ءتاڭىرتاۋ تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

وتان تۇتاستىعىن جانە قوعام ورنىقتىلىعىن قورعاۋدىڭ اتقارۋشىسى بولامىن

شينجياڭ كوركەمونەر شۋەيۋانى اسەمونەر فاكۋلتەتى پارتيا باس ياچەيكاسىنىڭ شۋجيى

اكبار ابىلەز

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرى دامۋىنىڭ جالپى جاعدايىن كوزدە ۇستاپ، جاڭا جاعدايداعى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تۇراقتاندىرىپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە، ۇلتتاردىڭ بىرگە ىنتىماقتاسا كۇرەسىپ، بىرگە كوركەيىپ - گۇلدەنۋىنە، دامۋىنا، حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، شينجياڭنىڭ ءتۇرلى ىستەرىن كۇش سالا دامىتىپ، ءار ۇلت حالقىنىڭ تەڭ قاتىناسۋ، تەڭ دامۋ ۇقىعىن قامتاماسىز ەتتى. كەزەكتە شينجياڭدا جالپى جاعداي ورنىقتى، اۋقىم مەڭگەرىلگەن، بەتالىسى جاقسارعان كۇي قالىپتاسىپ، ءار ۇلت حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.

  شينجياڭدا تۋىپ، پارتيانىڭ ماپەلەۋىندە ەسەيگەن پارتيالى كادر رەتىندە، مەن شينجياڭداعى وراسان زور وزگەرىستەردى ءوز كوزىممەن كورىپ، تۇرمىس ورتامىزدىڭ ۇزدىكسىز جاقسارعاندىعىن، تۇرمىس ورەمىزدىڭ جاپپاي جوعارىلاعاندىعىن شىنايى سەزىندىم. دەسەدە كەيبىر بۇقارانىڭ «ءۇش ءتۇرلى كۇشتىڭ» شينجياڭداعى ءار ۇلت بۇقاراسىنىڭ بولاشاعى مەن تاعدىرىنا اۋىر زارداپ جەتكىزەتىندىگىن ءالى ايقىن تاني الماي، بۇرىنعىداي بەيعامدىققا سالىنۋى؛ كەيبىر كادرلار مەن وقىتۋشىلاردىڭ باس نىسانا تانىمىنىڭ تايازدىعىنان ساياسي ءتارتىپ پەن ساياسي قاعيداعا بويسۇنباي، بولشەكتەۋشىلىككە، سىنالاپ كىرۋگە، زورلىقتى كۇش، لاڭكەستىككە قارسى تۇرۋ سىندى ۇلكەن دۇرىس پەن ۇلكەن بۇرىس ماسەلەسىندە «ەكىبەتكەيلىككە» سالىنىپ، ارسىز «ەكىبەتكەيگە» اينالۋى ادامدى اشىندىرادى. ولار وزدەرىنىڭ كادر، وقىتۋشى سىندى ەرەكشە سالاۋاتتارىنان جانە الدارىنداعى مىنبەردەن پايدالانىپ، كەرتارتپا يدەيا تاراتىپ، ۇلتتىق نارازىلىققا جەلىكتىرىپ، ۇلتتار قاتىناسىنا ىرتكى سالىپ، ۇلتتىق وشپەندىلىك قوزعاپ، «ءۇش ءتۇرلى كۇشكە» يدەيالىق جاقتان ۇزبەي قولداۋ كورسەتىپ، ۇلتتىق بولشەكتەۋشىلىك پەن زورلىقتى كۇش، لاڭكەستىك ارەكەتتەرىن جوسپارلاپ، شينجياڭنىڭ قوعام ورنىقتىلىعى مەن باياندى تىنىشتىعىنا ىقپال جەتكىزەتىن ۋلى وسپەگە اينالدى. وسىعان قاراتا، ءبىزدى باقىتتى تۇرمىسقا كىم جەتكىزدى؟ دەپ ءوز - ءوزىمىزدى ساراپقا سالۋىمىز كەرەك. مەنىڭ كوپشىلىككە ايتارىم: جۇڭگو كوممۋنيستىك پارتياسى ءبىزدى بۇگىنگى باقىتتى تۇرمىسقا جەتكىزدى! ۇلتتىق بولشەكتەۋشىلىككە قارسى تۇرۋ، وتان تۇتاستىعىن، قوعام ورنىقتىلىعىن قورعاۋ − ءبىزدىڭ باس تارتۋعا بولمايتىن جاۋاپكەرشىلىگىمىز.

  پارتيا تالاي جىل تاربيەلەگەن، باۋلىعان پارتيالى كادر رەتىندە، مەيلى قاي جەردە، قاي كەزدە، قانداي ورىندا بولسام دا، بولشەكتەۋشىلىككە قارسى تۇرۋ، ورنىقتىلىقتى قورعاۋ، ىنتىماقتى جەبەۋ قاي - قاشان دا مەنىڭ ەڭ ۇلكەن ساياسي جاۋاپكەرشىلىگىم جانە ەڭ جوعارى ساياسي ءتارتىبىم سانالادى.

  ءبىز قىراعىلىقتى ارتتىرىپ، تۇرعىنى ورنىقتىرىپ، تۋىمىز ايقىن، تۇرعىمىز بەرىك بولىپ، باتىل، بەكەم تۇردە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، اۆتونوميالى رايوندىق پارتكومنىڭ ورنالاستىرۋلارى مەن تالاپتارىن بەكەم، باتىل تۇردە ناقتى تياناقتاندىرۋىمىز، ساياسي تانىمدى، جالپى جاعداي تانىمىن، ۇيتقى تانىمىن، قاتار تۇزەۋ تانىمىن بەرىك ورناتىپ، قوعام ورنىقتىلىعىن قورعاۋ سىندى ساياسي جاۋاپكەرشىلىكتى شىنايى ارقالاۋىمىز كەرەك. سونىمەن بىرگە، وقۋ - اعارتۋ قىزمەتكەرى رەتىندە، ءبىز سوتسياليستىك وزەكتى قۇن كوزقاراسىن بەلسەنە جەتىلدىرىپ، وقۋشىلاردى ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋعا تاربيەلەۋىمىز، باستاۋىمىز كەرەك.

  ءبىز كۇرەس رۋحىن ساۋلەلەندىرىپ، «ءۇش ءتۇرلى كۇشپەن»، «ەكىبەتكەيلەرمەن» ولىسپەي بەرىسپەيتىن شايقاس جۇرگىزۋىمىز كەرەك. ىنتىماققا، ورنىقتىلىققا ءتيىمسىز ءسوز - ارەكەتتەرگە ءوزىمىزدىڭ ساياسي باتىلدىعىمىزبەن، يدەيالىق سانالىلىعىمىزبەن، پارتيالىلىق پرينسيپپەن دۇرىس جەتەكشىلىك ەتىپ، يلاندىرىپ تاربيەلەۋىمىز كەرەك. وسەك - اياڭ شىعارىپ، وسەك - اياڭ تاراتىپ، ۇلتتار قاتىناسىنا ىرتكى سالاتىن ءسوز - ارەكەتتەردى باتىل تەجەپ، باتىل ءۇن قاتىپ، ايقىن پوزيتسيا ءبىلدىرۋىمىز كەرەك. «ەكىبەتكەيلەرمەن» كۇرەستە باتىل ءۇن قاتىپ، باتىلدىقپەن جاۋاپكەرشىلىك ارقالاۋىمىز كەرەك.

  وسى ارادا مەن بىلاي دەپ ايبىندى سەرت بەرەمىن: ءبىرىنشى، «ءتورت تانىمدى» بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن سانالىلىقپەن قورعاپ، يدەيا مەن ارەكەتتە بىردەي، قىزمەت پەن تۇرمىستا بىردەي، جيىندا جانە جيىننان كەيىن بىردەي، كورنەۋدە جانە كومەسكىدە بىردەي بولامىن، باس نىسانانى دايەكتىلەندىرۋ، تياناقتاندىرۋ سياقتى كەلەلى ماسەلەلەردە ءدۇدامال تانىمدا بولمايمىن، سولقىلداقتىق، تۇرلاۋسىزدىق ىستەمەيمىن؛ ەكىنشى، سىنالاپ كىرۋ مەن بۇلدىرۋگە باستاماشىلدىقپەن قارسى تۇرىپ، باستاماشىلدىقپەن باتىل ءۇن قاتىپ، ايقىن پوزيتسيا بىلدىرەمىن، بورىشتى ەستە بەرىك ساقتاپ، وزىمنەن باستاپ، «ءۇش ءتۇرلى كۇشكە»، «ەكىبەتكەيلەرگە» قارسى باتىل كۇرەس جاسايمىن؛ ءۇشىنشى، جۇرت تىلەگىن توعىستىرۋداعى ماڭىزدى رولىمدى ويداعىداي ساۋلەلەندىرىپ، سانالىلىقپەن بۇقاراعا سۇيەنىپ، بۇقارانى ىنتىماقتاستىرىپ، بۇقاراعا قىزمەت كورسەتىپ، بۇقارانى اتتانىسقا كەلتىرىپ، بۇقارانى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستاپ، ۇلتتار ىنتىماعىنىڭ قورعاۋشىسى، وتان تۇتاستىعىن جانە قوعام ورنىقتىلىعىن قورعاۋدىڭ اتقارۋشىسى بولامىن؛ ءتورتىنشى، ماسەلەلەردى باستاماشىلدىقپەن بايقاپ جانە شەشىپ، ورنىقتىلىقتى قورعاۋ شارالارىن باستاماشىلدىقپەن ويداعىداي تياناقتاندىرىپ، «مەكەمە ورنىمدى، ءوزىمدى، وتباسىمدى، تۋىس - تۋعانىمدى، كورشىلەرىمدى ويداعىداي باسقارىپ» ۇلتتار ىنتىماعىن، قوعام ورنىقتىلىعىن قورعاۋدىڭ جاۋاپكەرشىلىگىن شىنايى ارقالايمىن. بارلىعىمىز ىنتىماقتاسىپ، «ءۇش ءتۇرلى كۇشتى»، «ەكىبەتكەيلەردى» ءتۇپ تامىرىمەن قوپارىپ، ادا - كۇدە قۇرتىپ، شينجياڭنىڭ جاراسىمدى، ورنىقتى، گۇلدەنىپ دامىعان قوعامدىق جاعدايىن بىرگە قورعايىق.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى