تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

ۇلتتىق بولشەكتەۋشىلىككە قارسى تۇرۋدىڭ قۇرىش قورعانىن ورناتامىن

  اۆتونوميالى رايوندىق حالىق قۇرىلتايى تۇراقتى كوميتەتى ىشكى ىستەر، ءادىليا قىزمەتى كوميتەتىنىڭ ورىنباسار مەڭگەرۋشىسى

  بەلىكتۇ

  قوعام ورنىقتىلىعى مەن باياندى تىنىشتىقتى جۇزەگە اسىرۋ مەن بەكەمدەۋ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋدىڭ پارمەندى كەپىلى، شينجياڭدى گۇلدەندىرىپ، حالىقتى اۋقاتتاندىرۋدىڭ ىرگە تاسى. «ءۇش ءتۇرلى كۇش» «ۇلتتى»، «ءدىندى» جەلەۋ ەتىپ، ۇلتتار ىنتىماعىن، وتان تۇتاستىعىن، جاراسىمدىلىق پەن ورنىقتىلىقتى بۇلدىرۋگە ۇرىندى؛ «ەكىبەتكەيلەر» كورىنىستە ءبىر ءتۇرلى، كومەسكىدە ءبىر ءتۇرلى بولدى، ولار «ءۇش ءتۇرلى كۇشتىڭ» قول شوقپارى جانە «پەردە ارتىنداعى سۇيەنەرى»، ولار شينجياڭداعى ءار ۇلت حالقىنىڭ باقىتتى تۇرمىسىن اۋىر دارەجەدە ءبۇلدىردى، جاراسىمدى دا ورنىقتى اسا تاماشا جاعدايدى ءبۇلدىردى.

  اۆتونوميالى رايون لاڭكەستىككە قارسى تۇرىپ، ورنىقتىلىقتى قورعاۋ قىزمەتىندە كەزەڭدىك تابىستارعا قول جەتكىزدى، الايدا «ءۇش ءتۇرلى كۇشتىڭ»، «ەكىبەتكەيلەردىڭ» وتاندى بولشەكتەۋ سۇرقيا ارەكەتتەرى تولاستامايدى. اسىرەسە، ادەمى بۇركەنىش جامىلىپ العان، ءبۇلدىرۋى اسا زور «ەكىبەتكەيلەردىڭ» كەيبىرەۋى پارتيانىڭ نازارياسى مەن لۋشيان، باعىت - ساياساتتارىن كورىنىستە كوپىرتە ايتقانىمەن، كومەسكىدە وعان قارسى اۋەن كوتەردى؛ كەيبىرەۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن كورىنىستە قولداعانسىپ، كومەسكىدە وعان قارسى تۇرىپ، «بەستى شىنايى مويىنداۋدى» كاپەرىنە المادى؛ كەيبىرەۋى اۆتونوميالى رايوندىق پارتكومنىڭ ورنىقتىلىقتى قورعاۋ شارالارىن اتقارمادى، تياناقتاندىرمادى، ۇلتتار ىنتىماعىنا ىقپال جەتكىزەتىن جانە ونى بۇلدىرەتىن ءسوز - ارەكەتتەردى سىن تەزىنە المادى، تەجەمەدى، مالىمدەمەدى. «ەكىبەتكەيلەر» شينجياڭنىڭ رەفورماسىن، دامۋىن، ورنىقتىلىعىن بۇلدىرەتىن ۋلى وسپە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى كەدەرگى، ولار پارتياعا ابسوليۋتتى ادال بولۋ سىندى ساياسي قاسيەتتەن جۇرداي بولىپ، پارتيانىڭ وبرازىن ءبۇلدىرىپ، ساياسي ەكولوگيانى لاستادى، ولاردى، ءسوز جوق، باتىل تۇردە ادا - كۇدە تازالاۋ كەرەك.

  قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ءالى دە اناعۇرلىم كوپ كۇرەس جاساۋعا، بوداۋ بەرۋگە تۋرا كەلەدى. ءبىزدىڭ پارتيالى كادرلار، اسىرەسە، باسشى كادرلار جونىنەن العاندا، ولاردا بولاتتاي قۇرىش يىق بار ما، جوق پا، جاۋاپكەرشىلىك ارقالاۋعا، كۇرەسۋگە باتىل رۋح بار ما، جوق پا، ءتىپتى دە ماڭىزدىسى «ءۇش ءتۇرلى كۇشپەن»، «ەكىبەتكەيلەرمەن» كۇرەس بارىسىندا ىرىقتىلىقپەن ىسكەرلىك كورسەتتى مە، جوق پا، بۇل ءارى ءبىزدىڭ ادالدىعىمىزدىڭ «پاكتىگىن»، سەنىمىمىزدىڭ «بيىكتىگىن» سىناۋدا ءارى پارتيالى كادرلاردىڭ جاۋاپكەرشىلىك ارقالاۋداعى «تەرەڭدىگىن» سىناۋدا. باتىل، بەكەم تۇردە «ءۇش ءتۇرلى كۇشكە»، «ەكىبەتكەيلەرگە» قارسى سايىس جاريالاۋ، ولاردى باتىل تۇردە ورتاعا سۇيرەپ الىپ شىعىپ، ادا - كۇدە تازالاۋ ءاربىر پارتيالى كادردىڭ ساياسي جاۋاپكەرشىلىگى.

  پارتيالى باسشى كادر رەتىندە، مەن ءوزىمنىڭ ساياسي ساپامدى شىڭاپ، باستاماشىلدىقپەن باتىل ءۇن قاتىپ، ايقىن پوزيتسيا ءبىلدىرىپ، «ءۇش ءتۇرلى كۇشپەن»، «ەكىبەتكەيلەرمەن» ولىسپەي - بەرىسپەيتىن كۇرەس جۇرگىزەمىن. ءوزىم اتويلاپ الدا ءجۇرىپ قالماستان، ءار ۇلت كادرلارى مەن بۇقاراسىن جاۋعا بىرگە كەكتەنۋگە، جۇرەكتىلىكپەن العا ىلگەرىلەۋگە، «ءۇش ءتۇرلى كۇشكە»، «ەكىبەتكەيلەرگە» قارسى كۇرەستە قوعام ورنىقتىلىعى مەن باياندى تىنىشتىق باس نىساناسىن ارقاۋ ەتە ىرىقتىلىقپەن ىسكەرلىك كورسەتۋگە ونان ارى باستايمىن. دۇنيەگە، ومىرگە، قۇنعا كوزقاراس سىندى وسى «باس تەتىكتى» قاتايتىپ، ساياسي تۇرعىم مەن ساياسي بەتالىسىمدى بەرىكتەپ، ءوزىمدى پارتياعا، وتانعا ارنايتىن، پارتيانىڭ، وتاننىڭ ءۇمىتىن اقتايتىن وسكەلەڭ سانالىلىعىمدى كۇشەيتىپ، ساياسيدا اڭعارلى ادام، ءداۋىردىڭ قايتپاس باتىرى، ناعىز ەر بولامىن، ماقۇلباي بولمايمىن، ءدۇدامال ادام بولمايمىن، شينجياڭ قىزمەتىنىڭ باس نىساناسىن تىعىز ارقاۋ ەتىپ، ۇيتقىعا، پارتياعا، وتانعا ادال بولىپ، پرينسيپتەن جازباي، باتىلدىقپەن جاۋاپكەرشىلىك ارقالاپ، ۇلكەن دۇرىس پەن ۇلكەن بۇرىس ماسەلەسى الدىندا استە ءدۇدامال بولمايمىن، سولقىلداقتىق ىستەمەيمىن، جۇرەكتىلىكپەن العا شىعىپ، تۋىم ايقىن تۇردە «ءۇش ءتۇرلى كۇشكە»، «ەكىبەتكەيلەرگە» قارسى ەڭ سوڭىنا دەيىن كۇرەس جۇرگىزەمىن.

  قازىر شينجياڭ «ءۇش مەزگىل قاباتتاسقان» ەرەكشە كەزەڭدە تۇر، «ءۇش ءتۇرلى كۇشتىڭ»، «ەكىبەتكەيلەردىڭ» بىزبەن بۇقاراعا تالاسۋ كۇرەسى ەرەكشە قيان - كەسكى، «ءۇش ءتۇرلى كۇشتىڭ» قالدىق - سارقىنشاقتارىنا، «ەكىبەتكەيلەردىڭ» قاسكۇنەم اككىلىگىنە قاراتا ءبىز، ءسوز جوق، «ءتورت تانىمدى» بەرىك ورناتىپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل، بەكەم دايەكتىلەندىرۋىمىز، تياناقتاندىرۋىمىز كەرەك، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارىن» دايەكتىلەندىرىپ، تياناقتاندىرىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە تۋىمىز ايقىن بولىپ، اتويلاپ الدا ءجۇرۋىمىز، بۇقارانى باستاۋدا، تاربيەلەۋدە ونەگە بولىپ، ۇلگى ارقىلى جەتەكتەپ، «ءۇش ءتۇرلى كۇشتىڭ»، «ەكىبەتكەيلەردىڭ» ناعىز كەيىپ - كەسپىرىن تۇبەگەيلى اشكەرەلەپ، بولشەكتەۋشىلىككە، ۇشقارىلىققا، زورلىقتى كۇشكە قارسى تۇراتىن جاقسى كادر بولۋىمىز كەرەك.

  زاڭ - ءتارتىپتى قاستەرلەپ، زاڭنىڭ، ءتارتىپتىڭ وتكىر قانجارىن سەرت ۇستاپ، ونى «ءۇش ءتۇرلى كۇشكە»، «ەكىبەتكەيلەرگە» كەزەۋىمىز كەرەك. فاكت «ءۇش ءتۇرلى كۇش»، «ەكىبەتكەيلەر» الاستالمايىنشا، قوعامدى ورنىقتىرۋدىڭ، باياندى تىنىشتىقتى جۇزەگە اسىرۋدىڭ قيىنعا تۇسەتىندىگىن تولىق دالەلدەدى. شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى باياندى كوركەيتىپ جاتقان بۇگىنگى كۇندە ءبىز بولشەكتەۋشىلىككە قارسى كۇرەستىڭ زاڭ قانجارىن، ءتارتىپ قانجارىن باستان - اياق سەرت ۇستاپ، «ءۇش ءتۇرلى كۇشتى»، «ەكىبەتكەيلەردى» ادا - كۇدە الاستاپ، ءتۇپ تامىرىمەن قوپارا جويىپ، ولارعا اياق باسار ءارقانداي جەر قالدىرماي، ۇلتتىق بولشەكتەۋشىلىككە قارسى قۇرىش قورعان، بەرىك قامال ورناتۋىمىز كەرەك.

  مەن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دانىشپان شەشىمدەرى، اۆتونوميالى رايوندىق پارتكومنىڭ ورنالاستىرۋلارى، ءار ۇلت كادرلارىنىڭ جاۋاپكەرشىلىك ارقالاۋى مەن قاجىماس - تالماس جىگەرى، ءار ۇلت بۇقاراسىنىڭ بار كۇشپەن قولداۋى باردا، ءبىزدىڭ لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاسىنىڭ جالپى بەتتىك جەڭىسىنە قول جەتكىزۋ قادامىمىزدى ەشكىم دە توسا المايتىندىعىنا، «ءۇش ءتۇرلى كۇشتىڭ»، «ەكىبەتكەيلەردىڭ» بارلىق قاسكۇنەمدىگى تۇبەگەيلى جەڭىلىسپەن تىناتىندىعىنا، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنىڭ، ءسوز جوق، جۇزەگە اساتىندىعىنا كامىل سەنەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.