تيانشان تورى   ›   جاڭالىقتار   ›   شينجياڭ حابارلارى

جاڭ حايدي مۇگەدەك باۋىرلاستاردى ءوز كۇشىنە سۇيەنۋگە، ءوزىن الۋەتتەندىرۋگە شابىتتاندىردى

  كۇرەس ارقىلى تاعدىرىمىزدى وزگەرتىپ، ارمانىمىزدى ىسكە اسىرايىق

  ءتىلشىمىز ميھىرگۇل ناسىر 8 - ايدىڭ 15 - كۇنى ۇرىمجىدەن حابارلايدى. «ءجۇز رەت سۇرىنسەڭ دە ءجۇز ءبىرىنشى رەتىندە قايتا تۇرۋىڭ كەرەك»، «قاناتىڭ سىنسا دا، كوڭىلىڭ شارىقتاۋ كەرەك»، «ورنىمنان تۇرا السام ءبي بيلەيتىن ەدىم، راس ايتام، بۇل مەنىڭ كوڭىل تۇكپىرىمدەگى ەڭ ۇلكەن ارمانىم...» جۇڭگو مۇگەدەكتەر بىرلەستىگىنىڭ 6 - كەزەكتى ءتوراعالار القاسىنىڭ ءتوراعاسى جاڭ حايديدىڭ ادامدى جىگەرلەندىرىپ، كۇش - قۋات بەرەتىن سوزدەرى كوپتەگەن مۇگەدەكتەردى شابىتتاندىردى. 8 - ايدىڭ 14 - كۇنى اۆتونوميالى رايوندىق مۇگەدەكتەر بىرلەستىگىنىڭ 7 - قۇرىلتايىنىڭ اشىلۋ ساتىندە جاڭ حايدي ۇرىمجىگە ارنايى كەلىپ قۇرىلتايعا قاتىناستى ءارى 2 كەدەي مۇگەدەك وتباسىنا امانداسىپ، حال سۇراپ، مۇگەدەك باۋىرلاستاردى ءوز كۇشىنە سۇيەنىپ، ءوزىن الۋەتتەندىرىپ، قاجىرلىلىقپەن ۇمتىلىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭ قۇرۋ ءۇشىن ۇلەس قوسۋعا شابىتتاندىردى.

  ءۇرىمجى قالاسى سايباق رايونى حۇڭمياۋزى اۋماعىنا قاراستى فۋشيڭ الەۋمەتتىك اۋماعىندا تۇراتىن دوڭگەلەكتى ورىندىقتا وتىرعان مۇگەدەك ليۋ جياڭحۇڭ جاڭ حايديدىڭ ۇيىنە كەلگەنىن كورىپ اسەرلەنگەنىنەن كوزىنە جاس الدى. «جاڭ حايدي اپايدىڭ ماعان امانداسا كەلگەنىنە كوپ راقىمەت ايتامىن، بەينە ءتۇس كورگەندەي سەزىنىپ تۇرمىن. اۆتونوميالى رايوندىق مۇگەدەكتەر بىرلەستىگى جانە ءۇرىمجى قالالىق مۇگەدەكتەر بىرلەستىگى ماعان دوڭگەلەكتى ورىندىقتى، ءجۇرۋ اسپابىن تەگىن بەردى، سونىمەن بىرگە ءبىزدى دەنساۋلىقتى قالپىنا كەلتىرۋ ماشىعىن جاساۋعا ۇيىمداستىردى، ءجۇرىپ - تۇرۋىما وتە قولايلى بولدى. پارتيانىڭ مۇگەدەكتەرگە بولعان قامقورلىعىنا العىس ايتامىن، مەن سىزدەن ۇيرەنىپ، ءوزىن قۇرمەتتەيتىن، وزىنە سەنەتىن، ءوزىن الەۋەتتەندىرەتىن ادام بولامىن»، - دەدى ليۋ جياڭحۇڭ.

  ءۇرىمجى قالاسى تيانشان رايونى شىچيحۋ جولى تيانشان كاڭجۇييۋان الەۋمەتتىك اۋماعىنداعى احىمەت يمين جانە تۇراگۇل ۇلام اتتى مۇگەدەك ەرلى - زايىپتىنىڭ ادامدى جىگەرلەندىرەتىن اڭگىمەلەرى ەل اراسىندا كەڭىنەن تارالعان ەدى. قاجىرلى دا قايسارلى بۇل ەرلى - زايىپتىلار بار ىنتا - پەيىلدەرىمەن 2 قىزدارىن ايتارلىقتاي تاربيەلەپ شىعادى. 2017 - جىلى 8 - ايدا كىشى قىزى ءۇرىمجى قالاسىنداعى مۇگەدەكتەردىڭ بالالارى اتىنان «بەيجيڭگە بارىپ تۋ شىعارعاندى كورەمىن» قيمىلىنا قاتىناسادى، ۇلكەن قىزى ۇزدىك ناتيجەمەن بەيجيڭ قالاسىنداعى ىشكى ولكە شينجياڭ تولىق ورتا كلاسىنا قابىلدانادى. «پارتيانىڭ قامقورلىعىنا كوپ راقىمەت، ءبىز قىزدارىمىزدى بولاشاقتا قوعامنىڭ ءۇمىتىن اقتاۋعا، ءسوز جوق، جاقسى تاربيەلەيمىز». احىمەت يمين ءسوزىن ايتىپ بولعاننان كەيىن، قولدا تىگىلگەن دوپپانى جاڭ حايديعا ۇسىنىپ جاتىپ: «دوپپاعا اناردىڭ ءدانىنىڭ سۋرەتى تۇسىرىلگەن، ول ەلىمىزدەگى 56 ۇلتتىڭ اناردىڭ دانىندەي تىعىز ۇيىساتىندىعىنىڭ بەلگىسى، ءبىز ۇلتتار ىنتىماعىنىڭ ۇلگىسى بولۋعا قۇلشىنامىز» دەدى. تارتۋدى قولىنا العان جاڭ حايديدىڭ جۇزىنەن كۇلكى ەسىپ بىلاي دەدى: «مەن دوپپانى كەڭسەمە قويامىن، ونى كورگەن سايىن شينجياڭداعى باۋىرلاستارىمدى ساعىنا ەسكە الاتىن بولامىن».

 وسىدان كەيىن جاڭ حايدي قاتارلىلار ءۇرىمجى قالالىق مۇگەدەكتەر بىرلەستىگىنە بارىپ، ءۇرىمجى قالالىق مىلقاۋلار تىلىنە تاربيەلەۋ قۇرىلىمى، سۇيىسپەنشىلىك باقشاسى جابىعۋدان ايىقتىرۋ ورتالىعى، اماناتتاپ كۇتىمدەۋ ءۇيى سياقتى جەرلەردە تەكسەرۋ - زەرتتەۋ جۇرگىزدى. جاڭ حايدي اۆتونوميالى رايونداعى ءار دارەجەلى مۇگەدەكتەر بىرلەستىگىنىڭ جانە مۇگەدەكتەر قىزمەتكەرلەرىنىڭ بار ىنتا - پەيىلىمەن مۇگەدەكتەرگە قىزمەت كورسەتىپ، مۇگەدەكتەر قىزمەتىنىڭ اقاۋسىز دامۋىن ىلگەرىلەتۋىن ءۇمىت ەتتى. قالىڭ مۇگەدەك باۋىرلاستاردىڭ تالىقپاي تالپىنىپ، كۇرەسكەرلىكپەن ارماندارىن بەتكە الىپ، باقىتتى تۇرمىسقا قول جەتكىزۋىن ءۇمىت ەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى