءتۇيىندى، قولامتالى، قيىن ماسەلەلەرگە شوعىرلاندىرىپ، باقىلاۋ - تەكسەرۋدى يگەرۋ كەرەك. قىزمەتتىڭ ماڭىزدى تۇيىندەرىن كورنەكتىلەندىرىپ، ماڭىزدى بۋىنداردى مىقتاپ يگەرۋ؛ باقىلاۋ - تەكسەرۋدى باعدار ەتۋدى كۇشەيتىپ، ءىس جۇزىندىك ونىمدىلىككە باسا ءمان بەرىپ، تۇتاس جىلدىق ەكونوميكالىق، قوعامدىق دامۋدىڭ باستى نىسانالارىن، مىندەتتەرىن ورىنداۋعا كەپىلدىك ەتۋ كەرەك.
