تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ۋاڭ تاۋ مەن «اپاسىنىڭ» حيكاياسى

  ءتىلشىمىز سۋ لۋپيڭ، پراكتيكانت جاڭ شياۋسۇڭ

  ءۇرىمجى قالالىق حايۋاناتتار ىندەتىن تىزگىندەۋ جانە دياگنوز قويۋ ورتالىعىنىڭ تەحنيگى ۋاڭ تاۋ جونىنەن العاندا، شينجياڭعا تامىر تارتۋدى تاڭداۋى وسى ىرىستى توپىراقتىڭ ونى باۋلىپ جەتىلدىرگەنى عانا ەمەس، بۇل جەردەگى ادامداردىڭ وعان وتباسىنىڭ جىلۋىن سيلاۋى، وتە - موتە، ونىڭ «اپاسى» ءزۇرام تاشتىڭ انالىق مەيىرىن ارناۋى دا ەدى.

  ۋاڭ تاۋ شانشي ولكەسىنەن، مەكتەپ بىتىرگەننەن كەيىن شينجياڭدا قالىپ قىزمەت ىستەگەن. «ءۇرىمجىنىڭ قىسى قاتتى سۋىق بولادى ەكەن، وتە - موتە، جالعىز قالعانىڭدا ىزعارلى سۋىق بويىڭدى قاريدى»، - دەيدى ۋاڭ تاۋ. سول شاقتا ءۇرىمجى قالاسى شۇيموگوۋ رايونى قامداۋ - ساۋدا كووپەراتيۆىنەن پەنسياعا شىققان قىزمەتشى ءزۇرام پايدا بولادى. بۇل جىلى ءجۇزدى، اڭگىمەشىل، يۋمورلى، اسپازدىق ونەرى جۇرتتان اسقان قارت 2016 - جىلدىڭ قاقاعان قىسىن جىلى كوكتەمگە اينالدىرىپ جىبەرگەندەي بولدى.

  «جۇپ قۇراپ، تۋىستاسۋ بويىنشا تۇڭعىش رەت اپاما امانداسا بارعانىمدا مەن تىم اشىلا الماعان ەدىم»، - دەيدى ۋاڭ تاۋ. ۋاڭ تاۋدىڭ قىسىلىپ - قىمتىرىلعانىن بايقاعان ءزۇرام ونىمەن قۇددى ءوز بالاسىنداي قىزمەت، تۇرمىس جاعدايىن ۇعىسىپ، ءسوز سالىپ جۇرگەن قالىڭدىعى بار - جوعىن، اكە - شەشەسىنىڭ امان - ساۋلىعىن سۇراپ اڭگىمە دۇكەن قۇرادى... سىرلاسا كەلە ۋاڭ تاۋ اراداعى الشاقتىقتىڭ جوعالىپ بارا جاتقانىن سەزىپ، ءزۇرام وتباسىنا بارىپ، تاماق ءىشىپ تۇرۋ بەكىمىنە كەلەدى.

  ءزۇرامنىڭ 2 قىزى دا جات جۇرتتىق بولعان - دى. ونىڭ تىزەسىنىڭ ايشىقشاسى زاقىمدالعاندىقتان، تىم ۇزاپ جۇرە الماۋشى ەدى، ۋاڭ تاۋ ونىڭ زات ساتىپ الۋشىسى بولىپ، كوكونىس، ەت، سۋ - توك، وتىندىق گاز ساتىپ الۋىنا كومەكتەسىپ تۇرادى. اپتا سايىن ۋاڭ تاۋ ءزۇرامعا امانداسا كەلىپ، تەرەزە ءسۇرتىپ، جەر سىپىرىپ دەگەندەي جۇمىستارىنا قولعابىس تيگىزەدى. «ۋاڭ تاۋ پىسىق بالا، مەن ونى بەينە ءوز بالام سياقتى قاتتى ۇناتىپ قالدىم، ول دا مەنى <اپا> دەيتىن بولدى»، - دەيدى ءزۇرام تىلشىگە.

  2017 - جىلى 5 - ايدا ءزۇرامنىڭ ەكىنشى قىزى اۋىر ناۋقاستانىپ بالنيتساعا جاتىپ قالادى، ءزۇرام ءار كۇنى الەۋمەتتىك اۆتوبۋزعا وتىرىپ شيپاحاناعا تاماق جەتكىزەدى. «الىس جول قارت ادامدى سوعىپ تاستايدى عوي، اپاسىنىڭ از بەينەت تارتپاعانى مۇندا تۇر»، بۇل ىستەن حابار تاپقاننان كەيىن ۋاڭ تاۋ ءار كۇنى جەكەلىك اۆتوكولىگىمەن ءزۇرامدى شيپاحاناعا جەتكىزىپ قويادى. «ءاسىلى، وسىلاي ىستەۋ ارقىلى اپام شارشاپ - شالدىعىپ قالماسىن دەگەن ەدىم، ءبىراق ءبىر ايدان كەيىن ول كىسى سىرقاتتانىپ قالدى». سول شاقتا ءزۇرامدى شيپاگەرگە كورسەتىپ، ءدارى - دارمەگىن قۇيىسۋعا جاردەمدەسۋمەن بىرگە، ۋاڭ تاۋ قىزمەتتەن تۇسە سالىسىمەن ۇيگە قايتىپ، اپاسىنا قارايلاسىپ تۇرادى.

  دەنساۋلىعى قالپىنا كەلگەننەن كەيىن ءزۇرام اۋەلگىدەي ۋاڭ تاۋ ۇيگە كەلدى بولدى وعان تاماق دايىنداپ بەرەدى. جارتى جىلعا جەتپەيتىن ۋاقىتتا ۋاڭ تاۋدىڭ سالماعى 71 كيلوگرامنان 77 كيلوگرامعا ارتىپ شىعا كەلەدى. «<اپام> ماعان ايلىق ەڭبەكاقىسى كارتچكاسىن قولىما ۇستاتىپ، قۇپيا شيفرىن ايتىپ بەرىپ، ماعان اي سايىن ەڭبەكاقىسىن اكەلىپ بەرۋدى تاپسىردى»، - دەيدى ۋاڭ تاۋ.

  2017 - جىلى 11 - ايدىڭ 25 - كۇنى ۋاڭ تاۋ قالىڭدىعىمەن ءسوز بايلاسادى. «اكە - شەشەم، اعا - اپەكەلەرىم شي - اننان كەلدى، ولار بىزگە ءبىرتالاي جەرگىلىكتى ەرەكشە ونىمدەر الا كەلىپتى. ءبىز <اپامىزدىڭ> ۇيىندە باس قۇراۋعا كەلىستىك. سول كۇنى ەكى وتباسى شىنىمەن ءبىر وتباسىنا اينالدى. كىپ - كىشكەنتاي قوناق بولمەسىنەن شاتتىق كۇلكىسى شارىقتادى، ءبىز تاعى ءۇي ىشىمىزبەن سۋرەتكە تۇستىك»، - دەيدى ۋاڭ تاۋ. ولاردىڭ باس قۇراۋ كۋالىگىن العان شاقتاعى تۇڭعىش استارى ءزۇرام جاساعان لاعمان بولىپتى. جاس جۇبايلار مۇنان كەيىن باس قۇراعاندارىن «اپالارىمەن» بىرگە ەسكە الىپ تۇرۋ بەكىمىنە كەلىپتى.

  «جۇپ قۇراپ، تۋىستاسۋ − ءبىر ءتۇرلى سەنىمدىلىك، ول ادالدىقپەن مامىلە جاساۋدى، باسقالاردى وزىندەي كورۋدى قاجەت ەتەدى. جۇپ قۇراپ، تۋىستاسۋ − ءبىر ءتۇرلى جاۋاپكەرشىلىك، ول كىشكەنتاي ىستەردەن باستاۋدى قاجەت ەتەدى»، - دەيدى ۋاڭ تاۋ، ول وسىلاي ىستەپ كەلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى