وڭتۇستىك اۆياتسيا سەرىكتەستىگى شينجياڭنىڭ اۋە لەنياسى تورىن ورنالاستىرۋدى جەدەلدەتتى
ءتىلشىمىز ما ينيڭ 8 - ايدىڭ 15 - كۇنى گۋاڭجوۋدان حابارلايدى. ءتىلشى 8 - ايدىڭ 15 - كۇنى گۋاڭجوۋدا اشىلعان «وڭتۇستىك اۆياتسيا e ساپارى» ستراتەگيالىق اقپار جاريالاۋ ماجىلىسىنەن جۇڭگو وڭتۇستىك اۆياتسيا توبى شەكتەۋلى سەرىكتەستىگى «ينتەرنەت+» ستراتەگياسىن ىلگەرىلەتىپ، تۇتاس بارىستا ءبىر تۇلعالانعان قىزمەت كورسەتۋ تۇعىرى − «وڭتۇستىك اۆياتسيا e ساپارىن» قۇرىپ، زەردەلىلەندىرۋدى، ەلەكترونداندىرۋدى كۇش سالا ىلگەرىلەتەتىنىن ءارى شينجياڭداعى ورنالاستىرۋدى جەدەلدەتىپ، وزگەشە سارا اۋە لەنياسىن كۇش سالا قۇراتىنىن ۇعىستى.
«ەرەكشە قىزمەت كورسەتۋگە ءوتىنىش بەرۋ، ەلەكتروندى بەلەت ساتۋ... «وڭتۇستىك اۆياتسيا e ساپارى» جىلجىمالى ينتەرنەتتى اۆياتسيالىق ساپاردىڭ تۇتاس بارىسىندا قىزمەت كورسەتۋمەن بىرلەستىرىپ، اۆياتسيالىق ساياحاتتىڭ جوعارعى - تومەنگى كاسىپ سالاسى بايلىقتارىن رەتكە سالىپ، وڭتۇستىك اۆياتسيانىڭ جىلجىمالى قولدانىلمالى ءبىر بەكەتتىك قىزمەت كورسەتۋ تۇعىرىن قۇرىپ، ساياحاتشىلارعا جان - جاقتى قىزمەت كورسەتەدى»، - دەدى وڭتۇستىك اۆياتسيا سەرىكتەستىگى ساتۋ كوميتەتىنىڭ ورىنباسار مەڭگەرۋشىسى، قوسىمشا ەلەكتروندى ساۋدا ءبولىمىنىڭ مەڭگەرۋشىسى حۋاڭ ۋىنچياڭ.
كەلەشەكتە وڭتۇستىك اۆياتسيا قىزمەت كورسەتۋدى ەلەكترونداندىرۋعا ۇزبەي وزگەرىس جاساپ جانە ونىڭ ورەسىن ءوسىرىپ، ادامدى بەت ءپىشىنى ارقىلى تانۋ، زەردەلى ماشينا ادام سياقتى وزىق تەحنيكالاردىڭ جانە ونىمدەردىڭ حالىقتىق تاسىمالداۋ بارىسىنداعى قولدانۋ امالياتى جونىندە بەلسەنە ىزەنىس جاساپ، زەردەلى قىزمەت كورسەتۋ ارقىلى ساپارعا شىعۋدى وڭايلاستىرىپ، ساياحاتشىلاردىڭ ساپارىنىڭ ءساتتى، جايلى بولۋىنا مۇمكىندىك تۋدىرادى.
«بيىلعى العاشقى جارتى جىلدا شينجياڭنىڭ قوعام ورنىقتىلىعىنىڭ ارقاسىندا، ساياحات كاسىبى تەز قارقىنمەن دامىپ، شينجياڭنىڭ ەكونوميكاسىنىڭ جوعارى ساپالى دامۋىنىڭ ماڭىزدى قوزعاۋشى كۇشىنە اينالدى». وڭتۇستىك اۆياتسيا سەرىكتەستىگى شينجياڭ بولىمشە سەرىكتەستىگى بازار ءبولىمىنىڭ مەڭگەرۋشىسى لي جيۋچۋان بىلاي دەپ تانىستىردى: وڭتۇستىك اۆياتسيا سەرىكتەستىگى وسى ورايدى قولدان جىبەرمەي، شينجياڭ بازارىنداعى ۇسىنىلىمدى ونان ارى ارتتىرىپ، قاشقاردا، قۇلجادا، كورلادا تۇنگى تاسىمال قۋاتىن ورنالاستىرىپ، شينجياڭدا ۇلاسپالى ۇشۋ، اينالىپ ۇشۋ لەنيالارىن كوبەيتىپ، شينجياڭداعى اۋەجايلاردى تۇگەلدەي قامتىۋدى ىسكە اسىرادى؛ شىعىس لەنيا بازارىنداعى ۇسىنىلىمدى ارتتىرىپ، كەڭ تۇلعالى ۇشاق ارقىلى بەيجيڭ، شاڭحاي، گۋاڭجوۋ، چىڭدۋ وزەكتى لەنياسىن اشىپ، وڭتۇستىك اۆياتسياسىنىڭ شينجياڭنان ىشكەرى ولكەلەردەگى قالالارعا باراتىن اۋە لەنياسىن 22گە كوبەيتەدى؛ ءۇرىمجى - لاحور لەنياسىن جاڭادان اشىپ، حالىقارالىق اۋە لەنياسىن 17گە كوبەيتەدى. بيىل العاشقى جارتى جىلدا وڭتۇستىك اۆياتسيا سەرىكتەستىگى شينجياڭ بولىمشە سەرىكتەستىگىنىڭ باسقاراتىن ۇشاق سانى 56عا جەتىپ، 37 مىڭ 400 ۇشاق - رەت ۇشىپ، بىلتىرعى سول مەزگىلدەگىدەن %12 ارتتى؛ 4 ميلليون 198 مىڭ ادام - رەت تاسىمالداپ، جۇك تاسىمال مولشەرى 27 مىڭ 300 تونناعا جەتىپ، بىلتىرعى سول مەزگىلدەگىدەن جەكە - جەكە %16.2 جانە %10.2 ارتتى.
قازىر وڭتۇستىك اۆياتسيا سەرىكتەستىگى ۇرىمجىدە «قاعازسىز» تىركەلۋدى ىسكە اسىردى ءارى كەدەننەن وتۋگە قىزمەت كورسەتۋدى جانە اۋەجايدا قىزمەت كورسەتۋدى كۇش سالا سايكەستىرىپ، جاقسارتىپ، توراپتىق اۋىسۋعا قىزمەت كورسەتۋ فۋنكتسياسىن كۇش سالا ساپالىلاندىرۋدا. بيىل سوڭعى جارتى جىلدا وڭتۇستىك اۆياتسيا سەرىكتەستىگى شينجياڭ بازارىنا قاراتا ۇشاقتىڭ سانىن 80گە جەتكىزىپ، بويىن 787 جانە 8MAX-737 ارقىلى تاسىمالداۋدى قامتاماسىزداندىرۋ قابىلەتى قۇرىلىسىن ءتۇيىندى ىلگەرىلەتەدى؛ ءۇرىمجى - قاناس لەنياسىن قايتادان قالپىنا كەلتىرىپ، ءۇرىمجى - نارات لەنياسى سياقتى اۋە لەنيالارىن جيىلەتەدى؛ شينجياڭنان ىشكەرى ولكەلەردەگى قالالارعا توتە باراتىن شىعىس لەنيا تورىن ۇزبەي كەڭەيتىپ، گۋاڭجوۋ لەنياسىن كوبەيتىپ، قىس ماۋسىمىندا حاينان بازارىنا بولعان ۇسىنىلىمدى ارتتىرادى؛ حالىقارالىق لەنيانى كەڭەيتىپ، شي - ان - ءۇرىمجى - دۋباي لەنياسىن اشىپ، ءۇرىمجى - بانگكوك لەنياسىن قايتادان قالپىنا كەلتىرىپ، رەسەي لەنياسىن كوبەيتىپ، گۋاڭجوۋ - ءۇرىمجى - ۆەنا لەنياسىن تەز ارادا اشىپ، شينجياڭنىڭ اۆياتسيا قاتىناس تورىن ونان ارى كەمەلدەندىرەدى.
