ءماريام ءابدىقادىر ءوزىنىڭ ءسوزدى جاقسى سويلەي المايتىندىعىن، قوناقتارعا بالكۇلشەنىڭ ءدامىن تاتقىزۋ ارقىلى سويلەسەتىندىگىن ايتتى.
7-ايدىڭ 27-كۇنى، مەديا تىلشىلەرى ءماريامنىڭ ءۇرىمجى قالاسى ليجيڭۋان اۋماعىنان اشقان بالكۇلشە دۇكەنىنە كەلدى، ءماريام كوپشىلىككە ءوزى زەرتتەپ جاساعان قايماق قوسىلعان بولكا، سارى ماي بولكاسى قاتارلىلاردىڭ ءدامىن تاتقىزدى. ول ءبىر قوراپتالعان ءونىمدى اشىپ: «بۇل مەنىڭ ءوزىم زەرتتەپ جاساعان كوپ ءتۇرلى ءدامدى تاۋىق ەتى، ەشقانداي قوسپا جوق، ساقتاۋ مەرزىمى 90 كۇن»،-دەدى.
بالكۇلشە دۇكەنىنىڭ ساقا قىزمەتكەرى انارگۇل ابدۇراحمان تىلشىگە ءماريامنىڭ جاپاعا توزىمدىلىگىنە ءتانتى بولاتىندىعىن، ونىڭ رۋحىنان ۇيرەنەتىندىگىن ايتتى. بيىل 33 جاستاعى ءماريام تەك تولىقسىز ورتا مەكتەپ ساۋياسىنا يە، ءبىراق ونىڭ بالكۇلشە دۇكەنىن اشقانىنا 3 جىل بولدى. ءاۋ باستا تەك 30 ءتۇرلى عانا ءتاتتى تاعام جاساي الاتىن، قازىر 87 ءتۇرلى جاساي الادى.
ءماريامنىڭ جولداسى مەن قىزمەتكەرلەرىنە جۇمىس ءبولىسىن جاساپ جۇرگەنىن كورگەن اناسى تابىس سەزىمىنە بولەندى. 14 جىلدىڭ الدىندا، ول ءماريامدى ۇرىمجىگە اكەلگەندەگى ەڭ ۇلكەن ارمانى وعان ءبىر جاقسى قىزمەت تابۋ ەدى. قىزىنىڭ كاسىپ جاراتىپ، وزىمەن قاتارلاس اپەكە-سىڭىلىلەرىمەن بىرگە «سۇيىكتى كاسىبىنە» تيجارات ەتەتىندىگى ءۇش ۇيقتاسادا تۇسىنە كىرمەگەن بولاتىن.
2004-جىلدىڭ الدىندا، ءماريام تۋعان جەرى اۋات اۋدانىنىڭ اۋىل-قىستاعىندا تۇرمىس كەشىرگەن. كەيىن، ۇرىمجىگە كەلىپ اناسىمەن تابىسىپ، بالكۇلشە دۇكەنىنە شاكىرت بولادى.
شاكىرت كەزىندەگى اقىسى تەك 350 يۋان عانا بولاتىن، ونىڭ ءۇيى مەن بالكۇلشە دۇكەنىنىڭ ارالىعى الىس بولعاندىقتان اۆتوبۋز الماستىرۋعا تۋرا كەلەتىن، اقشا ۇنەمدەۋ ءۇشىن ول 2 كيلومەتر جول باسىپ كەلىپ عانا اۆتوبۋزعا تۇسەتىن.
بالكۇلشە دۇكەنىندە ءار كۇنى بالكۇلشە جاساۋدان ماتەريالدار اسىپ قالاتىن، ءماريام تۇسكى تاماق الىپ ىشۋگە اقشاسىن قيماي، اسىپ قالعان ماتەريالداردى جەيتىن. بۇلاي ىستەگەندە، اقشا ۇنەمدەپ قانا قالماي، بالكۇلشەنىڭ ءدامى مەن قاجەتتى ماتەريالداعا قانىق بولا تۇسەدى.
ءماريام تاباندىلىقپەن 4 جىل ۇيرەنىپ، كەرەمەت ونەر جانە 12 مىڭ يۋان اقشا جيناپ، بۇل دۇكەننەن كەتەدى. سىناپ كورۋ نيەتىمەن بالكۇلشە دۇكەنىن اشۋ ويىنا كەلەدى.
ءبىراق، ءدال وسى مەزگىلدە ونىڭ بالاسى كەنەت اۋرىپ قالادى. بالاسىنىڭ ناۋقاسىن ەمدەتكەننەن كەيىن، ونىڭ جيناعان اقشاسى دا تاۋسىلادى، جولداسىمەن بىرگە جۇمىس ىستەي ءجۇرىپ اقشا جيناۋدان باسقا امال قالمايدى.
2009-جىلى، جيناعان 6000 يۋان اقشاسىمەن ءماريام ليۋداۋاننان بالكۇلشە دۇكەنىن اشادى. ول بالاسىن جولداسىنا قاراتىپ، ءوزى ەرتە تۇرىپ، كەش جاتىپ بالكۇلشە جاسايدى. ول شاكىرت بولىپ جۇرگەن كەزىندە ەلپەكتىكتى ۇيرەنگەن ەدى، باسقالار ءبىر ساعاتتا 30 دا 35 باقالي (وزگەشە بالكۇلشە) جاساسا، ول ءبىر ساعاتتا 57 ۇلەس جاسايدى.
جاسالاتىن بالكۇلشەنىڭ ءتۇرى كوپ، ءدامى ءتىل ۇيىرەتىن، زات تولىق بولعانىقتان، ءماريام جاساعان بالكۇلشە ءتىپتى دە كوپ دۇكەندەر مەن ەرەن بازارلارعا سالىندى. ونىڭ دۇكەنىنىڭ كولەمى كەڭەيىپ، 3-تارماق دۇكەنىن اشتى.
«مەيلى قاي كەزدە بولسىن، ادام قۇلشىنۋى كەرەك. مەن وسى كاسىبىمنىڭ كولەمىن ءتىپتى دە كەڭەيتەمىن، ءتىپتى دە كوپ اپەكە-سىڭىلىلەرىمدى وسى ‹سۇيىكتى كاسىبىمە› قاتىناستىرامىن»،-دەدى ءماريام.
