جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتەيىك
ءتىلشىمىز يۋان لەي 8 - ايدىڭ 7 - كۇنى ۇرىمجىدەن حابارلايدى. 8 - ايدىڭ 7 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، اۆتونوميالى رايوندىق پارتكوم تۇراقتى كوميتەتى (كەڭەيتىلگەن) ءماجىلىسىنىڭ رۋحىن جەتكىزدى، ۇيرەندى، ۇكىمەت جۇيەسىنىڭ دايەكتىلەندىرۋ، تياناقتاندىرۋ پىكىرىن اقىلداستى.
ماجىلىستە بىلاي دەپ اتاپ كورسەتىلدى: ۇكىمەتتىڭ پارتيا باسشىلىق گرۋپپاسى مەن ۇكىمەت كەڭسەسىنىڭ پارتيا باسشىلىق گرۋپپاسى، سونداي - اق ۇكىمەت جۇيەسىندەگى ءارقايسى تاراۋلار، ورىندار 7 - ايدىڭ 31 - كۇنگى ورتالىق كوميتەت ساياسي بيۋروسى ءماجىلىسىنىڭ رۋحىن جانە باس شۋجي شي جينپيڭنىڭ ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنۋى، ىشكەرىلەي ۇعىنۋى كەرەك، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ عىلمي تۇجىرىمىمەن جانە شەشىم - ورنالاستىرۋلارىمەن باتىل بىرلىككە كەلتىرىپ، سەنىمدى بەكەمدەپ، قايراتتانا العا باسىپ، اۆتونوميالى رايوندىق پارتكومنىڭ تالابى بويىنشا ەكونوميكانىڭ جوعارى ساپالى دامۋىن كۇش سالا ىلگەرىلەتۋ كەرەك.
ماجىلىستە مىنالار تالاپ ەتىلدى: ساياسي دەڭگەيدى جوعارىلاتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ ورنالاستىرۋ، تالاپتارى بويىنشا ءتۇرلى قىزمەتتەردى تىڭعىلىقتى، ويداعىداي ىستەۋ كەرەك. بايىپتىلىقپەن ىلگەرىلەۋ سىندى قىزمەتتىڭ جالپى ارناسىنا تاباندى بولىپ، قازىنا، سالىق، فينانس رەفورماسىن تەرەڭدەتىپ، ەكونوميكانىڭ ورنىقتى، اقاۋسىز دامۋىن ساقتاۋ كەرەك. ولقىلىقتاردى كۇش سالا تولىقتاپ، ءىس جۇزىندىك ماسەلەلەردى شەشىپ، شەشىمدەردى دەر كەزىندە كەمەلدەندىرىپ، قىزمەتتەردى ءونىمدى ىلگەرىلەتۋ كەرەك. جاڭا دامۋ ۇستانىمىن بەرىك ورناتىپ جانە دايەكتىلەندىرىپ، تياناقتاندىرىپ، ءتۇرلى ساياساتتاردى ءبىر تۇتاس جوبالاپ، جۇمىسقا ورنالاستىرۋدى ورنىقتىرۋ، فينانستى ورنىقتىرۋ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ، قارجى قوسۋدى ورنىقتىرۋ، مەجەنى ورنىقتىرۋ قىزمەتىن ويداعىداي جاقسى ىستەۋ كەرەك. سىرتقا ەسىك اشۋدى كەڭەيتىپ، باس شۋجي شي جينپيڭنىڭ بريكس ەلدەرى ونەركاسىپ - ساۋدا تالقى مىنبەرىندە، جۇڭگو - اراب ەلدەرى سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ماجىلىسىندە سويلەگەن ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن شىنايى ىلگەرىلەتىپ، سىرتقا ەسىك اشۋ ورەسىن جوعارىلاتۋ كەرەك. قورا - جاي جونىندەگى ساياساتتاردى تياناقتاندىرىپ، قورا - جاي بازارىنىڭ ورنىقتى، اقاۋسىز دامۋىن جەبەۋ كەرەك. حالىق تۇرمىسىن قامتاماسىزداندىرىپ جانە جاقسارتىپ، حالىقتىڭ رەفورمانىڭ، دامۋدىڭ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەنۋىنە كەپىلدىك ەتۋ قاجەت. نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، اۆتونوميالى رايوندىق پارتكومنىڭ ورنىقتىلىقتى قورعاۋ جونىندەگى ءتۇرلى ورنالاستىرۋلارىن باتىل تياناقتاندىرۋ كەرەك. پارتيا باسشىلىعىنا تاباندى بولىپ، اۆتونوميالى رايوندىق پارتكومنىڭ ءبىر تۇتاس باسشىلىعىندا، اۆتونوميالى رايوندىق پارتكوم بەلگىلەگەن «ەكى باسشىلىق القا» قىزمەت مەحانيزمىنە تاباندى بولىپ، ۇكىمەت جۇيەسىنىڭ زەيىن - زەردەنى شوعىرلاندىرىپ دامۋدى يگەرۋ جاۋاپكەرشىلىگىن شىنايى ارقالاۋ قاجەت. ءتارتىپ اتقارۋدى، جاۋاپقا تارتۋدى كۇشەيتىپ، «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» مۇقيات ۇيرەنىپ، ءتارتىپ تاربيەسىن كۇشەيتىپ، ءتارتىپتىڭ اتقارىلۋىن قاداعالاپ، ۇكىمەت جۇيەسىندە قاعيداعا باعىنىپ، تارتىپكە بويسۇناتىن تاماشا ورتا قالىپتاستىرۋ قاجەت.
ماجىلىستە مىنالار باسا دارىپتەلدى: ارميانىڭ اقىلى قىزمەت كورسەتۋىن جاپپاي توقتاتۋ − پارتيا ورتالىق كوميتەتىنىڭ جانە ورتالىق اسكەري ىستەر كوميتەتىنىڭ ارميانى قۇدىرەتتەندىرۋ، ارميانى كوركەيتۋدى كوزدە ۇستاي وتىرىپ جاساعان ماڭىزدى شەشىمى، مەملەكەت قورعانىسى مەن ارميا رەفورماسىن تەرەڭدەتۋدىڭ ماڭىزدى مازمۇنى. باس شۋجي شي جينپيڭنىڭ ورتالىق كوميتەت ساياسي بيۋروسىنىڭ 7 - رەتكى توپتىق ۇيرەنۋى كەزىندەگى ماڭىزدى ءسوزىنىڭ رۋحىن مۇقيات ۇيرەنىپ، تاباندى، باتىل تۇردە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جانە ورتالىق اسكەري ىستەر كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرىپ، ارميانىڭ اقىلى قىزمەت كورسەتۋىن جاپپاي توقتاتۋدىڭ ءتۇرلى قىزمەتتەرىن ءساتتى تامامداۋعا كەپىلدىك ەتۋ ءۇشىن بەلسەنە ۇلەس قوسۋ كەرەك.
