ءتىلشىمىز چىن چياڭۋي 8 - ايدىڭ 15 - كۇنى ۇرىمجىدەن حابارلايدى. 6 - كەزەكتى جۇڭگو − ازيا - ەۆروپا كورمەسىنىڭ اتقارۋ القاسىنان ۇعىسۋعا قاراعاندا، قازىرگە دەيىن ەلىمىزدىڭ ءىشى - سىرتىنان 700دەن اسا كاسىپورىن 6 - كەزەكتى جۇڭگو − ازيا - ەۆروپا كورمەسىنە قاتىناسۋدى ۇيعارعان. مۇندا 61 كاسىپورىن الەمدىك 500 قۋاتتى كاسىپورىن، جۇڭگوداعى 500 قۋاتتى كاسىپورىن جانە كاسىپ سالاسىنىڭ سەركە كاسىپورنى.
وسى كەزەكتى كورمەگە الەمدىك 500 قۋاتتى كاسىپورىننان، جۇڭگوداعى 500 قۋاتتى كاسىپورىننان ميكروسوفت، دەلل عىلىم - تەحنيكا سەرىكتەستىگى، جونسون، كاتەرپيلار سەرىكتەستىگى، حونيۋەل حالىقارالىق سەرىكتەستىگى، حۋاۋي، جيڭدۇڭ، جۇڭليانجۇڭكى سياقتى كاسىپورىندار قاتىناسادى، مۇندا ءبىر قىدىرۋ كاسىپورىندار جۇڭگو − ازيا - ەۆروپا كورمەسىنە تۇڭعىش رەت قاتىناسادى.
8 - ايدىڭ 15 - كۇنى شينجياڭ حالىقارالىق كورمە ىستەرى مەكەمەسى پارتيا باسشىلىق گرۋپپاسىنىڭ جاۋاپتىسى ءادىلجان داۋۇت تىلشىگە بىلاي دەپ تانىستىردى: «بۇرىنعى كەزەكتى جۇڭگو − ازيا - ەۆروپا كورمەلەرىمەن سالىستىرعاندا، وسى رەت كورمەگە قاتىناساتىن الەمدىك 500 قۋاتتى كاسىپورىننان، جۇڭگوداعى 500 قۋاتتى كاسىپورىننان، كاسىپ سالاسىنىڭ سەركە كاسىپورىننان قاتىناساتىنداردىڭ سانى ەڭ كوپ، كولەمى ەڭ كەڭ بولىپ، كورمەنىڭ حالىقارالانۋ، ايگىلى ماركالانۋ ورەسى اناعۇرلىم جوعارىلاعانىن بەينەلەدى».
ۇعىسۋعا قاراعاندا، الەمدىك 500 قۋاتتى كاسىپورىننان، جۇڭگوداعى 500 قۋاتتى كاسىپورىننان، جەر شارىنداعى ەڭ شوقتىقتى كاسىپورىنداردان جانە كاسىپ سالاسىنىڭ سەركە كاسىپورىندارىنان كورمەگە قاتىناسۋعا شوعىرلى ۇسىنىس ەتۋ 6 - كەزەكتى جۇڭگو − ازيا - ەۆروپا كورمەسىنىڭ ساۋداگەر شاقىرۋ، كورمەگە شاقىرۋ قىزمەتىنىڭ «ساپانى ءوسىرىپ، ونىمدىلىكتى جوعارىلاتىپ، تاڭداۋلى كورمە وتكىزۋىنىڭ» ماڭىزدى بەينەسى.
ءادىلجان داۋۇت بىلاي دەپ تانىستىردى: ءبىز جاڭا دامۋ ۇستانىمىن تاباندىلىقپەن دايەكتىلەندىرىپ، تياناقتاندىرىپ، ساۋداگەر شاقىرۋ، كورمەگە شاقىرۋ قىزمەتىندە تەك كاسىپورىنداردىڭ سانىنا عانا ءمان بەرۋدەن ساۋداگەر شاقىرۋدىڭ ساپاسىنا دا ءمان بەرۋگە بۇرىلىس جاساۋدى جۇزەگە اسىردىق. سونىمەن قاتار، شينجياڭنىڭ كاسىپ سالاسىنىڭ دامۋ ءىس جۇزىندىگىمەن ۇشتاستىرىپ، ءتۇيىندى كاسىپ سالاسىنداعى كاسىپ تىزبەگى تولىق كاسىپورىنداردى كورمەگە قاتىناسۋعا باۋراۋعا ءمان بەردىك.
بيىل دايىندىق جۇمىستارىن ىستەيتىن ورىندار اۋىل شارۋاشىلىعىن كاسىپ سالالاندىرۋ، جوعارى، جاڭا تەحنيكا سياقتى كاسىپورىنداردى ءتۇيىندى تۇردە ەنگىزىپ، وسى كاسىپورىنداردىڭ كورمەگە قاتىناسۋىنان پايدالانىپ، وسى ارقىلى شينجياڭنىڭ ءتۇيىندى سالالارىنداعى كاسىپ تىزبەگىن اناعۇرلىم ساپالىلاندىرىپ جانە كەمەلدەندىرىپ، شينجياڭنىڭ جەرگىلىكتى كاسىپورىندارىنىڭ «سىرتقا شىعۋىن» دەمەمەك.
