تيانشان تورى
تيانشان تورى   ›   ۇيرەنۋ   ›   شولۋ

بولاشاققا اپاراتىن ءۇمىت جولىنا باستادى

  − «ءبىر بەلدەۋ، ءبىر جولدى» بىرگە قۇرۋدىڭ 5 جىلدان بەرگى تابىستارىنا شولۋ (1)

  شينحۋا اگەنتتىگىنىڭ ءتىلشىسى شۇي كى

  ءتوراعا شي جينپيڭنىڭ وتكەن ايداعى ورتا شىعىس پەن افريكاعا ساپارى كەزىندە «ءبىر بەلدەۋ، ءبىر جول» تاعى دا ءار سالانىڭ نازارىن اۋدارعان ۇلكەن تۇيىندەردىڭ بىرىنە اينالدى.

  2013 - جىلى كۇزدە ءتوراعا شي جينپيڭ ساپارعا شىققان كەزىندە ىلگەرىندى - كەيىن «جىبەك جولى ەكونوميكالىق بەلدەۋى» مەن «21 - عاسىرداعى تەڭىز جىبەك جولىن» بىرگە قۇرۋ باستاماسىن العا قويىپ، بىرگە اقىلداسۋ، بىرگە گۇلدەندىرۋ، بىرگە يگىلىكتەنۋ ۇستانىمىن دارىپتەپ، حالىقارالىق قوعامنىڭ جاپپاي نازارىن اۋدارىپ، بەلسەندى ءۇن قوسۋىنا يە بولدى.

  5 جىلدىڭ ىشىندە «ءبىر بەلدەۋ، ءبىر جول» باستاماسى ۇستانىمنان ارەكەتكە، ارماننان رەالدىققا اينالىپ، دۇنيە ءجۇزىنىڭ بىرگە دامىپ، گۇلدەنۋىنە ىلگەرىلەتۋشى كۇش ۇستەپ، سارقىلماس قوزعاۋشى قۋات بەردى.

جۇڭگو ۇستانىمى سەلبەسە دامۋدىڭ قۇدىرەتتى كۇشىن ۇيىستىردى

  «<ءبىر بەلدەۋ، ءبىر جول> قۇرىلىسىندا الدەقاشان نىق قادام تاستالدى. ءبىز ىڭعايلى ساتتە ورگە ۇمتىلىپ، اعىمعا قاراي ءىس جۇرگىزىپ، <ءبىر بەلدەۋ، ءبىر جول> قۇرىلىسىنىڭ ورنىقتى تۇردە ۇزاققا جالعاسىپ، ءتىپتى كوركەم بولاشاققا قادام تاستاۋىن ىلگەرىلەتۋىمىز كەرەك». 2017 - جىلى 5 - ايدا «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنىڭ اشىلۋ سالتىندا ءتوراعا شي جينپيڭ 140 نەشە مەملەكەت پەن 80 نەشە حالىقارالىق ۇيىمنان كەلگەن ۋاكىلدەرگە ۇندەۋ تاستادى.

  جوقتان بار بولىپ، تۇيىننەن كولەمگە كەڭەيدى. باستاما العا قويىلعان 5 جىلدان بەرى، «ءبىر بەلدەۋ، ءبىر جول» قۇرىلىسى دۇنيە ءجۇزىنىڭ بەيبىتشىلىك پەن دامۋ ۇلى اۋقىمىندا ۇزدىكسىز بيىككە كوتەرىلىپ، كوپتەگەن مەملەكەت پەن حالىقارالىق ۇيىمداردىڭ سەنىمى مەن قولداۋىنا يە بولىپ، شەشۋشى نىساندار مەن ۇلگى كورسەتۋ سيپاتتى ينجەنەريالار ىركەس - تىركەس تەرەڭدەي تامىر تارتىپ، جەلى بويىنداعى مەملەكەتتەردىڭ حالقى اناعۇرلىم كوپ ناقتىلى تابىس سەزىمىنە كەنەلدى.

  الەم بويىنشا 100 دەن استام مەملەكەت پەن حالىقارالىق ۇيىم «ءبىر بەلدەۋ، ءبىر جول» باستاماسىنا بەلسەندى ءۇن قوستى جانە قولداۋ كورسەتتى، 80 نەن استام مەملەكەت پەن حالىقارالىق ۇيىم جۇڭگومەن سەلبەستىك كەلىسىمىنە قول قويدى؛ بيىل 6 - ايدا ازيا نەگىزدىك قۇرىلعىلارعا قارجى قوسۋ بانكەسى تاعى ءبىر رەت قۇرامىن كەڭەيتتى، قاتىستى تارتىپتەر ورىندالعاننان كەيىن، ازيا نەگىزدىك قۇرىلعىلارعا قارجى قوسۋ بانكەسى مۇشەلەرىنىڭ جالپى سانى 87 گە كوبەيىپ، الەمنىڭ ءار قۇرلىعىنا تارالدى؛ «كوك ەكونوميكالىق ارنا»، «مۇزداعى جىبەك جولى»، «اۋەدەگى جىبەك جولى»، «سيفرلى جىبەك جولى»... ارمانعا بىرگە قانات قاققان دانەكەرلەر كوپ نەگىزدى ىقپالداسىپ، «ءبىر بەلدەۋ، ءبىر جول» قۇرىلىسىنا اناعۇرلىم جارقىن بولاشاق اشتى.

  جاپونيانىڭ «كۇندەلىكتى حابارلارى» ماقالا جاريالاپ، مىنانى اتاپ كورسەتتى: ا ق ش ساۋدا قورعامپازدىعى مەن سىڭار جاقتىلىقتى ۇستانىپ وتىرعان جاعدايدا، ەكونوميكالىق سەلبەستىكتى نەگىزگى جەلى ەتكەن «ءبىر بەلدەۋ، ءبىر جولدىڭ» ىقپال كۇشى سالعىرت قاراۋعا بولمايتىنداي دارەجەدە وزگەرىپ كەلەدى، جاپونيانى ءوز ىشىنە العان كوپتەگەن مەملەكەتتەر «ءبىر بەلدەۋ، ءبىر جول» قۇرىلىسىنىڭ بولاشاعىنا تولىق سەنىم ارتىپ وتىر.

  ساياساتتاردى بايلانىستىرۋ، قۇرىلعىلاردى ۇلاستىرۋ، ساۋدانى ىركىلىسسىزدەندىرۋ، قارجىنى اينالىمعا سالۋ، جۇرت جۇرەگىن توعىستىرۋ سايكەستى ىلگەرىلەتىلىپ، «ءبىر بەلدەۋ، ءبىر جول» قۇرىلىسى ءۇرتىس تەرەڭدىككە، ناقتىلىققا بەتتەپ بارادى.

  كامبودجانىڭ سيەمرەابىنان شىعىسقا قاراي اۆتوكولىكپەن شامامەن 50 كيلومەتردەي جۇرگەندە، 700 گەكتارلىق جەردىڭ بەتىن تازالاۋ جۇمىستارى اياقتالعانىن كورەسىز. بۇل جۇڭگو كاسىپورىندارى كامبودجادا قارجى سالعان «الىپ نىسان» − سيەمرەاپ حالىقارالىق اۋەجايى.

  «ءبىر بەلدەۋ، ءبىر جول» سەلبەستىگىنىڭ اياسىندا ءبىرسىپىرا نەگىزدىك قۇرىلعى قۇرىلىستارى كامبودجانىڭ سترەولدى قاتىناس جەلىسىن جان - جاقتى تۇلعالاۋىنا كۇش ۇستەپ، جەرگىلىكتى ەكونوميكالىق، قوعامدىق دامۋدى پارمەندى جەبەدى.

  دامۋ سىندى وسى ەڭ ۇلكەن ورتاق بولگىشتى مىقتاپ يگەرگەن «ءبىر بەلدەۋ، ءبىر جول» باستاماسى ءار ەلدىڭ دامۋ كومەسكى قۋاتىنىڭ جارىققا شىعۋىن ىلگەرىلەتىپ، ەكونوميكانى قاۋىرت توعىستىرۋعا، دامۋدى قاۋىرت ىقپالداستىرۋعا، ناتيجەدەن قاۋىرت بىرگە يگىلىكتەنۋگە دەن قويدى.

  «ءبىر بەلدەۋ، ءبىر جول» قۇرىلىسى تياناقتانعان جەرلەردىڭ بارلىعىنان شات حابار ءجيى تارالىپ، كەسەك ناتيجەلەرگە قول جەتتى: ۆەنگريا - سەربيا تەمىر جولىنىڭ سەربيا شەكاراسى ىشىندەگى بولەگىندە قۇرىلىس باستالدى، پاكيستان قاسىم كەمەجايى كومىر ەلەكتر ستانسياسىنىڭ العاشقى گەنەراتور اگراگاتى رەسمي وندىرىسكە قوسىلىپ، ەلەكتر تاراتا باستادى، جۇڭگو كومەك بەرگەن اۋعانستان مەملەكەتتىك كاسىپتىك - تەحنيكالىق شۋەيۋانىنىڭ عيماراتى سالىنۋ ۇستىندە...

  «وسى نىساندار سول جەرلەردىڭ نەگىزدىك قۇرىلعى شارت - جاعدايىن جاقسارتىپ قالماستان، ءوز ەلدەرىنىڭ ىشكى ماسەلەلەرىن شەشۋگە، وڭىرلىك ەكونوميكانىڭ دامۋىن جەبەۋ مەن ونەركاسىپتەنۋدىڭ قانات جايۋىن ىلگەرىلەتۋگە جوبا ۇسىندى»، - دەدى جۇڭگو حالىقارالىق ماسەلەلەردى زەرتتەۋ ورنىنىڭ ۇنەمىلىك ىستەرگە جاۋاپتى ورىنباسار باستىعى رۋان زۇڭزى.

 جۇڭگو جوباسى ءار ەلمەن قول ۇستاسىپ دامۋ ورايىنان بىرگە يگىلىكتەندىردى

  چاڭجياڭ ساعاسىنىڭ سىرتىنداعى قىزىل مۇنارالار ءيىن تىرەسكەن شاڭحاي ياڭشان كەمەجايى، چۇڭچيڭنەن چاڭجياڭدى بويلاپ شىعىسقا جۇزگەن كەمەلەر باتىس بولىكتىڭ قويناۋىندا وندىرىلگەن اۆتوكولىك ۇساق بولشەكتەرى سياقتى ونىمدەردى توقتاۋسىز تاسىپ اكەلەدى، ولار وسى جەردەن ورتا شىعىسقا، افريكاعا جانە وڭتۇستىك امەريكاعا تاسىپ اكەتىلەدى.

  شاڭحاي كەمەجايى سىرتقى ساۋدا تاسىمال جەلىسىنىڭ جۇك اينالىمى مولشەرىنىڭ تەڭ جارتىسىنا جۋىعىن ۇستايتىن ياڭشان كەمەجايى «ءبىر بەلدەۋ، ءبىر جول» باستاماسىنىڭ دەمەۋىندە، «شىعىستىڭ ءىرى كەمەجايى» بولۋداي عاسىرلىق ارمانىن ىسكە اسىرۋ ۇستىندە. تەڭىز تاسىمال جەلىسى جەتكەن افريكا − 600 جىلدىڭ الدىندا جىڭ حى باتىس مۇحيتقا ساپارى كەزىندە جەتكەن ەڭ الىس شەت بولاتىن.

  الەمدىك دامۋ سەلبەستىگىنىڭ جاڭا تۇعىرى رەتىندە، «ءبىر بەلدەۋ، ءبىر جول» جۇڭگونىڭ الەمگە بەت الۋىن، سىرتقا ەسىك اشۋ ارناسىنىڭ قايتا تۇلعالانۋىن ىلگەرىلەتۋمەن بىرگە، جۇڭگونىڭ دامۋ ورايىن جەلى بويىنداعى جانە دۇنيە جۇزىندەگى ءار ەلمەن ورتاقتاستىرىپ، ءار جاقتىڭ جۇڭگو دامۋىنىڭ «جۇردەك پويەزىنە» جانە «وڭتايلى پويەزىنە» وتىرۋىنا مۇمكىندىك جاسادى.

  سارى توپىراقتى ۇستىرتتەگى گانسۋدىڭ ديڭشي قالاسى مەملەكەت بويىنشا كارتوپ وندىرەتىن 3 ۇلكەن اۋماقتىڭ ءبىرى. 2017 - جىلى ديڭشيدا وندىرىلگەن ساپالى تۇقىمدىق كارتوپ «ءبىر بەلدەۋ، ءبىر جول» سەلبەستىك تۇعىرى ارقىلى ەگيپەت، تۇركيا، ۆيەتنام سياقتى جەلى بويىنداعى 6 ەلگە ساتىلىپ، سول جەردىڭ ەكونوميكالىق دامۋىن جەبەپ، شارۋالارىن كەدەيلىكتەن قۇتىلۋعا، بايۋعا باستادى.

  بۇرىن سىرتقا ەسىك اشۋدىڭ «اياققى بولەگىنە» ورنالاسقان جۇڭگونىڭ ورتا، باتىس ءوڭىرى «ءبىر بەلدەۋ، ءبىر جولدىڭ» ءوزارا بايلانىس نىساندارىنىڭ ارقاسىندا ەسىك اشۋدىڭ جاڭا الدىڭعى شەبىنە اينالۋدا. جۇڭگونىڭ اشىق ەكونوميكاسىنىڭ دامۋ ءورىسى بىرتىندەپ كەڭەيىپ، ەسىك اشۋ دەڭگەيى بىرتىندەپ جوعارىلاۋدا.

  رەفورما جاساپ، ەسىك اشقان 40 جىلعا قايىرىلا قاراساق، جۇڭگو جاھاندانۋعا ارالاسۋدان جاھاندانۋدى ىلگەرىلەتۋگە بەت الىپ، جۇڭگو ەكونوميكاسى سىرتتان ەنگىزۋدەن سىرتتان ەنگىزۋ مەن سىرتقا شىعارۋدى قاتار ۇستاۋعا بۇرىلىس جاسادى. «ءبىر بەلدەۋ، ءبىر جول» باستاماسىنىڭ تەرەڭدەي تياناقتانۋىنا مەڭزەس، جۇڭگونىڭ شەتەلگە سالعان قارجى كولەمى جانە سالالارى ۇزدىكسىز كەڭەيىپ، جۇڭگونىڭ ساپالى وندىرىستىك قۋاتى مەن دامۋ تاجىريبەسى جەلى بويىنداعى ەلدەرمەن دالمە - ءدال ۇشتاسۋدى ۇزدىكسىز ىسكە اسىرىپ، ارتىقشىلىقتارىمەن ءبىرىن - ءبىرى تولىقتاۋدا.

  جۇڭگو حالىق داشۋەسىنىڭ پروفەسسورى ۋاڭ ي - ۋي بىلاي دەپ قارايدى: «ءبىر بەلدەۋ، ءبىر جول» باستاماسى جاڭا كەزەكتى رەفورما جاساپ، ەسىك اشۋدىڭ جوعارى دەڭگەيدەگى جوباسىن ايگىلەپ، جۇڭگونىڭ جان - جاقتى ەسىك اشۋ ارناسىن جانە اشىق ەكونوميكا قالىپتاستىرۋداعى بايىپتى تالعامىن كورنەكتىلەندىردى.

  «ءبىر بەلدەۋ، ءبىر جولدى» بىرگە قۇرۋ سەلبەسىپ، تەڭ يگىلىككە كەنەلۋدىڭ جاڭا جوباسىن كەسكىندەدى.

  «بۇل جۇڭگو كاسىپورىندارىنىڭ ارقاسى عوي!» ەفيوفيالىق 38 جاستاعى تەسفاي جۇڭگو كاسىپورىندارىنىڭ كەلۋىمەن ءوزىنىڭ تۇرعىن ءۇي ارمانىنىڭ جۇزەگە اساتىنىن ويلاپ كورمەپتى.

  تەسفاي جۇڭگو كاسىپورنى ۇيىمداستىرىپ قۇرىلىس جۇرگىزگەن، افريكا بويىنشا تۇڭعىش ەلەكترلەنگەن تەمىر جول − ادديس ابابا - دجيبوۇتي تەمىر جولى قۇرىلىسشىلارىنىڭ ءبىرى. قۇلشىنا قىزمەت ىستەگەن تەسفاي اقشاسىن مەرزىمگە ءبولىپ تولەۋ تاسىلىمەن قىسقا عانا 2 جىلدا ءوزىنىڭ جايلى قونىس ارمانىن جۇزەگە اسىردى.

  ادديس ابابا - دجيبوۇتي تەمىر جولى نىسانىنىڭ ەفيوفيا حالقىن باقىتقا كەنەلتۋى «ءبىر بەلدەۋ، ءبىر جول» قۇرىلىسىنىڭ جەلى بويىنداعى ەلدەر حالقىن باقىتقا كەنەلتۋىنىڭ ءبىر شاعىن كارتيناسى عانا. 5 جىلدان بەرى، جۇڭگو جەلى بويىنداعى ەلدەرمەن سەرىكتەسە العا باسىپ، قول ۇستاسا دامىپ، تالاي ۇلكەن ينجەنەريالار، ۇلكەن نىساندار سالدى، «ءبىر بەلدەۋ، ءبىر جول» تابىسى دۇنيە جۇزىنە پايدا جەتكىزدى.

  الەمدىك الەۋمەتتىك ءونىم جانە ماڭىزدى حالىقارالىق سەلبەستىك تۇعىرى رەتىندە، «ءبىر بەلدەۋ، ءبىر جول» قۇرىلىسى ءار ەلدىڭ نەگىزدىك قۇرىلعىلارىنىڭ ۇلاسۋىن كۇشەيتىپ قانا قالماستان، ساياساتتاردىڭ، ەرەجەلەردىڭ جانە ولشەمدەردىڭ ۇلاسۋىن ورىستەتۋى؛ جەرگىلىكتى جاعدايعا ۇيلەسىپ قانا قالماستان، جوعارى ولشەم بولۋى؛ ونىمدىلىگى جاقسى بولىپ قانا قالماستان، ساپالى بولۋى؛ جۇڭگوعا پايدا جەتكىزىپ قانا قالماستان، دۇنيە ءجۇزىن دە باقىتقا كەنەلتۋى كەرەك.

  تالداۋشىلار بىلاي دەپ قارايدى: «ءبىر بەلدەۋ، ءبىر جول» باستاماسى عالامدىق دامۋدا بەلەڭ بەرگەن كەيبىر ماسەلەلەردى تۇزەتىپ، تولىقتاپ، ەسىك اشۋ، دامۋ ورتاسىن جان - جاقتىلى جاقسارتۋ ارقىلى ەكونوميكانى كوركەيتىپ، ءتۇرلى بايلىقتاردى جەلى بويىنداعى ەلدەردىڭ دامۋىنا دەم بەرۋگە جۇمىلدىرادى.

 جۇڭگو پاراساتى ادامزاتتىڭ جارقىن بولاشاعىن قۇرۋدى ىلگەرىلەتەدى

  «مەنىڭ <ءبىر بەلدەۋ، ءبىر جول> باستاماسىن ورتاعا قويۋىمنىڭ ماقساتى − ادامزات تاعدىرلاس ورتاق تۇلعا ۇستانىمىن جۇزەگە اسىرۋ». بىلتىر 12 - ايدا ءتوراعا شي جينپيڭ جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىندە ادامزاتتىڭ جارقىن بولاشاعىن قۇرۋعا دەگەن شىنايى ءۇمىتىن ءبىلدىردى.

  «ءبىر بەلدەۋ، ءبىر جول» باستاماسى ب م ۇ ءماجىلىسىنىڭ قاۋلىسىنا جازىلىپ، ب م ۇ حاۋىپسىزدىك القالار كەڭەسىنىڭ قاۋلىسىنا «ادامزاتتىڭ تاعدىرلاس ورتاق تۇلعاسىن قۇرۋ» ۇستانىمى ەنگىزىلىپ، «ءبىر بەلدەۋ، ءبىر جول» قۇرىلىسى سياقتىلار ارقىلى وڭىرلىك ەكونوميكالىق سەلبەستىكتى كۇشەيتۋگە ۇندەلدى... «ءبىر بەلدەۋ، ءبىر جول» مەن عالامدىق جونگە سالۋ جۇيەسىنىڭ وزگەرىسىن ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ اراسىندا تىعىز، ىشكى بايلانىس بار ەكەنى ءشۇباسىز.

  بۇگىنگى تاڭداعى دۇنيە جۇزىندە، ەكونوميكانىڭ ارتۋى جاڭا قوزعاۋشى كۇشكە مۇقتاج، دامۋ دا اناعۇرلىم جالپىعا ءتيىمدى، تەڭگەرىمدى بولۋدى قاجەت ەتەدى؛ وڭىردەگى قولامتالى تۇيىندەر ۇزدىكسىز اۋمالى - توكپەلى بولىپ، لاڭكەستىك ءورشىپ، لاڭ سالدى؛ بەيبىتشىلىك قىزىل سىزىعى، دامۋ قىزىل سىزىعى، جونگە سالۋ قىزىل سىزىعى جالپى ادامزات ءدوپ كەلگەن قاتاڭ سايىس... عالامدىق جونگە سالۋ جۇيەسىنىڭ بەت الىسى جاڭا شەشۋ جوباسىنا ءزارۋ بولىپ وتىر.

  سەلبەسىپ تەڭ يگىلىككە كەنەلۋگە تاباندى بولىپ، اشىق ەكونوميكا قۇرۋ، جاڭالىق اشۋ ارقىلى جەتەكتەۋگە تاباندى بولىپ، دامۋ ورايىن مىقتى يگەرۋ، سيىسىمدى، جالپىعا ءتيىمدى بولۋعا تاباندى بولىپ، ءار ەل حالقىن باقىتقا كەنەلتۋ، كوپ جاقتىلىققا تاباندى بولىپ، عالامدىق جونگە سالۋدى كەمەلدەندىرۋ − جۇڭگو ورتاعا قويعان «ءبىر بەلدەۋ، ءبىر جول» باستاماسى. بۇل اناعۇرلىم ءادىل، ۇيلەسىمدى حالىقارالىق ءتارتىپ ورناتۋدى ىلگەرىلەتۋگە جاڭا مۇمكىندىكتەر بەردى.

  شاڭحاي سەلبەستىك ۇيىمىنىڭ چيڭداۋداعى باسشىلار باس قوسۋىنان جۇڭگو - اراب ەلدەرى سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ماجىلىسىنە دەيىن، ماجىلىسكە قاتىناسقان تاراپتار «ءبىر بەلدەۋ، ءبىر جولدى» بىرگە قۇرۋ جونىندە جاڭا ورتاق تانىمعا كەلدى؛ بيىل 9 - ايدا جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋى وتكىزىلىپ، جۇڭگو مەن افريكانىڭ «ءبىر بەلدەۋ، ءبىر جولدى» بىرگە قۇرۋى، ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبى، افريكا وداعىنىڭ «2063 - جىلعا دەيىنگى كۇن ءتارتىبى» افريكاداعى ءار ەلدىڭ دامۋ ستراتەگيالارىمەن بىرلەستىرىلىپ، جۇڭگو مەن افريكانىڭ جان - جاقتى سەلبەستىگىن كۇشەيتۋدىڭ جاڭا جالپى جوباسى، جاڭا شارالارى ورتاعا قويىلادى...

  «<ءبىر بەلدەۋ، ءبىر جول> قۇرىلىسى نىسانالارىنىڭ ءبىرى − وركەندەپ كەلە جاتقان ەلدەردىڭ تۇزىمدىك ءسوز بيلىگىن ۇزدىكسىز كۇشەيتىپ، عالامدىق ەكونوميكانى جونگە سالۋ جۇيەسىنىڭ اناعۇرلىم تەڭ، ءادىل، ۇيلەسىمدى بەتالىسقا قاراي دامۋىن جەبەۋ»، - دەيدى رۋان زۇڭزى.

  «ءبىر بەلدەۋ، ءبىر جولدى» بىرگە تۇلعالاۋ ادامزاتتىڭ تاعدىرلاس ورتاق تۇلعاسىن قۇرۋ ءۇشىن اماليات تۇعىرىن ورناتادى.

  شىعىستا ازيا - تىنىق مۇحيت ەكونوميكالىق شەڭبەرىمەن بايلانىسىپ، باتىستا ەۆروپا ەكونوميكالىق شەڭبەرىمەن جالعاسىپ، افريكا مەن ازيا - ەۆروپا قۇرلىعىن قامتىپ جاتقان «ءبىر بەلدەۋ، ءبىر جول» ءار ەلدىڭ بولاشاعى مەن تاعدىرىن تىعىز بايلانىستىرىپ، ءار ەلگە بىرگە دامۋ ورايىن سيلايدى.

  قازاقستاننان يندونەزياعا دەيىن، يانچي كولى جاعاسىنان شيزىحۋ كولى جاعاسىنا دەيىن، دۇنيە ءجۇزى ەكونوميكا تالقى مىنبەرىنەن جەنەۆاداعى مەملەكەتتەر سارايىنا دەيىن... ءتوراعا شي جينپيڭ كوپتەگەن حالىقارالىق مىنبەلەردەن پايدالانىپ، «ءبىر بەلدەۋ، ءبىر جولدىڭ» داۋىرلىك ءمانى مەن تاريحي ماڭىزىن تەرەڭ بايىمداپ، «ءبىر بەلدەۋ، ءبىر جول» قۇرىلىسىنىڭ نىق قاداممەن ۇزاققا جالعاسۋىن ىلگەرىلەتتى. تاريح قويناۋىنان شىققان وسىناۋ سەلبەسىپ تەڭ يگىلىككە كەنەلۋ جولى ادامزاتتىڭ تاعدىرلاس ورتاق تۇلعاسىن قالىپتاستىرۋدىڭ داۋىرلىك انىقتاماسىنا اينالدى.

  سانسىز بۇلاق قوسىلىپ تەڭىزگە اينالىپ، سانسىز جۇلدىزدار قۇس جولىنا جارىق شاشادى. 5 جىلدان بەرى، «ءبىر بەلدەۋ، ءبىر جول» بويىنداعى ءار جاق تاباندىلىقپەن قۇلشىنىپ، تىنباي كۇرەسىپ، ناقتى ادامزات تاعدىرلاس ورتاق تۇلعاسى وي تولعامىن ناقتىلى ارەكەتتەرىمەن ۇزدىكسىز تولىقتىردى.

 (شينحۋا اگەنتتىگىنىڭ 8 - ايدىڭ 10 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.