تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوندىق پارتكومنىڭ رەفورمانى جاپپاي تەرەڭدەتۋدە ءوزارا ۇيرەنۋدى، ءوزارا تەكسەرۋدى قورىتىندىلاۋ، مالىمەت بەرۋ تەلەۆيزور - تەلەفون ءماجىلىسى وتكىزىلدى

  اناعۇرلىم زور سەرپىنمەن رەفورمانىڭ تەرەڭدەي دامۋىن ىلگەرىلەتەيىك

  ءتىلشىمىز لي ياڭ 8 - ايدىڭ 11 - كۇنى ۇرىمجىدەن حابارلايدى. 8 - ايدىڭ 10 - كۇنى تۇستەن كەيىن اۆتونوميالى رايوندىق پارتكوم رەفورمانى جاپپاي تەرەڭدەتۋدە ءوزارا ۇيرەنۋدى، ءوزارا تەكسەرۋدى قورىتىندىلاۋ، مالىمەت بەرۋ تەلەۆيزور - تەلەفون ءماجىلىسىن اشىپ، باس شۋجي شي جينپيڭنىڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 1 -، 2 -، 3 - رەتكى ماجىلىستەرىندە سويلەگەن ماڭىزدى سوزدەرىنىڭ رۋحىن دەن قويا دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ءوزارا ۇيرەنۋ، ءوزارا تەكسەرۋ قىزمەتىن جانە اۆتونوميالى رايوننىڭ رەفورما قىزمەتى جاعدايىن قورىتىندىلاپ، رەفورمانىڭ تەرەڭدەي دامۋىن اناعۇرلىم ىلگەرىلەتۋ جونىندە ورنالاستىرۋ جاسادى.

  اۆتونوميالى رايوندىق پارتكومنىڭ ورىنباسار شۋجيى، رەفورمانى جاپپاي تەرەڭدەتۋگە باسشىلىق ەتۋ گرۋپپاسى كەڭسەسىنىڭ مەڭگەرۋشىسى لي پىڭشين ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: رەفورمادا ءوزارا ۇيرەنۋ، ءوزارا تەكسەرۋ قىزمەتىن ورىستەتۋ ارقىلى اۆتونوميالى رايوننىڭ رەفورما قىزمەتىنىڭ اياق الىسى ىلگەرىلەتىلدى. الدىڭعى جارتى جىلدا ارناۋلى گرۋپپالار، جەر - جەر، تاراۋلار رەفورما قىزمەتى مەحانيزمىن ۇزبەي كەمەلدەندىرىپ، كۇشتەردى نىعايتىپ، قۋزاۋ - جەتەكشىلىك ەتۋ، تياناقتاندىرۋ سەرپىنىن ارتتىرىپ، تەكسەرۋ - زەرتتەۋدى بەلسەنە ورىستەتىپ، تيپتەردى تاڭداپ، سومداپ، تۇيىندەر ارقىلى سالالاردى جەتەكتەپ، تۇتاس تۇلعا بويىنشا ىلگەرىلەتتى. اۆتونوميالى رايوننىڭ، ايماقتاردىڭ، وبلىستاردىڭ، قالالاردىڭ رەفورما قىزمەتى اياق الىسى ءساتتى بولىپ، «ۋاقىتتىڭ جارتىسى وتكەندە، مىندەتتىڭ جارتىسىن ورىنداۋدى» نەگىزىنەن جۇزەگە اسىردى.

  ءماجىلىس مىنالاردى باسا دارىپتەدى: اۆتونوميالى رايوننىڭ رەفورما قىزمەتىن ىشكەرىلەي ىلگەرىلەتۋدە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋ قىزمەتى جونىندەگى جاڭا تالاپتارىن، جاڭا ورنالاستىرۋلارىن، ءسوز جوق، ىشكەرىلەي ۇيرەنىپ، ءتۇسىنىپ، دۇرىس باعداردى مىقتاپ يگەرىپ، رەفورما تالاپتارىن تياناقتاندىرۋدى مىقتى يگەرۋدى كەلەلى ساياسي مىندەت جانە ماڭىزدى ساياسي جاۋاپكەرشىلىك ەتۋ؛ قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، رەفورمانىڭ جۇيەلىلىك سيپاتىنا، جالپىلىق سيپاتىنا، سايكەستىلىگىنە ءمان بەرىپ، بەكىمدى، سەنىمدى بەكەمدەپ، نازاردى تۇيىندەرگە، قيىن تۇيىندەرگە شوعىرلاندىرىپ، نەگىزگى ساتى امالياتىنا قۇرمەت ەتىپ، تاجىريبەلەردى دەر كەزىندە قورىتىندىلاپ، كۇشتى شوعىرلاندىرا وتىرىپ قامال الۋ شايقاسىن جۇرگىزىپ، اۆتونوميالى رايوننىڭ رەفورما قىزمەتىنىڭ تىڭ ساتىعا كوتەرىلۋىن ىلگەرىلەتۋ كەرەك.

  ءماجىلىس مىنالاردى اتاپ كورسەتتى: قازىر رەفورما مىندەتى ءالى دە جاپالى، اۋىر. جاۋاپكەرلىكتى، ءسوز جوق، تياناقتاندىرۋ، تياناقتاندىرۋدى مىقتى يگەرۋ كەرەك. ساياسي تۇراقتىلىقتى كۇشەيتىپ، ماسەلەنى نىشان ەتۋدەن جازباي، قۋزاۋدى، تەكسەرۋدى كۇشەيتىپ، قىزمەت ءتاسىلىن جاڭالاپ، «ءتورت تانىمدى» اناعۇرلىم بەرىك ورناتىپ، «ءتورت سەنىمدى» بەكەمدەپ، پارتيا ورتالىق كوميتەتىنىڭ رەفورما جونىندەگى شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرۋعا كەپىلدىك ەتۋ كەرەك. ءوزارا ۇيرەنۋدە، ءوزارا تەكسەرۋدە بايقالعان ماسەلەلەردىڭ سەبەبىنە ءبىر - بىردەن كوز جەتكىزىپ، تۇيىنشەگىن ءداپ باسىپ تاۋىپ، ءبىر - بىرلەپ شەشىپ، قيىندىقتان قورقاتىن پيعىلدى جانە كۇتە تۇراتىن، يەك سۇيەيتىن يدەيانى باتىل جەڭىپ، رەفورما مىندەتىنە دەن قويا تۋرالانىپ، قىزمەت ولقىلىقتارىن تولىقتىرىپ، رەفورما مىندەتتەرىن دەر كەزىندە ورىنداۋعا كەپىلدىك ەتۋ كەرەك.

  ءماجىلىس مىنالاردى باسا دارىپتەدى: اۆتونوميالى رايوننىڭ قۇرىلىم رەفورماسى ناقتى اتقارۋ ساتىسىنا ءوتتى، قۇرىلىم رەفورماسى مەن رەفورما مىندەتىن ويداعىداي ورىنداۋدىڭ ەكى جاعىن يگەرۋگە، ەكى جاعىن دا قاتاڭ يگەرۋگە، ءسوز جوق، تاباندى بولىپ، قۇرىلىم رەفورماسىن سىلتاۋ ەتىپ رەفورما مىندەتىن كەشەۋىلدەتكەندەردى قاتاڭ قۋزاستىرۋ، جاۋاپقا تارتۋ كەرەك.

 اۆتونوميالى رايوننىڭ باسشىلارىنان تيان ۋىن، جاڭ چۇنلين قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.