ءتىلشىمىز سۋ لۋپيڭ، پراكتيكانت جاڭ شياۋسۇڭ
8 - ايدىڭ 9 - كۇنى ساعات 11دە ءۇرىمجى قالاسى شۇيموگوۋ رايونى ۋيحۋلياڭ ءوڭىرى ليجيڭ وڭتۇستىك الەۋمەتتىك اۋماعى قولمەن كىلەم توقۋ بويىنشا جۇمىسقا ورنالاسۋعا تاربيەلەۋ بازاسىندا تۇرعىن ءبۇبىماريام تۇرسىن سۋرەتتەگى ورنەككە قاراپ، ۇستازىنان توقۋ تەحنيكاسى تۋرالى ءتالىم الۋدا. «<ۇعىسۋ، تيىمدىلىك جاساۋ، توعىستىرۋ> قىزمەت اترەتىنىڭ، الەۋمەتتىك اۋماقتىڭ كومەگىندە، مەن ءۇيدىڭ جانىندا قىزمەت ىستەپ، اي سايىن 1500 يۋاننان استام اقشا تاۋىپ جاتىرمىن. وتباسىمنىڭ اۋىرتپالىعىن جەڭىلدەتىپ قانا قالماستان، اۋرۋ شەشەمە دە قارايلاسا الامىن». ءۇرىمجى قالالىق پارتكوم ساياسي - زاڭ كوميتەتىنىڭ (جالپىلىق وڭاۋ كەڭسەسى) ليجيڭ وڭتۇستىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى مەن الەۋمەتتىك اۋماق تۋرالى ءسوز بولعاندا بۇبىماريام نەشە قايتارا «راقىمەت» ايتتى.
2017 - جىلى قيىنشىلىعى بار بۇقاراعا كومەكتەسۋ جانە ولاردى سۇيەمەلدەۋ باياندى مەحانيزمىن ورناتقاننان بەرى، ليجيڭ وڭتۇستىك الەۋمەتتىك اۋماعى جۇپ قۇراپ كومەكتەسۋ - سۇيەمەلدەۋ، جۇمىسقا ورنالاسۋعا تاربيەلەۋ بازاسىن اشۋ سياقتىلار ارقىلى قاراستى اۋماقتاعى قيىنشىلىعى بار 40 بۇقارانى سول جەردىڭ وزىندە جۇمىسقا ورنالاستىرىپ، 4 ادامنىڭ دەربەس شارۋاشىلىق قۇرۋىنا كومەكتەستى جانە ولاردى سۇيەمەلدەدى.
مادەنيەت دەڭگەيلەرى جوعارى ەمەس، جۇمىسقا ورنالاساتىن ونەر - تەحنيكالارى كەمشىل بولعاندىقتان، ليجيڭ وڭتۇستىك الەۋمەتتىك اۋماعىندا تومەن كىرىستى وتباسىلار ءبىرشاما كوپ. «كوپتەگەن ايەلدەردىڭ ورتاق ءتىل دەڭگەيى جوعارى ەمەس، ولار لايىقتى قىزمەت تابا الماي، ۇيدە كىر جۋىپ، تاماق ىستەپ، بالا قارايدى، ولاردا قىزمەت ىستەيتىن ىرىقتىلىق كەمشىل. وسى جاعدايدى وزگەرتۋ ءۇشىن قيىنشىلىعى بار بۇقارانىڭ كوزقاراسىن وزگەرتۋدەن، جۇمىسقا ورنالاسۋ ارنالارىن كەڭەيتۋدەن باستاپ ىسكە كىرىسۋ كەرەك»، - دەيدى قىزمەت اترەتىنىڭ باستىعى، الەۋمەتتىك اۋماقتىڭ ءبىرىنشى شۋجيى ياڭ جۇڭجۇن.
دەرەۋ ىسكە كىرىسكەن قىزمەت اترەتىنىڭ مۇشەلەرى، الەۋمەتتىك اۋماق كادرلارى جۇمىس ءبولىسى بويىنشا سەلبەسىپ، ءبىر گرۋپپا قايتا - قايتا بارىپ، قيىنشىلىعى بار بۇقارانى ءوز قۇلشىنىسى ارقىلى ءومىر قۇنىن ايگىلەۋگە كوندىردى ءارى ولاردىڭ جۇمىسقا ورنالاسۋ تىلەكتەرىن، وتباسى ينفورماتسيالارىن رەتتەپ، اشىق ەسەپ قالىپتاستىردى؛ ەندى ءبىر گرۋپپا قاراستى اۋماقتاعى ساۋدا دۇكەندەرىن ارالاپ، قىزمەتشى ىستەتۋ سۇرانىستارىن ءبىلىپ، قيىنشىلىعى بار بۇقارانى الدىمەن جۇمىسقا قابىلداۋعا ۇگىتتەدى، جەتەكتەدى.
«ايەلدەر جاپپاي تورت - پراندىك جاساۋمەن، قولمەن كىلەم توقۋمەن، داياشىلىق قىزمەتپەن شۇعىلدانعىسى كەلەدى، ءبىراق ولاردا تەحنيكا مەن تاجىريبە كەمشىل؛ ساۋدا دۇكەندەرىندە تەحنيكا، جۇمىس ورنى بار، ساۋداسىن كەڭەيتكىسى دە كەلەدى، ءبىراق قارجى تاپشى»، - دەيدى ياڭ جۇڭجۇن، ونىڭ ايتۋىنشا، بۇل ولاردىڭ ەكەۋىنىڭ قابىسۋ ءتۇيىنىن تابۋىنا مۇمكىندىك جاساعان − ساۋدا دۇكەندەرىن، زاۆودتاردى الەۋمەتتىك اۋماقتىڭ جۇمىسقا ورنالاسۋعا تاربيەلەۋ بازاسى ەتىپ دامىتادى. قىزمەت اترەتى، الەۋمەتتىك اۋماق ساۋدا دۇكەندەرىنىڭ ساۋداسىن كەڭەيتۋىنە، وزىندىك قۇندى تومەندەتۋىنە كومەكتەسىپ، ءادىس - امال قاراستىرادى، ساۋدا دۇكەندەرىنىڭ جاۋاپتىلارى قيىنشىلىعى بار بۇقارانى تەگىن تاربيەلەپ، ولارعا جۇمىس ورنىن ۇسىنادى.
«قىزمەت اترەتىنىڭ، الەۋمەتتىك اۋماقتىڭ كومەگىندە، جالداعان ءۇيدىڭ يەسى اي سايىن ءبىزدىڭ ءۇي جالداۋ اقىمىزدى 2000 يۋان ازايتتى. 5 ايەل دە قاتتى قۇلشىنىپ، تاربيەلەۋ اياقتاعان كەزدە بارلىعى وسىندا قالدى، كەلىسىم بويىنشا، ءبىز ولاردىڭ قوعامدىق قامسىزداندىرۋ اقىسىن تاپسىردىق»، - دەيدى الەۋمەتتىك اۋماقتىڭ تورت - پراندىك جاساۋعا تاربيەلەۋ بازاسىنىڭ جاۋاپتىسى ماريام ءابدىقادىر تىلشىگە. ءسويتىپ، الەۋمەتتىك اۋماق تۇرعىندارى قىزمەت تاۋىپ، ساۋدا دۇكەندەرىنىڭ قىزمەتشى قابىلداۋى قيىن بولۋ ماسەلەسى دە وڭاي شەشىلگەن.
قيىنشىلىعى بار بۇقارانىڭ بەلسەندىلىگىن ونان ارى جۇمىلدىرۋ ءۇشىن، قىزمەت اترەتى الەۋمەتتىك اۋماق جۇپ قۇراپ كومەكتەسۋ - سۇيەمەلدەۋ ءتاسىلىن قولدانىپ، ولاردىڭ جۇمىسقا ورنالاسۋىنا، شارۋاشىلىق قۇرۋىنا دەر كەزىندە كومەك كورسەتتى. الەۋمەتتىك اۋماق قايىرىمدى ساۋدا دۇكەندەرىن باعالاۋ، الەۋمەتتىك يگىلىك سيپاتىنداعى جۇمىس ورىندارىنا الدىمەن قابىلداۋ مەحانيزمىن ورناتىپ، الەۋمەتتىك اۋماقتى، ساۋدا دۇكەندەرىن، تۇرعىنداردى تىعىز بايلانىستىرىپ، قيىنشىلىعى بار بۇقارانىڭ جۇمىسقا ورنالاسۋىنىڭ تۇزىمدەنۋىن، ولشەمدەنۋىن، باياندى بولۋىن جۇزەگە اسىرۋدى ىلگەرىلەتتى.
8 - ايدىڭ سوڭىندا، الەۋمەتتىك اۋماقتاعى «حالىق باسقارۋىنداعى، ۇكىمەت كومەكتەسەتىن» بالاباقشا پايدالانۋعا بەرىلەدى، بۇل الەۋمەتتىك اۋماقتىڭ قيىنشىلىعى بار بۇقارا ءۇشىن ارنايى اشقان بالاباقشاسى، وندا بالاباقشاعا ءتۇسۋ اقىسى بەلگىلى دەڭگەيدە ازايتىلادى. «بالالارىن اپاراتىن جەر بولعان سوڭ، ايەلدەر ارتىق ۋايىمنان ارىلىپ، قىزمەتتى جاقسى ىستەيتىن ۋاقىت پەن كۇش - قۋاتقا يە بولادى»، - دەيدى ياڭ جۇڭجۇن.
قازىر ليجيڭ وڭتۇستىك الەۋمەتتىك اۋماعىنىڭ جۇمىس ورنى تۇرعىندار ۇنەمى كەلىپ - كەتەتىن جەرگە اينالعان، كەيبىرى وسىندا كومەك ىزدەپ كەلسە، كەيبىرى اڭگىمە - دۇكەن قۇرۋعا، كەيبىرى قۋانىشتارىمەن بولىسۋگە كەلەدى، كەيبىرى وزدەرى جاساعان جەڭىل تاعامدارىن الىپ، راقىمەت ايتۋعا كەلەدى. «وسىندا كەلسەم، ۇيىمە كەلگەندەي بولام»، - دەيدى ءبۇبىماريام.
