ءتىلشىمىز شيە حۇيبيان 8 - ايدىڭ 14 - كۇنى ۇرىمجىدەن حابارلايدى. جىبەك جولى ەكونوميكالىق بەلدەۋى دامۋعا جاڭالىق اشۋ ارقىلى دەم بەرۋ سىناق رايونى قۇرىلىسى قىزمەتىن ىلگەرىلەتۋ ءماجىلىسى 8 - ايدىڭ 14 - كۇنى ۇرىمجىدە اشىلدى. ءماجىلىس 2 جىلدان بەرى شينجياڭنىڭ جاڭالىق اشۋ سىناق رايونى قۇرىلىسىندا قول جەتكىزگەن ناتيجەلەرى مەن تاجىريبەلەرى جونىندە قورىتىندى جاساپ، پىكىر اۋىستىردى، كەلەر ساتىداعى قىزمەت جوسپارىنا تالداۋ جۇرگىزىپ، بايلام جاسادى، سونداي - اق جاڭالىق اشۋ سىناق رايونى قۇرىلىسىنا باسشىلىق ەتۋ گرۋپپاسىنىڭ سىناق رايونى قۇرىلىسى قىزمەتى جونىندەگى قاتىستى ورنالاستىرۋلارىن دايەكتىلەندىرۋ تۋرالى ناقتى تالاپتار قويدى.
ءماجىلىس مىنالاردى باسا دارىپتەدى: شينجياڭنىڭ جاڭالىق اشۋ سىناق رايونى قۇرىلىسى عىلىم - تەحنيكادا جاڭالىق اشۋ سىندى ۇيتقىنى ارقاۋ ەتىپ، تۇتاستاي جۇيەلى رەفورما جاساۋدى، جاڭالىق اشۋدى ورنالاستىرىپ، جاڭالىق اشا دامۋعا تاماشا جاڭالىق اشۋ ەكولوگياسىن ورناتىپ، باتىس وڭىردەگى دامۋى كەنجە وڭىرلەردىڭ جاڭالىق اشا دامۋىندا ۇلگى بولاتىن، ۇيرەنۋگە بولاتىن تابىستى نۇسقا قالىپتاستىرۋ كەرەك. جاڭالىق اشۋ سىناق رايونى قۇرىلىسى ارقىلى تۇزىلىستە، مەحانيزمدە جاڭالىق اشۋدى قامال الۋ ءتۇيىنى ەتىپ، وزەكتى رايونداعى تۇرلىشە يقۋات وڭىرلەرىن ءبىر - بىرىمەن بايلانىستىرىپ، سايكەستىرىپ، جاڭالىق اشۋ بايلىعىن اناعۇرلىم بىرىكتىرىپ، جاڭالىق اشۋ كۇشىن ۇيىستىرىپ، جاڭالىق اشاتىن دارىندىلاردى توپتاپ، وزەكتى رايون قۇرىلىسىنىڭ تەز قارقىنمەن كۇش سالۋىنا تىرەك بولاتىن قوزعالتقىشتى قالىپتاستىرۋ كەرەك.
ءماجىلىس مىنالاردى تالاپ ەتتى: شينجياڭنىڭ جاڭالىق اشۋ سىناق رايونى قۇرىلىسى قىزمەتىندە باتىلدىقپەن رەفورما جاساپ، الدىمەن اتقارىپ، الدىمەن سىناق ەتۋ كەرەك، بىرىنشىدەن، مەملەكەتتىڭ عىلىم - تەحنيكا ءتۇزىلىسى رەفورماسىن تەرەڭدەتۋ، عىلىم - تەحنيكا تابىستارىن كادەگە جاراتۋدى تەزدەتۋ سياقتى ءبىر قىدىرۋ كەلەلى ساياساتتاردى جەتكىلىكتى قولدانۋ كەرەك؛ ەكىنشىدەن، بەيجيڭ جۇڭگۋانسۇنىنىڭ، شىنجىن دەربەس يگىلىك قۇرۋ رايوننىڭ تابىسقا جەتكەن رەفورما تاجىريبەلەرى مەن ساياسات شارالارىنان ۇلگى الۋ، ۇيرەنۋ كەرەك؛ ۇشىنشىدەن، اۆتونوميالى رايوننىڭ الدەقاشان جاريالانعان «شينجياڭنىڭ 18 تارماقتى پىكىرى»، «عىلىم - تەحنيكا تابىستارىن كادەگە جاراتۋعا قاتىستى 9 تارماق»، «بولىسكە سالۋ ساياساتىنا قاتىستى 11 تارماق» سياقتى جاڭالىق اشۋ ساياساتتارىن ۋاقىتتى مىقتى ۇستاپ تياناقتاندىرۋ كەرەك. «بەس جەر، جەتى باقشا» باتىلدىقپەن ۇستىنە الىپ، الدىمەن ارەكەتتەنىپ، جاڭالىق اشۋ ءتۇزىلىسى، مەحانيزمى رەفورماسىن تەرەڭدەتۋ كەرەك.
اۆتونوميالى رايوننىڭ باسشىلارىنان ەركىن تۇنياز، ۋاڭ يۇڭميڭ ماجىلىسكە قاتىناستى.
