ءوز حابارىمىز. جۋىقتا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى كەدەيلەردى سۇيەمەلدەۋ سالاسىندا ءىرىپ - شىرۋگە جانە ستيل ماسەلەسىنە ساياتىن 7 تيپتىك دەلونى اشىق جاريالادى. بۇل 7 تيپتىك دەلو مىنالار:
1. قۇلجا قالاسى توعراق اۋىلدىق پارتكومنىڭ بۇرىنعى شۋجيى پارحات چوڭاحۇننىڭ كەدەيلەردى سۇيەمەلدەۋ قىزمەتىندە قىزمەتىن اتقارماۋ، جاۋاپكەرسىزدىك ىستەۋ ماسەلەسى. 2013 - جىلى 8 - ايدا، 2014 - جىلى 7 - ايدا، توعراق اۋىلدىق پارتكوم «قارجى قوسىپ، پايدا ءبولىسۋ» ۇلگىسى بويىنشا، 166 وتباسىنا ساياتىن 2 ميلليون 460 مىڭ يۋان كەدەيلەردى سۇيەمەلدەۋ قارجىسىن اۋىلدىق ۇكىمەت ارقىلى 2 توپقا ءبولىپ فۋچىڭ سويىس قوي باعىمشىلىق سەلبەستىك كووپەراتيۆىنە بوساتىپ بەرىپ، ونى كەدەيلەردى سۇيەمەلدەۋ نىسانىنىڭ ءوندىرىس تيجارات سيپاتىنداعى قارجىسى رەتىندە قولدانۋدى ۇيعارعان ءارى قارجىنى اماناتقا بەرۋ توقتامىن جاساسقان، الايدا 2 رەتتە دە توقتامداعى تالاپ بويىنشا كۇشكە يە كەپىل قويىلماعان، قارجىنى اماناتقا بەرىپ تيجارات جۇرگىزۋگە ءونىمدى باقىلاۋ جۇرگىزبەگەن. توقتام مەزگىلىندە، فۋچىڭ سويىس قوي باعىمشىلىق سەلبەستىك كووپەراتيۆى نىساننىڭ ءبولىس پايداسىن بەرە الماعان، قوسىلعان قارجىنى قايتارا الماي، كەدەي وتباسىلارىن جيىنى ءبىر ميلليون 800 مىڭ يۋان زيانعا قالدىرعان. نەگىزگى باسشى بولعان پارحات چوڭاحۇن كەدەيلەردى سۇيەمەلدەۋ نىسان قارجىسىنىڭ زيانعا ۇشىراۋى ماسەلەسىندە نەگىزگى باسشىلىق جاۋاپكەرلىگىن ارقالايدى، مۇنان سىرت، پارحات چوڭاحۇندا تارتىپكە، زاڭعا اۋىر دارەجەدە قايشىلىق جاساعان باسقا دا ماسەلەلەر ساقتالعان. 2018 - جىلى 5 - ايدا پارحات چوڭاحۇنعا پارتيادان شىعارۋ جازاسى، اكىمشىلىك مىندەتىنەن قالدىرۋ جازاسى بەرىلدى، ونىڭ زاڭعا قايشىلىق جاساعان قىلمىستىق ىستەرگە ساياتىن ماسەلەلەرى ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرىلدى.
2. لوپ اۋدانى لوپ قالاشىعى ورتا بوشقان قىستاعى پارتيا ياچەيكاسىنىڭ بۇرىنعى شۋجيى ءماتتۇرسىىن مامەتيمىننىڭ كەدەيلەردى سۇيەمەلدەۋ قارجىسىن ۇستاپ قالىپ، باسقاعا جۇمساۋ، كەدەيلەردى سۇيەمەلدەۋ بۇيىمدارىن يەمدەنىپ الۋ ماسەلەسى. 2012 - جىلى 8 - ايدا ءماتتۇرسىن مامەتيمىن قىزمەت قولايلىلىعىنان پايدالانىپ، قىستاقتاعى ءبىر وتباسىنا بەرىلگەن 28 مىڭ 500 يۋاندىق بەيقۇت ءۇي سالۋ تولىقتاما قارجىسىن، 30 وتباسىنىڭ بەيقۇت ءۇي سالۋىنا بەرىلگەن 30 مىڭ كەرپىشتى (قۇنى 15 مىڭ يۋان) قىستاق تۇرعىندار كوميتەتىنىڭ قۇرىلىسىنا پايدالانعان. 2014 - جىلى 1 - ايدا جوعارى دارەجەلى ورىننىڭ قىستاققا ءتۇسىرىپ بەرگەن 30 مىڭ يۋاندىق ستۋدەنتتەردى جۇمىسقا ورنالاستىرۋ تولىقتاما قارجىسىن يەمدەنىپ العان. مۇنان تىس، ءماتتۇرسىن مامەتيمىندە تارتىپكە اۋىر دارەجەدە قايشىلىق جاساعان باسقا دا ماسەلەلەر ساقتالعان. 2018 - جىلى 6 - ايدا ءماتتۇرسىن مامەتيمىنگە پارتيادان شىعارۋ جازاسى بەرىلدى.
3. اقتاۋ اۋدانى ۇجمە اۋىلى حالىق ىستەرى كەڭسەسىنىڭ مەڭگەرۋشىسى ءالي مامەتتىڭ ەڭ تومەنگى تۇرمىستى قامتاماسىزداندىرۋ قارجىسىن تاراتۋ بارىسىندا تەكسەرۋ وتكەلىن قاتاڭ يگەرمەۋ ماسەلەسى. 2014 - جىلدان 2016 - جىلعا دەيىن، ءالي مامەت وسى اۋىلدىڭ ەڭ تومەنگى تۇرمىستى قامتاماسىزداندىرۋ قارجىسىن تاراتۋ قىزمەتىنە جاۋاپتى بولىپ تۇرعان مەزگىلدە قىزمەتىن اتقارماي، جاۋاپكەرسىزدىك ىستەپ، تەكسەرۋ وتكەلىن قاتاڭ يگەرمەۋى سالدارىنان، وسى اۋىلداعى 51 ادامنىڭ 199 مىڭ 400 يۋان ەڭ تومەنگى تۇرمىستى قامتاماسىزداندىرۋ قارجىسىن ەرەجەگە قايشىلىق جاساپ الۋىنا سەبەپشى بولعان. 2018 - جىلى 6 - ايدا ءالي مامەتكە پارتيا ىشىندە قاتاڭ ەسكەرتۋ جازاسى بەرىلدى.
4. التاي قالاسى شىرىكشي اۋىلى قىزىلشىلىك قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى جاڭ جيشياڭنىڭ بەيقۇت ءۇي سالىپ، حالىقتى اۋقاتتاندىرۋ تولىقتاما قارجىسىنان بەلگىلەمەگە قايشىلىق جاساپ يگىلىكتەنۋ ماسەلەسى. 2012 - جىلى 4 - ايدان 2014 - جىلى 4 - ايعا دەيىن، جاڭ جيشياڭ باسقالاردىڭ اتىندا 4 بەيقۇت ءۇي ءوتىنىش ەتىپ، 196 مىڭ يۋان تولىقتاما قارجىدان بەلگىلەمەگە قايشىلىق جاساپ يگىلىكتەنگەن. 2018 - جىلى 4 - ايدا جاڭ جيشياڭ بەلگىلەمەگە قايشىلىق جاساپ يگىلىكتەنگەن 196 مىڭ يۋان تولىقتاما قارجىنى وزدىگىنەن تاپسىرىپ بەردى. 2018 - جىلى 6 - ايدا جاڭ جيشياڭعا پارتيا ىشىندە قاتاڭ ەسكەرتۋ جازاسى بەرىلدى.
5. ياركەن اۋدانى اۋات قالاشىعى كونە ارىش قىستاق تۇرعىندار كوميتەتىنىڭ مەڭگەرۋشىسى دابيت ييتتىڭ كەدەيلەردى سۇيەمەلدەۋ نىسانى تولىقتاما قارجىسىنان بەلگىلەمەگە قايشىلىق جاساپ يگىلىكتەنۋ ماسەلەسى. 2014 - جىلى دابيت ييت قىزمەت قولايلىلىعىنان پايدالانىپ، اۋلا شارۋاشىلىعى سياقتى كەدەيلەردى سۇيەمەلدەۋ نىسانىنا بەرىلگەن 10 مىڭ يۋان تولىقتاما قارجىدان بەلگىلەمەگە قايشىلىق جاساپ يگىلىكتەنگەن؛ 2016 - جىلى قۇنى 1500 يۋاندىق 100 قىزىل تۇمسىق قاز بالاپانىن بەلگىلەمەگە قايشىلىق جاساپ العان. 2018 - جىلى 6 - ايدا دابيت ييتكە پارتيا ىشىندە ەسكەرتۋ جازاسى بەرىلدى.
6. حوتان اۋداندىق ۇلت، ءدىن ىستەرى كوميتەتىنىڭ ورىنباسار مەڭگەرۋشىسى ابلەز قۇرباننىڭ از ۇلتتاردى دامىتۋ نىسان قارجىسىن باسقارۋ اقىسىن ۇستاپ قالىپ، باسقاعا جۇمساۋ ماسەلەسى. 2016 - جىلى 9 - ايدا ابلەز قۇربان 2015 - جىلعى جانە 2016 - جىلعى از ۇلتتاردى دامىتۋ نىسان قارجىسىن باسقارۋ اقىسىنان 51 مىڭ 700 يۋاندى ۇستاپ قالىپ، ونى مەكەمەنىڭ كۇندەلىكتى شىعىسىنا ىستەتكەن. 2018 - جىلى 6 - ايدا ابلەز قۇربانعا پارتيا ىشىندە ەسكەرتۋ جازاسى بەرىلدى.
7. قاشقار كونەشار اۋدانى وپال اۋىلدىق حالىق قۇرىلتايىنىڭ بۇرىنعى ءتوراعاسى اكبار ءاشىمنىڭ تۋىس - تۋعان، دوس - جاراندارىنا تيىمدىلىك جاساۋ ماسەلەسى. 2015 - جىلدان 2017 - جىلعا دەيىن، اكبار ءاشىم قىزمەت قولايلىلىعىنان پايدالانىپ، شارتقا تولمايتىن 3 تۋىسىن ەڭ تومەنگى تۇرمىسى قامتاماسىزداندىرىلاتىندار قاتارىنا ەنگىزىپ، جيىنى 14 مىڭ 200 يۋاندىق ەڭ تومەنگى تۇرمىستى قامتاماسىزداندىرۋ قارجىسىنان بەلگىلەمەگە قايشىلىق جاساپ يگىلىكتەندىرگەن. 2018 - جىلى 6 - ايدا اكبار ءاشىمعا پارتيا ىشىندە ەسكەرتۋ جازاسى بەرىلدى.
اشىق جاريالانعان كەدەيلەردى سۇيەمەلدەۋ سالاسىنداعى 7 تيپتىك دەلودان قاراعاندا، دەلوعا قاتىستى ادامدار پارتيا تارتىبىنەن، مەملەكەت زاڭىنان تيتتەي دە يمەنبەگەن، اۆتونوميالى رايوندىق پارتكومنىڭ ورنالاستىرۋ تالاپتارىن ەلەڭ قۇرلى كورمەگەن، قولىن تارتپاعان، نيەتىنەن قايتپاعان، كەدەيلىكتەن قۇتىلدىرۋ، كەدەيلەردى سۇيەمەلدەۋ ورايىنان پايدالانىپ ولەرمەندەنە پايداعا كەنەلگەن، كەيبىرەۋلەرى اقشا مەن مال - مۇلىكتى الداپ الۋعا بار نيەتىن سالعان، كەيبىرەۋلەرى كوپە - كورنەۋ الدامكوستىك ىستەگەن، كەيبىرەۋلەرى ۇكىمەت اقشاسىن تالاي رەت باسقاعا جۇمساعان، يەمدەنىپ العان، كەيبىرەۋلەرى قىزمەت مىندەتىن وتەمەگەن، جاۋاپكەرشىلىگىن ارقالاماعان، وسى ماسەلەلەر كەدەي بۇقارانىڭ ءتول مۇددەسىن اۋىر دارەجەدە زيانداپ، بۇقارانىڭ تابىس سەزىمىنە قول سۇعىپ، تۇتاس رايونىمىزدىڭ كەدەيلىكتەن قۇتىلدىرۋدان قامال الۋ قىزمەتىنىڭ اياق الىسىنا جانە ونىمدىلىگىنە تىكەلەي ىقپال جاساعان، ولاردى، ءسوز جوق، ءتارتىپ بويىنشا، زاڭ بويىنشا قاتاڭ جازالاۋ كەرەك. تۇتاس رايونىمىزداعى ءار دارەجەلى پارتيا ۇيىمدارى مەن پارتيالى باسشى كادرلار ساياسي دەڭگەيدى شىنايى جوعارىلاتىپ، «ءتورت تانىمدى» مىقتاپ ورناتىپ، كەدەيلىكتەن قۇتىلدىرۋدان قامال الۋدىڭ ساياسي جاۋاپكەرلىگىن سانالى تۇردە ارقالاپ، كەدەيلىكتەن قۇتىلدىرۋدان قامال الۋداعى سۋبيەكتتىك جاۋاپكەرلىكتى باتىل اتقارىپ، بورىشتى باتىلدىقپەن ارقالاۋدى كۇشەيتىپ، باتىلدىقپەن مىندەت وتەپ، جاۋاپكەرلىكتى ارقالاپ، كەدەيلىكتەن قۇتىلدىرۋدان قامال الۋدىڭ ءتۇرلى ساياسات، شارالارىنىڭ ناقتى، ەگجەي - تەگجەيلى تياناقتانۋىن ىلگەرىلەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى نازاردى باس نىساناعا شوعىرلاندىرىپ، ماسەلەنى باعدار ەتۋدەن جازباي، ماسەلەلەردىڭ دەرەگىن مالىمدەۋ ارناسىن كەڭەيتىپ، باقىلاۋدىڭ ءتۇيىنىن كورنەكتىلەندىرىپ، «شەشۋشى ازشىلىقتان» كوز جازباي، باقىلاۋ، ءتارتىپ اتقارۋ، جاۋاپقا تارتۋ تەبىنىن كۇشەيتىپ، ارناۋلى وڭاۋ قىزمەتىن ىشكەرىلەي ورىستەتۋدى، ناقتى يگەرۋدى، كەدەي بۇقاراعا شىن مانىندە يگىلىككە كەنەلدىرۋدى ىلگەرىلەتۋ كەرەك. كەدەيلەردى سۇيەمەلدەۋ سالاسىندا تەكسەرىپ، ءبىر جايلى ەتىلگەن تيپتىك دەلولاردى بەلگىلى مەرزىم سايىن اشالاپ، دەلونىڭ تۋىلۋ سەبەبىنە ىشكەرىلەي تالداۋ جاساپ، «دەلو ارقىلى تۇزەتۋدى جەبەۋدى»، ساڭلاۋلاردى تەكسەرىپ، ولقىلىقتاردى تولىقتاۋدى شىنايى ويداعىداي يگەرۋ كەرەك. مىندەت دارەجەسى ۇقساس، ۇقساس ورتادا جەتىلگەن كادرلارعا باعىتتالعان ەسكەرتۋ تاربيەسىن كۇشەيتىپ، تەكسەرىپ انىقتاۋدىڭ سوڭعى قىزمەتتەرىن باستان - اياق تىڭعىلىقتى ىستەپ، اۋىر كەدەي وڭىرلەردى كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ ءۇشىن تاماشا ورتا ازىرلەۋ كەرەك.
