ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

اباباكىردىڭ بەيجيڭدىك تۋىسى

ءتىلشىمىز حي حۇڭۋي

  8 - ايدىڭ 11 - كۇنى حوتان قالاسى جييا اۋىلى سۋيالاڭگار قىستاعىنىڭ تۇرعىنى اباباكىر قادىردىڭ وتباسى دۋمانعا بولەندى، ۇستەلدى ءدامى ءتىل ۇيىرەتىن جەمىس - جيدەكتەرمەن، ساڭزىمەن تولتىرىپ تاستاپتى. ۇعىسساق، بەيجيڭدىك ما اعاي كەلەدى ەكەن، اباباكىردىڭ ايەلى تۇرسىنگۇل ۇبۇلقاسىم تاڭەرتەڭنەن بەرى قاتتى قاربالاستىققا ءتۇستى.

  «اباباكىر باۋىرىم، تاياۋدان بەرى دەنساۋلىعىڭ كورىم بولىپ قالدى ما؟»، «ما اعا، جاقىننان بەرى ءتاۋىر بولىپ قالدىم»، كەزدەسە سالا اباباكىرمەن بەيجيڭ قالاسىنان شينجياڭعا باعىتتامالى كومەككە كەلگەن، حوتان قولباسشىلىق شتابى كەڭسەسىنىڭ ورىنباسار مەڭگەرۋشىسى ما ۋيلي قۇشاقتاسا امانداستى.

  «قاز باعۋ وتە وڭاي، وسى جولى ساعان قاز بالاپانىن الا كەلدىم». ما ۋيلي قاز بالاپانىنا قوسا ءدارى - دارمەك، ۇن، كۇرىش، ماي جانە عىلىم جالپىلاستىرۋ كىتاپتارىن اكەلىپتى. «تۋىسىمنىڭ وتباسى بالكىم اسقازان ءدارىسى، تۇماۋ ءدارىسى، ىسىك قايتارۋ ءدارىسى سياقتى ۇنەمى قولدانىلاتىن دارىلەردى قاجەت ەتەتىن شىعار دەپ الىپ كەلدىم، بالالارىنا دا وقيتىن كىتاپ كەرەك...».

  اباباكىردە بۇرىننان بەرى بەل ومىرتقاسى تومپايۋ ناۋقاسى بار بولاتىن، بىلتىر اۋرۋى اسقىنىپ، ارەڭ جۇرەتىن حالگە ءتۇسىپ، جەڭىل - جەلپى ەگىس جۇمىستارىن ىستەۋگە دە جاراماي قالىپ، ءبىر وتباسىنىڭ تىرلىگى ايەلىنىڭ موينىنا تۇسەدى.

  ما ۋيلي اباباكىر باۋىرىنىڭ وتباسىنداعى قيىنشىلىعىن شەشۋدى كوپ ويلادى. باعىمشىلىق كووپەراتيۆىنەن قاز بالاپانىن ساتىپ السا، باعىپ جەتىلدىرگەننەن كەيىن كووپەراتيۆ ءبىر تۇتاس قايتا ساتىپ الادى، قوساتىن قارجى از، ءونىمى تەز، ەڭبەككۇشتى ونشا قاجەت ەتپەيتىندىگىن بىلگەن سوڭ، ما ۋيلي لوپ اۋدانى دول اۋىلى ەكولوگيالىق قاز باعىمشىلىق بازاسىنان تۋىسىنا 20 قاز بالاپانىن تاڭداپ ساتىپ الادى. تاعى سول بازادان 10 كيلوگرام سورتتى جەم ساتىپ الىپ، تۋىسى قازدى جاقسى باقسىن دەپ بەرەدى.

  قاز بالاپاندارىن اكەلگەن سوڭ، ما ۋيلي قىزمەتتەستەرىمەن بىرگە قاز قوراسىن سالۋعا كىرىسەدى. قازىق قاعىپ، شارباقپەن قورشاپ، ەسىك شىعارىپ، كولشىك قازىپ قاربالاس بولعان ولار اباباكىردىك ارتقى اۋلاسىنان قاز قوراسىن سالىپ بىتىرەدى، 20 بالاپان دا جاڭا قوراعا جايعاسادى.

  «وسى جەرگە قاز قوراسىن سالاردا، ءبىز الدىمەن جوبا جاسادىق، مىنا ارا ءبىرشاما كەڭ، سۋعا دا جاقىن، بالاپانداردىڭ ءوسىپ - جەتىلۋىنە وتە ۇيلەسەدى»، - دەدى ما ۋيلي.

  اباباكىر: ما اعام كوپ كومەكتەستى، ماعان جوسپار جاساپ، قاز بالاپانىن ساتىپ الىپ بەرىپ، قوراما دەيىن جوندەپ بەردى، - دەدى.

  «ءبىراز ۋاقىت باققاننان كەيىن، باعىمشىلىق كووپەراتيۆى قايتادان ساتىپ الادى، مىنا 20 قازدى 2000 يۋانعا ساتۋعا بولادى، سونىڭ ءبىراز اقشاسىن جۇمساپ تاعى 20 بالاپان ساتىپ السا، اباباكىر باۋىرىمنىڭ تۇرمىسى كۇن سايىن جاقسارادى»، - دەدى ما ۋيلي.

  ما ۋيلي قاز باعىمشىلىق بازاسىنان ۇيرەنگەن باعىمشىلىق بىلىمدەرىن اباباكىر مەن ايەلىنە ءبىر - بىرلەپ تۇسىندىرەدى، قانداي ماسەلەگە جولىقسا دا تەلەفون بەرىپ سۇراۋىن تاپسىرادى.

  اباباكىردىڭ بەل اۋرۋىنىڭ ازابىن تارتىپ جۇرگەنىن كورىپ، ما ۋيليدىڭ جانى قاتتى اشيدى. «بەيجيڭ جيشۇيتان شيپاحاناسىنىڭ سۇيەك ءبولىمىنىڭ ءبىر شيپاگەرى حوتانعا كومەككە كەلگەن، تابىلمايتىن وراي، ەرتەڭ ەكەۋىمىز بىرگە بارىپ كەلەيىك».

  «ما اعا، سىزگە العىس ايتامىن، ءسىز مەنىڭ بەيجيڭدىك تۋىسىمسىز»، - دەيدى اباباكىر اسەرلەنىپ.

  سودان تۋىستار اڭگىمەگە كىرىسىپ كەتتى. «ميھىربان ءان - بيگە اۋەس، ەسەيگەندە بەيجيڭنەن داشۋە وقىسا قانداي جاقسى بولار ەدى، مەن وقىتۋعا جاۋاپتى بولامىن»، - دەيدى ما ۋيلي.

  ما ۋيلي اباباكىردىڭ 7 جاستاعى كىشى قىزى ميھىرباندى ءوز قىزىنداي كورەدى. «كەيىن ساعان بەيجيڭدى كورسەتەمىن»، - دەدى ما ۋيلي.
 قوشتاسار كەزدە، اباباكىر وتباسىنداعىلار ما ۋيليگە قول بۇلعاپ قيماستىقپەن قوشتاستى، ميھىربان دا ونى قيماي: «اكە، اكە...»، - دەپ ايعايلاپ قالا بەردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى