ءتاڭىرتاۋ تورابى   ›   جاڭالىقتار   ›   شۋجي ەستەلىگى

اۆتونوميالى رايوندىق مۇگەدەكتەر بىرلەستىگىنىڭ 7 - قۇرىلتايى ۇرىمجىدە وتكىزىلدى

  چىن چۋانگو، جاڭ حايدي، شوكىرات زاكىر، شاۋكەت يمىن، نۇرلان ءابىلماجىن ۇلى، سۇن جينلۇڭ، جۋ حايلۇن، لي پىڭشين قاتىستى قيمىلدارعا قاتىناستى

  اۆتونوميالى رايوندىق مۇگەدەكتەر بىرلەستىگىنىڭ 7 - قۇرىلتايى 8 - ايدىڭ 14 -، 15 - كۇندەرى ۇرىمجىدە وتكىزىلدى. سۋرەتتە: 8 - ايدىڭ 14 - كۇنى اۆتونوميالى رايوندىق پارتكومنىڭ شۋجيى چىن چۋانگو، جۇڭگو مۇگەدەكتەر بىرلەستىگى 6 - كەزەكتى ءتوراعالار القاسىنىڭ ءتوراعاسى جاڭ حايدي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى باسشىلار قۇرىلتايعا قاتىناسقان ۋاكىلدەرمەن كەزدەستى. سۋرەتتى ءتىلشىمىز سۇي جىجيان تۇسىرگەن

  تىلشىلەرىمىز ياۋ تۇڭ، دۇڭ شاۋحۋا، يۋان لەي، ميھىرگۇل ناسىر 8 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق مۇگەدەكتەر بىرلەستىگىنىڭ 7 - قۇرىلتايى 8 - ايدىڭ 14 - ، 15 - كۇندەرى ۇرىمجىدە وتكىزىلدى.

  قۇرىلتايدىڭ الدىندا، اۆتونوميالى رايوندىق پارتكومنىڭ شۋجيى چىن چۋانگو، جۇڭگو مۇگەدەكتەر بىرلەستىگى 6 - كەزەكتى ءتوراعالار القاسىنىڭ ءتوراعاسى جاڭ حايدي، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتارلىلار ۋاكىلدەرمەن كەزدەستى ءارى ەستەلىك سۋرەتكە ءتۇستى.

  چىن چۋانگو اۆتونوميالى رايوندىق پارتكوم مەن ۇكىمەت اتىنان قۇرىلتايدىڭ اشىلعانىن قىزۋ قۇتتىقتاپ، بۇكىل رايونىمىزداعى قالىڭ مۇگەدەكتەردەن، سونداي - اق ولاردىڭ تۋىس - تۋعاندارىنان جانە مۇگەدەكتەر قىزمەتكەرلەرىنەن شىنايى حال سۇرادى، مۇگەدەكتەر ىسىنە كوڭىل بولگەن، ونى قولداعان قوعامداعى ءار سالا قايراتكەرلەرگە شىن جۇرەكتەن العىس ايتتى. چىن چۋانگو بىلاي دەدى: مۇگەدەكتەر ءىسى − جۇڭگوشا سوتسياليزم ءىسىنىڭ ماڭىزدى قۇرامداس ءبولىمى. بۇكىل رايونىمىزداعى قالىڭ مۇگەدەكتەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدى، تياناقتاندىرۋدى ارقاۋ ەتىپ، ءوزىن قاستەرلەپ، وزىنە سەنىپ، ءوزىن الۋەتتەندىرىپ، ءوزىن ەڭسەلەندىرىپ، تۇرمىستىڭ سىن - سايىسىن ەرلىكپەن قارسى الىپ، ارماندى جۇزەگە اسىرۋ جولىندا قايسارلىقپەن قۇلشىنىپ، شينجياڭنىڭ ورنىقتىلىق، دامۋ ىستەرىنە بەلسەندى ۇلەس قوستى. بۇكىل رايونىمىزداعى ءار دارەجەلى مۇگەدەكتەر بىرلەستىگى ۇيىمدارى مەن قالىڭ مۇگەدەكتەردىڭ وسى جولعى قۇرىلتايدىڭ اشىلۋىن وراي ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، باس نىساناعا قىزمەت ەتىپ، باس نىسانانى تياناقتاندىرىپ، وزدەرىن تالماي الۋەتتەندىرىپ، قاجىرلىلىقپەن كۇرەس جۇرگىزىپ، رايونىمىزدىڭ مۇگەدەكتەر ءىسىنىڭ جاڭا داۋىردە تىڭ ساتىعا ۇزدىكسىز كوتەرىلۋىن قۇلشىنا ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا جاڭا ءارى ءتىپتى زور ۇلەس قوسۋىن ءۇمىت ەتەمىن.

  جاڭ حايدي ارناۋ سوزىندە بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مۇگەدەكتەر ىسىنە وسكەلەڭ ءمان بەرىپ، مۇگەدەكتەردىڭ دوڭگەلەك داۋلەتكە قادام تاستاۋ بارىسىن تەزدەتەتىن ءبىر قىدىرۋ كەلەلى ورنالاستىرۋلار جاسادى. اۆتونوميالى رايوندىق پارتكوم مەن ۇكىمەت ءتۇرلى ءادىس - امالدارمەن مۇگەدەكتەردىڭ قيىن ماسەلەلەرىن شەشىپ، ولارعا ناقتى ىستەر ىستەپ، باق - ىرىس جەتكىزىپ، مۇگەدەكتەر ءىسى ءتۇرلى جاقتاردا كورنەكتى ناتيجەلەرگە قول جەتكىزدى. اۆتونوميالى رايونداعى ءار دارەجەلى مۇگەدەكتەر بىرلەستىگى مەن مۇگەدەكتەر قىزمەتكەرلەرىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، ورتالىقتىڭ پارتيانىڭ بۇقارالىق توپتار قىزمەتى جونىندەگى ءماجىلىسىنىڭ رۋحىن مۇقيات دايەكتىلەندىرىپ، ساياسيلىقتى، العاباسارلىقتى، بۇقارالىقتى كۇشەيتىپ، جاڭا داۋىردە مۇگەدەكتەر ءىسىن دامىتۋدىڭ ماڭىزدى بورىشىن ارقالاپ، پارتيا مەن ۇكىمەتتىڭ مۇگەدەكتەرمەن بايلانىس ورناتۋداعى كوپىرلىك، دانەكەرلىك رولىن شىن مانىندە ساۋلەلەندىرىپ، ۋاكىلدىك، قىزمەت وتەۋ، باسقارۋ فۋنكتسياسىن ويداعىداي وتەپ، مۇگەدەكتەرگە بار ىنتا - پەيىلمەن قىزمەت ەتىپ، مۇگەدەكتەردىڭ دامۋعا تەڭ تۇرعىدا ات سالىسۋىن جانە توعىسۋىن جەبەپ، شينجياڭنىڭ مۇگەدەكتەر ءىسىنىڭ جەدەل دامۋىن ىلگەرىلەتۋىن ءۇمىت ەتەمىن. مۇگەدەك اعا - باۋىر، اپەكە - سىڭلىلەردىڭ وزدەرىن الۋەتتەندىرىپ، ەڭسەلەندىرىپ، ەرلىكپەن ىلگەرىلەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭ قۇرۋعا بەلسەندى ۇلەس قوسۋىن ءۇمىت ەتەمىن.

  شوكىرات زاكىر سوزىندە بىلاي دەپ اتاپ كورسەتتى: وتكەن 5 جىلدا رايونىمىزدىڭ مۇگەدەكتەر ءىسى تاريحي سيپاتتى قادام تاستاپ، كورنەكتى جەتىستىكتەرگە قول جەتكىزدى. بۇكىل رايونىمىزدىڭ قامتاماسىز ەتۋ جانە قىزمەت ەتۋ ورەسى كورنەكتى تۇردە جوعارىلادى، مۇگەدەكتەردى ءتۇسىنۋ، مۇگەدەكتەرگە قۇرمەت ەتۋ، مۇگەدەكتەرگە كوڭىل ءبولۋ، مۇگەدەكتەرگە كومەكتەسۋدىڭ قوعامدىق رايى اناعۇرلىم كۇشەيدى، مۇگەدەكتەر قىزمەتىنىڭ نەگىزى اناعۇرلىم نىعايدى، مۇگەدەكتەردىڭ تىرشىلىك ەتۋ، دامۋ جاعدايى كورنەكتى تۇردە جاقساردى، بۇكىل رايونىمىزداعى قالىڭ مۇگەدەكتەر بەلسەنە العا ۇمتىلىپ، كۇش سالا سايىسىپ، رايونىمىز ەكونوميكاسىنىڭ جوعارى ساپالى دامۋىن ىلگەرىلەتۋگە، قوعامنىڭ جاراسىمدىلىعى مەن ورنىقتىلىعىن قورعاۋعا، ۇلتتار ىنتىماعى العاباسارلىعىن جەبەۋگە ماڭىزدى ۇلەس قوستى. شوكىرات زاكىر مىنالاردى اتاپ كورسەتتى: جەر - جەر، تاراۋلار مۇگەدەكتەر ءىسىن دامىتۋ سەنىمى مەن بەكىمىن نىعايتىپ، وسى بۇلتارماس قوعامدىق جاۋاپكەرلىكتى ىرىقتىلىقپەن ۇستىنە الىپ، جۇڭگو مۇگەدەكتەر بىرلەستىگىنىڭ قولداۋى مەن كومەگىندە، رايونىمىزدىڭ مۇگەدەكتەر ءىسىنىڭ دامۋىنىڭ جاڭا جاعدايىن كۇش سالا اشۋى كەرەك. ساياسي دەڭگەيدى جوعارىلاتىپ، «ءتورت تانىمدى» مىقتاپ ورناتىپ، باس شۋجي شي جينپيڭنىڭ مۇگەدەكتەر ءىسىن دامىتۋ جونىندەگى ماڭىزدى نۇسقاۋىن باتىل دايەكتىلەندىرىپ، پارتيا ورتالىق كوميتەتىنىڭ مۇگەدەكتەر ءىسى جونىندەگى شەشىم - ورنالاستىرۋلارىنىڭ تەرەڭ تامىر تارتۋىن ىلگەرىلەتۋ؛ حالىقتى وزەك ەتكەن دامۋ يدەياسىنا تاباندى بولىپ، دامۋ بارىسىندا حالىق تۇرمىسىن قامتاماسىز ەتىپ جانە جاقسارتىپ، ءاربىر مۇگەدەكتىڭ قوعامنىڭ العا باسۋى اكەلگەن كوركەم تۇرمىستان يگىلىكتەنۋىن شىن مانىندە قامتاماسىز ەتۋ؛ نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، اۆتونوميالى رايوندىق پارتكومنىڭ لاڭكەستىككە قارسى تۇرۋ، ورنىقتىلىقتى قورعاۋ شارالارىن ويداعىداي تياناقتاندىرىپ، ورنىقتىلىقتىڭ پايداسىن ۇزدىكسىز ايگىلەپ، مۇگەدەكتەر ءىسىنىڭ دامۋىنا تاماشا ورتا ازىرلەۋ؛ كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزىپ، جەڭىسپەن جۇرگىزىپ، «مۇگەدەكتىكتەن كەدەيلەسۋ» ماسەلەسىن كورنەكتى تۇردە شەشىپ، مۇگەدەكتەردىڭ جۇمىسقا ورنالاسىپ كىرىستى ارتتىرۋىن ءتۇرلى ءادىس - امالدارمەن جەبەپ، مۇگەدەكتەردىڭ بۇكىل ەل حالقىمەن بىرگە دوڭگەلەك داۋلەتكە جەتۋىن قۇلشىنا جۇزەگە اسىرۋ كەرەك.

  اۆتونوميالى رايوندىق وداق كوميتەتى بۇقارالىق توپ، ۇيىمدار اتىنان قۇتتىقتاۋ ءسوزىن سويلەدى. باۋىرلاس ولكە، قالالاردىڭ مۇگەدەكتەر بىرلەستىكتەرى قۇرىلتايدىڭ اشىلۋىنا ارناپ قۇتتىقتاۋ تەلەگرامماسىن جولدادى.

  قۇرىلتاي «اۆتونوميالى رايوندىق مۇگەدەكتەر بىرلەستىگى 6 - كەزەكتى ءتوراعالار القاسىنىڭ قىزمەت بايانداماسىن» تالقىلاپ ماقۇلدادى؛ اۆتونوميالى رايوندىق مۇگەدەكتەر بىرلەستىگى 7 - كەزەكتى باسشىلىق قۇرىلىمىنىڭ مۇشەلەرىن سايلادى، شوكىرات زاكىر اۆتونوميالى رايوندىق مۇگەدەكتەر بىرلەستىگى 7 - كەزەكتى ءتوراعالار القاسىنىڭ قۇرمەتتى ءتوراعاسى، سارقىت اقان ۇلى، گۇلشات ابدىقادىر، يلحام سابىر قۇرمەتتى ورىنباسار ءتوراعاسى بولدى، جاروللا يسامدين اۆتونوميالى رايوندىق مۇگەدەكتەر بىرلەستىگى 7 - كەزەكتى ءتوراعالار القاسىنىڭ ءتوراعاسى بولدى، جاڭ حاييان اۆتونوميالى رايوندىق مۇگەدەكتەر بىرلەستىگى اتقارۋ القالار كەڭەسىنىڭ باستىعى بولدى. قۇرىلتاي تاعى اۆتونوميالى رايونىمىزدان جۇڭگو مۇگەدەكتەر بىرلەستىگىنىڭ مەملەكەتتىك 7 - قۇرىلتايىنا قاتىناساتىن ۋاكىلدەردى سايلادى.

  اۆتونوميالى رايون باسشىلارىنان شۇي حايرۇڭ، ەركىن تۇنياز، تيان ۋىن، سارقىت اقان ۇلى، ياڭ شين، جاڭ چۇنلين، گۇلشات ابدىقادىر، جاروللا يسامدين، يلحام سابىر جەكە - جەكە جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى