تيانشان تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

شينجياڭنىڭ قوعام ورنىقتىلىعى مەن باياندى تىنىشتىعى ءۇشىن قۇلشىنا كۇرەس جاسايمىن

اۆتونوميالى رايوندىق سىرتقى ىستەر كەڭسەسى، حۋاچياۋلار كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى

قۇندۇز ءيۇسۇپ

  قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ، تياناقتاندىرۋدىڭ ىشكەرىلەي ىلگەرىلەۋىنە بايلانىستى، مەندەگى جاۋاپكەرشىلىك سەزىم، كوكەي تەستىلىك سەزىم جانە بورىشتىلىق سەزىم بۇرىن بولماعان دارەجەدە كۇشەيدى، ءوزىمنىڭ شينجياڭنىڭ قوعام ورنىقتىلىعىن قورعايتىن كۇشتىڭ ءبىر مۇشەسى ەكەنىمدى، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ اتقارۋشىسى، امالياتتا ايگىلەۋشىسى ەكەنىمدى تەرەڭ سەزىندىم. ولاي بولسا، قايتكەندە قىزمەت بارىسىمدا شىنايى تۇردە باس نىسانانى كوكەيىمدە ساقتاپ، باس نىسانانى ارقالاي الامىن؟ اۆتونوميالى رايوندىق پارتكومنىڭ باس نىسانانى دايەكتىلەندىرۋ، تياناقتاندىرۋ جونىندە ورتاعا قويعان ءبىرسىپىرا «كەشەندى شارالارىن» قايتكەندە بۇلجىتپاستان، قاز - قالپىندا ناقتاپ تياناقتاندىرامىن؟ وسىلاردىڭ بارلىعى مەنى تەرەڭ ويلاندىرعان ماسەلەلەر.

  قازىرگى كەزدە، حالىقارالىق جاعداي كۇردەلى دە اۋمالى - توكپەلى، شەكارا ءىشى - سىرتىنداعى «ءۇش ءتۇرلى كۇشتىڭ» بۇكىل ەلدەگى ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋىنا كەدەرگى بولۋ، ءبۇلدىرۋ قىلمىستىق ماقساتى وزگەرگەن جوق، «ءۇش مەزگىل قاباتتاسقان» جاعداي اۋەلگىدەي قاتاڭ، ءدىني ۇشقارى يدەيانىڭ بۇقاراعا سىنالاپ كىرۋى ءالى دە توقتاعان جوق، ءپانىسلاميزم، پانتۇركيزم يدەياسىنىڭ ءبىر ءبولىم كادرلار مەن زيالىلارعا سىنالاپ كىرۋى ءالى دە تيىلعان جوق، پارتيالى كادرلار قوسىنىنىڭ اراسىنا جاسىرىنعان، اسىرەسە، پارتيالى باسشى كادرلار قوسىنىنىڭ اراسىنا جاسىرىنعان «ەكىبەتكەيلەر» ءتىپتى دە زىميان، ءتىپتى دە استىرتىن. وسىنىڭ ءبارى پارتيامىز بەن مەملەكەت ىستەرىنە حاۋىپ - قاتەر توندىرۋدە جانە سايىس جاريالاۋدا، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جاپپاي جۇزەگە اسىرۋدىڭ مىندەتى اۋىر، جولى ۇزاق.

  پارتيالى باسشى كادر رەتىندە، پارتيا مەن مەملەكەت ىستەرى بىزدەن كەۋدە كەرىپ العا شىعۋدى قاجەت ەتكەن بۇگىنگى كۇندە، مەن بىلاي دەپ ايبىندى سەرت بەرەمىن: پارتياعا ماڭگى ادال بولامىن، حالىققا ماڭگى ادال بولامىن، وتانعا ماڭگى ادال بولامىن. شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاي - قاشان دا وسكەلەڭ ءبىر اۋىزدىلىقتى ساقتايمىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن بەرىك بەكەم تۇردە قورعايمىن، ۇيتقىنى قولدايمىن، ۇيتقىنى قاستەرلەيمىن، ءسوز - ارەكەتىم بىركەلكى، ءىشىم مەن سىرتىم بىردەي بولامىن. شينجياڭنىڭ بولشەكتەۋشىلىككە قارسى تۇرۋ كۇرەسىنىڭ شيەلەنىستى دە كۇردەلى جاعدايىندا، باس نىسانانى ەستە بەرىك ساقتاپ، نازاردى باس نىساناعا شوعىرلاندىرىپ، باس نىسانانى لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارىنىڭ» ءتۇرلى شارالارىندا ايگىلەپ، باس نىسانا تانىمى ارقاۋىن وي - سانامدا مىقتاپ شيراتىپ، ارەكەت بارىسىندا تياناقتاندىرامىن.

  ساياسي ءتارتىپ پەن ساياسي قاعيداعا قاتاڭ بويسۇنۋدى ەستە بەرىك ساقتاۋ − پارتيالى كادرلاردىڭ ومىرلىك قاسيەتى، پارتيالى كادرلاردىڭ ساياسي سانالىلىعى. تانىمدا شىڭدالۋ، ساياسيدا شىڭدالۋ، قابىلەتتە شىڭدالۋ، ستيلدە شىڭدالۋ كەرەك. ءوز باسىمنان ونەگە كورسەتىپ، ونەگە ارقىلى جەتەلەپ، جاڭا ءداۋىردىڭ تولىمدى پارتيا مۇشەسى بولامىن، قالىڭ كادرلار مەن بۇقارانى «ءتورت تانىمدى» كۇشەيتۋگە، «ءتورت سەنىمدى» بەكەمدەۋگە جەتەكشىلىك ەتەمىن، باستايمىن، ساياسي تۇرعىمدا بەرىك تۇرىپ، ساياسي باعداردى مىقتاپ يگەرىپ، ۇلتتار ىنتىماعىن تاپجىلماستان قورعايمىن، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، ءتۇرلى قىزمەتتەردى دەن قويا ىلگەرىلەتىپ، شينجياڭنىڭ جالپى جاعدايىنىڭ باياندى، جاراسىمدى، ورنىقتى بولۋىنا بەلسەنە قۇلشىنامىن.

  ءبىر ۇلت ءوز بويىندا ورىن تەۋىپ وتىرعان ماسەلەلەر مەن داۋىرگە ۇيلەسپەيتىن مەشەۋ كوزقاراسىنا جۇرەكتىلىكپەن تۋرا قاراپ، تار ءورىستى ۇلتشىلدىق يدەيانىڭ ساياسي تانىم مەن جالپى جاعداي تانىمىن، ءسوزسىز، سولعىنداتاتىندىعىن تانىپ جەتۋ كەرەك. جۇڭحۋا حالىق رەسپۋبليكاسىنىڭ ازاماتى رەتىندە، ۇلى وتانعا ادال بولۋ، جۇڭحۋا ۇلتىن قىزۋ ءسۇيۋ، جۇڭحۋا مادەنيەتىنە مۇراگەرلىك ەتۋ، جۇڭگو كوممۋنيستىك پارتياسىن قولداۋ، جۇڭگوشا سوتسياليزمگە تاباندى بولۋ ءار ۇلتتىڭ قاسيەتتى جاۋاپكەرشىلىگى. وتان تۇتاستىعىنا، ۇلتتار ىنتىماعىنا، مەملەكەت حاۋىپسىزدىگىنە، قوعام ورنىقتىلىعىنا ساياتىن ۇلتتىق بولشەكتەۋشىلىككە قارسى تۇرۋ سىندى كەلەلى پرينسيپتىك ماسەلە − پارتيالى كادرلاردىڭ مۇرات - سەنىمىن، ساياسي ساپاسىن، قابىلەت ورەسىن، قىزمەت ستيلىن سىنايتىن قاتاڭ سىناق، مەملەكەتتىڭ يەلىك ۇقىعىن، حاۋىپسىزدىگىن جانە قوعام ورنىقتىلىعىن قورعاۋ ءبىزدىڭ قاسيەتتى بورىشىمىز، ءبىز، ءسوز جوق، جاۋاپكەرشىلىگىمىزدى ءبىلىپ، جاۋاپكەرشىلىگىمىزدى ارقالاپ، جاۋاپكەرشىلىگىمىزدى ادا ەتۋىمىز كەرەك.

  جۇڭگو كوممۋنيستىك پارتياسىنىڭ باسشىلىعى بولماسا، بارلىعىنىڭ دا بولمايتىنىن ەستە بەرىك ساقتايمىن، پارتيا بارلىق قىزمەتتىڭ باسشىلىق ۇيتقىسى، تەك پارتيانىڭ باسشىلىعى بولعاندا عانا، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋعا بولادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا بولادى. بارلىق كوممۋنيستىك پارتيا مۇشەسى قاي - قاشان دا كوممۋنيستەردىڭ قۇن تالپىنىسىنا، ءسوزسىز، باستان - اياق بەرىك تۇرىپ، كوممۋنيزم مۇرات - سەنىمى مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ءبىر نيەت، ءبىر تىلەكپەن حالىق ءۇشىن قىزمەت ىستەۋدىڭ ءىس جۇزىندىك ارەكەتىنە اينالدىرۋ كەرەك. ساياسي سەزگىرلىك پەن ساياسي پارىقتاۋ قابىلەتىن ۇزدىكسىز كۇشەيتىپ، ساياسي سەنىمدى بەرىك ساقتاپ، ساياسي تۇرعىدا تاپجىلماي، وتان تۇتاستىعىن قورعاۋ، ۇلتتار ىنتىماعىن قورعاۋ بورىشىن سانالىلىقپەن ارقالاۋ كەرەك.

  «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن تىڭعىلىقتى ورىستەتىپ، ۇلتتىق سۇيىسپەنشىلىكتى تەرەڭ تامىر تارتتىرىپ، ءار ۇلت كادرلارىمەن جانە بۇقاراسىمەن قول ۇستاسىپ، يىق تىرەسە سەلبەسىپ، تىزە قوسا كۇش شىعارىپ، بولشەكتەۋشىلىككە قارسى تۇرۋ كۇرەسىنىڭ جاپپاي جەڭىسىنە قول جەتكىزىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن قۇلشىنا كۇرەس جاسايمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى