تيانشان تورى   ›   جاڭالىقتار   ›   ساياحات

اۆتونوميالى رايونىمىزدا ساياحاتشىلاردىڭ سانى مەن ساياحات جاعىنداعى جالپىلىق تۇتىنۋ ءۇرتىس ارتتى

  7 - ايعا دەيىن، ەل ءىشى - سىرتىنان كەلگەن ساياحاتشىلار 78 ميلليون 335 مىڭ 100 ادام - رەتكە جەتىپ، بىلتىرعى سول تۇستاعىدان% 38.72 ارتتى؛ ساياحات جاعىنداعى جالپىلىق تۇتىنۋ 121 ميلليارد 448 ميلليون يۋانعا جەتىپ، بىلتىرعى سول تۇستاعىدان% 40.72 ارتتى

  ءتىلشىمىز ياۋ گاڭ 8 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق ساياحات ىستەرىن دامىتۋ كوميتەتىنەن ۇعىسۋ قاراعاندا، 2018 - جىلى 1 - ايدان 7 - ايعا دەيىن، اۆتونوميالى رايونىمىزعا ەل ءىشى - سىرتىنان ساياحاتتاي كەلگەندەر 78 ميلليون 335 مىڭ 100 ادام - رەتكە جەتىپ، بىلتىرعى سول تۇستاعىدان %38.72 ارتقان؛ ساياحات جاعىنداعى جالپىلىق تۇتىنۋ 121 ميلليارد 448 ميلليون يۋانعا جەتىپ، بىلتىرعى سول تۇستاعىدان % 40.72 ارتقان. اۆتونوميالى رايونىمىزدا ەل ءىشى - سىرتىنان ساياحاتتاي كەلگەندەردىڭ سانى جانە ساياحات جاعىنداعى جالپىلىق ءۇرتىس ارتقان.

  ساياحاتتىڭ قاۋىرت مەزگىلىندە، اۆتونوميالى رايونىمىزدىڭ جەر - جەرىندەگى كورىنىستىك اۋماقتارىنا ساياحاتشىلار مولىنان ساياحاتتاي باردى، ءىشىنارا كورىنىستىك اۋماقتارىندا بەلەت الا الماي قالاتىن، جاتىن ورىن جەتىسپەي قالاتىن جاعداي جارىققا شىقتى. 8 - ايدىڭ 15 - كۇنى جاڭادان بەزەندىرىلگەن شينجياڭ حالىقارالىق ۇلكەن بازارىنىڭ جاياۋلار كوشەسى اشىلدى دەگەن حابار لەزدە تارالدى، جالپى ۇزىندىعى 800 مەتر كەلەتىن، ءدامدى تاعامدارى مەن كوركەم كورىنىسى قابىسقان جاياۋلار كوشەسى تاماشالاۋشىلار مەن ساياحاتشىلاردى وزىنە باۋرادى. ءۇرىمجى قالاسىنىڭ جەڭىس جولىندا تۇراتىن ۋاڭ يۋەى كورشى - قولاڭدارىمەن بىرگە جاياۋلار كوشەسىنە كەلىپ، ارالاپ شىقتى. «كوشە كەڭ ءارى جارىق، گۇلمەن كومكەرىلگەن، ونىڭ ۇستىنە ول ارادا قويىلعان ءان - ءبي ويىندارى ادامدارعا شىت جاڭا سەزىم باعىشتايدى».

  سامسا، كاۋاپ، پالاۋ، تورە تاباق تاۋىق ەتى... شينجياڭنىڭ ءار ءتۇرلى ءدامدى تاعامدارى ساياحاتشىلاردى بىردەن وزىنە باۋراپ اكەتتى. «ارالاعانىمىزعا جارتى ساعاتتاي بولدى، جايما ورىندارىنىڭ الدى وتىرعان ادامعا لىق تولىپتى، توتەنشە دۋماندى، كوپتەگەن ءدامدى تاعامنان اۋىز تيۋگە بولادى ەكەن، شينجياڭنىڭ كەشى ءتىپتى دە نۇرلانىپ كەتىپتى»، - دەدى 8 - ايدىڭ 16 - كۇنى جاياۋلار كوشەسىنە ساياحاتشىلاي كەلگەن سانشيدان كەلگەن ساياحاتشى چان گاڭ قولىنداعى سامساسىن جەي ءجۇرىپ.

  شينجياڭنىڭ كوركەم تابيعاتى ەل ءىشى - سىرتىنداعى ساياحاتشىلاردى باۋرايتىن جارقىن ءتۇيىن، ال ساياحات جاڭا كاسىبى جاعدايى مەن جاڭا ونىمدەردىڭ ۇزدىكسىز جارىققا شىعۋى اۆتونوميالى رايوننىڭ ساياحات كاسىبىن دامىتۋىنا تىڭ جارقىن تۇيىندەر بولىپ قوسىلدى. مىسالى، التاي تومەن كەڭىستىكتە ساياحاتتاۋ، شيحۋ قالاسى فوشان مەملەكەتتىك ورمان باقشاسىنا سۇيەنىپ، سالاماتتىق ساياحات سياقتى جاڭا ونىمدەردى جالپىلاستىردى.

  قازىر ءوز اۆتوكولىكتەرىمەن ساياحاتتاۋ، ءۇي كولىكپەن ساياحاتتاۋ، قالانى سەرۋەندەپ ساياحاتتاۋ سياقتى ساياحات جاڭا كاسىبى جاعدايى تۇتاس رايونىمىزدىڭ جەر - جەرىندە قارىشتاپ دامىپ، قالىڭ ساياحاتشىلاردىڭ ساياحاتتاۋىنا كوپتەگەن قولايلىلىق تۋدىرىپ قانا قالماستان، اۆتونوميالى رايوننىڭ ساياحات كاسىبىن دامىتۋداعى تىڭ تەبىنگە اينالدى.

  مايتاۋ - كۇشار تاس جولى، شينجياڭ - شيزاڭ تاس جولى، ولكە جولى 101 سياقتى كوركەم كورىنىستىك تاس جولدار ءوز اۆتوكولىكتەرىمەن ساياحاتتاۋشىلاردى كوپتەگەن جولدارمەن ساياحاتتاۋ ورايىنا يە ەتتى. ەركىن ساياحاتتاۋشىلارعا، ءوز اۆتوكولىكتەرىمەن ساياحاتتاۋشىلارعا ءتىپتى جاقسى قىزمەت كورسەتۋ ءۇشىن، 8 - ايدىڭ باسىندا، اۆتونوميالى رايوندىق ساياحات ىستەرىن دامىتۋ كوميتەتى قاتىناس مەڭگەرمەسى، دامۋ جانە رەفورما كوميتەتى، حابارلاسۋ ىستەرىن باسقارۋ مەكەمەسى سياقتى 7 ورىنمەن بىرلەسىپ مايتاۋ - كۇشار تاس جولىن شارلاپ تەكسەرىپ، كولىك توقتاتۋ ورنىن قۇرۋدى، كورىنىستى تاماشالاۋ تۇعىرىن ورناتۋدى جوبالاپ، تاس جول بويىنداعى قىزمەت كورسەتۋ قۇرىلعىلارىن ونان ارى كەمەلدەندىردى.

  اۆتونوميالى رايوننىڭ وسى زامانعى امبەباپ ستەرەولدى قاتىناس جۇيەسى ۇزدىكسىز كەمەلدەنىپ، ساياحاتشىلاردىڭ شينجياڭعا كوپتەپ ساياحاتتاي كەلۋىنە ءتىپتى دە قولايلى شارت - جاعداي ازىرلەدى. 8 - ايدىڭ 13 - كۇنى «جيڭحى ءنومىرلى» ساياحات كەزەكشى ارناۋلى پويەزى حوتان قالاسىنا جەتتى، مىنە بۇل بيىل تيانجيننەن 2 - رەت اتتانعان ساياحات ارناۋلى كەزەكشى پويەزى. ساندى مالىمەتكە قاراعاندا 7 - ايدىڭ 28 - كۇنىنە دەيىن، بيىل شينجياڭعا قاتىناعان ساياحات ارناۋلى پويەزى 68 كەزەككە، سىرت جەرلەردەن شينجياڭعا پويەزبەن ساياحاتتاي كەلگەندەردىڭ سانى 48 مىڭنان اسقان.

  قاشقار كونە قالا كورىنىس رايونىن ساياحاتتاۋشىلاردىڭ، ۇلتتىق ەرەكشەلىكتەگى تاعامجايلاردان تاماقتانۋ، كونە قالا رايونىنداعى تۇرعىنداردان كونە قالانىڭ وتكەنى مەن بۇگىنى جونىندەگى اڭگىمەلەردى تىڭداۋ، ساياحاتشىلاردىڭ وڭتۇستىك شينجياڭنىڭ سالت - ساناسىن ىشكەرىلەي تۇسىنۋىندەگى باستى فورماسىنا اينالعان. ساندى مالىمەت، بيىل قاشقار كونە قالا كورىنىستىك اۋماعىنا كۇنىنە ساياحاتتاي بارعانداردىڭ 5000 ادام - رەتتەن اسقاندىعىن ايگىلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى