ءتىلشىمىز لي ياڭ 8 - ايدىڭ 10 - كۇنى ۇرىمجىدەن حابارلايدى. 8 - ايدىڭ 10 - كۇنى تۇستەن بۇرىن اۆتونوميالى رايون ورگانداردا پارتيانىڭ ساياسي قۇرىلىسىن جاپپاي ىلگەرىلەتۋ ءماجىلىسىن اشىپ، باس شۋجي شي جينپيڭنىڭ پارتيانىڭ ساياسي قۇرىلىسىن كۇشەيتۋ جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، «ۇشتە ونەگەلى بولۋ، بىردە ۇلگىلى بولۋ» تالابىن دايەكتىلەندىرىپ، تياناقتاندىرىپ، پارتيانىڭ ساياسي قۇرىلىسىن جاپپاي كۇشەيتۋ قىزمەتتەرىن اقىلداسىپ ورنالاستىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا تاماشا ساياسي ەكولوگيا ازىرلەدى.
اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين ماجىلىسكە قاتىناستى جانە ءسوز سويلەدى.
ءماجىلىس مىنانى اتاپ كورسەتتى: باس شۋجي شي جينپيڭنىڭ ورتالىق كوميتەت ساياسي بيۋروسىنىڭ 6 - رەتكى توپتىق ۇيرەنۋىندە سويلەگەن ماڭىزدى ءسوزى، سونداي - اق ورتالىق پەن مەملەكەت ورگاندارىندا پارتيانىڭ ساياسي قۇرىلىسىن ىلگەرىلەتۋ جونىندەگى ماڭىزدى نۇسقاۋى پارتيا قۇرىلىسى تىڭ ۇلى ينجەنەرياسىن ىلگەرىلەتۋگە، كوپتەگەن تاريحي ەرەكشەلىكتەرگە يە ۇلى كۇرەستەر جۇرگىزۋىمىزگە ءتۇبىرلى ولشەم جانە قيمىل باعدارلاماسىن ازىرلەدى. ءار دارەجەلى پارتيا، ۇكىمەت ورگاندارى ساياسي دەڭگەيدى شىن مانىندە جوعارىلاتىپ، ساياسي سانالىلىقتى كۇشەيتىپ، باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن مۇقيات ۇيرەنىپ، ىشكەرىلەي ۇعىنىپ، اۆتونوميالى رايوندىق پارتكومنىڭ ورنالاستىرۋلارى مەن تالاپتارىن باتىل ناقتاپ تياناقتاندىرۋ كەرەك.
ءماجىلىس مىنانى باسا دارىپتەدى: پوزيتسيا ايقىن، تۇرعى بەرىك، قيمىل باتىل تۇردە پارتيانىڭ ساياسي قۇرىلىسىن ىلگەرىلەتۋ كەرەك. ساياسيدا ادال بولۋعا شىنايى كەپىلدىك ەتىپ، «ءتورت تانىمدى» مىقتاپ ورناتىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ؛ ساياسي باعداردان جازباي، باس نىسانانى باستان - اياق شينجياڭ قىزمەتىنىڭ كوزدەۋ ءتۇيىنى جانە كۇش سالۋ ءتۇيىنى ەتۋ؛ ساياسي ءتارتىپتى، اسىرەسە، بولشەكتەۋشىلىككە قارسى تۇرۋ كۇرەسى ءتارتىبىن قاتايتىپ، ساياسيدا سانالى تۇردە اڭعارلى ادام، شىنايى ادام بولۋ؛ ساياسي نەگىزدى بەكەمدەپ، حالىقتى وزەك ەتىپ، بۇقارالىق لۋشياندى دايەكتىلەندىرىپ، پارتيانىڭ بيلىك جۇرگىزۋدەگى بۇقارالىق نەگىزىن نىعايتۋ؛ ساياسي ەكولوگيانى كىرشىكسىزدەندىرىپ، پارتيانىڭ ىشكى ساياسي تۇرمىسىن قاتايتىپ، پارتيانىڭ ىشكى ساياسي، مادەنيەت قۇرىلىسىن كۇشەيتىپ، پارتيانى ۇزدىكسىز جاپپاي قاتاڭ جونگە سالىپ، ستيلى پاك، سالتى دۇرىس ساياسي ەكولوگيا قالىپتاستىرۋ كەرەك.
ءماجىلىس مىنانى اتاپ كورسەتتى: ساياسي ورگان ورنىنا تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدە، دايەكتىلەندىرۋدە ۇلگى بولىپ، قايتالاي، باياندى ۇيرەنۋدەن، سايكەسىمدى، جەتە ۇيرەنۋدەن، امالياتپەن بايلانىستىرا ۇيرەنۋدەن جازباي، جەتە ۇيرەنۋ، جەتە يگەرۋ، شىنايى تياناقتاندىرۋ كەرەك. پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋدا ونەگە بولۋ، ءارقانداي جاعدايدا ساياسي تۇرعىدان اۋىتقىماۋ، ساياسي باعداردان جازباۋ كەرەك. پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ، تياناقتاندىرۋ جاعىندا ونەگە بولۋ، نازاردى باستان - اياق باس نىساناعا شوعىرلاندىرىپ، سان سالالى قىزمەتتەردىڭ تياناقتانۋىن جەبەۋ كەرەك.
ءماجىلىس مىنانى تالاپ ەتتى: پارتيانىڭ ساياسي باسشىلىعىنا تاباندى بولىپ، ساياسي قۇرىلىستى ورگان قىزمەتىنىڭ بارلىق جاعىمەن تىعىز قابىستىرىپ، ۇيىمدىق قابىلەتتى ارتتىرۋدى ءتۇيىن ەتىپ، پارتيا ۇيىمىنىڭ ساياسي فۋنكتسياسىن كۇشەيتىپ، كادرلاردى تاڭداپ ءوسىرۋدىڭ ساياسي ولشەمىن قاتايتىپ، ساياسي جاۋاپكەرشىلىكتى تياناقتاندىرىپ، ساتى - ساتى بويىنشا قىسىم ءتۇسىرىپ، پارتيا ورتالىق كوميتەتى الاڭسىز بولاتىن، حالىق رازى بولاتىن ساياسي رۋحقا يە ۇلگىلى ورگان قۇرۋ كەرەك.
اۆتونوميالى رايوندىق پارتكومنىڭ تۇراقتى مۇشەسى سارقىت اقان ۇلى ءماجىلىستى باسقاردى. اۆتونوميالى رايوننىڭ باسشىلارىنان لي شۋەجۇن، جاۋ چيڭ، جاڭ بو ماجىلىسكە قاتىناستى.
