تيانشان تورى
تيانشان تورى   ›   جاڭالىقتار   ›   سۋرەتتى حابار

قاراقۇرىم تاۋىنىڭ يەن وڭىرىندەگى ءبىر مۇزدى القاپتا بوگەت كول جىرىلىپ، ياركەن وزەنىنىڭ جوعارعى اعارىنداعى سۋ دەڭگەيى تەز كوتەرىلدى

  اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر جەدەل ورنالاستىرۋ جاساپ، حاۋىپتى وڭىردەگى بۇقارانى جىلدام كوشىرىپ، تاسقىننان ساقتانۋ دايىندىعىن دەر كەزىندە جاقسى ىستەپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىنە كەپىلدىك ەتۋدى تالاپ ەتتى

 دەر كەزىندە كوشىرىلگەندىكتەن، تاسقىننان ءولىم - ءجىتىم تۋىلمادى

   ياركەن وزەنىنىڭ جوعارعى اعارى قياجىر مۇزدى القابىنىڭ بوگەت كول ايىرىعىنداعى باقىلاۋ - ولشەۋ پۋنكتىنىڭ 8 - ايدىڭ 10 - كۇنگى سۋ رايىنا جۇرگىزگەن مەجەسىنە نەگىزدەلگەندە، قاراقۇرىم تاۋلى ءوڭىرىنىڭ تەڭىز دەڭگەيىنەن بيىك يەن جەرىنە ورنالاسقان قياجىر مۇزدى القابىنداعى بوگەت كول جىرىلىپ، توسپانىڭ جىرىلۋىنان تاسقىن سۋ قالىپتاسىپ، ياركەن وزەنىنىڭ جوعارعى اعارىنداعى سۋ دەڭگەيى تەز جوعارىلاعان. ساقتىق سيگنالىن قابىلداعاننان كەيىن، اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر جەدەل ورنالاستىرۋ جاساپ، حاۋىپتى وڭىردەگى بۇقارانى جىلدام كوشىرىپ، تاسقىن سۋدان ساقتانۋ دايىندىعىن دەر كەزىندە جاقسى ىستەپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىنە كەپىلدىك ەتۋدى تالاپ ەتتى.

  اۆتونوميالى رايوندىق تاسقىننان ساقتانۋ كەڭسەسى دەر كەزىندە شۇعىل ۇقتىرۋ تاراتىپ، قىزىلسۋ قىرعىز اۆتونوميالى وبلىسىنان، قاشقار ايماعىنان، تارىم وزەنى اعارىن باسقارۋ مەكەمەسىنەن بوگەت كولدىڭ توسپا جىرىلۋ سيپاتتى تاسقىننان ساقتانۋ قىزمەتىن كۇش سالا جاقسى ىستەۋدى ءارى سول جەرگە بارىپ قىزمەتكە جەتەكشىلىك ەتۋگە قىزمەت گرۋپپاسىن جىبەرۋدى تالاپ ەتتى. قىزىلسۋ وبلىسى، قاشقار ايماعى شۇعىل جاعدايعا توتەپ بەرۋ جوباسىن دەرەۋ ىسكە قوسىپ، تاسقىن حاۋىپ توندىرگەن وڭىردەگى بۇقارانى حاۋىپتەن تاسالانۋعا، كوشىرۋگە كۇشتەردى بارىن سالا ۇيىمداستىرىپ، تاسقىننان ساقتانۋ، تاسقىنعا قارسى اتتانۋ، زاتتىق ماتەريالداردى توپتاۋ، جيناۋ سياقتى قىزمەتتەردى جاقسى ىستەدى. تارىم وزەنى اعارىن باسقارۋ مەكەمەسى سۋ جاعدايىنا ەرەكشە نازار اۋدارىپ، اراتاس سۋ يگىلىگى تورابى مەن تاشبەلدىر سۋ قويماسى ارقىلى تاسقىن سۋ قىسىمىن باسەيتىپ، تاسقىن سۋدى اعىزدى. دەر كەزىندە كوشىرىلگەندىكتەن، تاسقىن سۋدان ءولىم - ءجىتىم تۋىلمادى. تاسقىن سۋ ارىنى 8 - ايدىڭ 10 - كۇنى ساعات 23 مولشەرىندە اراتاس سۋ يگىلىگى تورابىنا جەتتى.

 ۇعىسۋعا قاراعاندا، قياجىر مۇزدى القابىنداعى بوگەت كول 2017 - جىلى قالىپتاسقان، ءۇرتىس جوعارى اۋا تەمپەراتۋراسىنىڭ ىقپالىندا، بيىل 7 - ايدان بەرى وسى بوگەت كولدىڭ بەتىندەگى قاتتى كۇيدەگى سۋ قاينارى نەگىزىنەن ەرىپ، سۋ كولەمى ارتىپ، ۇزىندىعى شامامەن 3500 مەتر، ەنى شامامەن 300 مەتر، بوگەلگەن سۋ مولشەرى 6 ميلليون تەكشەمەتر دە 10 ميلليون تەكشەمەتر اينالاسىنداعى سۋ اۋماعى قالىپتاسقان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.