جازدىق دەمالىس اقىرلاسۋ الدىندا تۇر، كەشە ءتىلشىنىڭ ءۇرىمجى قالالىق وقۋ-اعارتۋ مەكەمەسىنەن ۇعىسۋىنشا، 8-ايدىڭ 26-كۇنى ءۇرىمجى قالاسىنداعى ورتا-باستاۋىش مەكتەپ وقۋشىلارى تىزىمدەلىپ، 8-ايدىڭ 27-كۇنى وقۋ باستايدى ەكەن.
ءۇرىمجى قالالىق وقۋ-اعارتۋ مەكەمەسى ءارقايسى ورتا-باستاۋىش مەكتەپتەردىڭ جاڭا وقۋ ماۋسىمىنىڭ دايىندىق قىزمەتىن، ءارقايسى مەكتەپتەر جاڭا وقۋ ماۋسىمىنىڭ وقۋ باستاۋ قىزمەتىن جاقسى ىستەۋدى، جۇمىس ءبولىسىن انىق ورنالاستىرىپ، قىزمەتكەرلەردى تياناقتاندىرىپ، قاتىستى ادامداردى ۇيىمداستىرىپ، مەكتەپكە الدىن الا بارىپ، مەكتەپ اۋلاسى تازالىعىن ويداعىداي ىستەپ، وقۋلىقتاردى جەتكىزۋ، اسحانانى ىسكە قوسۋ قاتارلى دايىندىق قىزمەتىن ويداعىداي ىستەۋدى، پايدالانۋعا بەرىلۋ الدىندا تۇرعان جاڭا مەكتەپ قۇرىلىسى (بالاباقشا) جازعى دەمالىستان پايدالانىپ، ىشىندەگى قۇرىلعىلاردى ۋاعىندا كەمەلدەندىرىپ، وقىتۋشىلار كۇشىن تەڭشەۋ قاتارلى قىزمەتتەردى ىستەپ، جاڭا وقۋ ماۋسىمىنىڭ ءساتتى باستالۋىنا كەپىلدىك ەتۋدى تالاپ ەتتى ءارى ورتا-باستاۋىش مەكتەپ وقۋشىلارىنا، جايشىلىقتا مەكتەپكە باراتىن ۋاقىت بويىنشا تۇرىپ، دەمالىس، ۇيرەنۋ، سپورتتى قاعيدالى ورنالاستىرۋ ارقىلى وقۋ باستالعاننان كەيىنگى تۇرمىسقا ۇيلەسۋدى ەسكەرتتى.
قىسقى دەمالىسقا 2019-جىلى 1-ايدىڭ 20-كۇنىنەن باستاپ دەمالادى.
