7 - ايدا ءۇرىمجى - شىعىس جوڭعار جەلىسىنىڭ جۇك تاسىمال مولشەرى بىلتىرعى ۇقساس مەزگىلدەگىدەن %60كە تاياۋ ارتتى
8 - ايدىڭ 14 - كۇنى ساعات 12دەن 20 مينۋت وتكەندە گولمۇت - كورلا تەمىر جولىنىڭ شينجياڭ بولىگىندەگى التىن تاۋ تۋنەلىنىڭ كىرەر اۋزى مەن 1 - ءنومىرلى كولبەۋ تۋنەلىنىڭ گولمۇت باعىتى تۇتاستى. قۇرىلىس جوباداعىدان 76 كۇن بۇرىن ورىندالدى. سۋرەتتى ۋاڭ شياۋيۇي تۇسىرگەن
«7 - ايدا ءۇرىمجى - شىعىس جوڭعار جەلىسىنىڭ جۇك تاسىمال مولشەرى بىلتىرعى ۇقساس مەزگىلدەگىدەن %60كە تاياۋ ارتتى، بۇعان 10 مىڭ توننالىق اۋىر تۇرپاتتى كەزەكشى پويەزدىڭ قوسقان ۇلەسى ايتارلىقتاي بولدى»، - دەدى، جۇڭگو تەمىر جولى ءۇرىمجى تەمىر جول مەكەمەسى توبى شەكتى سەرىكتەستىگى زات تاسىمال باسقارماسىنىڭ ورىنباسار باستىعى شۋە چىڭشي تىلشىگە تانىستىرا.
شىعىس جوڭعار وڭىرىندە كومىردىڭ زاپاس قورى مول، جالپى ۇزىندىعى 264 كيلومەتر كەلەتىن ءۇرىمجى - شىعىس جوڭعار تەمىر جولى دارا جەلىلى تەمىر جول، جەلىنىڭ جۇك جونەلتۋ قابىلەتى كۇنىنە 28 جۇپ جۇك تاسىمال كەزەكشى پويەزىن ىسكە قوسۋ دەڭگەيىنە جەتسەدە، شىعىس جوڭعارداعى كومىر كاسىپورىندارىنىڭ كۇن ساناپ ارتقان تاسىمال قاجەتىن قاناعاتتاندىرا الماي وتىر. بيىل ءۇرىمجى - شىعىس جوڭعار تەمىر جولى 35 ميلليون توننا جۇك تاسىمالداۋى كەرەك، ءۇرىمجى - شىعىس جوڭعار جەلىسى شينجياڭداعى ەڭ ۇلكەن جۇك تاسىمال تەمىر جولىنا اينالدى، بۇل جەلىنى سولتۇستىكتىڭ كومىرىن وڭتۇستىككە جەتكىزۋدىڭ، شينجياڭنىڭ كومىرىن سىرتقا جەتكىزۋدىڭ «كۇرە تامىرى» دەۋگە بولادى. تاسىمالداۋعا ۇيىمداستىرۋ فورماسىندا جاڭالىق اشىپ، 10 مىڭ توننالىق اۋىر تۇرپاتتى كەزەكشى پويەز قاتىناتۋ تاماشا باستاماعا اينالدى.
جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش. جاقىنعى جىلداردان بەرى، رايونىمىز باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە نۇسقاۋلارىنىڭ رۋحىن بەلسەنە دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، جاڭا دامۋ ۇستانىمى ارقىلى ەكونوميكانىڭ جوعارى ساپالى دامۋىنا جەتەكشىلىك ەتتى. شينجياڭنىڭ تەمىر جول تاراۋلارى جاڭا دامۋ ۇستانىمىن ءتۇرلى قىزمەتتەر بارىسىندا دايەكتىلەندىرىپ، تياناقتاندىرىپ، جاڭالىق اشۋ ارقىلى ونىمدىلىككە قول جەتكىزۋ سىندى دامۋ جولىمەن ءجۇردى.
10 مىڭ توننالىق اۋىر تۇرپاتتى كەزەكشى پويەزدىڭ قاتىناۋى − شينجياڭنىڭ تەمىر جول تاراۋلارىنىڭ كوپتەگەن جاڭالىق اشۋ شارالارىنىڭ ءبىرى عانا. شۋە چىڭشي بىلاي دەپ تانىستىردى: 10 مىڭ توننالىق اۋىر تۇرپاتتى ءبىر كەزەكشى پويەزدىڭ تاسىمال قۋاتى 5000 توننالىق ەكى ۇلكەن پويەزدىڭ تاسىمال قۋاتىنا تەڭ، تەمىر جولدىڭ پايدالانىلۋ مولشەرى بۇرىنعىدان 5.1 ەسە جوعارىلادى. 10 مىڭ توننالىق اۋىر تۇرپاتتى ءبىر كەزەكشى پويەزدىڭ تاسىمال قۋاتى 200 جۇك ماشيناسىنىڭ تاسىمال قۋاتىنا تەڭ، ونىڭ ۇستىنە ورتانى قورعاۋ ونىمدىلىگى دە ايتارلىقتاي جاقسى.
2016 - جىلدان باستاپ، شينجياڭنىڭ تەمىر جول تاراۋلارى «ءۇرىمجى - شىعىس جوڭعار جەلىسندە شەشۋشى شايقاس جاساپ، شىحىزىدا تابىسقا جەتۋدى» ورتاعا قويىپ، ءۇرىمجى - شىعىس جوڭعار جەلىسىندە رەفورما جاسادى، تۇيىندەر ارقىلى كولەمگە جەتەكشىلىك ەتىپ، شينجياڭ تەمىر جولىنىڭ جالپىلىق تاسىمال ۇستانىمىندا بۇرىلىس جاساۋدى ىلگەرىلەتتى. وسىدان كەيىن، شينجياڭنىڭ تەمىر جول تاراۋلارى بەلسەنە جاڭالىق اشىپ، دالمە - ءدال ورنالاستىرۋ جاساۋ، قولباسشىلىق ەتۋ ۇلگىسىن جالپىلاستىرۋ، پويەزدىڭ تارتۋ قۋاتىن جوعارىلاتۋ، پاراۆوزداردى ساپالىلاندىرۋ، اينالمالى تاسىمال ۇيىمداستىرۋ، كەزەكشى پويەزدىڭ قارقىنىن جوعارىلاتۋ سياقتى شارالاردان پايدالانىپ، تاسىمالداۋعا ۇيىمداستىرۋ ونىمدىلىگىن ايتارلىقتاي جوعارىلاتىپ، جۇك تاسىمالى ستراتەگياسىندا ماڭىزدى جەتىستىكتەرگە قول جەتكىزدى.
ءوندىرىس ونىمدىلىگىندە جاڭالىق اشتى، 3 جىلدان بەرى، ءۇرىمجى - شىعىس جوڭعار تەمىر جولىنىڭ جۇك تاسىمالى تەز قارقىنمەن ارتىپ، شينجياڭ تەمىر جولىنىڭ جالپىلىق تاسىمال قۋاتىنىڭ جوعارىلاۋىنا جەتەكشىلىك ەتتى. بىلتىر شينجياڭنىڭ تەمىر جول جۇك تاسىمال مولشەرى %42 ارتتى. بيىل شينجياڭ تەمىر جولى تۇتاس جىلدا 127 ميلليون 400 مىڭ توننا جۇك تاسىمالدايدى دەپ مەجەلەنۋدە.
