ءتىلشىمىز گاي يوۋجۇن، ەرىكتى ءتىلشى ۋاڭ ۋي
8 - ايدىڭ 9 - كۇنى شينجياڭ لانشان تۇنحى حيميا ونەركاسىپ جارنا شەكتى سەرىكتەستىگىنە كىرگەنىمىزدە، جاسىل جەلەك جامىلعان ءوندىرىس سەحتارى كوزىمىزگە شالىقتى؛ كورمە زالىندا ۇلكەن زاۆودتىڭ قۇم نۇسقاسى قويىلىپتى، قابىرعاداعى جەر شارى نازارى، گۇلدەنۋدەن بىرگە يگىلىكتەنۋ دەگەن ءسوز نازارىمىزدى اۋداردى. 2008 - جىلى قۇرىلعاننان قازىرگە دەيىن، لانشان تۇنحى سەرىكتەستىگىنىڭ قىزمەتكەرلەرى كۇشتى بورىشتىلىق سەزىممەن، ۇزدىكسىز رەفورما جۇرگىزىپ، جاڭالىق اشىپ، پوليەستەر، سونداي - اق جاڭا ماتەريال تەكتەس PBT، PBS، PET، PTMEG ونىمدەرى ارقىلى باتىس سولتۇستىكتىڭ، سونداي - اق ورتا ازيانىڭ كاسىپ سالاسىنداعى اقتاڭداقتى تولتىردى، ونىمدەرى 14 مەملەكەتكە ەكسپورت ەتىلدى، مۇنىڭ ىشىندە PBT (ينجەنەريالىق سۋلياۋ) سوڭعى 3 جىلدا جالپى 70 مىڭ توننالىق ەكسپورت مولشەرىمەن ەل ىشىندە ەكىنشى ورىندى ۇستادى، PBAT/PBS (بيولوگيالىق ىدىرايتىن شايىر) دىڭ ەكسپورت مولشەرى ەل ىشىندە ءبىرىنشى ورىندى يەلەدى.
العا باسۋ جولىنداعى لانشان تۇنحى شەتەل بازارىن قالاي اشتى؟
شينجياڭ لانشان تۇنحى پوليەستەر شەكتى سەرىكتەستىگىنىڭ ورىنباسار باس مەڭگەرۋشىسى شۇي دۇڭ بىلاي دەدى: ولشەم − كاسىپورىننىڭ تەحنيكالىق دەڭگەيى مەن دەربەس جاڭالىق اشۋ قابىلەتىنىڭ ماڭىزدى بەينەسى، ولشەمدەندىرۋ ستراتەگياسى كاسىپورىننىڭ وزەكتى باسەكەلىك قۋاتىن وسىرۋدەگى شەشۋشى وزەكتى فاكتورعا اينالىپ وتىر. لانشان تۇنحى ونىمدەرى مەملەكەتتىك ولشەم، كاسىپورىن ولشەمى جانە قاريدارلار ولشەمى سىندى 3 ۇلكەن سىننان وتكەندە عانا مەملەكەت قاقپاسىنان شىعا الادى.
لانشان تۇنحىمەن سەلبەسىپ وتىرعان گەرمانيالىق سەرىكتەستىك PBS ءونىمىن ساتىپ الاردا، بالقۋ كورسەتكىشى جونىندە 5.2 − 5.3 تىك ولشەمدى العا قويادى، ال مەملەكەتتىڭ ولشەمى ≥5، بۇل گەرمانيالىق قاريداردىڭ ونىمگە قوياتىن تالابىنىڭ ەل ىشىندەگى الارمانداردان دا قاتال ەكەنىن، مۇنىڭ ءوزى لانشان تۇنحىنى زور سىن - سايىسقا ءدوپ كەلتىرگەندىگىن كورسەتەدى.
يتاليالىق قاريدار العا قويعان «ولشەمگە» جەتۋ ءۇشىن، لانشان تۇنحى ماتەريالدى سىناۋدىڭ پەريودىن 2 جىلعا جەتكىزىپ، 25 كيلوگرامدىق ۇلگىنى تەكسەرۋدەن شاعىن سىناققا، ورتاشا سىناققا دەيىنگى، قايتا - قايتا تەكسەرۋدەن، دالەلدەۋدەن مولداپ وندىرۋگە دەيىنگى بارىستا ۇزدىكسىز جاقسارتىپ، رەتتەپ، جاڭالاپ، اناعۇرلىم ورنىقتى تۇردە «سىرتقا شىعارۋ» ءۇشىن مىعىم نەگىز قالادى.
كەي قاريدارلار ءونىم كورسەتكىشىنىڭ ولشەمگە جەتۋىن تالاپ ەتىپ قانا قويماي، كاسىپورىننىڭ حاۋىپسىزدىكتى باسقارۋ، زاۆود رايونىنىڭ ورتاسى، باسقارۋ ۇستانىمى، ونىمدەردى قوراپتاۋ سياقتى جاقتارىنا تالاپتار قويدى. وسى قاتاڭ تالاپتار كاسىپورىندى ۇزدىكسىز جاڭالىق اشىپ، رەفورما جۇرگىزىپ، ءوزىن كەمەلدەندىرۋگە ماجبۇرلەدى.
شەتەلدىك قاريدارلار العا قويعان ارنايى جاساۋ قاجەتىن قالاي قاناعاتتاندىرۋ كەرەك؟ بۇعان شۇي دۇڭنىڭ جاۋابى: جاڭالىق اشۋعا تاباندى بولىپ، ساتسىزدىكتەرگە توزە ءبىلۋ.
ەڭ اۋەلى، ءونىمدى ازىرلەۋ ءتاسىلى جۇيەسىن ساپالىلاندىرىپ، جاقسارتۋ، ونان سوڭ، ءوندىرىس قۇرىلعى تەحنيكالارىنىڭ شەشۋشى تۇيىندەرىندە قامال الۋ، ەڭ سوڭىندا باۋلۋدى كۇشەيتىپ، عىلىم - تەحنيكا قىزمەتكەرلەرىنىڭ قابىلەتىن ءوسىرىپ، قاريدارلاردىڭ سۇرانىسىنا سايكەسۋ كەرەك، سوندا عانا «ءبىر بەلدەۋ، ءبىر جول» بويىنداعى ەلدەرگە جوعارى ساپالى قۋاتتى، قولدانىلمالى ونىمدەردى ازىرلەپ جانە جان - جاقتى دالمە - ءدال قىزمەت ەتىپ، ءىرى ەل ماڭىزدى قۇرالىنىڭ كەلبەتىن ايگىلەۋگە بولادى.
لانشان تۇنحى ىلۋدە ءبىر كەزىگەتىن «ءبىر بەلدەۋ، ءبىر جول» قۇرىلىسى سىندى تاريحي دامۋ ورايىن مىقتى يگەرىپ، عالامدىق ىقپالعا يە جاڭاشىل كاسىپورىندى قۇردى.
دەربەس جاڭالىق اشۋعا تاباندى بولۋ بازار قارىمجىسىن اكەلدى. شۇي دۇڭ بىلاي دەدى: 2008 - جىلى لانشان تۇنحىنىڭ ساتۋ تۇيىندەرى شينجياڭ جانە باتىس سولتۇستىكتەگى 5 ولكە، اۆتونوميالى رايون بولاتىن، از مولشەردە ورتا ازياعا ەكسپورت ەتەتىن. جاڭا ونىمدەردىڭ اشىلۋىنا بايلانىستى، PBT جانە PBS ونىمدەرى بىرتىندەپ شەتەلدەرگە شىعارىلدى، اسىرەسە، سوڭعى جىلدارى، «ءبىر بەلدەۋ، ءبىر جول» قۇرىلىسىنىڭ ىلگەرىلەتىلۋىنە بايلانىستى، ءبىز سىرتقا شىعارۋ اياق الىسىن تەزدەتتىك، PBT ونىمدەرىنىڭ ەكسپورت مولشەرى ءبىر ەسەگە ارتتى، PBS ونىمدەرىنىڭ نەبارى %5ى عانا ەكسپورت ەتىلەتىن، قازىر %90كە كوتەرىلدى.
بۇرىن جۇڭگو مەن ەۆروپانىڭ ەكسپورت ساۋداسى كوبىندە تەڭىز تاسىمالىنا سۇيەنەتىن. بۇگىندە جۇڭگو - ەۆروپا كەزەكشى پويەزىنىڭ قاتىناۋىنىڭ ناتيجەسىندە ەۆروپا - ازيا قۇرلىعىنداعى ەلدەردىڭ اراسى جاقىنداي ءتۇستى. شينجياڭ لانشان تۇنحى حيميا ونەركاسىپ جارنا شەكتى سەرىكتەستىگىنىڭ ساتۋ ورتالىعى يمپورت - ەكسپورت ءبولىمىنىڭ ورىنباسار مەڭگەرۋشىسى ليۋ شياۋپيڭ 2016 - جىلى شينجياڭدا العاشقى جۇڭگو - ەۆروپا كەزەكشى پويەزى قاتىناعاندا لانشان تۇنحىنىڭ نەبارى 3 جۇك قورابى بار ەكەنىن ەسىنە الدى. بيىل 2 - ايدىڭ 27 - كۇنى «سانجى جاساعان» PBT شايىر ونىمدەرىن تيەگەن «لانشان تۇنحى جۇڭگو - ەۆروپا ارناۋلى پويەزى» تۇڭعىش رەت ءۇرىمجى باتىس ۆوكزالىنان گەرمانيانىڭ دۇيسبۇرگ پورتىنا اتتاندى. نەبارى 2 جىلدا، لانشان تۇنحىنىڭ ارناۋلى پويەزى ءبىر جولدا 41 جۇك قورابىن جونەلتۋ دەڭگەيىنە جەتتى. قازىر كاسىپورىن PBTگە 5000 توننالىق تاپسىرىس قابىلداپ وتىر، مەجەمەن 2 ايدان كەيىن گەرمانياعا تاعى دا ارناۋلى پويەز جونەلتەدى.
«شەتەلدەردەگى <دوستار شەڭبەرى> ۇزدىكسىز كەڭەيۋدە». ليۋ شياۋپيڭ: جۇڭگو - ەۆروپا كەزەكشى پويەزىنىڭ ناتيجەسىندە جەلى بويىنداعى ءتىپتى كوپ ەل «ءبىر بەلدەۋ، ءبىر جولدان» ەرەكشە ءۇمىت كۇتتى، − دەدى.
«13 - بەسجىلدىق» جوبادان «14 - بەسجىلدىق» جوباعا دەيىنگى مەزگىلدە لانشان تۇنحى 22 ميلليارد 700 ميلليون يۋان قارجى قوسىپ، BDO نەگىزدىك حيميا ونەركاسىپ ماتەريالدارىن وزەك ەتكەن شونجى «لانشان تۇنحى نازىك حيميا ونەركاسىپ كاسىپ باقشاسى» مەن PBS ىدىراۋ ماتەريالدارىن وزەك ەتكەن سانجى «بيولوگيالىق جاڭا ماتەريالدار عىلىم - تەحنيكا كاسىپ باقشاسى» سىندى ميلليون توننالىق دەڭگەيدەگى 2 كاسىپ باقشاسىن قۇرادى. 2 كاسىپ باقشاسى باسىمدىقتار ارقىلى ءبىرىن - ءبىرى تولىقتاۋى، ءبىر - بىرىنە سۇيەنۋى ارقىلى، جوعارى مەن تومەننىڭ ءبىر تۇلعالانىپ بىرگە دامۋىن جۇزەگە اسىرادى.
شەكسىز كەتكەن جىبەك جولىندا بۇرىنعىلاردان قالعان مۇرا جاتىر. «ءبىر بەلدەۋ، ءبىر جول» ۇستانىمنان قيمىلعا، باستامادان ورتاق تانىمعا، ارماننان رەالدىققا اينالىپ، مول جەتىستىكتەرگە جەتىپ، دۇنيە ءجۇزى اۋقىمىنا تەرەڭ ىقپال تۋدىردى. «ءبىر بەلدەۋ، ءبىر جول» باستاماسىنىڭ زور ىقپالىنا سايكەس، لانشان تۇنحى «ءبىر بەلدەۋ، ءبىر جولدىڭ» جۇردەك كولىگىمەن تىڭعىلىقتى شارالار ارقىلى، «ءبىر بەلدەۋ، ءبىر جولدىڭ» دامۋىنىڭ وراسان زور ساۋدا ورايىن دۇنيە جۇزىمەن بولىسەدى.
