تيانشان تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

قوعام ورنىقتىلىعىن بۇلدىرەتىن ءسوز - ارەكەتتەرمەن باتىل كۇرەسەمىن

بۇراتالا قالالىق 5 - ورتا مەكتەپتىڭ چيڭدالا جولى حۇڭيۇن الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجيى

بولات ءادىل

  مەن زيالى وتباسىندا ءومىر ەسىگىن اشتىم، اكەم 35 جىلدىق پارتيا ستاجىنا يە پارتيا مۇشەسى، ول ماعان ۇنەمى «بىزدەگىنىڭ ءبارىن پارتيا مەن مەملەكەت بەرگەن، مەملەكەت پەن قوعامعا پايدالى ادام بول» دەپ تاربيە بەرۋشى ەدى.

  شينجياڭداعى ءار ۇلت حالقى وسىناۋ ىرىستى توپىراقتا بىرگە تۇرمىس كەشىرۋدە، كوپشىلىك اناردىڭ دانىندەي تىعىز ۇيىسىپ، ءاربىر ادام تۇرلىشە قىزمەت ورنىندا تۇرلىشە ادىستەرمەن سۇيىكتى مەكەنىمىزدى كوركەيتۋدە، باقىتتى دا تىنىش تۇرمىسقا تالپىنۋدا.

  ايتسە دە، «ءۇش ءتۇرلى كۇش» ءار ۇلت اراسىنداعى قويۋ تامىرلاستىق قاتىناس پەن سۇيىسپەنشىلىكتى اجىراتۋعا ۇرىندى، ولار قاسكۇنەمدىك سايلاپ، ءدىني ۇشقارى يدەيا تاراتىپ، ءمان - جايدى بىلمەيتىن بۇقارانى الجاستىرىپ، ۇلتتىق وشپەندىلىك تۋدىردى. ولار ادامگەرشىلىكتەن بەزىپ زورلىقتى كۇش، لاڭكەستىك دەلولارىن تۋدىرىپ، نايزا ۇشىن بەيكۇنا بۇقاراعا كەزەدى. ولار وتاننىڭ تۇتاستىعى مەن گۇلدەنىپ - كوركەيۋىن، قوعامنىڭ جاراسىمدىلىعى مەن ورنىقتىلىعىن، ۇلتتار ىنتىماعى ەكپىندەي العا باسقان تاماشا جاعدايدى ءبۇلدىردى. ءبىز بۇعان استە جول قويمايمىز، ولارمەن باتىل كۇرەسەمىز.

  وقۋ - اعارتۋ قىزمەتكەرى رەتىندە، مەن الدىمەن ارەكەتتەنىپ، اتويلاپ الدا ءجۇرىپ، وتان تۇتاستىعىن قورعا獵دا، ۇلتتىق بولشەكتەۋشىلىككە قارسى تۇرۋدا، ۇلتتار ىنتىماعىن جەبەۋدە ءوز باسىمنان ونەگە كورسەتىپ، ءار ۇلت حالقىن وتاندى سۇيۋگە، پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە ىنتىماقتاستىرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭ قۇرۋعا ۇلەس قوسۋعا مىندەتتىمىن.

  پارتيالى كادر رەتىندە، مەن ارتىقشىلىعىمدى قۇلشىنا ساۋلەلەندىرىپ، «ادال، پاك، جاۋاپكەرشىلىك ارقالاي الاتىن» جاقسى كادر بولىپ، قاي - قاشان دا تۇرعىم بەرىك، تۋىم ايقىن، ءىشىم مەن سىرتىم بىردەي بولىپ، پارتيالىلىقتى دارىپتەپ، ءمورالعا ءمان بەرىپ، ۇلگى بولىپ، وتباسىما، وتباسى تاربيەسىنە، وتباسى سالتىنا دەن قويىپ، كوممۋنيستەردىڭ وسكەلەڭ قاسيەتى مەن پاك مىنەز - قۇلقىن ساقتايمىن.

  «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ءبىر مۇشەسى رەتىندە، مەن بەلسەندى، ىرىقتى تۇردە بولشەكتەۋشىلىككە قارسى كۇرەستىڭ ءبىرىنشى شەبىندە تۇرىپ، باس نىسانانى ارقاۋ ەتىپ، بۇقارالىق قىزمەتتى جاۋاپكەرشىلىكپەن، سۇيىسپەنشىلىكپەن اناعۇرلىم جاقسى ىستەپ، حالىققا ءتيىمدى ساياساتتاردى جاقسى تياناقتاندىرامىن. كوپ بارىپ - كەلىپ، كوپ باس قوسىپ، بارىس - كەلىستى قويۋلاتىپ، بۇقارانىڭ ناقتى قيىنشىلىعىن شەشۋگە كومەكتەسىپ، كوممۋنيستىك پارتيا مۇشەلەرىنىڭ تاماشا وبرازىن ورناتامىن. ءىس جۇزىندىك ارەكەتىم ارقىلى بۇقارانى ءمورالدى ارداقتاپ، ىزگىلىككە تالپىنۋعا اتتانىسقا كەلتىرىپ، ءار ۇلت بۇقاراسىن باتىل ءۇن قاتىپ، ايقىن پوزيتسيا ءبىلدىرىپ، «ەكىبەتكەيلەردى» اشكەرەلەپ جانە سىن تەزىنە الىپ، قوعام ورنىقتىلىعىن بۇلدىرەتىن ءسوز - ارەكەتتەرمەن باتىل كۇرەسۋگە باستايمىن. ءدىني ۇشقارى يدەياعا سانالىلىقپەن قارسى تۇرىپ جانە ونى تەجەپ، جاراسىمدى دا ورنىقتى كورىكتى مەكەنىمىزدى بەلسەنە قورعايمىن.

  قازىرگى جانە بۇدان بىلايعى قىزمەت بارىسىندا، مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، ۇعىنىپ، پارتيا 19 - قۇرىلتايى رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارىن» قاز - قالپىندا تياناقتاندىرىپ، ۇلتتىق بولشەكتەۋشىلىككە باتىل قارسى تۇرىپ، ۇلتتار ىنتىماعىن باتىل قورعاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا قۇلشىنا كۇرەسەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى