مىندەتتى تياناقتاندىرۋدى مىقتى يگەرىپ، رەفورمادا ناقتى ونىمدىلىككە قول جەتكىزۋگە شىنايى كەپىلدىك ەتەيىك
ءتىلشىمىز لي شيڭ 8 - ايدىڭ 12 - كۇنى ۇرىمجىدەن حابارلايدى. 8 - ايدىڭ 12 - كۇنى اۆتونوميالى رايون ءادىليا ءتۇزىلىسى رەفورماسىن جاپپاي تەرەڭدەتۋ جونىندە ىلگەرىلەتۋ ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن ماجىلىستە مىنانى باسا دارىپتەدى: تۇتاس اۆتونوميالى رايونىمىزداعى ءار دارەجەلى ساياسي - زاڭ تاراۋلارى ورتالىق كوميتەتتىڭ ءادىليا ءتۇزىلىسى رەفورماسىن جاپپاي تەرەڭدەتۋ جونىندەگى شەشىمدەرى مەن ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، رۋحي ءمانىن ءتۇسىنىپ، وزەكتى ءتۇيىنىن يگەرىپ، يدەيا مەن ارەكەتتى شىن مانىندە بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، نازاردى باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنا، وتە - موتە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، اۆتونوميالى رايوندىق پارتكومنىڭ تالاپتارىن تياناقتاندىرىپ، ءادىليا ءتۇزىلىسى رەفورماسىن جاپپاي تەرەڭدەتۋدىڭ جاڭا جاعدايىن اشۋعا قۇلشىنۋ كەرەك.
جۋ حايلۇن مىنانى اتاپ كورسەتتى: جۋىق جىلداردان بەرى، اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، ءادىليا ءتۇزىلىسى رەفورماسىن ۇزدىكسىز ىشكەرىلەي ىلگەرىلەتىپ، كەزەڭدىك كورنەكتى ناتيجەگە قول جەتكىزىپ، جاڭا داۋىردەگى ءادىليا ءتۇزىلىسى رەفورماسىن جاپپاي تەرەڭدەتۋگە قۇندى تاجىريبە توپتاپ، تاماشا شارت - جاعداي جاراتتى. كەزەكتە رايونىمىزدىڭ جاعدايىن تولىق ءتۇسىنىپ، ءادىليا ءتۇزىلىسى رەفورماسىن جاپپاي تەرەڭدەتۋدىڭ جاۋاپكەرلىك سەزىمى مەن كوكەي تەستىلىك سەزىمىن شىن مانىندە كۇشەيتىپ، قول جەتكىزگەن ناتيجەلەردى تۇراقتاندىرۋمەن قاتار، ءادىليا ءتۇزىلىسى رەفورماسى امالياتى بارىسىندا ورىن تەۋىپ وتىرعان ماسەلەلەر مەن جەتەرسىزدىكتەردى تانىپ، ونى مۇنان بىلايعى قىزمەتتەردەگى كۇش سالۋ ءتۇيىنى جانە تەتىك ەتىپ، رەفورمانى تەرەڭدەتۋ بارىسىندا شىن مانىندە كۇش سالا شەشۋ كەرەك. قىزمەتتىڭ ماڭىزدى ءتۇيىنىن مىقتى يگەرىپ، ءادىليا ءتۇزىلىسى رەفورماسىن جاپپاي تەرەڭدەتۋدى بۇلجىماستان ىلگەرىلەتۋ كەرەك. پارتكوم ساياسي - زاڭ كوميتەتىنىڭ قۇرىلىم رەفورماسىن جاپپاي تەرەڭدەتۋ كەرەك. پارتيانىڭ ساياسي - زاڭ قىزمەتىنە باسشىلىعىن كۇشەيتۋ مەن ساپالىلاندىرۋعا ءمان بەرىپ، پارتيانىڭ ساياسي - زاڭ قىزمەتىنە باسشىلىق ەتۋ ءتۇزىلىسى مەحانيزمىن كەمەلدەندىرۋ اياق الىسىن جەدەلدەتۋ؛ ءادىليا ءتۇزىلىسىنىڭ جالپى تۇلعالىق رەفورماسىن جاپپاي تەرەڭدەتۋ كەرەك. ۇقىق پەن جاۋاپكەرشىلىكتىڭ بىرلىگىن ورناتۋعا نازار اۋدارىپ، جۇيەلى دە ءتارتىپتى ءادىليا ۇقىق اينالىمى مەحانيزمىن جۇيەگە ءتۇسىرىپ، ءادىليالىق جاۋاپكەرشىلىك ءتۇزىمى رەفورماسى مەن جالپى تۇلعالىق رەفورمانى ءبىر تۇتاس جوسپارلاپ ىلگەرىلەتىپ، ءادىليا ۇقىعىن باقىلاۋ، تەجەۋدىڭ قيىن بولۋ، تورەلىك ايتۋ ولشەمىن بىرلىككە كەلتىرۋدىڭ قيىن بولۋى سياقتى ماسەلەلەردى كۇش سالا شەشۋ؛ ارىز - شاعىم ءتۇزىمى رەفورماسىن ىشكەرىلەي ىلگەرىلەتىپ، تۇزىمدىك جاڭالىق اشۋ مەن عىلىم - تەحنيكالىق جاڭالىق اشۋدى ۇشتاستىرىپ، كوپ نەگىزدى جۇيەلى، ءادىل دە جوعارى ءونىمدى ارىز - شاعىم ءتۇزىمىن ورناتۋدى جەدەلدەتۋ؛ قوعام حاۋىپسىزدىگى رەفورماسىن، مەملەكەت حاۋىپسىزدىگى ورگاندارى رەفورماسىن جانە ءادىليا اكىمشىلىك رەفورماسىن جاپپاي تەرەڭدەتىپ، كاسىپ ءتۇزىمى جۇيەسىن ورناتۋدى جەدەلدەتۋ كەرەك.
جۋ حايلۇن مىنالاردى تالاپ ەتتى: جاڭا داۋىردە ءادىليا ءتۇزىلىسى رەفورماسىن جاپپاي تەرەڭدەتۋدىڭ داڭقتى بورىشى مەن جاپالى مىندەتى الدىندا، ۇيىمدىق باسشىلىقتى اناعۇرلىم كۇشەيتىپ، جاۋاپكەرشىلىكتى قاتاڭ تياناقتاندىرىپ، رەفورمادا ناقتى ونىمدىلىككە قول جەتكىزۋگە ءمان بەرىپ، باقىلاۋدى، جاۋاپقا تارتۋدى كۇشەيتىپ، باسشىلىقتى كۇشەيتۋ مەن جاۋاپكەرشىلىكتى تياناقتاندىرۋدى رەفورمانىڭ تۇتاس بارىسىندا ساباقتاستىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ەگجەي - تەگجەلى، شىنايى، ناقتى اتقارۋدى ىلگەرىلەتىپ، رەفورما مىندەتتەرىن تياناقتاندىرۋدى شەگە قاعۋ رۋحىمەن ويداعىداي يگەرىپ، پارتيا مەن حالىق ءدان ريزا بولاتىن ونىمدىلىككە قول جەتكىزۋگە شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى سارقىت اقان ۇلى ءماجىلىستى باسقاردى.
