تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

جاڭا ءداۋىردىڭ ءۇمىتىن اقتايتىن كاسىپورىنشى بولامىن

  − شينجياڭ حۋاليڭ ونەركاسىپ - ساۋدا (توبى) شەكتى سەرىكتەستىگى پارتكومىنىڭ شۋجيى گو شياڭياڭ جونىندە

ءتىلشىمىز شى شين

  «كاسىپورىن دامۋ بارىسىندا، تەك قوعامدىق جاۋاپكەرشىلىكتى سانالى تۇردە ارقالاعاندا عانا، ەكونوميكالىق ونىمدىلىك پەن قوعامدىق ونىمدىلىككە بىردەي قول جەتكىزىپ، عاسىرلىق نەگىز قالايدى»، - دەدى 7 - ايدىڭ 21 - كۇنى شينجياڭ حۋاليڭ ونەركاسىپ - ساۋدا (توبى) شەكتى سەرىكتەستىگى پارتكومىنىڭ شۋجيى گو شياڭياڭ.

  گو شياڭياڭ 1992 - جىلى حۋاليڭ ونەركاسىپ - ساۋدا (توبىنىڭ) توركىنى − ءۇرىمجى قالالىق حۋاليڭ ونەركاسىپ - ساۋدا شەكتى سەرىكتەستىگىنە كىرىپ، پارتيا ياچەيكاسىنىڭ شۋجيى مىندەتىن وتەگەن. تالاي جىلدان بەرى، ول سەرىكتەستىكتىڭ باسشىلىق القاسىنداعىلارمەن بىرگە بارلىق قىزمەتكەرلەردى باستاپ «شينجياڭدى تياناق ەتۋ، بۇكىل مەملەكەتكە قىزمەت كورسەتۋ، ازيا - ەۆروپاعا اسەر ەتۋ» سىندى دامۋ تۇپكى ماقساتىنا تاباندى بولىپ، «ەكونوميكانى زور كۇشپەن دامىتىپ، ۇلتتار ىنتىماعىن جەبەپ، قوعامعا بەلسەنە قارىمجى قايتارۋدى» كاسىپورىن قىزمەتىنىڭ وزەگى ەتتى: «قان جەتكىزىپ» سۇيەمەلدەۋدى كۇشەيتىپ، كەدەيلىكتەن قۇتىلۋدان قامال الۋدى دەمەدى؛ جىلۋ اتاپ، وقۋ - اعارتۋعا كومەك كورسەتىپ، جەتىم بالالاردىڭ اقاۋسىز ەرجەتۋىن قامتاماسىز ەتتى؛ بەلسەنە «سىرتقا شىعىپ»، حالىقارالىق بازاردى كەڭەيتتى.

  تىلشىلىك بارىسىندا، گو شياڭياڭ قايتا - قايتا: ءبىز ىستەۋگە ءتيىستى ىستەردى عانا ىستەدىك، - دەدى، ءتىلشى ونىڭ سوزدەرىنەن كوممۋنيستىك پارتيا مۇشەسىنىڭ شىن ىقىلاسىن جانە جاۋاپكەرشىلىك ارقالاۋ رۋحىن سەزىندى.

 «سۇيەمەلدەۋ»: 16 جىلدا 15 قىستاقتىڭ كەدەيلىكتەن قۇتىلۋىنا كومەكتەستى

  كەدەيلەردى سۇيەمەلدەۋ، قيىنشىلىعى بارلارعا كومەكتەسۋدە قالاي ىستەۋ كەرەكتىگى جونىندە گو شياڭياڭ ەكى مىسال كەلتىردى.

  لي لي جۇمىستان بوساعاننان كەيىن، سالماقتى ناۋقاسقا شالدىققان ۇلىن جالعىز باعىپ، شەشەسىنىڭ زەينەتاقىسىنا سۇيەنىپ، قالت - قۇلت ەتىپ كۇنەلتتى. حۋاليڭ ونەركاسىپ - ساۋدا (توبى) شەكتى سەرىكتەستىگى وعان ايرىقشا مامىلە جاساپ رەسمي قىزمەتكەر ەتىپ قابىلداپ، ايىنا 3000 يۋان ەڭبەكاقى بەردى ءارى ونىڭ نەگىزگى قىزمەتىن «ۇيدە بالا باعۋ» دەپ ايقىن تۇراقتاندىردى. سونىمەن قاتار، سەرىكتەستىك ارناۋلى ادام ورنالاستىرىپ، بالانىڭ اۋرۋ جاعدايىنا قاتىستى ماتەريالداردى ماماندارعا جولداپ بەرىپ، ەمدەۋ جوباسىن ىزدەستىردى ءارى سىرقاتتان ساۋىقتىرۋ ەمدەۋ جابدىقتارىن ساتىپ الىپ بەرىپ، بالانىڭ ساۋىعۋ جاتتىعۋىن جاساۋىنا كومەكتەستى.

  ەكىنشى مىسال، سىلتىسىزدەندىرۋ توعانىن قازۋ اڭگىمەسى ەدى.

  حۋاليڭ ونەركاسىپ - ساۋدا (توبى) شەكتى سەرىكتەستىگى وڭتۇستىك شينجياڭعا باعىتتامالى كومەكتەسەتىن تۇڭعىش توپتاعى حالىق باسقارۋىنداعى كاسىپورىننىڭ ءبىرى ەدى، سۇيەمەلدەيتىن قىستاعى كەريا اۋدانىندا بولاتىن. سەرىكتەستىك جەرگىلىكتى ورىنعا بارىپ تەكسەرۋ - زەرتتەۋ جۇرگىزۋ ارقىلى سۇيەمەلدەيتىن كەدەي قىستاقتىڭ جەرىنىڭ باسىم كوپ ءبولىمى حوتان ايماعىنىڭ شىعىس بولىگىنە، تاكلاماكان ءشولىنىڭ وڭتۇستىك جيەگىنە ورنالاسقاندىعىن، كوپتەگەن جەردە سۋ ىعىستىرۋ ىركىلىسسىز بولماۋ سەبەپتى كەڭ كولەمدى سازدىق قالىپتاسىپ، ەگىن سالۋعا جارامايتىندىعىن بايقادى.

  توپىراقتىڭ قاسيەتىن وزگەرتۋ ءۇشىن، ءسوزسىز، سىلتىسىزدەندىرۋ توعانىن قازۋ كەرەك. ايتسە دە قۇمداق توپىراقتى جەر قاسيەتىندەگى بۇل جەردىڭ جەر بەتى بورپىلداق بولعاندىقتان، ادام كۇشىمەن عانا ىستەسە، نەشە جىلدا دا قازىپ بولا المايتىن ەدى.

  «سول كەزدە مەيلى قانشا اقشا جۇمساساق تا، وسى قيىن ماسەلەنى ءبىر جايلى ەتەمىز دەپ بەل بايلادىق». گو شياڭياڭ بىلاي دەدى: 10 مىڭ مۋلىق سازدىقتى شارۋالاردىڭ كىرىسىن ارتتىراتىن ىرىستى الاپقا اينالدىرۋ ءۇشىن، سەرىكتەستىگىمىز ۇرىمجىدەن ءىرى تيپتەگى جەر قازۋ ماشيناسىن، اۆتوكولىگىن ارناۋلى جوتكەپ اكەلىپ، 4 جىلدا 6 ميلليون 800 مىڭ يۋان قارجى جۇمساپ، سۇيەمەلدەيتىن قىستاقتان جالپى ۇزىندىعى 120 كيلومەتر كەلەتىن سىلتىسىزدەندىرۋ توعانىن قازدى.

  گو شياڭياڭ بىلاي دەپ تانىستىردى: 2003 - جىلدان قازىرگە دەيىن حۋاليڭ ونەركاسىپ - ساۋدا (توبى) شەكتى سەرىكتەستىگى 15 قىستاقتىڭ كەدەي قىستاق «قالپاعىن» الىپ تاستاۋىنا كومەكتەستى. 2017 - جىلدىڭ سوڭىنا دەيىن حۋاليڭ ونەركاسىپ - ساۋدا (توبى) شەكتى سەرىكتەستىگى جىلۋ اتاپ، وقۋ - اعارتۋعا كومەكتەسۋ، كەدەيلەردى دالمە - ءدال سۇيەمەلدەۋ، قوعامدىق الەۋمەتتىك يگىلىك ىستەرىن قولداۋ سياقتى جاقتاردا جيىنى 100 ميلليون يۋانعا تاياۋ اقشالاي، زاتتاي جىلۋ اتاعان.

 «ەنگىزۋ»: نەشە 10 ميلليون يۋان قارجى قوسىپ، يگىلىك مەكتەبىن قۇردى 

  27 جاستاعى تۇنيساگۇل توقتى حۋاليڭ ونەركاسىپ - ساۋدا (توبى) شەكتى سەرىكتەستىگىنىڭ ەكىنشى قول اۆتوكولىك بازارىنىڭ قىزمەتكەرى. قىزمەت ارەدىگىندە ول تىلشىگە گو شياڭياڭنىڭ ۇيىندە تۇرعانداعى كۇندەرىن اڭگىمەلەدى.

  تۇنيساگۇل توقتى جەتىم بالا ەدى، 10 جاسىندا حۋاليڭ ونەركاسىپ - ساۋدا (توبى) شەكتى سەرىكتەستىگى ونى اقتاۋ اۋدانىنداعى بالالار يگىلىك ورنىنان اسىراپ العان، 14 جاسىنان باستاپ 21 جاسىندا داشۋە بىتىرگەنگە دەيىن گو شياڭياڭنىڭ ۇيىندە تۇرعان ول گو شياڭياڭدى جەزدە اعا دەپ اتايتىن. «ولار بارلىق اتا - انا سياقتى وقىپ جۇرگەنىمدە ۇيرەنۋىمە باس قاتىردى، وقۋ تاۋىسقاننان كەيىن قىزمەتىمە شاپقىلادى، كەيىن ومىرلىك ءىسىمنىڭ كۇيبەڭىنە ءتۇستى، قازىر مەن ۇيلەنىپ، بالالى بولدىم. جەزدە اعامنىڭ جانە وتباسىنداعىلارىنىڭ قامقورلىعىنا ماڭگى العىس ايتامىن، بۇل مەنىڭ بۇگىنگى كۇنى باقىتتى تۇرمىسقا كەنەلە الۋىمنىڭ نەگىزى».

  تۇنيساگۇل توقتى سياقتى حۋاليڭ ونەركاسىپ - ساۋدا (توبى) شەكتى سەرىكتەستىگى قارجىلاي كومەك كورسەتىپ تاربيەلەپ، جەتىلدىرگەن جيىنى 504 جەتىم بالا بار، ولار بۇكىل شينجياڭداعى 14 ايماق، وبلىس، قالادان، 47 اۋدان قالادان كەلگەن، 12 ۇلتتان قۇرام تاپقان. وسى ءۇشىن حۋاليڭ ونەركاسىپ - ساۋدا (توبى) شەكتى سەرىكتەستىگى ارناۋلى نەشە 10 ميلليون يۋان قارجى قوسىپ، وقىتۋ مەن تۇرمىستى قامتاماسىزداندىرۋ ءبىر تۇلعالاندىرىلعان حۋاليڭ يگىلىك مەكتەبىن قۇردى. گو شياڭياڭ بىلاي دەدى: يگىلىك مەكتەبىن قۇرۋداعى ماقساتىمىز − وسى جەتىم بالالاردى العىس ايتا بىلەتىن، ارمانى، تالپىنىسى بار جارامدى دارىندى ەتىپ جەتىلدىرۋ.

 «سىرتقا شىعۋ»: «ءبىر بەلدەۋ، ءبىر جول» باستاماسىنا ءۇن قوسىپ، شەتەل بازارىن كەڭەيتتى

  تبيليسي تەڭىزى ساۋدا الاڭى گرۋزيا حۋاليڭ حالىقارالىق ەكونوميكالىق ەرەكشە رايونىنىڭ نەگىزگى نىسانى، بىلتىر 9 - ايدا تيجارات باستاعاننان بەرى، قارا تەڭىز ماڭىنداعى، ەۆروپاداعى جانە كاۆكاز وڭىرىندەگى نەشە 10 مەملەكەتتەن ءتۇرلى تاۋارلاردى بولشەك ساتاتىن 10 مىڭنان ارتىق ساۋداگەردى وسىندا كەلىپ تاۋار ساتىپ الۋعا، ءتۇيىن قۇرۋعا باۋرادى.

  «ءبىر بەلدەۋ، ءبىر جول» باستاماسىنا بەلسەنە ءۇن قوسقان حۋاليڭ ونەركاسىپ - ساۋدا (توبى) شەكتى سەرىكتەستىگى «سىرتقا شىعۋ» ارقىلى حالىقارالىق بازاردى كەڭەيتتى. 2007 - جىلدان قازىرگە دەيىن گرۋزيادا جيىنى 600 ميلليون دوللاردان ارتىق قارجى قوسىپ، جەرگىلىكتى ورىنعا 3500 جۇمىس ورنىن ازىرلەپ، گرۋزياداعى شەتەل قارجى قوسقان ەڭ ۇلكەن كاسىپورىنعا اينالدى.

  قازىر گرۋزياداعى حۋاليڭ حالىقارالىق ەكونوميكالىق ەرەكشە رايونى، حۋاليڭ باسيس بانكەسى، حۋاليڭ ەركىن ونەركاسىپ باقشا رايونى سياقتى نىساندار شينجياڭ كاسىپورىندارىنىڭ سىرتقا شىعۋىنداعى تيپتىك مىسالعا اينالدى.

 گو شياڭياڭ بىلاي دەدى: ءداۋىردىڭ ءۇمىتىن اقتاپ، جاڭا بورىشتى ادا ەتەمىز. الدا حۋاليڭ ونەركاسىپ - ساۋدا (توبى) شەكتى سەرىكتەستىگى باتىس ازيا مەن شىعىس ەۆروپا بازارىن بىرتىندەپ اشۋدى جوسپارلادى، وسى ارقىلى ءوزىن دامىتۋدى جۇزەگە اسىرۋمەن بىرگە، شينجياڭداعى، سونداي - اق ىشكى ولكەلەردەگى اناعۇرلىم كوپ كاسىپورىننىڭ سىرتقا شىعۋىنا دەم بەرەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس