تاياۋدان بەرى، امەريكا، سونداي-اق باتىستاعى ساياسي الاياقتار، مەديالار جۇڭگونىڭ شينجياڭدى جونگە سالۋىنا ۇزدىكسىز شابۋىل جاسادى، ولار شينجياڭدا «ادامدىق ۇقىققا كەڭ كولەمدە سۇعاناقتىق جاسادى» دەگەندى ۋاعىزداپ، شينجياڭدى «توبەسى اشىق ۇلكەن تۇرمە» دەپ قارالادى، شينجياڭنىڭ جۇمىستارىنا كيلىگىپ، شينجياڭدى جونگە سالۋعا اۋرەشىلىك تۋدىرىپ، وڭاي قولعا كەلمەگەن ورنىقتىلىقتى تاعى ءبىر رەت بۇلدىرۋگە ۇرىندى.
كوپشىلىككە ايان، الدىڭعى جىلداردا، شينجياڭدا اۋىر زورلىقتى كۇش لاڭكەستىك ۋاقيعالارى تۋىلدى، ۇشقارىلىق يدەيا بارعان سايىن ءورشىدى، كەيبىر جاستاردىڭ يدەياسى ۋلانىپ، ءتىپتى زورلىقتى كۇش لاڭكەستىك ۇيىمى جاعىنان تىزگىندەلدى. وتكەن ءبىر مەزەتتە، زورلىقتى كۇش لاڭكەستىك ۋاقيعاسى شينجياڭدا ارت-ارتىنان تۋىلىپ قانا قالماي، از ساندى زورلىقتى كۇش لاڭكەستىك ەلەمەنتتەرى ىشكى ولكەلەرگە قاشىپ بارىپ، بەيجيڭ جينشۇيچياۋ مەن كۇنميڭ ۆوگزالىندا جان تۇرشىگەرلىك لاڭكەستىك شابۋىل جاسادى.
جاقىنعى ەكى جىلدا، شينجياڭنىڭ جاعدايىندا بۇرىلىس سيپاتتى وزگەرىس تۋىلدى، شينجياڭ سىرتىنداعى ەلىمىزدىڭ باسقا رايوندارىندا زورلىقتى كۇش لاڭكەستىك سەسىن جويىپ قانا قويماي، شينجياڭنىڭ اماندىق جاعدايى دا تۇبىرىنەن وڭالدى. زورلىقتى كۇش لاڭكەستىك كۇشتەردىڭ ەسىرۋىن الاستاپ، بەيبىت حالىق بۇقاراسىنىڭ ۇشىراعان زورلىقتى كۇش لاڭكەستىك سەستەرى نەگىزىنەن جويىلىپ، بەيبىت، ورنىقتى تۇرمىس بەت-بەينەسى تۇتاس شينجياڭ كولەمىندە قايتا قالپىنا كەلدى.
بۇل ناتيجەگە جەتۋ ءۇشىن، شينجياڭنىڭ جالپى قوعامى زور قۇرباندىق بەردى، ءار ۇلت كادرلارى مەن بۇقارا ءبارى بوداۋ بەردى دەۋگەدە بولادى. پارتيانىڭ پارمەندى باسشىلىعى بولعاندىقتان، ەلىمىز قۇدىرەتتى بولعاندىقتان، جەرگىلىكتى كادرلار باتىلدىقپەن جاۋاپكەرشىلىك ارقالاپ، شينجياڭدى اۋمالى-توكپەلىلىكتەن امان الىپ قالدى. ول «جۇڭگوداعى سيريا» نەمەسە «جۇڭگوداعى ليۆيا» تاعدىرىنا اينالىپ قالۋدان ساقتادى، سان مىڭداعان ادام ءولىپ، سانسىز وتباسىنىڭ ويران بولۋ سىندى ايانىشتى كەشىرمەنىڭ الدىن الدى. بۇگىنگى شينجياڭدا كۇن شۇلەن شۇعىلاسىن شاشىپ تۇر، قوعام زاڭمەن وڭاۋ جانە ۇلتتار ىنتىماعى ۇلى پرينسىپىن ارقاۋ ەتىپ، ساياحات سىندى ءار سالا قالپىنا كەلىپ، بولاشاق ۇمىتكە تولدى.
شينجياڭنىڭ قازىرگى تىنىش، ورنىقتى جاعدايى جوعارى كۇشەمەلىكتەگى جونگە سالۋدىڭ ۇلەسى ەكەندىگىندە ايتار جوق، شينجياڭنىڭ قاي جەرىندە بولسىن، ساقشىلاردى جانە اماندىق قورعاۋشىلاردى كەزدەستىرۋگە بولادى. ولار شينجياڭنىڭ قازىرگى جاعدايىنداعى ءبىر ءتۇرلى تۇسىنىك، ءبىراق، بۇل شينجياڭدى بەيبىت، گۇلدەنگەن ەتىپ قۇرىپ شىعۋدا ءسوزسىز باستان كەشىرەتىن توتەنشە بەلەس، سونداي-اق بۇدان بىلايعى بىرتىندەپ كەڭ جونگە سالۋدا ءسوزسىز باسىپ وتەتىن باسقىش.
باتىستىڭ كەيبىر كۇشتەرى كوز الداعى شينجياڭدى جونگە سالۋدى قارالادى، جەڭىل ايتقاندا، ولار ناقتى جاعدايدى تۇسىنبەي تۇرىپ، اۋىزىنا كەلگەنىن ايتتى. سالماقتىراق ايتقاندا، ولار جات نيەتپەن شينجياڭنان ماسەلە ىزدەدى، ماقساتى — سىرتقى كۇشتەر ارقىلى باسىم بەرىپ، شينجياڭ قوعامىنىڭ كەزەكتەگى جونگە سالۋداعى يدەيالوگيا تانىمىنا بۇزعىنشىلىق جاساپ، شينجياڭداعى كادرلار مەن بۇقارالاردى قورقىتىپ، شينجياڭدى ءىس جۇزىندىك جاعدايعا نەگىزدەلىپ جونگە سالۋعا توسقىندىق جاسادى.
باتىستىڭ مۇنداي جاماعات پىكىرى باسىمدىلىعى بۇدان كەيىن بارعان سايىن ارتا تۇسەتىنى انىق، ۇشقارى كۇشتەردىڭ قىسىم تۇسىرەتىن جاڭا ايلاسىن نازاردان تىس قالتىرۋعا بولمايدى. ءبىز شينجياڭدى جونگە سالۋداعى سىرتقى جاماعات پىكىرى ورتاسىنىڭ ءتىپتى دە ناشارلاۋىنا قاراتا يدەيالىق دايىندىقتى جاقسى ىستەۋىمىز كەرەك.
شينجياڭداعى ٴار ۇلت كادرلارى، بۇقارا، سونداي - اق ەلىمىزدىڭ جالپى قوعامى باتىس كۇشتەرىنىڭ ۇشكىرتۋى مەن قىسىمىنىڭ اسەرىنە مۇلدە ۇشىراماۋى كەرەك، شينجياڭنىڭ قازىرگى تىنىش، ورنىقتى جاعدايىن ساقتاۋ — ٴار ۇلت حالقى مەن بۇكىل جۇڭگو حالقىنىڭ وزەكتى مۇددەسىنە بارىپ سايادى. شينجياڭ جاعدايىنىڭ ءىس جۇزىندە جاقسارۋىن جۇزەگە اسىرۋ، جەرگىلىكتى حالىقتىڭ باقىتىن قورعاۋىمەن سالىستىرعاندا، باتىستىڭ ءسوزى ەشقانداي نەگىزى جوق، ءبىز باتىستىڭ قيسىنسىز سوزىندەرىنە قاراتا، كوزگە ىلمەۋ پوزيتسياسىندا بولىپ، قايىسپاس قايسار رۋحتى جەتىلدىرۋىمىز كەرەك.
شينجياڭ جاعدايىنداعى بۇرىلىس سيپاتتى وزگەرىس ءبىر ۇلكەن تراگەديانىڭ الدىن الىپ، سانسىزداعان جاندى اجالدان اراشالاپ قالدى، بۇل جۇڭگونىڭ زاڭمەن باسقارۋى قۇدىرەتتى بولعاندىعىنىڭ، كوممۋنيستىك پارتيانىڭ بيلىك جۇرگىزۋدەگى پارمەندى ناتيجەسىنىڭ ارقاسى، باتىستىڭ سول ءبىر ۋاعىزدامالارى قانشاما كوپ ۇلتتى مەملەكەت پەن رايونداردى ويراندادى، سول ۋاعىزدار شينجياڭدا اۋىر جۇعىمدالا باستاعاندا، ءدال ۋاعىندا تيىم سالىندى.
شينجياڭ ءبىر ەرەكشە باسقىشتا تۇر، شينجياڭدا باتىستىڭ بۇزعىنشىلىق سيپاتتى جاماعات پىكىرىنە ورىن جوق. ءبىز باتىل تۇردە سىرتقى كۇشتەردىڭ شينجياڭدا جالبىزبالاپ كىرۋىن باتىل تۇردە ىعىستىرىپ، تازالاپ شىعارۋىمىز كەرەك. شينجياڭنىڭ تىنىشتىعى مەن ورنىقتىلىعى بارىنەن ۇستەم، وسىنى نىسانا ەتە وتىرىپ، ءتۇرلى تاسىلدەرمەن سىناپ كورۋگە بولادى، ناقتى ءونىمى كورنەكتى بولعانداردى قورىتىندىلاپ، جالپىلاستىرۋ كەرەك. ءبىز ءبىر سەنىمدە بەرىك تۇرۋىمىز كەرەك: شينجياڭدا جانە دە بۇلگىنشىلىك تۋىلۋعا جول قويماۋ — ەڭ جوعارى كىسىلىك ۇقىق.
شينجياڭ — جۇڭگونىڭ تەرريتورياسى، شينجياڭدا كوممۋنيستىك پارتيانىڭ باسشىلىعى، جۇڭگونىڭ زاڭى اتقارىلادى. بارلىق ادامعا انىق بىلدىرەتىنىمىز، كىم دە كىم شينجياڭدا زورلىقتى كۇش قارسىلىق كورسەتسە، سول قۇريدى، مەيلى باتىس كۇشتەرى بولسىن، ورتا شىعىستاعى قايسى ءبىر كۇشتەر بولسىن، ءبارى دە سەنىمسىز، ۇلتتار ىنتىماعى — شينجياڭنىڭ بولاشاقتاعى بىردەن ءبىر شىعار جولى. وسى تانىمدى شينجياڭنىڭ نەگىزگى ساتىلارىنا جالپىلاستىرىپ، جالپى شينجياڭ قوعامى بۇعان كامىل سەنىمدە بولۋى كەرەك، وسىنداي بولعاندا عانا، ۇشقارىلىق تۇبەگەيلى جويىلادى.
شينجياڭعا قاراتىلعان بۇل جولعى جونگە سالۋ — جالپى جۇڭگونى جونگە سالۋداعى ءبىر ءىرى شايقاس، بۇكىل ەل حالقى شينجياڭداعى ءبىرىنشى شەپتە كۇرەس جاساپ جاتقان كادرلاردى، بۇقارانى باتىل قولداپ، ولاردى تولىق ءتۇسىنۋى، ولارعا كەشىرىمشىل بولۋى، ولارعا رەنجىمەۋى، ءشانشۋ ءسوز سويلەمەۋى، اسىرەسە باتىستىڭ وتىن جەلپىمەۋى كەرەك. قايتا، شينجياڭدا ساياحاتتاۋ، شينجياڭ ونىمدەرىن كوبىرەك ساتىپ الۋ سىندى شامامىز كەلەتىن ىستەر ارقىلى شينجياڭدى جونگە سالۋ ناتيجەلەرىن قولداپ، شينجياڭنىڭ جوعارى كۇشەمەلىكتەگى جونگە سالۋدان قالىپتى تۇردە جونگە سالۋعا وتۋگە ۇلەس قوسۋىمىز كەرەك.
