ءتاڭىرتاۋ تورابى   ›   جاڭالىقتار   ›   شينجياڭ حابارلارى

شارۋالار مەن كاسىپ سالاسى بىرگە تولىستى

لي چيڭچين

  8 - ايدىڭ 6 - كۇنى «شينجياڭ گازەتىندە» جاريالانعان «مارالباسى ليۋشياڭ قاۋىنىنىڭ تولىسۋ ەستەلىگى» دەگەن حاباردا مارالباسى ليۋشياڭ قاۋىنىنىڭ ءوتىمسىز «جەرگىلىكتى قاۋىننان» جەلىدەگى ءوتىمدى ونىمگە اينالۋى جونىندەگى اڭگىمە باياندالادى. حاباردان ءبىز ەرەكشە باسىم كاسىپ سالاسىنىڭ بىرتىندەپ تولىسۋىن، زورايۋىن، سونداي - اق جەرگىلىكتى شارۋالاردى كەدەيلىكتەن قۇتىلىپ، بايۋعا باستاعان بارىسىن كوردىك؛ سونىمەن بىرگە كاسىپ سالاسىن دامىتۋدىڭ مارالباسى شارۋالارىنىڭ ءداستۇرلى كوزقاراسىنا اسەر ەتكەندىگىن، مارالباسى شارۋالارىنىڭ كاسىپ سالاسىنىڭ دامۋىنا ىلەسە جەتىلگەندىگىن، العا باسقاندىعىن كوردىك. بۇل اۋىل - قىستاقتى كوركەيتۋدىڭ قوزعاۋشى كۇشى جانە ءۇمىتى.

  مارالباسى ليۋشياڭ قاۋىنىنىڭ ءاسىلى اتى «كوك بەرەكە»، ول جەرگىلىكتى قاۋىن، ونىڭ ەگىلۋ تاريحى ۇزاق بولسا دا، تانىمالى بولماعاندىقتان، تىرەكتى كاسىپكە اينالىپ، مارالباسىنداعى شارۋالاردى يگىلىككە كەنەلتە الماعان ەدى. ايتسەدە، جەرگىلىكتى قاۋىن شاڭحايدىڭ شينجياڭعا كومەكتەسۋ كادرلارىنىڭ، اليبابا اۋىل - قىستاق تاۋباۋى جانە قاشقار ۋيجيداني ەلەكتروندى ساۋدا شەكتى سەرىكتەستىگىنىڭ بىرلەسىپ قولداۋىندا تاعدىرىن وزگەرتەتىن ورايعا يە بولدى.

  وعان قايتادان «مارالباسى ليۋشياڭ قاۋىنى» دەپ ات قويىلدى، بۇل ات كەڭ تارالعان تەلە كورسەتىلىمىندەگى چۋ ليۋشياڭدى ادامداردىڭ ەسىنە سالادى، سوندىقتان دا ادامداردىڭ نازارىن اناعۇرلىم وڭاي اۋداراتىندىعى تابيعي ەدى. وسىدان كەيىن ەلەكتروندى ساۋدا تۇعىرىنا سۇيەنىپ، جەلىدە، جەلىدەن تىسقارى كۇش سالا جالپىلاستىرۋ، ۇگىتتەۋ ارقىلى ماركانىڭ ىقپال كۇشىن كەڭەيتىپ، زات جەتكىزۋ جانە ساتۋ بۋىنىن اشتى، سونداي - اق قىسىم تۇسكەن ءوندىرىس بۋىنىندا ەگىمشىلىك ءتاسىلىن وزگەرتىپ، ساپانى جوعارىلاتىپ، ونىمدىلىكتى ارتتىرعاندىقتان، مارالباسى ليۋشياڭ قاۋىنى اناعۇرلىم كەڭ ۇلكەن بازارعا جول الىپ، ءتىپتى دە كوپ مارالباسى شارۋالارىن يگىلىككە كەنەلدىردى.

  مارالباسى ليۋشياڭ قاۋىنىنىڭ تولىسۋىنا ىلەسە، مىناداي ىستەر كىسىنى قاتتى شاتتاندىردى: مارالباسى شارۋالارى بازار شارۋاشىلىعى ۇلكەن ۇردىسىندە يدەيالىق كوزقاراسىن زور جاڭالاۋدى باستان كەشتى، ماركا تانىمىنا، بازار تانىمىنا، ساپا تانىمىنا بىرتىندەپ يە بولدى. شارۋالاردىڭ يدەيالىق كوزقاراسى كەڭ بازارمەن توعىسىپ، وسى زامان ءوندىرىس - تيجارات ۇستانىمىن ولشەم ەتىپ، شاڭحايدا كورمەگە قاتىناسىپ، قاۋىن ەگۋ اڭگىمەسىن باياندادى؛ ەگىس الاڭىنا بارىپ تەحنيكا ۇيرەنىپ، قاۋىندى عىلمي ەكتى... مىنە وسىنداي شاتتانارلىق العاباسۋ ادامداردىڭ ءبىر كاسىپ سالاسىن دامىتۋدان تۋىنداعان قوسىمشا ونىمدىلىكتى، جەرگىلىكتى شارۋالار مەن كاسىپ سالاسىنىڭ بىرگە تولىسۋىن كورۋىنە مۇمكىندىك جاسادى.

  اۋىل شارۋاشىلىعىن كاسىپ سالالاندىرۋ اۋىل - قىستاقتى كوركەيتۋدىڭ ماڭىزدى كۇش سالۋ ءتۇيىنى، ال اۋىل شارۋاشىلىعىن كاسىپ سالالاندىرا دامىتۋدىڭ تەتىگى ادامدا. 2017 - جىلعى مەملەكەتتىك ەكى ءماجىلىس كەزىندە، باس شۋجي شي جينپيڭ سىچۋان ۋاكىلدەر ۇيىرمەسىنىڭ تالقىسىنا قاتىناسقاندا: وزدەرى تۇرعان ورىندا اناعۇرلىم كوپ اۋىل شارۋاشىلىعىن سۇيەتىن، تەحنيكانى بىلەتىن، تيجاراتقا شەبەر جاڭاشا كاسىپتىك شارۋالاردى تاربيەلەۋ كەرەك، - دەپ اتاپ كورسەتكەن.

  قالىڭ شارۋالار اۋىل - قىستاقتى كوركەيتۋ ستراتەگياسىن اتقارۋداعى نەگىزگى تۇلعا. شارۋالاردىڭ اۋىل - قىستاقتى كوركەيتۋدەگى رولىن شىنايى ساۋلەلەندىرۋ جاڭاشا كاسىپتىك شارۋالاردى كۇش سالا جەتىلدىرۋدى قاجەت ەتەدى. قالىڭ اۋىل - قىستاقتاردا اۋىلدارىنا ورالىپ شارۋاشىلىق قۇرعان جاستار، ورتا، جوعارى دارەجەلى مەكتەپتەردەن وقۋ تاۋىسقان، قوسىننان شەگىنگەن اسكەريلەر جانە اۋىل - قىستاقتارداعى مۇراتتى جاستاردىڭ قاتارى مول، ولار اۋىل - قىستاقتى كوركەيتۋدىڭ ءۇمىتى، سونداي - اق جاڭاشا كاسىپتىك شارۋالاردى جەتىلدىرۋدە الدىمەن تاڭدالاتىن وبيەكتى. اۋىل شارۋاشىلىعىنىڭ كاسىپ سالالانۋىن ىلگەرىلەتۋ بارىسىندا ءبىر توپ شارۋانى جەتەكتەۋگە، جەتىلدىرۋگە كۇش سالىپ، ولاردىڭ يدەيالىق كوزقاراسىنان ءوندىرىس، تيجارات قابىلەتىنە دەيىن تۇگەلدەي ۇلكەن بۇرىلىس جانە جاقسارۋ بولۋىنا مۇمكىندىك جاساعاندا ءبىر توپ جوعارى ساپالى اۋىل شارۋاشىلىعى ءوندىرىس - تيجاراتشىلارىن تاربيەلەپ، جەتىلدىرىپ، ءداستۇرلى شارۋالاردان وسى زامانعى كاسىپتىك شارۋالارعا اينالۋىن جەبەۋگە بولادى، ال مۇنداي بۇرىلىس، سايىپ كەلگەندە، اۋىل شارۋاشىلىعىنىڭ كاسىپ سالالانا دامۋىنا دەم بەرىپ، سوڭىندا تاماشا اينالىم قالىپتاستىرادى. ارينە، جاڭاشا كاسىپتىك شارۋالاردى تاربيەلەۋ قاراپايىم مىندەت ەمەس، ول ورتا، ءتۇزىم، ساياسات سياقتى ساتىلار بويىنشا جەتەكشىلىك ەتۋدى جانە سۇيەمەلدەۋدى قاجەت ەتەدى. اۋىل شارۋاشىلىعىنىڭ كاسىپ سالالانۋىن كۇش سالا ىلگەرىلەتۋ اياق الىسىندا كوپتەگەن ۇتىمدى جولدار بار. شارۋالاردىڭ ماركا تانىمىن ورناتۋىنا كومەكتەسۋدەن، شارۋالاردى بازاردان كەڭ ءورىستى ۇلكەن بازارعا بەت الۋعا جەتەكتەۋدەن سىرت، مارالباسى اۋداندىق ۇكىمەت، شينجياڭعا كومەكتەسەتىن كادرلار جانە اۋىل - قىستاق تاۋباۋى، ۋيجيداني سەرىكتەستىگى بىرلىكتە 100 مۋلىق ەگىمشىلىكتەن ۇلگى كورسەتۋ بازاسىن قۇردى، مۇنداعى ماقساتى وسىزاماندانعان قۇرىلعى اۋىل شارۋاشىلىعىنان پايدالانىپ، جەرگىلىكتىڭ ءداستۇرلى ەگىمشىلىك تاسىلىنە بۇرىلىس جاساۋعا جەتەكشىلىك ەتۋ ەدى. ەگىس الاڭى ۇستانىمدى جەتكىزىپ، تەحنيكانى دا ۇيرەتىپ، جاس شارۋالار مەن اۋىل شارۋاشىلىعىنىڭ تەحنيك ماماندارىن قابىلداپ، بىرگە قاۋىن ەكتى. مىنە وسىنداي ناقتى جەتكىزۋ، كومەكتەسۋ، جەتەكتەۋ شىنايى ونىمدىلىككە قول جەتكىزەدى. كاسىپ سالاسىن دامىتۋمەن، زورايتۋمەن قاتار، جاڭا تەحنيكاسى، جاڭا كوزقاراسى، جاڭا كوز اياسى بار جاڭاشا كاسىپتىك شارۋالار دا بىرگە تولىسقاندا، اۋىل - قىستاقتى كوركەيتۋدىڭ جارقىن دا شۇعىلالى بولاشاعى بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى