لوپنۇردىڭ ماي نانى (سۋرەتپەن قامداعان لوپنۇر اۋداندىق پارتكوم ۇگىت ءبولىمى)
8-ايدىڭ 13-كۇنى، لوپنۇر اۋدانى داشى قىستاعى نان سەلبەستىك كووپەراتيۆىنە كەلسەڭىز، كووپەراتيۆ مۇشەلەرى وزگەشە نان پىسىرىپ، الدا بولاتىن لوپنۇر تۇڭعىش كەزەكتى نان مادەنيەت مەرەكەسىنە دايىندالىپ جاتقانىن كورەسىز.
8-ايدىڭ 18-كۇنى، لوپنۇر اۋدانى تۇڭعىش كەزەكتى نان مادەنيەتى مەرەكەسى داشى ۇلتتىق سالت-سانا باقشاسى كوشەسىندە شىمىلدىعىن اشادى. لوپنۇر اۋدانى تۇڭعىش كەزەكتى نان مادەنيەت مەرەكەسى جەلىلەس قيمىلى ايگىلى ماركا تانىستىرۋ، «نان پاتشاسىنا» تالاسۋ جارىسى، «مەن لوپنۇر نانىنا جارشى بولامىن»، نان مايداندا ساتۋ جانە ساياحات ونىمدەر كورمەسى سىندى قيمىلداردان قۇرالادى، نان مادەنيەتى مەرەكەسى كيىم-كەشەك كورمەسى مەن ۇلتتىق ءان-ءبي ارقىلى دا ساياحاتشىلارعا لوپنۇرلىقتار مادەنيەتىن تولىق ايگىلەيدى.
بۇل رەتكى مادەنيەت مەرەكەسىندە، قاتىناسۋ مولشەرىن جوعارىلاتۋ ءۇشىن، ساياحاتشىلار ناندى باستى تاقىرىپ ەتكەن وتكەلدەن ءوتۋ قيمىلدارىنا قاتىناسۋىنا بولادى، ءاربىر كەزەڭىندە وتكەلدەن وتكەن ناتيجەسىنە قاراي قاتىستى ءمور بەرىلەدى، ءمور سانى كوپ بولعان سايىن «نان پاتشاسىنا» جاقىنداي تۇسەدى، ەگەر بارلىق ءتۇردى ورىنداسا «نان پاتشاسى» بولادى، ناق مايداندا توسىن سيمەن سيلانادى.
بۇدان سىرت، جەرگىلىكتى نان كاسىبىن جوسپارلاندىرىپ، تۇتاس اۋدانداعى شارۋالاردىڭ اۋقاتتانۋ جولىنا ءتۇسۋى ءۇشىن، وسى رەتكى مادەنيەت مەرەكەسى ناق مايدانىندا ەكى الەۋمەتتىك تاۋار ماركاسىن جاريالايدى.
ۇعىسۋعا قاراعاندا، نان — لوپنۇردىڭ وزگەشە اۋىل شارۋاشىلىق ونىمدەرىنىڭ ءبىرى ەكەن. لوپنۇر اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى جاڭ شيڭجيڭ بىلاي دەدى: «كوزالدا، لوپنۇر اۋدانىنىڭ ساياحات كاسىبىنىڭ دامۋىمەن ۇشتاستىرىپ، ءبىز ‹لوپنۇردىڭ ماي نانىن› ساياحات ءونىمى ەتىپ، لوپنۇر اۋداندىق تۇڭعىش كەزەكتى نان مادەنيەتى مەرەكەسىن وتكىزىپ، ‹لوپنۇردىڭ ماي نانىن› تۇتاس ەلىمىزگە جالپىلاستىرىپ، ءبىر تۇتاس ولشەم ارقىلى ماركا جاراتىپ، كووپەراتيۆتى نان كاسىبىنىڭ بىرتىندەپ ولشەمدەسۋىنە، تۇلعالانۋىنا، ماركاعا اينالۋىنا جەتەكشى ەتىپ، قاتىستى كاسىپ سالالارىنىڭ دامۋىنا، جەرگىلىكتى ەڭبەككۇشتەردىڭ كاسىپتەنۋىنە، شارۋالاردىڭ اۋقاتتانۋ جولىنا تۇسۋىنە جەتەكشىلىك ەتۋدى جوسپارلاپ وتىرمىز».
ساناققا نەگىزدەلگەندە، لوپنۇر اۋدانىندا 86 ناۋايحانا بار، بۇنىڭ ىشىندە تۇلعالانعان سەلبەستىك كووپەراتيۆتەن 8 ى بار، 2018-جىلدىڭ الدىڭعى جارىم جىلىندا، لوپنۇر اۋدانى سىرتقا 320 توننا، ىشىنە قوسپا قوسىلعان ناننان 22 توننا ساتقان، ىشكە جانە سىرتقا وتىنعا پىسىرىلعان ناننان 490 مىڭ دانا، ءسۇت ناننان 132 مىڭ دانا ساتقان بولىپ، جالپى سوما 7 ميلليون 100 مىڭ يۋانعا جەتكەن، 200 دەن استام ادامنىڭ كاسىپتەنۋىنە تىكەلەي جەبەۋشى بولعان، كاسىپتەنۋگە جەبەۋ، كەدەيلىكتى دالمە-ءدال سۇيەمەلدەۋ سىندى جاقتاردا ۇلگىلىك رولىن ساۋلەلەندىرگەن. وسى كەزەكتى نان مادەنيەت مەرەكەسى وتكىزۋدىڭ ماقساتى — لوپنۇر نانىنىڭ ۇزاق تاريحىن تولىق ايگىلەپ، نان كاسىبىنىڭ تەز قارقىنمەن ءونىمدى دامۋىن ىشكەرىلەي جەدەلدەتۋ.
